Qeveria rrit cmimin e energjise elektrike

[Albo]

Drejtori i KESH-it ka propozuar fillimisht që çmimi i energjisë të rritet 22%, në fillim të vitit të ardhshëm

Qeveria rrit çmimin e dritave

Drejtori i KESH-it, Harasani, ka propozuar që vitin tjetër çmimi i energjisë të rritet 10%

Elda Spaho

Tashmë jo vetëm telefonat. Një fundvit aspak miqësor nuk ka rritur vetëm tarifat e telefonisë fikse brenda Shqipërisë, por edhe ato të energjisë. Në 25-26 dhjetor, sipas drejtorit të përgjithshëm të KESH-it, Andis Harasani, një takim final me Entin Rregullator të Energjisë (ERE) do të fiksojë çmimet e reja të kilovatorëve për 12 muajt në vazhdim. Që, më sa duket do të jenë të paktën 10% më të larta se ato ekzistuese. Të paktën kaq ka propozuar Harasani, para medias.
***
Dhjetë përqindëshi i pohuar nuk ka qenë e para shifër që ka shqiptuar drejtori i KESH-it. Në fakt, përqindja e rritjes së energjisë ka qenë shumë më e lartë se kaq, 22%. Drejtori i KESH-it nuk e zuri atë në gojë para medias, por e kishte bërë këtë në takimin e kërkuar nga vetë ai në orët e paradites me Avokatin e Popullit, Emir Dobjanin dhe drejtorin e Zyrës për Mbrojtjen e Qytetarëve, Kreshnik Spahiu. Një rritje prej 22% për energjinë elektrike iu duk shumë e lartë këtyre të fundit, aq më shumë kur vendimet e Këshilliit të Ministrave janë mjaft të qartë në këtë pikë. Sipas tyre, KESH nuk mund ta rrisë çmimin e energjisë më shumë se 5% brenda një viti.
Kundërshtimet kanë bërë që përqindja e propozuar e rritjes së energjisë të bjerë deri në 10%. Edhe pse kjo e fundit është 2 herë më e lartë se maksimalja e normës së rritjes, sipas ligjit, Harasani ka argumentuar gjithçka me faktin se KESH nuk i ka rritur tarifat e energjisë gjatë 2003. Shoqëria aksionere ka vendosur që ta bëjë këtë njëkohësisht, për të dyja vitet, duke rritur çmimet jo me 5%, por me 10%. Ky ka qenë edhe propozimi i bërë publik para medias.
***
Por ka edhe më. Nëse familjet shqiptare, gjatë 2003-it, kanë patur si kuotë dysheme 300 kilovatorë në muaj, propozimi më i fundit i KESh-it e ul atë në 220 kilovatorë. Me pak fjalë, deri tani familjarët kanë paguar një kilovator me 4.1 lekë (çmimi aktual i energjisë), në rastin kur nuk i kalonin 300 kilovatorët në muaj. Nëse harxhonin më shumë se kaq, e paguanin dyfish energjinë: jo më 4.1 lekë, por 8.8 lekë për çdo kilovatorë. Propozimi i fundit i KESH-it e ka ulur së tepërmi kuotën dysheme. Sipas tij, familjarët duhet ta paguajnë dyfish energjinë sapo kalojnë 220 kilovatorë në muaj.
Sidoqoftë gjithçka është në formën e propozimeve. Ndryshimet e reja dhe njëkohësisht të forta që KESH-i ka propozuar për vitin e ardhshëm nuk është e thënë të miratohen pikë për pikë. Avokati i Popullit ka garantuar dje publikisht respektimin e procedurave ligjore, kurse Kreshnik Spahiu është shprehur plotësisht kundër rritjes së çmimit të energjisë dhe uljes së kuotës dysheme. Zyra për Mbrojtjen e Qytetarëve ka ndërmend që të paraqesë variante dhe propozime më konkrete nga specialistë të fushës për të argumentuar kundërshtimet e drejtorit të saj. Të gjitha këto do të parashtrohen në një tryezë të rrumbullakët, që do të mbahet së shpejti nga ERE-ja.
Që tarifat do të rriten, nuk ka më pikë dyshimi. Pa u marrë vesh, ka ngelur vetëm përqindja e saktë e kësaj rritjeje. Shqiptarëve u ngelet të presin fundin e dhjetorit për të marrë vesh sa do të paguajnë për energjinë elektrike që do të konsumojnë vitin e ardhshëm.


Drejtori i përgjithshëm i KESH-it, Andis Harasani ka pritur sot vlerësimin e Avokatit të Popullit dhe të Zyrës për Mbrojtjen e Qytetarëve për transparencën e treguar ndaj opinionit të gjërë për rritjen e re të çmimit të energjisë elektrike në janar të vitit 2004, transparencë e bërë para miratimit përfundimtar të çmimit.
Për këtë çështje, Andis Harasani, Ermir Dobjani dhe Kreshnik Spahiu, u shprehën:
Andis Harasani, drejtor i përgjithshëm i KESH-it:
“Korporata Elektroenergjitike Shqiptare ka organizuar këtë takim me Avokatin e Popullit në vazhdën e kontakteve dhe marrëdhënieve shumë të mira të bashkëpunimit, që kemi si dhe me Zyrën për Mbrojtjen e Qytetarëve. Kemi ftuar drejtorin e saj, Kreshnik Spahiu për t’i bërë të njohur propozimin që korporata i ka dërguar Entit Rregullator të Energjisë që në datë 15 korrik për rritjen e re të çmimeve për vitin 2004; për t’i bërë të ditur procedurat që kemi ndjekur, opinionet që kemi marrë dhe metodologjinë e aplikuar për këtë propozim me Entin Rregullator.
Nga kontaktet, që ne kemi me ERE-n, sot është bërë i njohur materiali. Pasi kemi punuar me të nga data 15 korrik deri më 5 dhjetor për të bërë rregullimet që janë kërkuar, sot ky material është bërë publik për të gjitha institucionet, mediat, konsumatorët. Do të jetë një fazë 10 -ditore konsultimesh dhe besoj se nga data 25 apo 26 dhjetor do të bëhet takimi final me ERE-n për të përcaktuar se kush do të jenë çmimet e reja të energjisë për vitin 2004.
Në propozim janë pasur parasysh ato detyra të vendosura nga Plani i Masave i qeverisë shqiptare dhe nga donatorët për përmirësimin e performancës së Korporatës Elektroenergjitike, për mundësinë e kontrollit të konsumit, sepse duhet thënë që jemi nga vendet me konsumin më të lartë të energjisë për familjarë. Energjia përdoret për ngrohje dhe ky është një fakt që e dimë të gjithë dhe po mundohemi me masa ekonomike ta evitojmë këtë fakt. Propozimi është në vazhdën e po atij propozimi që u bë për vitin 2003 dhe që është bërë nga viti 2001 e në vazhdim. Jemi të hapur për çdo koment, për çdo diskutim dhe menduam se gjëja më e drejtë që duhej bërë ishte ta bënim këtë takim tani dhe jo mbas miratimit të çmimeve”.
Ermir Dobjani, Avokat i Popullit:
“Këtu bëhet fjalë për një masë të rëndësishme, siç është rritja e çmimit të energjisë elektrike nga ana e KESH-it. Unë ju bëj të ditur se as ne, as Zyra për Mbrojtjen e Qytetarëve nuk jemi oponencë teknike për të gjykuar drejt dhe me saktësi për rritjen në përqindje të çmimit të energjisë elektrike dhe në këtë rast ne i bëmë të ditur drejtorit dhe stafit të tij se në këtë masë të rëndësishme duhet të respektohen të gjithë dispozitat ligjore dhe aktet nënligjore, që përcaktojnë mënyrën sesi duhet të bëhet kjo rritje, si në aspektin e zbatimit të ligjit, ashtu dhe në procedurat përkatëse. Ne theksuam se për ne është e rëndësishme që të mbrohen gjithmonë interesat e konsumatorëve shqiptarë; e dyta, që këto masa të bëhen me transparencën maksimale, që opinioni publik të vihet në dijeni si e tek; cila do të jetë masa, që do të prekë xhepat e tyre; e treta, nëse do të bëhet, rritja e çmimit të bëhet duke u shoqëruar me masa të tjera organizative teknike dhe me infrastrukturën e nevojshme të akteve nënligjore”.
Kreshnik Spahiu, drejtor i Zyrës për Mbrojtjen e Qytetarëve.
“Më së fundi, kemi një praktikë pozitive, që një shoqëri tregtare anonime, e cila ka monopolin në një sektor të ekonomisë, konkretisht, Korporata Elektroenergjitike ka vendosur të jetë transparente me publikun përpara se ajo të marrë një vendim përkatës. Së dyti, lajmi i keq është për publikun se pas dy muajsh, faturat e energjisë do të jenë më të larta për shkak se do të ketë rritje të çmimit të energjisë.
Zyra për Mbrojtjen e Qytetarëve, duke vlerësuar transparencën e Korporatës Elektroenergjitike, rezervon të drejtën që nëpërmjet ekspertëve të saj, në një fazë të dytë të japë qëndrimin profesional dhe ligjor në lidhje me pjesën, për të cilën ajo është e interesuar: me mbrojtjen e të drejtave dhe interesave ligjore të konsumatorit dhe qytetarëve, të cilët kanë lidhur kontrata me Korporatën Elektroenergjitike Shqiptare”.

[Brari]

HARASANI: BAZOHEMI TE TE ARDHURAT

Humbjet e KESH futen në çmim
Kosto e fryrë e energjisë rëndon konsumatorët


--------------------------------------------------------------------------------

Mirvjena Dizdari


Humbjet që pëson KESH-i për shkak të mosrealizimit të plotë të arkëtimeve do t'i paguajnë konsumatorët që janë të rregullt në shlyerjen e detyrimeve. Ekspertët theksojnë që në rast se KESH-i nuk do të kishte humbje të mëdha, atëherë niveli i rritjes së çmimit të energjisë do të ishte shumë më i ulët. Kjo, pasi kostoja e humbjeve iu është "faturuar" konsumatorëve të rregullt.
Sipas drejtorit të KESH-it Andis Harasani, rritja e çmimit të energjisë është bazuar në të ardhurat financiare dhe në koston financiare të korporatës. Ekspertët deklarojnë se kostoja e përllogaritur nga KESH-i është rritur artificialisht pasi në të janë përfshirë dhe humbjet që arrijnë në rreth 39 për qind.
Dhe për të afruar çmimin me koston, KESH-it i duhet të rrisë në nivele të larta çmimin e energjisë. Sipas strategjisë të energjisë, ndryshimet në çmimin e energjisë janë parashikuar të vazhdojnë deri në vitin 2007, kur synohet që të barazohen çmimi me koston. Përllogaritjet e akademikut Farudin Hoxha konkludojnë se ulja e tavanit të çmimit të energjisë në 220 kw/orë rrit ndjeshëm çmimin e energjisë. "Rritja e çmimit të energjisë elektrike, deklaruar 10 për qind, në veçanti për konsumatorët familjarë që konsumojnë deri në 300 kw/orë në muaj, nuk është e vërtetë. Propozimi i KESH-it për uljen e tavanit nga 300 në 220 kw/orë dhe rritja e energjisë me 10 për qind, e konvertuar kjo ulje e tavanit me çmim energjie, faktikisht për këto familje, pra për familjet që konsumojnë deri në 300 kw/orë është mjaft më e madhe, duke arritur në rreth 40 për qind", deklaroi Hoxha. Sipas tij, energjinë që shet KESH-i, po të marrim këtë vit, në total jo vetëm mbulon koston, por ka edhe një fitim. Sipas akademikut Hoxha, sivjet KESH-i del me 4 miliardë lekë fitim. Enti Rregullator i Energjisë miratoi propozimin e KESH-it për rritjen ne total prej 10 për qindësh të çmimit të energjisë elektrike, duke filluar nga 1 janari 2004. Konsumatorët familjarë do të paguajnë një çmim prej 4.5 lekë kilovat/orë për konsumin deri në 220 kilovat/orë, nga 4.1 lekë që ishte më parë. Mbi kuotën prej 220 kilovat/ orë, konsumatorët familjarë do të paguajnë nga 1 janari 2004 një cmim prej 8.9 lekë për kilovat/orë nga 8.8 lekë që ishte kjo kuotë vitin e kaluar.


KESH: Tirana me 24 orë drita

KESH-i ka filluar një projekt pilot për Tiranën për tremujorin e parë të 2004 dhe premtohet furnizim prej 24 orësh me energji elektrike. "Projektin pilot për Tiranën mendojmë ta shtrijmë edhe në të gjithë qytetet e tjera që kanë kuote të lartë pagese", sqaron drejtori i KESH-it Andis Harasani. Sipas tij, viti 2004 do të jetë më i mirë se viti që lamë pas përsa i përket furnizimit të qytetarëve me energji elektrike. Korporata Elektroenergjetike Shqiptare ka marrë të gjithë masat që gjatë këtij viti të përmirësohet ndje-shëm furnizimi me energji elektrike. "Ky përmirësim i furnizimit me energji elektrike, krahas të tjerave, vjen edhe si pasojë e performancës financiare të korporatës që është përmirësuar ndjeshëm gjatë vitit të fundit, ndërsa është edhe një detyrim i korporatës që të furnizojë më mirë qytetarët shqiptarë, të cilët këtë vit do ta paguajnë më shtrenjt energjinë elektrike", deklaroi Harasani. Tirana do të jetë edhe qyteti i parë i cili nga ditët e para të janarit për tre muaj me radhë do të furnizohet 24 orë me energji elektrike.

------------gaz shqiptare--------




...

Shi harasani si ka gjet nje term me vjedh miletin.. projekt pilot thot..
Jam i bindur se gramoz ruci harton listat se kujt ti merret paraja per korent e kujt ti behet nje fatur fallco..pra demokratet te paguajn pislleqet e keshit qe financon jahtet e kazinot ku bredhin lideret socialist..kurse militanteve socialiste te mos u kerkohet lek per korentin por tu merret nje shum simbolike..sa te mos kuptohet loja..

[BLACK_KNIGHT]

O vellezer shteti jone ka marrur fund me kohe edhe populli nuk e ka kuptuar akoma.
Si bejne rritje cmimi ata njerez kur populli nuk ka pune nuk ka te haje.
Kur do dali nje burre qe ta coje shqiperine perpara sepse i kemi futur ndjetron edhe jemi duke shkuar vetam prapa e drjete shkaterrimit.
Ore nuk vemi gjithe forumistat edhe i kthejme te gjitha permbys, sic ben studentet ne 90'

[krokodili_73]

Eeeeee
e kam thene me para qe puna e elektrikut do shkonte keshtu. Jo vetem elktriku po edhe uji, telefonia do vashdojne ne kete rruge. Kame frike se kjo eshte nje gje qe seshte ne dore te shqiptareve opr te FMN. Kjo politike eshte luajtur me perpara ne vendet e amerikes latine dhe azi. FMN te kushtezon huate ty me ' reformat' qe duhet te marresh ti ne keto sherbime, me fjale te tjera ti permiresosh dhe ti besh gati per privatizim. Permiresim nenkupton kthimin e tyre ne nderrmarje fitimprurese dhe jo sherbyese te publikut. Pasi te arihet kjo gje, kompanite monstra shumekombeshe qe financojne FMN do i privatizojne keto sherbime per dy leke dhe do fillojne ti mjelin. ne kete mes i humbur del populli shqiptar pai keto sherbime jtesore nuk do permiresohen qeti sjellin komfortitet atij, po qe te prodhojne fitim per shumekombeshet. Ketu brenda kane rene shume shtet me te evoluara se ne qe vashdojme te merremime kanunin. Ketu, po doli ndonje koke e shquar si ju te tregoj se simund ti shpetojme ketij kurthi do ishte dicka me vlere, ne te kundert llafe kot........
Kroksi

[inter_forever]

Eshte ndertuar me rere keshtjella shqiptare o krokodili...
Ska burre nene ta fuse ne shina ...peshku eshte i qelbur nga koka ...
tek ne varferia ka arritur kulmin , keta ngrene cmimin e energjise ...po me cfare do ta paguaje pensionisti e i papuni faturen o plera...
por kelyshat pushtetare e di si thone ...te kem llogarite bankare une plot e sido te vije puna pasaporte diplomatike kane , i fusin nje shtegtim ne amerike ..e te fala shqiptareve te mjere...
po si nuk ka nje organizim te forte per te mbrojtur te drejtat e konsumatoreve??? eshte bere ne shqiperi si ne kohe te enverit , ca thote partia behet...shyqyr qe kemi lirine e tu shprehurit...