Keto dite shqiptaret, si te mos u mjaftonin sa e sa te keqia te tjera nen te cilat po vuajne aq sa nuk mund te thuhet, mesuan edhe "sihariqin e bukur" se, pasketaj do te pergjohen, sa nepermjet telefonave celulare aq dhe nepermjet postes elektronike. Ne veshtrim te pare nje veprim i tille duket si mase paraprake per t'u mbrojtur sa te jete e mundur nga terrorizmi qe aktualisht po behet nje rrezik i madh nderkombetar. Njekohesisht, nepermjet ketij lloj pergjimi, pritet te kete suksese te dukshme ne luften kundrejt korupsionit dhe krimit ekonomik qe, per jeten shqiptare eshte bere po aq i rrezikshem e kanoses sa edhe terrorizmi. Por, nga pergjuesit dhe pergjimi, do te perjashtohen Presidenti i Republikes, Kryeministri dhe deputetet. Kurse shtetasit e tjere, duke perfshire te gjithe kryetaret e partive politike, ministra e zevendes ministra, pa asnje perjashtim, do te ndihen vazhdimisht te fyer dhe te kercenuar nga ky lloj pergjimi qe, si derri e fut nocken neper plehra per te gjetur ushqimin e tij, do te fusin hundet ne jeten private dhe intimitetin e shtetasve shqiptare duke degjuar bisedat e tyre telefonike a duke lexuar posten elektronike. Si ta quajme kete? Sukses te policise se fshehte me emrin SHISH qe, per rastesi na e sjellka ndermend kamen me te njejtin emer, apo pa aftesine e ketij sherbimi per ta bere punen e tij prandaj kerkon qe, me menyra te tilla te thjeshta dhe me shume shpenzime, ta kryeje ate? Per me teper, dikush nga ideatoret dhe zbatuesit e ligjit mbi pergjimin, te nje kronike televizive, i pyetur se ky veprim do krijonte probleme per shume qytetare, u pergjegj se do te ruhej sekreti dhe se, shkelesit e ketij sekreti do te pergjigjeshin penalisht. E kujt ia shet keto profka ky derrezi, kur tashme dihet prej te gjitheve se ne Shqiperi kane dale sheshit, si ujrat e zeza rrugeve te Tiranes, edhe sekretet me te rendesishme shteterore, pa iu futur gjemb ne kembe kurkujt? Kujt perpiqet t'i hedhe hi syve ky i shkrete, kur ne Shqiperi ka krime te rende dhe te panumert, autoret e te cileve as nuk jane kapur dhe as nuk jane ndeshkuar? Si pasoje, cilit do t'i binte ndermend te merrej me autorin e nxjerrjes se ketij sekreti kur rastesisht, nepermjet pergjimit te telefonave dikush nga pergjuesit meson se, gruaja e nje mikut te tij paska nje te dashur dhe, kete gje ai ia tregon mikut te vet?!
Sidoqofte, kur ashtu si shume te tjere edhe une mesova se pergjimi i shtetasve do te behej ne mase, me erdhen ndermend "buburrecat" qe sigurimi i shtetit dikur, i vendoste nen tryezat e mjediseve si te hotel "Dajti" dhe te hoteli tjeter qe, prej tiranasve quhej pesembedhjetekateshi, te te cilet zakonisht rrinin njerez me poste te rendesishem, parallinj, apo edhe te huaj. Ashtu si m'u kujtuan ata mjerane te pa princip e pa moral qe, te quajtur prej popullit tetedhjeteleksha ngaqe aq paguheshin per punen e ndyre, i zgjasnin vesh-_gado per te kapur ndonje fjale antipushtet e thene qofte edhe prej nje te dehuri, dhe per ta denoncuar me pas ate fatkeq ne te ashtuquajturat organe kompetente. Une nuk di te kete ndonje rast tjeter ne boten demokratike qe te ligjerohet pergjimi ne mase. Kjo ndodh vetem ne vendet diktatoriale. Mos valle nje lloj diktature e kamufluar, ne emer te mbrojtjes nga terrorizmi dhe te luftes kunder korupsionit, po fillon ta nxjerre koken serish? E cfare nuk pritet te ndodhe ne kete Shqiperi te drobitur sa kohe ate vazhdojne ta drejtojne njerez qe kurre nuk e kane dashur dhe kurre nuk kane menduar as per te e as per popullin, por vetem e vetem te pasurohen sa ne kurriz te popullit te shkrete aq edhe ne shpinen e saj te kerrusur nga hallet dhe varferia.
Perse pikerisht perjashtohen deputetetet, keta te zgjedhurit prej popullit, mbi te cilet mjerisht, here drejtperdrejt dhe here terthorazi, sa ne shtyp aq edhe ne menyre te nderthurur mes tyre, ka aq shume akuza per korupsion, kontrabande dhe afera mjaft te dyshimta? Kur ujqerit i kemi perballe, perse te perpiqemi te fshehim gjurmet e tyre dhe te hedhim mjegulla dyshimi per tufen e dhenve e cila mezi sa ushqehet me barin e thate dhe te paket? Kujt i sherben ky lloj pergjimi, kujt? Kam mendimin se me veprime te tilla pergjimi dhe spiunimi, dhunohet personaliteti i shtetasve tane, shkelet me te dyja kembet e fshehta e korespodences per te cilen, me sa di, ka edhe nje ligj, ashtu si shkelen edhe te drejtat e njeriut. Shqetesimi im, me teper se personal, eshte qytetar. Telefonin tim le ta pergjojne kur te duan dhe sa te duan, sepse eshte telefoni i nje njeriu te lene qellimisht pa pune, bisedat e te cilit sillen rreth halleve te tij . Por nuk mund te qendroj indiferent kundrejt nje veprimi kaq pa moral dhe kaq pa princip te shtetit ndaj shtetasve te tij. sa fyese dhe poshteruese eshte qe, ne intimitetet dhe te fshehtat e tua, te fusin syte e kureshtjes dhe hundet e pista disa persona te cilet, jo vetem nuk kane te bejne fare as me ty dhe as me te afermit e tu.
Ne luften kunder terrorizmit ne Amerike, ne kete vend i cili, me tepr se cdo vend tjeter eshte i kercenuar nga ky fenomen, mos valle pergjohen bisedat e milionave amerikaneve, apo lexohet leterkembimi i tyre ne posten elektronike? Natyrisht qe jo. Sepse atje, ashtu si ne cdo vend tjeter demokratik, lejohet vetem pergjimi i personave te dyshuar. Dhe kjo behet me nje vendim te prokurorit. Ndersa ketu te ne, per ta lehtesuar punen e policise se fshehte dhe kushedi se per c'qellime te tjere, perdoren te tille marifete. Gje qe do ta quaja jo normale.
Pėrgjigju Duke Cituar
)
Postuar mė parė nga Davius
Krijoni Kontakt