SuperKilleri Jaho Salihi

[Brari]

Gazeta Shqiptare shkruan:


............

ATENTATI 5 MUAJ PARA VRASJES SE AZEMIT

Salihi një vrasje tjetër në Tiranë
Në prill 1998 qëlloi për hasmëri Tonin Gecin


---------------------------------------------------

Ferdinand Dervishi

Para gjyqtarit Kreshnik Omari në Gjykatën e Tiranës këto ditë ndodhet një dosje e punuar imtësisht nga Prokuroria e Tiranës. Bëhet fjalë për një vrasje të ndodhur në prill të vitit 1998 në Rrugën e Elbasanit, pikërisht në oborrin e hotelit "Agron". Viktima është Tonin Geci, ndërsa i akuzuari për "vrasje me paramendim", i cili gjykohet në mungesë, quhet Bekim Basha. Porse diku mes fletëve të dosjes, ka edhe një shënim të gjatë, ku flitet për një nga personazhet vip të kriminalitetit shqiptar, Jaho Salihin. Sipas shënimit, i cili është një përmbledhje të dhënash operative të policisë për ngjarjen, por të pavërtetuara shkencërisht me prova, vrasjen e 17-vjeçarit Tonin Geci e kishte bërë me dorën e tij pikërisht tmerri i Tropojës, Jaho Salihi.

"Unë ju vrava vëllanë"
Rreth 5 muaj para ekzekutimit të deputetit Azem Hajdari, në Tiranë, në rrugën e Elbasanit, ishte shënuar një vrasje enigmë. Një person i panjohur kishte qëlluar mbi Tonin Gecin, vetëm 17 vjeç, punonjësin e lavazhos që ndodhej në katin e parë të hotelit. Menjëherë pas vrasjes, në një banesë në periferi të Tiranës, ku banonin vëllezërit Geci, të shpërngulur nga Bujani i Tropojës kishte trokitur një mysafir i pazakontë. Ishte nuni i Bashëve, hasmëve të Gecëve, të cilët edhe ata ishin banorë të Bujanit. Pas prezantimit, njeriu misterioz u kishte thënë se ishte në shtëpinë e tyre për t'u çuar fjalë, se vëllanë u'a kishin vrarë Bashët për hasmëri. Madje ky person kishte pohuar se ishte dërguar aty pikërisht nga Bekim Basha. Sipas të dhënave të hetimit, në vitin 1997 Filip Geci (vëllai Toninit, viktimës së hotel "Agron") pas një sherri kishte vrarë me sende të forta Izraet Bashën, vëllanë e Bekimit. Sherri kishte lindur për një vajzë daje të Gecëve, së cilës i ishte vardisur Izraeti. Ndërsa skema e vrasjes kishte qenë një dylyftim trup më trup në breg të lumit Valbonë, të cilin e kishte fituar Filipi. Pas vrasjes, Filipi përfundon në burg (arratiset pas hapjes së burgjeve në 1997, por kapet një vit më vonë), ndërsa vëllezërit e tij shpërngulen në Tiranë me qëllim që t'i rrinin larg një hakmarrjeje të mundshme. Prej tyre, i vetmi që kishte gjetur një punë me një pagë minimale në Tiranë duke mbajtur me bukë të tjerët, ishte më i vogli, Tonini 17-vjeçar. Dhe hasmi si gjithmonë kishte goditur aty ku dhemb më shumë.

Ekzekutori ishte Jaho Salihi
Natyrisht që ngjarja te hotel "Agron" pati një dosje penale të hapur nga policia e Tiranës ditën e vrasjes. Ndërsa i pandehuri i parë u konsiderua Bekimi, vëllai i Izraet Bashës të vrarë në breg të lumit Valbonë në Bujan të Tropojës nga vëllai i Toninit, Filipi. Bekimi ishte akuzuar për vrasjen me paramendim të Tonin Gecit, pas dokumentimit të faktit se pikërisht ai u kishte çuar fjalë Gecëve se u kishte vrarë vëllanë. Ndërkohë, burimet operative të policisë kishin mësuar se vrasjen në prill të vitit 1998 në Tiranë e kishte bërë me dorën e tij Jaho Salihi. Duke qenë se Salihi dhe Bashët ishin djem tezesh, Jaho ishte betuar mbi varrin e Izraetit të merrte hak. Kështu, pasi kishin mësuar se vëllezërit Geci ndodheshin në Tiranë, Jaho, falë edhe lidhjeve të tij të shumta dhe statusit të shefit të policisë së Rendit të Tropojës, që kishte mbi supe, arrin të gjejë një prej tyre dhe ta vrasë duke u bërë nder miqve të tij.


Njeriu që premtoi, por s'tregoi të vërtetën e tij për Azemin

I rënë në duar të drejtësisë, ndërsa në Tiranë kishte startuar gjyqi për vrasjen e Azem Hajdarit, Jaho Salihi u konsiderua si gjahu më i madh i policisë për vitin 2001. Pasi mbeti i vetëm në Tropojë, mes një grupi kundërshtarësh që përfundimisht triumfuan, Salihi për një periudhë kohore gjeti strehë në Kosovë. Por, gjatë një vizite në Tropojë, ai u arrestua nga forcat speciale të policisë. Gjatë zhvillimit të gjyqit pohimet paraprake të Salihit për ngjarjen u morën shumë në konsideratë nga gjykata. Disa herë Jaho Salihi premtoi se do të fliste gjatë për të vërtetën e tij në lidhje me vrasjen e Azem Hajdarit, por këtë nuk e bëri edhe në seancën e fundit. Duke e akuzuar si ekzekutor të drejtpërdrejtë të Azemit, atë e dënuan me burg përjetë.


Haklajt dhe Salihi, dy vrasjet e tjera në kryeqytet

Vrasja e Tonin Gecit nuk është e para për të cilën ka të dhëna operative se është kryer nga ish-të fortët e Tropojës. Sipas të dhënave të policisë, në vitin 1999 në Tiranë janë kryer edhe dy atentate të tjera të ndërmarra nga vetë grupi i Haklajve, apo nga njerëz në shërbim të tyre. Po sipas burimeve operative të policisë, në afërsi të ish-ekspozitës "Shqipëria Sot" prej tyre ishte ekzekutuar tropojani Gani Neza. Ndërsa pak kohë më vonë, në një tjetër atentat, u vra edhe një polic i forcave speciale, A. Gj, i llogaritur si kundërshtar i Haklajve. Konflikti i madh që kishte nisur në Tropojë mes përkrahësve të dy kampeve të njohura politike, që kishte sjellë një lumë të vrarësh, ishte zhvendosur deri në Tiranë.

--------------------


Ja heroi i PS-se.

Kjo eshte vetem nje nga vrasjet sepse mbi Jahon rendojne dhjetra vrasje , dhjetra perdhunime femrash e grabitje.

[loving]

Hej Brari ..
Po pate mundesi te me japesh nje email adrress ku mund te komunikoj me ty dicka ne lidhje em kete temen please.

Rita