Tre zemërimet e poetit!...

[Agim Doçi]

Tre Zemërimet e poetit…

1.
Dhe nëse ma shajnë Shqiperinë time
Gazetat e Europës putanë
Edhe nëse shkruajnë e vënë lajmërime:
“Vdiq çështja kombëtare në Tiranë”

Dhe nëse ngrihen të gjithë maskarenjt
E çirren: “morri fund Shqipërija!”
Unë do ngre nga varri zulmë mëdhenjt
Ata faqebardhët që përmend historija!

Pa do t’i marr vargjet nga At Fishta i Kombit
Balladat dhe prushin nga Lahuta e Malcis
Do t’i mbledh shqiptarët anë e mbanë Globit
Me Hymnin e Flamurit dhe flakën e Djalërisë !

E ashtu të përzgjuar nga jermia e shekullit
Që brodhëm e u shpërndamë botës anëembanë
Do ia bëjmë Gjyqin dhe atij kokë – rrjepurit
Që përmjerr mbi kombin dhe çmëndi një Tiranë !

2
A e dini o njerëz djallëzinë e maskarenjve
Që vjedhin e plaçkisin pastaj ngrenë një lulishte
Që asfaltojnë një rrugë me stilin e shkërdhenjve
Pastaj sa marrin votën: Na ishte seç na ishte!…

S’u ngopët me përralla bile me to u rritëm !
Pa dritë, pa ujë, pa rend, bile me frikë në palcë
Ata që s’kishin frikë, u trembën, po ku ikën?
Hajdutët e bëjnë ligjin, policët me kokë në trastë…

E ku ta fsheh zëmrimin, s’e di se ku t’a fus
Nuk paska thes për të, zemrimin e zemëruar…
M’i mbaj duart o Zot, me zemër po të lus!
Më hanë, më kruhen fort, për mish të kalbëzuar…

3
Po ju o demokratë, përse nuk ju ha mortja!?
Ku jeni, pse nuk bëni në Sheshe më shamatë?
U rrudhët, u zvogluat, me ju po tallet bota
U ngopët me lugë bosh, o shtërgu im shkërdhatë…

[Fringo]

Deri sa lexova strofen 3 mendova se po flitej per Shqiperine e 1996.
Po e njejte si Shqiperia 2003.
Gimce, kta duhen hedhur ne det te gjithe, me Nano, me Salina e soj e sorrollop.
E shkatarrun ate ven te shkrete, e bon si Afrike.

[kolombi]

Thone se fjalet e poeteve,kane aq force sa te shembin nje perandori te tere ,po zemra e tyre nuk vret dot as nje milingone.
Edhe nje here,te lumte dora zoti Agim dhe respekte.

[edspace]

Postuar më parë nga Agim Doçi
Dhe nëse ngrihen të gjithë maskarenjt
E çirren: “morri fund Shqipërija!”
Unë do ngre nga varri zulmë mëdhenjt
Ata faqebardhët që përmend historija!

Pa do t’i marr vargjet nga At Fishta i Kombit
Balladat dhe prushin nga Lahuta e Malcis
Do t’i mbledh shqiptarët anë e mbanë Globit
Me Hymnin e Flamurit dhe flakën e Djalërisë !

Mallëngjyese

[Agim Doçi]

Nëse vërtetë do të bëhej Shqipërija
dhe popullit tim do t'i kthehej prap gëzimi!
Ju shkoni gjeni gozhdat, unë me dëshirë do vija
të falja vehten time, si Krisht tek kryqëzimi!

[Living in Vain]

tamam zemerim poeti te permalluar......

[Sokoli]

Ujqerit dhe bagetia jane ndeshur gjithmone
Si perhere qysh at’here
Ashtu dhe sot.
Lukunine ujkore sot e prin nje cakall
Ate blegtore si gjithmone nje dash.

Pa kur vjen stina e zbret lukunia
Rreth dashit percor radhitet gjith' bagetia
Nis beteja shekullore me kafshime e blegerima.
Beteje e ashper plot me te vrare
Ca per mish e ca per bar.

Nga maj’ e ledhit hakerroet kryeujk cakalli
-Njat’ dash percor e dua sot per dreke
Ne sulem turravrap gjith’ ujk-lukunia
Rreth dashit percor mblidhet gjithe bagetia.
Gjashte here u hakerrua cakalli ujkor
Shtate radhe u shtrenguan rreth dashit percor.

E nis beteja e vjeter me kafshime e blegerima
Beteje e ashper plot me te rene
Disa bien perdhe me plencin e shqyer
E disa se plenci me s’u nxe.

Pa nisin catajte te brejne mishin pas leshit
Kafsho ketu, kafsho atje
Udhen ua presin rurza e milore
Qe bien si trima te ruajne dashin percor.

E beteja zgjat po aq si gjithmone
Deri sa mos mbese me plenc i pa mbushur
E lendina skuqet po aq si gjithmone
Deri sa mos mbese me fije bari pa skuqur.

E beteja mbaron si gjithmone
Me fitoren e bujshme te bagetise
Me nje dore qingja rreth dashit percor
E ujqrit plenc-mbushur qe largohen te mundur.

Dash-madhi ia doli dhe kesaj radhe
Kemboren tund te lajmeroje fitoren
Ne kor blegerimash gjegjet bagetia e mbetur
Ne kor vajtimesh meditojne mishrat e therrur
Kemboren ky dash valle ku t’a kete gjetur.

Gjithcka nuk dihet per dashin percor
Ne eshte shurdh, memec a qorr.
Memec nuk eshte se blegerin
“Turruni tash qingja me vrap neper lendine
Turruni te hani barin jeshil”
E qingjat turren te hane barin e skuqur me gjakun e shokeve
Nen tingujt gazmore te kembores percore.

As qorr e shurdh nuk eshte ky dash percor
Qe kur sheh e ndjen per se largu lukunine
Rreth vetes mbledh bagetine
Per t’u grire, perseri, per t’u grire…

Qingjat grihen e shtohen se e kane ne fis
Ne balle u prin dashi percor
Qe nuk eshte as shurdh, as memec e as qorr
Por qe s’dihet ku derqin e gjeti ate kembore.

[Agim Doçi]

Sokol unë tërë jetën jam marrë me poezi
me fabula, poema bile edhe me bejte!...
Kjo tëndja më habiti, si ishte gjurulldi
mirë ujkun që e njohim, po dashin ku e gjete!?

Këmborën e Saliut, unë s'do ta tundja kurrë
kur erdh demokracija, unë rruar qethur dola!
Megjithse kurrë s'ka qenë me 30 flamurë
PD-ja miku im e humbi me...autogola!

Po nejse unë e mbylla, se dreq i politikës
ngatrron dhe poezinë e bën si lesh harapi!
Tani vërtetë ne jemi dashnorë të Amerikës
Po Tosi me Saliun na bëri lesh çorapi!...

[Fringo]

Postuar më parë nga Agim Doçi

Po nejse unë e mbylla, se dreq i politikës
ngatrron dhe poezinë e bën si lesh harapi!
Tani vërtetë ne jemi dashnorë të Amerikës
Po Tosi me Saliun na bëri lesh çorapi!...

Amin!!!!!!!!!!

[Sokoli]

Baca Gim
idhnimet e tua jam ken tue shique
i treti imcak n'shtat boll m’asht dukë
kam dasht me e plotsue…

Poezi me ba s’kam dashtun
e poezi nuk po m’ngjet
Politik me ba në kisha dashtun
do kisha mujt me e qit n’gazetë.
As gjegje s'jam tue kërkue prej kuj
ndryshe me thirr n'emën do kisha me pas mujt.

Idhnimet e tua jam ken tue shique
thjesht kam dashte me i plotsue.
Thjesht, fare thjesht.

[Agim Doçi]

Sokol, të lutem më kupto! Unë të "nguca" pak sepse e kemi hallin e përbashkët!
Përqafime dhe ec përpara vllau i jem!

[Neandertal]

Agim pershendetje.

Sokol, me ato ujqerit e delet ke krijuar gjene me te bukur.

Ja kalofshi mire.

[SkenderRusi]

AGIM PERSHENDETJE!
POEZITE ISHIN IMPRESIONUESE ASHTU SI JE DHE TI VETE.TE KUJTOJ GJITHNJE ME MALL.
SKENDERI

[Agim Doçi]

BASHKËFORUMAS!
KAM NDERIN TË LAJMËROJ TË GJITHË JUVE SE MIDIS NESH ËSHTË POETI I SHQUAR DHE I TALENTUAR NGA Korça SKËNDER RUSI!
Mirë se erdhe i nderuar sa më ke gëzuar, nuk e shpreh dot! Unë jam këtu në Lugano, kam edhe e mailin personal mund të më shkruash aty gjerë e gjatë!
Të përqafoj me mallë shumë fort.
Miku e shoku yt Agimi