Skuadrat shqiptare në Evropë

[goldian]

po shof rezultatet e deri tanishme ne champions lig
skuadra leshit dikur tani jane ba te forta e nuk rrihen lehte
vec ne marrim nje mal me gola
pfff
me gjithe zemer uroj qe skenderbeu te na nderoje sot

[Maqellarjot]

Une e pash te gjithe ndeshjen dhe Skenderbeu luajti shume mire. Jo vetem qe fitoj por meritoj te fitonte me me shume gola. Bravo...Skenderbeu

Tani te shohim Tiranen....

[EXODUS]

Ujqerit "marrin gjak" te paret... Hungarezet me 'fat' nuk pesojne me teper se nje gol... kualifikimi eshte krejt i hapur.

Skenderbeu "serish" ne histori...


Super Plaku,

[murik]

Skenderbeu duhet te kishte fituar minimumi me dy gola diference. Ne qofte se do shkonin ne ndeshjen e kthimit me dy gola diference atehere shanci per kuaklifikim do te ishte shume i madh. Mendoj se Skenderbeu nuk do te rezistoje dot presionit ne Hungari dhe kam frike se do pesojne shume gola. Shpresoj qe te jem gabim.

[Qyfyre]

Luajten shume mire dje dhe kishin raste plot. 1-0 ama eshte shume pak dhe si dihet nese kane pasur skuadren e plote hungarezet apo jo. Ka ndodhur shume here qe skuadrat shqiptare fitojne me 1 gol ne Shqiperi dhe pastaj shkatarrohen jashte. Po nese kjo ishte skaudra e plote e Debrecenit atehere Skenderbeu kalon pa frike.

[Qyfyre]

1-0, Plaku i jep fitoren Skenderbeut (Video)

Skenderbeu ka marre nje fitore 1-0 sot ne raundin e dyte te Champions League kunder hungarezeve te Debrecenit fale golit te Sebino Plakut qe ka gjetur rrjeten ne minuten e 65-te te ndeshjes. Korcaret marrin keshtu fitoren e pare ne historine e tyre ne Champions League dhe gjithashtu shenojne edhe golin e pare ne Europe.

Nje fitore e rendesishme, por qe duke pare rrjedhen e lojes mund te kishte qene edhe me e thelle. Miqte nuk kane treguar kualitetin qe i coi deri ne fazen e grupeve ne Champions, dhe kane qene korcaret qe jane treguar superiore duke goditur edhe traversen por edhe duke krijuar disa raste te mira shenimi. Fakti qe Skenderbeu nuk pesoi gol eshte i rendesishem, po avantazhi 1-0 le cdo gje te hapur per ndeshjen e kthimit.

Trajneri Stanislav Levi ka hedhur një formacion të ekuilibruar mes reparteve, edhe pse duket qartë qasja ofensive e kuqebardhëve. Sidomos reparti i mesfushës është i përbërë nga lojtarë që shtyjnë përpara nga të dy krahët (Muzaka dhe Vucaj), ndërsa dyshja e qendrës, Orelesi-Allmuca, përvecse duhet të bëjnë rolin e “digës” për sulmet e kundërshtarit që në nisje, kanë si mision edhe të godasin nga distanca, pas krahëve, në drejtim të portës së Debrecenit, dhe të asistojnë nga afër dyshen e sulmit, Plaku-D.Xhafaj. Para portierit Orges Shehi, që në këtë ndeshje mban edhe shiritin e kapitenit, në mungesë të Bledi Shkëmbit të dëmtuar, rreshtohen katër mbrojtës në vijë të drejtë. Arapi dhe Gvozdenovic, dy kolonat e qendrës së prapavijës kuqebardhë, do të kenë në mbështetje nga krahët Radas dhe Fagun. Të dy këta lojtarë duhet të zhvendosen në mesfushë kur sulmohet drejt gjysmëfushës së hungarezëve, sepse duhet të zënë pozicionet e Vucajt dhe Muzakës, teksa këta dy të fundit shndërrohen në sulmues “shtesë”. E kundërta ndodh kur Skënderbeu gjendet në pozita difensive. Një skemë, që në letër duhet të prodhojë një skuadër kompakte, e cila të funksionojë si “fizarmonikë”. Kuptohet, aq sa mund ta lejojë kundërshtari, i cili ka marrë masat e veta kundërvepruese, edhe në planin taktik. Problem mbetet “kulla e regjisë” së lojës së korcarëve, aty ku mungon fantazisti Bledi Shëmbi, ndërkohë që në fushën e lojës, ndaj Debrecenit, nuk spikat ndonjë tjetër futbollist me karakteristikat e tij. Edhe shkodrani i Lacit, Erjon Vucaj, i marrë si përforcim për Ligën e Kampioneve në këtë funksion, është i pozicionuar në të majtë të mesfushës juglindore, ndërkohë që Orelesi dhe Allmuca janë dy shkatërruesit e mirëfilltë, por që nuk shquhen shumë në fazën ndërtuese. Ata po bëjnë lidhjen mes dy reparteve, mbrojtjes dhe sulmit të Skënderbeut.

Pesë minutat e para janë të rrufeshme për korcarët, që e godasin disa herë portën kundërshtare. Në një rast grushton me vështirësi portiere Novakovic, pas një predhë nga distance të Vucajt, por aty tregohet i pavëmendshëm Plaku, që ka të gjitha mundësitë për të konkluduar. Më pas tenton edhe Xhafaj me Allmucën, por mungon shënjestra e duhur. Erjon Vucaj është tepër aktiv për kuqebardhët, topat që nisen nga mbrojtja kalojnë të gjithë nga këmbët e tij, përpunohen dhe pastaj shndërrohen në asiste për dy sulmuesit, Xhafaj e Plaku, por këta dy të fundit nuk shfaqen sa duhet të rrezikshëm. Vetëm pas dhjetë minutash lojë, Debreceni arrin të orientohet në fushë, pasi ka amortizuar me mjaft vështirësi presingun asfiksues të Skënderbeut. Në dy raste, kur ka dalë shtruar dhe me mjaft pasime, skuadra hungareze rrezikon seriozisht portën e Shehit. Bie në sy njëfarë moskordance mes mbrojtësve korcarë, që i japin mundësi kundërshtarit të godasin e të rrezikojnë seriozisht.

Hungarezët, me kalimin e minutave, arrijnë të organizohen në mesfushë, qarkullojnë dendur topin, duke arritur ta ulin ritmin e Skënderbeut. Levi, duke pikasur vështirësinë në ndërtimin e lojës nga qendra e mesfushës, i udhëzon të tijtë ta bazojnë lojën tek dy krahët, Vucaj dhe Muzaka. Nëse shkodrani është mjaft i lëvizshëm e problematik në të majtë, Muzaka mbetet në hije në kahun tjetër. Reagimi i hungarezëve, edhe pse ka ardhur shpejt, mbetet i paorganizuar dhe flegmatik, më së shumti orientohet në vonesat e lojës, si për të acaruar kuqebardhët e për t’i nxjerrë ata nga “shinat”.

Dhjetë minutat vijuese janë sërish nën komandën e plotë të Skënderbeut. Në harkun kohor 30’-40’, kuqebardhët e Levit kanë tri mundësi mjaft të volitshme për të shënuar. Fillimisht Plaku godet traun e portës së Debrecenit, pastaj Xhafaj shpërdoron një mundësi ideale për ta dërguar topin në rrjetë, i vetëm me “gardianin” mik, ndërsa më vonë i vjen radha Allmucës, për të kompletuar morinë e dështimeve para katërkëndorit hungarez. Dhe nuk ka si të ndodhë ndryshe, përvecse bardhësia e shifrave, e fillimit të lojës, të mbetet e pandryshuar, duke i dërguar skuadrat në barazpeshë të plotë rezultative, por jo në pozita të tilla sa i përket lojës së zhvilluar. Korcarët janë “mbretër” të mundësive të krijuara, por fatkeqësisht të shpërdoruara, ndërsa hungarezët fare pak bënë në pjesën e parë, duke u pajtuar me dominimin vendas, por pa “bereqet”. Cka shkoi dhe e ndihmoi Debrecenin ta mbante të paprekur rrjetën e tij në 45 minutat e para.

Ka nisur pa ndryshime në formacionet e të dyja skuadrave. Natyrisht, hungarezët janë Brenda misionit të tyre, për të mos pësuar në këtë transfertë, për ta pasur më të lehtë në kthim për t’u kualifikuar në turin tjetër, ndaj trajneri Elemer vijon t’i besojë 11-shes bazë, të cilën e hodhi në fushë nga fillimi. Nuk lëviz në këtë drejtim as trajneri Levi, që ka pasur mjaft raste për të parë me sytë e vet se konkludimi është pika më e dobët e të tijve. Megjithatë, në nxehje tashmë është kavajasi Bekim Kuli, që duket se do të bëhet gati për t’i dhënë një “dorë” Skënderbeut në drejtim të daljes te goli. Ka nisur e vijon me të njëjtën “muzikë” edhe ky fraksion i ndeshjes, me Skënderbeun këmbëngulës në gjysmëfushën mike, por që vuan shumë në fazën finalizuese. EI tillë ishte minuta e 53-të, kur Allmuca bën më të vështirën, teksa gjendet i vetëm me portën mike. Mesfushori kuqebardhë godet me forcë, tokazi, por topi tund rrjetën e jashtme të portës së Debrecenit. Xhafaj dhe Plaku vazhdojnë të mos sinkronizohen si duhet me njëri-tjetrin edhe në këtë pjesë loje, ashtu sikurse nuk arrijnë të përkthejnë të paktën në një gol tërë atë furi sulmes, nga të dyja krahët, të vendësve. Janë minuta kur Debreceni mbrohet me më tepër forca, i tërhequr në thellësi të gjysmëfushës së tij, por kjo lloj rezistence nuk do ta shpërblente më tej minutës së 65-të, sepse Sebino Plaku më në fund ka konkluduar me finesë e zgjuarsi një top të goditur nga Xhafaj. Dorëzohet portieri Novakovic, që detyrohet ta nxjerrë topin nga rrjeta e tij, ndërsa shpërthen në delir e ovacione të fuqishmë stadium “Skënderbeu” i mbushur plot e përplot nga tifozët korcarë.

Pavarësisht kësaj, rastet për ta thelluar epërsinë i kanë pasur juglindorët, që me anë të Xhafajt, në vecanti, mund dhe duhej t’i kishin dyfishuar shifrat, më së paku. Në përfundim të 90 minutave lojë, Skënderbeu ka arritur të dalë me një fitore minimale. Ata e kane mbajtur fjalen se do te fitojne ne Korce por tani do te tentojne kualifikimin.

Në prani të rreth 10 mijë tifozëve, të besuarit e Stanislav Levit kanë qenë tërë lojës në kërkim të suksesit në shtëpi. Goli i Plakut u mundëson atyre të besojnë ende te realizimi i ëndrrës, që është kalimi i një turi në këtë kompeticion kaq madhor për klubet europiane.

Skenderbeu - Debreceni 1-0

Golat: Plaku 65’
Skënderbeu: Shehi – Gvozdenovics, Radas, Arapi, Fagu – Muzaka, Orelesi, Vucaj, Allmuca – Xhafaj (Kuli 83′), Plaku (Bicaj 93′).
Trajner: Stanislav Levi
Debrecen: N. Novakovic – Šimac, Meszaros (Mate 92′), Nagy, Korhut – Kulcsár (Ramos 72’), Rezes, Szakály, Varga – Bodi, Coulibaly
Trajner: Kondás Elemér
Gjyqtarë: Nikolaj Jordanov, Ventsziszlav Gavrilov, Ivajlo Milkov (Bullgari)
Kartonë të verdhë: Radas 58′, Plaku 65’, Orelesi 68’, Vucaj 73′, Muzaka 85′ / Bódi 6’, Coulibaly 30’, Varga 87′

http://futbollishqiptar.net/

[malesori1234]

Bravo skenderbeu luajten si burrat.

[illyrian rex]

Gjynaf qe nuk perfundoj kjo ndeshje 4 me 0. Mendoj se Skenderbeu do te kaoj ne gjiron tjeter.

[no name]

Sot, e enjte ( 19/07/2012 ) ora 17:30 në stadiumin e Bashkimit të Kumanovës zhvillohet ndeshja e parë në raundin e dytë të paraeliminatorëve në Europa League.

Renova - Gomel





Hajt ishalla fitojme, dhe kualifikohemi ne raundin tjeter.
Ajmooo RENOVA







RENOVA KËRKON FITORE PA GOL TË PRANUAR

http://alsat-m.tv/sports/index.php?news=26039

[murik]

xhafa eshte i mbarum fare,habitem si nuk ka gjet nje sulmues te mire Korca me gjithe ato para qe ka investuar.

[angmokio]

Po Rubio cpati? Nje dite para ndeshjes me te rendesishme ne karrieren e vet shkon e perjashton Klodian Duron e heq shiritin e kapitenit Sines?
Keta trajneret e huaj duan te vene disipline por ne vend qe ti zgjidhin gjerat me diplomaci bejne xhandarin.

[Qyfyre]

Sot, e enjte ( 19/07/2012 ) ora 17:30 në stadiumin e Bashkimit të Kumanovës zhvillohet ndeshja e parë në raundin e dytë të paraeliminatorëve në Europa League.

Renova - Gomel





Hajt ishalla fitojme, dhe kualifikohemi ne raundin tjeter.
Ajmooo RENOVA


RENOVA KËRKON FITORE PA GOL TË PRANUAR

http://alsat-m.tv/sports/index.php?news=26039

Gjynaf qe humben kta se kan Liverpulin ne raundin tjeter

[Sayan2003]

E transmenton ndonje kanal Shqiptar ndeshjen e Skenderbeut sot?

[goldian]

Perfundimisht ne na duhet nje pushim disa vjetor .jemi per faqe te zeze .
turpi i europes
edhe luksemburg me lart se ne

VETEM TE FRYHEMI DIME POR REZULTATET NA E KEPUSIN KOKEN

[EXODUS]

E paralajmeruar, shuhet endrra e nje nate vere...
Rezultati flet qarte, justifikim i plote i paraqitjes se radhes! Problemi yne me i madh nuk jane aftesite individuale te cdo futbollisti por gjendja e tij 'e pandryshueshme' psikologjike ne perballje te tilla me peshe! Pasiguri, hutim foshnjor, frike e pa arsyeshme jane te gjithe keta faktore qe ndikojne ndjeshem ne futbollin tone, shume here me te theksuara kur luhet ne fushe kundershtare.

Duhet ende kohe... e mgjth per Skenderbeun, fitorja e shoqeruar nga nje paraqitje dinjitoze ne shpi kishte vlera te pa arritura me pare per kete klub dhe besoj se ekipi po 'rritet' ne krahasim me Champions e nje viti me pare.


Debrecen 3 - 0 Skenderbeu

Aggregate: 3 - 1

[freeopen]

Rezultati flet qarte, justifikim i plote i paraqitjes se radhes! Problemi yne me i madh nuk jane aftesite individuale te cdo futbollisti por gjendja e tij 'e pandryshueshme' psikologjike ne perballje te tilla me peshe! Pasiguri, hutim foshnjor, frike e pa arsyeshme jane te gjithe keta faktore qe ndikojne ndjeshem ne futbollin tone, shume here me te theksuara kur luhet ne fushe kundershtare.

Plotesisht dakord,biles mund te shtosh dhe shume te tjera.
Te goli i pare mbrojtja dhe portieri u paraqiten si amatore per mos thene me teper.
Te imagjinosh qe skuadra luksemburgese shenon tre gola kunder Salzburg ne Austri dhe arrin te kualifikohet...............

[Sayan2003]

Mos beni krahasime me Luksemburgun. Kjo qe beri vaki me Luksemburgun jane raste 1: 100000. Eshte e vertete qe niveli i ekipeve Shqiptare le shume per te deshiruar. Problemi qendron qe ata vete i karikojne aq shume tifozet , saqe ne fund kur eleminohen deshperimi eshte i madh.

Te luash ne Evrope duhet te mendodh si profesionist. Ne Shqiperi lojtaret paguhen si profesioniste por luajne si amator.

[Qyfyre]

Krahasimi me Luksemburgun ka vend se Luksemburgu arriti ate qe skuadrat shqiptare akoma se kane arritur ndonjehere ne historine e vet. Dhe nuk e arriten se u ra short me fat po se e merituan.

Persa i perket Skenderbeut mentaliteti dhe eksperienca eshte problem, por ama problemi kryesor eshte pergatitja fizike qe eshte 0 ne krahasim me vende te rangut tone si Hungaria. Hungarezet ishin me te shpejt, me te fort dhe merrnin cdo top. Shqiptaret u lodhen shum shpejt dhe filluan pastaj direkt gabimet ne pasime, gjuajtje etj etj dhe nuk po benin dot as gjerat me elementare.

[freeopen]

Mos beni krahasime me Luksemburgun. Kjo qe beri vaki me Luksemburgun jane raste 1: 100000. Eshte e vertete qe niveli i ekipeve Shqiptare le shume per te deshiruar. Problemi qendron qe ata vete i karikojne aq shume tifozet , saqe ne fund kur eleminohen deshperimi eshte i madh.

Te luash ne Evrope duhet te mendodh si profesionist. Ne Shqiperi lojtaret paguhen si profesioniste por luajne si amator.

Nga fjalet e tua le te kuptohet qe ekipet shqiptare jane me te mira nga ato te Luksemburgut (dhe keshtu duhet te jete)
Le te beje njehere vaki dhe per ndonje ekip shqiptar kjo qe beri vaki per Dudelange.
Nuk jam tifoz i zjarrte i asnje ekipi shqiptar dhe ska sesi te me karikojne por po e them me ndershmeri se nese ndonje klub shqiptar do kalonte turin e pare paraeleminator te champions do ta ndjeja veten te lumtur.

Ndoqa 30 min e fundit te takimit Salz - Dude...... dhe e them me plot bindjen se per profesionizem nga ana e luksemburgasve nuk mund te flitet sepse nuk jane te tille.

[Uriel]

Persa i perket Skenderbeut mentaliteti dhe eksperienca eshte problem, por ama problemi kryesor eshte pergatitja fizike qe eshte 0 ne krahasim me vende te rangut tone si Hungaria. Hungarezet ishin me te shpejt, me te fort dhe merrnin cdo top. Shqiptaret u lodhen shum shpejt dhe filluan pastaj direkt gabimet ne pasime, gjuajtje etj etj dhe nuk po benin dot as gjerat me elementare.

Kur qenkan skuadrat shqiptare te nje rangu me ato hungareze? Hungaria eshte shume here me lart, si me kombetare po ashtu dhe me klube dhe kjo supremaci eshte jo vec nga ana teknike po ashtu dhe fizike. Jam shume i sigurte qe nese ndeshja Skenderbeu- Debrecen do luhej edhe njehere ne Korce, rezultati do ishte me mbi dy gola diference per hungarezet. Shqiperine ne arenen europiane e ka perfaqesuar kete 20 vjecarin e fundit vec Tirana, e cila pothuajse ka kaluar ne cdo perfaqesim nga nje tur edhe ne raste kur eshte perballur me skuadra qe vinin nga kampionate me cilesore se ai shqiptar, si Sllovenia apo Kroacia. Skuadrat e tjera shqiptare me zor presin rastin per te marre pjese ne kupat europiane sepse kane shansin e shitjes se ndeshjeve me rezultat ne koke.