Ndodhitë në Maqedoni 2011-2012

[RaPSouL]

Ministria e Kulturës i shkurton mjetet festivalit ‘Fest Nota e Artë 2012’


Realizimi i Festivali “Fest Nota e Artë 2012” kërkon 6 milionë denarë, në të kundërtën mund të vihet në pikëpyetje ekzistimi i festivalit 17 vjeçar që deri para dy viteve njihej si Festivali I këngës zbavitëse “Nota Fest”.. Kështu u shpreh Agim Ismaili, drejtor i festivalit duke sqaruar se angazhimet për realizimin e tij kanë filluar që në muajin e janar por kanë hasur ne vesh të shurdhër për mbështetje në shumë institucione shtetërore dhe kompani të mëdha private. Akuza të drejtpërdrejta drejtuan ndaj Qytetit të Shkupit dhe Ministrisë së Kulturës për shkurtime të fondeve.
“Komisioni për çështjen e rishikimit të konkurrimit të institucioneve të tilla në kuadër të ministrisë së Kulturës neve na ndau 1 milionë denarë, por ministresha na shkëputi 500 mijë denarë. Se ne pa sekretarin shtetëror në Ministrinë e Kulturës kemi marrë vjet 1 milionë denarë, sivjet kemi sekretarin shtetëror. Kuvendi I qytetit të Shkupit nga çdo vite që kemi pas 300 deri në 500 mijë denarë, sivjet 150 mijë denarë. Por, si duket me këto mjete momentalisht me sa kemi nënshkruar ne vendime me Ministrinë e Kulturës dhe Kuvendin e qytetit të Shkupit, ato janë gjithsejtë 650 mijë denarë, është vështirë që të mendohet e jo të realizohet festivali për shkak se nuk I mbulojnë edhe harxhimet e skenës”, tha Agim Ismaili, drejtori i Festivalit “Fest Nota e Artë 2012”.
Muzafer Bislimi, sekretar shtetëror në Ministrinë e Kulturës sqaroi për Alsat se arsyet për shkurtimin e fondeve janë për shkak të shkurtimeve në buxhetin e dikasterit në fjalë. Ndërkohë ai përkujtoi drejtorin e festivalit, Agim Ismaili se fondi prej 500 mijë denarëve për të mbështetur sivjet festivalin në fjalë do të vihet në pikëpyetje për shkak se drejtori i festivalit nuk ka dorëzuar raport për festivalin e vitit 2011, ndërsa afati ishte deri më 31 dhjetor të vitit të kaluar dhe kjo mund t’i shkaktojë problem me Inspektoratin e Ministrisë së Kulturës.
Ndryshe nga drejtoria e festivalit bëjnë të ditur se këtë vit parashohin festival më madhështor me rastin e 100 vjetorit të Shqipërisë, i cili pritet të realizohet në tre mbrëmje, një më këngë për fëmijë, një me zbavitëse dhe një me këngë popullore.

Alsat

[RaPSouL]

Cërvenkovski: BDI është shoqëri aksionare – profitabile vetëm për disa individ, jo për shqiptarët

Shkup – Kryetari i LSDM-së, Branko Cërvenkovski, në emisionin X-0 në Kanal 5 mbrëmë paraqiti një dokument i cili i përket vitit 2005, ku mediatori, Metju Nimic ka kërkuar vendi të quhet Rebublika e Maqedonisë me transkritpin latinik, që pas tre vitesh, sërish të ri-kthet emri Republic Of Macedonia.

Dokumentin të cilin e tregoi Cërvenkovski, përmban vulë të sekretit shtetërorë. Poashtu në këtë dokument thuhet se gjuha e maqedonasve, do të quhet “macedonian”. Mirëpo, ky propozim i atëherëshëm nuk është pranuar nga partia atëherë në opozitë VMRO-DPMNE, me në krye Gruevskin, e cila tani përbën shumicën parlamentare.

Cërvenkovski në pyetjen për partneret e VMRO-se tani ne qeveri respektivisht partinë shqiptare BDI, se a pret që këta të fundit të lëshojnë qeverinë, Cervekonvski u pergjigj: Bdi nuk është parti politike, ajo është shoqeri aksionerësh – profitabile, ndërsa profitin e saj nuk e shohin populli shqiptarë, por disa individ të saj.

M.B

[Genti..]

[RaPSouL]

Ish të burgosurit, nesër protestojnë para Qeverisë


Shoqata e ish të burgosurve dhe përndjekurve politik shqiptarë në Maqedoni, nesër do të protestojë para Qeverisë kundër mos zgjidhjes së statusit të tyre, përkatësisht kompensimit të tyre për persekutimet nga sistemi komunist. Kryetari i kësaj Shoqate Shpëtim Pollozhani tha se protesta e nesërme në orën 13 para Qeverisë, ka mbi të gjitha karakter informativ dhe paralajmërues për autoritetet, vecanëerisht ato shqiptare, të cilat tregohen neglizhente për përcaktimin e statusit ‘i burgosur’ dhe ‘i persekutuar politik’. Ai tha se në mënyrë simbolike Qeverisë nesër do ti dorëzohet edhe propozim ligji i përgatitur nga Shoqata si dhe 10 modele padish që i adresohen shtetit. ‘Ne e organizojmë këtë protestë si rezultat në një mënyrë i mos angazhimit të pushtetarëve tanë rreth përkufizimit të statusit i burgosur dhe i persekutuar politik, edhe pse që në vitin 2005 duke konsultuar ligjet e disa shteteve progresive në ish bllokun komunist, ne, juristët më të mirë shqiptarë në Maqedoni kanë hartuar një propozim ligj për zhdëmtimin e ish të burgosurve politik. Ka një ligj për zhdëmtimin e të burgosurve politik maqedonas i cili është sjellë në vitin 2002 dhe është mbindërtuar në vitin 2005, ai ligj nuk është anuluar dhe ne këtë fakt e marrim si diskriminim të qytetarëve shqiptarë, të ish të persekutuarve shqiptarë në këtë shtet edhe pse në shtet ekziston një ligj kundër diskriminimit’, tha Shpëtim Pollozhani, kryetar i Shoqatës së ish të burgosurve dhe përndjekurve politik shqiptarë në Maqedoni. Anëtarja e Shoqatës Halide Palloshi, këshilltare e BDI-së në Qytetin e Shkupit, tha se në protestë do të marrë pjesë si anëtare e shoqatës dhe jo si përfaqësuese e BDI-së, duke shtuar se protesta nuk është kundër partive politike shqiptare. Ajo madje tha se ka informata që BDI ka arritur marrëveshje me partnerin e Koalicionit për zgjidhjen e kësaj çështjeje.“Unë si shoqatë, që jam me vite këtu, jam e obliguar t’i mbrojë të drejtat e shoqatës, por nuk thirremi në asnjë subjekt politik. Subjektet politike, është për t’u falënderuar BDI-ja që ka një marrëveshje me partnerin e vet dhe është në përpilim e sipër ky ligj, mirëpo ne më herët filluam aktivitetin tonë dhe meqenëse përgatitjet e ligjit zgjasin ne nuk ktheheshim mbrapa për shkak se para 7 muajsh kemi caktuar ditën e protestës. Ne si Shoqatë nuk kthehemi mbrapa do të organizohet, por jo kundër njerëzve ose partive politike”, tha Halide Palloshi, anëtare e Shoqatës së ish të burgosurve dhe përndjekurve politik shqiptarë në Maqedoni. Protestën e nesërme që do të mbahet para Qeverisë, e kanë mbështetur Shoqata e Historianëve shqiptarë në Maqedoni, Iliricum Libertas nga Tetova si dhe disa subjekte politike shqiptare, RDK-ja e Rufi Osmanit, DR-ja , BDK e Hysni Shaqirit si dhe shumë organizata të tjera joqeveritare shqiptare.

Alsat

[RaPSouL]

‘Dosjet’ motivi i rrahjes së Hisen Musliut


Një ditë pas rrahjes së ish punonjësit të shërbimeve sekrete Hisen Musliu, avokati i tij Elvir Iseni konfirmon dhe zbardh detaje për ngjarjen. Rreth orës 16:00 teksa përshkonte rrugën e Ilindenit në Tetovë, Hisen Musliu është kërcënuar nga dy persona, të cilët i kanë nxjerrë armët. Njëri prej kërcënuesve dhe autorëve të rrahjes, i njohur për Hisen Musliun, i është drejtuar me fjalët ‘a do shkruash më dosje’. Sipas avokatit Elvir Musliu, njëri prej autorëve të rrahjes është me inicialet B.C. Kërcënimi nuk është lënë me kaq, por të rinjtë kanë filluar të shajnë dhe të godasin ish punonjësin e shërbimeve sekrete Hisen Musliu, deri sa ka rënë në gjendje alivanosje. Më tej, Hisen Musliu nuk mban mend asgjë. Sipas të dhënave të sotme të paraqitura nga avokati i tij, Hisen Musliu ka marrë goditje të shumta në kokë, në sy të cilin e kishte operuar vetëm disa ditë më parë, si dhe në trup. Por avokati Elvir Musliu akuzoi madje se në afërsi të ngjarjes ka qenë një patrullë policore e cila nuk ka reaguar aspak ndaj dhunës. Nga sektori i brendshëm, kryeshefi Shefik Bajrami hodhi poshtë akuzat se gjoja policia ka qëndruar duarkryq nga dhunës në mes të rrugës. Megjithatë, Bajrami theksoi se nëse viktima e kësaj dhune ka parë nj detaj të tillë, atëherë mund të ankohet në institucionet përkatëse. Ndërkaq, sipas të dhënave të avokatit, ish punonjësi i shërbimeve sekrete Hisen Musliu është lëshuar për kurim në shtëpi. Për rrahjen e Musliut sot ka reaguar edhe PDSH duke akuzuar direk BDI-në dhe liderin e saj Ali Ahmeti. Por nga BDI i hodhën poshtë akuzat duke i quajtura shpifje. ‘Me këtë akt i porositur nga BDI-ja dhe Ali Ahmeti, ekzekutuar nga njerëzit e Hazbi Likës, dëshmon se ajo ka shqetësim të vërtetë çështjen e dosjeve dhe ka zgjedhur që në këtë mënyrë vandale dhe fazhizoide të heshtë dëshmitarin i cili i njeh për së afërmi të gjitha veprimet që krerët e kësaj partie BDI kanë ndërmarr në të kaluarën’ , tha Zijadin Sela, deputet i PDSH-së. ‘Mbrëmë gjithë BDI-ja ka shënuar dekadën e parë të avancimit të të drejtave kolektive të shqiptarëve në Maqedoni drejt barabarësisë së plotë dhe shndërrimit në komb shtetformues në këtë vend, andaj besoj se akuzat e elementeve destruktive dhe shpifëse të dëshmuara në shoqërinë shqiptare këtu në Maqedoni nuk mund ta zbehin suksesin e 10 vjetorit të kaluar dhe zotimin tonë për avancimin e këtyre të drejtave edhe në të ardhmen’, tha Artan Grubi nga BDI. Emri i Isen Musliut u bë i njohur për opinionin veçanërisht pas publikimit të disa dosjeve që pretendonin implikimin e zyrtarëve të lartë të BDI-së si bashkëpunëtor të shërbimeve sekrete gjatë kohës së ish Jugosllavisë.

Alsat

[Genti..]

Ish të burgosurit, nesër protestojnë para Qeverisë

http://portalb.mk/CMS/Content/Upload...0(500x375).jpg
http://portalb.mk/CMS/Content/Upload...0(600x450).jpg
http://portalb.mk/CMS/Content/Upload...CE92DC9EBA.jpg
http://portalb.mk/CMS/Content/Upload...0(500x375).jpg
http://www.qendra.info/media/feedgat.../17_0_nesr.jpg
http://www.koha.mk/thumbnail.php?fil...article_medium

[Lumo]

http://www.lajmishqip.com/wp-content...09/10/pbkd.jpg






FALLANGAT SLLAVOMAQEDONASE DHE MERCENARËT PUSHTETAR


Komiteti i Ballit Kombëtar për Diasporë,ka përcjellur me vëmendje dhe indinjatë të thellë të gjitha ngjarjet e njëpasnjëshme në Fyrom,që nga dhunimi i simboleve kombëtare shqiptare, klithtjet dhe fyrjet publike ndaj shqiptarëve,procese të montuara politike dhe gjyqsore(rasti i Sopotit e deri tek i ashtuquajturi „radikalizëm islamik“), dhuntimin e pronës kombëtare dhe ate fetare shqiptare(nga kisha në Kala tek Burmali Xhamia në Shkup),terorizimin (Harun Aliun me shokë) dhe përndjekjen e atdhetarëve shqiptarë (Xhezair Shaqirin),shantazhimin dhe këcënimet ndaj intelektualëve të mirëfilltë dhe mediave shqiptare atje,shfrytëzimin e taksave shqiptare për projekte jo shqiptare (Shkupi 2012),tentativa për reduktimin e numrit real( që është mbi 35%) të popullatës shqiptare përmes një regjistrimi të parapregatitur.Por fatmirsisht dështoi, mos ditancimi dhe dënimin e ish regjimit komunist ( që nga 1944 e tej),mos shperbërja e sigurimeve të fshehta të trashëguara nga regjimi komunist jugosllav,mospërfillja e kërkesave të Ish të Përndjekurve dhe të Burgosurve Politik Shqiptarë në Fyrom,mopërfillja institucionale e Diasporës shqiptare që numëron diku rreth 600.mijë,numri tepër simbolik i përfaqsimit të shqiptarëve nëpër institucionet që nga Administrata e deri tek Akademia e Shkencave dhe Arteve, e tërë kjo na kthen në ate histori të hidhur dhe të dhimbur shqiptare.Na kujton sistemin e diktaturës,regjimin policor,dhe Gjyqësorin skajshëm të politizuar.Nga ky kandvështrim :

Komiteti i Ballit Kombëtar për Diasporë,për kte situatë tejet alarmante,ku shqiptarët janë vënë para dilemës të qenurit dhe egzistuarit qoftë fizikisht,qoftë ekonomikisht,ne mendojmë se përgjegjësia më e madhë është edhe mercenarizmi dhe servilizmi i pashembullt i partisë shqiptare në pushtet.Kreu i kësaj Partie ka momentin të reflektojë me vetvehten dhe pozicionin e saj,kujtesën e së kaluarës,dhe analizën e programit të saj,në të kundërtën,pasojat e rënda dhe dështimet politike dhe konceptet e tyre programore,do të barten tek mbarë antarsia e saj duke qenë të goditur rëndë politikisht dhe moralisht.

Komiteti i Ballit Kombëtar për Diasporë,mbështet fuqishëm thirjet e Shoqatave Atdhetare në Europë dhe SHBA,për bashkimine energjive intelektuale dhe politike në Atdhe dhe Diasporë. Mbështesim ofertën e z.Dio Guardi dhe njëherit po punojmë që bashkërisht të kontribojmë që mes Ligës Shqiptaro Amerikane dhe Këshillit Shqiptaro-Amerikan të përcillet një rrezullutë në Senatin dhe Kongresin Amerikan.

Komiteti i Ballit Kombëtar për Diasporë,Mbështet fuqishëm protestën e SHoqatës së ish të Përndjekurve dhe të Burgosurve Politik në Fyrom.Mbështesim krijimin e një poli të ri politik mes Partive më të vogla e cila duhet të ketë kërkesa dhe ofertë të qartë politike,jo për ndrim pushtetesh dhe konfliktualitete politike ndërshqiptare,por të kërkohen ndryshime rrënjësore Kushtetuese përmes një qeverie teknike,dhe jo duke mbështetur opozitën sllavomaqedonase, meqë tashmë eshtë provuar se antishqiptarizmi i tyre është gjithmonë në unison.

„SHQIPËRIA E SHQIPTARËVE „

Kordinator i Ballit Kombëtar
Eugen Shehu

[RaPSouL]

Cërvenkovski: 'BDI, parti tenderësh'


Lideri i opozitës në Maqedoni Branko Cërvenkovski, ka intensifikuar takimet e tij me liderët e partive tjera më të vogla opozitare për të shqyrtuar mundësinë e koalicionimit parazgjedhor. Cërvenkovski mbrëmë në emisionin Rruga Drejt tha se personalisht është takuar edhe me Menduh Thaçin, ndërsa përfaqësues të partisë së tij kanë takuar edhe Rufi Osmanin. Ai tha se është herët të flitet nëse do të arrijnë një marrëveshje për koalicion në bllok të gjitha partitë opozitare në vend. “Vlerësoj se ka ardhur momenti, të gjitha partitë politike opozitare, liderë të atyre partive ti lënë anësh interesat e ngushta politike dhe të tentojmë të merremi vesh të paktën për disa gjëra elementare, parasegjithash me qëllim që të ndalim këtë situatë e keqe dhe ta kthejmë shtetin në binarët normal. Ne në nivele të ndryshme kemi pasur takime edhe me Menduh Thaçin edhe me Rufi Osmanin. Me Menduh Thaçin personalisht jam takuar, kurse me Rufi Osmanin, ka patur takime me nënkryetarin e partisë Zoran Zaev. A do të jetë rezultati përfundimtar që për herë të parë të kemi një koalicion multietnik, unë nuk e di, deri më tani në këto 20 vite ka qenë tabu temë, sa i përket LSDM-së ne jemi të gatshëm ta thyejmë akullin”, tha Branko Cërvenkovski, kryetar i LSDM-së. Cërvenkovski folur edhe për partinë shqiptare në pushtet BDI-në dhe periudhën e koalicionit të tyre gjaë viteve 2002-2006. Ai tha se sot BDI nuk mund të quaj të arritur të saj zyrtarizimin e USHT-së. “Atë e kam bërë vetë unë pa kërkuar askush nga unë”, tha Cërvenkovski. Duke folur për etiketimin e intelektualëve shqiptarë nga ana e BDI-së se janë marionetë të LSDM-së, Cërvenkovski tha. “Nëse Branko Cërvenkovski nga opozita mund ti kontrollojë intelektualët shqiptarë dhe të punojnë për LSDM-në ndërsa Ali Ahmeti nga pushteti nuk mund të vendosë kontakt me intelektualët shqiptarë, çfarë flet ajo, në cilën botë jetojnë ata, në cilën planetë jetojnë këta të BDI-së. Paramendoni në çfarë gjendje ka rënë ajo parti kur intelektualët të cilët nuk mendojnë si mendon partia apo e kritikojnë partinë, i shpallin tradhtar. Unë ju bindë se kur e shoh sot BDI-në nuk mund ta njohë se a është e njëjta kur ishin me ne në koalicion. Unë isha kryeministër nga 2002-2004, edhe nga pozita e presidentit bashkëpunuam. Sot disa njerëz rreth meje në LSDM më thonë se ne paskemi qenë naiv që aq shumë i rrespketuam, që aq shumë kishim kujdes që me ta bashkë të veprojmë, më thonë shihni se si paskemi mundur, shihe çka ju bën Gruevski. Mund ti linim në qosh ndokund ose ti vlerësojmë se sa kushtojnë. Sot i shohim duke thënë se një ndër sukseset e tyre është legalizimi i USHT-së paska qenë sukses i tyre, Ai universitet as që ka qenë në MO-në, as Qeveria ka sjellë vendim me propozim të BDI-së, propozimin e dhashë unë ”, tha Branko Cërvenkovski, kryetar i LSDM-së. U tallët në Strumicë në llogari të projektit Shkupi 2014 duke thënë se mirë është që Aleksandri nuk ka më shumë vëllezër e motra se kush e di ku do të ishte fundit. Ndoshta i keni dhënë ide Ahmetit pasi Skenderbeu ka pasur shumë vëllezër e motra e tash mund të fillojë të ndërtojë? “Pasi më pyetët për shakatë do tu them: Disa e quajnë Skenderbeg, ndërsa disa bashkëkohor e quajnë Tender-beg. Nëse bën autostradë e din se mund të kushtojë 1 milion euro, deri në 1 milion e gjysmë nëse bën urë ose tunel, nëse bën hidrocentral e din sa kushton, por nëse bën përmendore mund të kushtojë dy herë e tre herë më shumë, njerëzit u dashuruan në përmendoret, pasi ajo është kriminalitet dhe larje e madhe parash”, tha Branko Cërvenkovski, kryetar i LSDM-së. Duke folur për zhvillimet në Gostivar gjatë vitit 1997, Cërvenkovski tha se i vjen keq për ngjarjet në atë kohë, por shtoi se ai nuk ka se çka ti kërkojë falje Rufi Osmanit, por kërkoi nga ky i fundit që bashkërisht ti kërkojnë falje qytetarëve “Unë nuk kam se çka ti kërkojë falje Rufi Osmanit, unë jam i gatshëm që unë dhe Rufi Osmani bashkë, pasi unë isha kryeministër ai kryetar komune, bashkë ti kërkojmë falje qytetarëve të Gostivarit, pasi unë si kryeministër dhe ai si kryetar i Komunës nuk arritëm që të bëjmë çmos që mos të ndodhin ato ngjarje. Nuk janë ato relacione personale mes Brrankos dhe Rufiut, këtu flasim për udhëheqjen e shtetit, fatin e popullit 2 milonësh e jo për sedra personale se kush kujt do ti kërkojë falje, ato janë punë private”, tha Branko Cërvenkovski, kryetar i LSDM-së. Cërvenkovski tha se gjendja në shtet është katastrofale falë politikave të gabuara të Qeverisë aktuale në të gjitha segmentet. Cërvenkovski tha se zgjedhjet lokale të 2013 do të jenë referendum për shtetin, pasi nëse fiton opozita atëherë do të kërkojnë zgjedhje të parakohshme parlamentare. Duke folur për bllokimin e eurointegrimeve Cërvenkovski tha se Maqedonia deri në vitin 2006 kur në pushtet erdhi Gruevski nuk kishte probleme me integrimet. Që nga 2006 sipas Cërvenkovskit për shkak të antikuizimit të vendit i humbëm të gjithë miqtë ndërkombëtar dhe bllokuam vendin për integrim në NATO dhe BE.

Alsat M

[RaPSouL]

Bullgaria kundër Maqedonisë-Veriore


Qeveria e Bullgarisë fqinje është rreptësisht kundër futjes së përcaktuesit gjeografik në emrin eventual të ri për Maqedoninë, deklaroi kryeministri bullgar Bojko Borisov. Ai beson se emri "Maqedonia Veriore" do të ishte krejtësisht e papranueshme, sepse ky term gjeografik do të përfshinte rajone që i përkasin Bullgarisë, duke hapur hapësirë për pretendime territoriale. Kryeministri bullgar deklaroi për kanalin privat televiziv "TV +" se versionet e ndryshme të emrit të mundshëm të ardhshëm të Maqedonisë, u diskutuan, duke përfshirë edhe "Maqedoninë Veriore". "Unë thashë që nuk do ta pranojmë, sepse nesër ata do të thonë se Bllagoevgradi është maqedonas," tha kryeministri Borisov.

Alsat M

[RaPSouL]

Nxënësit nga Tetova dërgojnë apel për tolerancë


Në ditën e fundit të vitit shkollor, qindra nxënës nga komuna të ndryshme të vendit pavarësisht përkatësisë etnike apo fetare u mblodhën në Tetovë për t’u argëtuar përmes aktiviteteve të ndryshme sportive dhe kulturore. Shqiptarë, maqedonas, turq, romë.., mysliman e krishterë fillimisht vizituan xhaminë e Larme në Tetovë, ndërsa më vonë në sheshin e qytetit luajtën futboll dhe pikturuan. Nxënësit shprehën kënaqësi për mundësinë e të qenit bashkë me bashkëmoshatarët e tyre pavarësisht dallimeve me tyre. “Unë ndjehem shumë mirë sepse kemi ardhur këtu të argëtohemi, të luajmë futball, të shoqëronhemi jo ta kemi armiq njeri tjetrin”, tha Muhamed Delija, nëxnës i sh.f Kirili dhe Metodi. “Janë nga qytete të ndryshme, njihemi mes veti, shoqërohemi dhe argëtohemi”, tha Marijana Simjanovksa, Vrapcisht. “Ky projekt neve na sjell paqe, bëhemi bashkë me të gjithë shokët dhe shoqet, luajmë futboll, do vizitojmë sot kjo është kënaqësi e madhe për ne”, tha Sinkron Symejra Islami, nxënëse Vrapcishti. Të pranishëm në këtë eveniment ishin edhe presidenti Gjorge Ivanov, ambasdori Poll Ulloers si dhe kryetari i Komunës së Tetovës, Sadi Bexhti si bashkërganizatorë të manifestimit. Ata sugjeruan që pikërisht përmes sportit duhet të kapërcehen të gjitha dallimet qoftë etnike apo fetare. “Filluam me Xhaminë e Larme si një ndër karakteristikat kryesore të Tetovës, për shkak se herën e kaluar në Shkup ishim në Kishë, ku mësuan për krishterizmin, tani të rinjtë të mësojnë për islamin, të shohin Maqedoninë se nuk është vetëm shtet multientik, por edhe shumë religjioz dhe shumëgjuhësor, të njihen mes veti, respektivisht përmes sportit të rinjtë ta kuptojnë se duhet të respektohen disa rregulla.Sikurse që ka rregulla në sport ashtu ka rregulla në jetë dhe nëse i respektoni ato rregulla kjo është garancë për sukses në jetë”, tha Sinkron Gjorge Ivanov, President i Maqedonisë. “Është një ditë shumë e vecantë të shohësh të gjitha këta fëmijë që luajnë sporte, sikurse tha presidenti sporti është diçka me të cilën kënaqen të gjithë fëmijët, ato mësojnë për njëri tjetrin pa mos e vërejtur këtë, shoqërohen mes veti bashkësi të ndryshme religjoze, kutlurore, etnike. Është shembull shumë i mirë i mozaikut të pasur që e bën Maqedoninë një vend kaq të veçantë”, tha Poll Uollers, Ambasador i SHBA-së. “Edhe një herë ne si Tetovë tregojmë se ne shqiptër jemi për të bashkëjtuar dhe ky është një mesazh i qartë për fëmijët se duhet të jenë të kujdesshëm vecanërisht për prindërit e tyre që të ju japin mesazhe sa më të qartë fëmijët se vetëm me bashkëjetesë mund të jetojmë së bashku”, tha Sadi Bexheti, kryetar i Komunës së Tetovës. Tetova është njëra nga gjashtë komunat e përshira në projektin ‘Sporti i faktor i bashkimit dhe tolerancës’. Pjesë e këtij projetki janë edhe komuna e Prilepit, komuna Qendër, Staro Nagoricane, Shuto Orizari dhe komuna e Vrapcishtit.

Alsat M

[RaPSouL]

Sot përfundoi viti shkollor në Maqedoni


Në të gjitha shkollat fillore dhe të mesme në Maqedoni sot u mbyll viti shkollor 2011/2012.

Ministria e Arsimit dhe Shkencës bëri të ditur se procesi mësimor ka përfunduar për këtë vit dhe se 199.892 nxënës në 358 shkolla fillore dhe 68.569 nxënës në shkollat e mesme prej sot janë në pushim tremujor veror.

Në komunat e Dibrës, Krushevës dhe dy komuna tjera rurale nesër përfundon viti shkollor, për shkak të zëvendësimit të ditëve të humbura për shkak të motit të keq.

Ministria e Arsimit bëri të ditur se për vitin e ri shkollor 2012 / 2013 do të regjistrohen 26.657 nxënës. Në këtë numër hyjnë fëmijët e lindur në 2006 dhe janar 2007.

(INA)

[illyrian rex]

KACIN: PROBLEMI NË MAQEDONI, ËSHTË KRYEMINISTRI GRUEVSKI

Jelko Kacin, Euro-deputeti slloven dhe nënkryetar i delegacionit për Evropën Juglindore, flet hapur mbi problemet që Maqedonia ka si shtet dhe kërkon urgjentisht kthjellimin e lidershipit të qeverisë së Maqedonisë drejt rrugës euro-atlantike.

Ai në një intervistë ekskluzive për portalin Shqipmedia mes tjerash deklaron se “Problemi në Maqedoni është lidershipi i cili është i personalizuar me personalitetin e kryeministrit Nikolla Gruevski dhe duket se ai personalisht nuk është në kërkim për zgjidhjen e këtij problemi”.

Kacin u shpall persona “non-grata” për qeverinë e Maqedonisë për shkak të kritikave të tij të drejtpërdrejta që i adresoheshin politikës se gabuar evropaine të Maqedonisë. “ Deri sa në Maqedoni të vazhdojë klima anti-Evropiane, unë nuk do të jem i mirëpritur në Maqedoni, të paktën jo nga partia në pushtet dhe sinqerisht nuk shof donjë shpresë që gjërat do të ndryshojnë së shpejti.

Deri sa nuk ka qasje të brendshme që të ndryshojnë sendet, atëherë mision është i pamundur”.

Unë jam skeptik se me këtë qeveri Maqedonia do të ndryshojë, ka thënë në vazhdim Kacin i cili në fund ka përcjellë edhe një mesazh përmes portalit Shqipmedia popullit sllavo-maqedonas siç i quan ai, shqiptar dhe të tjerë që jetojnë në Maqedoni.

GazetaExpress

[RaPSouL]

Qytetarët kundër shtrenjtimit energjisë elektrike


Paralajmërimet e një dite më parë të komisionit rregullator për energjetikë për shtrenjtimin e energjisë elektrike kanë shqetësuar qytetarët, të cilët shprehen se nëse vazhdohet me këtë valë të ngritjeve të çmimeve, vendi mund të rrezikohet nga varfëria e skajshme. Qytetarët thonë se shtrenjtimi i rrymës është i paarsyeshëm dhe se do ta rëndojë akoma më shumë buxhetin e tyre, edhe ashtu të varfër. "Sipas meje nuk duhet të rritet. As unë e as gruaja ime nuk punojmë, nga ku ta paguajmë energjinë nëse shtrenjtohet përsëri. As tani nuk mundemi ta paguajmë me 300 vështirësi po mundohemi, vijnë e na e shkëputin e ne përsëri e lidhim. Nëse e shtrenjtojnë edhe një here, si do të mbijetojmë", u shpreh një qytetar."Jo more nuk kanë njerëzit pare çfarë shtrenjtimi. Duhet të ulet si jo!, tha një tjetër qytetar i anketuar. "Jo nuk duhet, skamje e madhe është, bile edhe tani është shumë", tha një qytetar. "Jo nuk është e duhur të shtrenjtohet. Në këtë varfëri si mund të rritet çmimi kur 80% e njerëzve janë të papunë", u shpreh një qytetar. ALSAT-M mëson se Komisioni Rregullator për Energjetik ka obligim që deri në vitit 2015, kur fillon liberalizimi i tregut të energjisë elektrike, çmimi i saj duhet të rritet përafërsisht për 18 % çdo vit me qëllim që të arrijë nivelin e çmimeve në Bashkimin Evropian.

Alsat

[RaPSouL]

Opozita: 'BDI po bllokon punën e Komitetit'


PDSH dhe RDK reaguan ashpër ndaj bojkotimit nga ana e BDI-së, të seancës së sotme të Komitetit për marrëdhënie ndëretnike. Sipas tyre, partia në pushtet edhe një herë dëshmoi se ky komitet nuk është gjë tjetër veç një dekor në kuvend, pasi asnjëherë nuk mblidhet për të diskutuar padrejtësitë dhe problemet e shqiptarëve me të cilat ballafaqohet gjatë qeverisjes së VMRO-BDI-së. Ndërkaq për RDK-në, është i papranueshëm fakti se si BDI-ja injoroi komitetin kur në të duhej të diskutohej përdorimi i gjuhës shqipe në shëndetësi. ‘Sot ishim dëshmitarë të një turpi të radhës së BDI-së. Deputetët e tyre guxuan të kërkojnë mbledhje të Komitetit, kërkesa e tyre ndodhi ndje. Sot të tmerruar nga kërkesa e komitetit, të njëjtit e bllokuan punën me faktin që nuk morën pjesë në të. Gjatë katër viteve të qeverisjes së VMRO-BDI shqiptarët u maltretuan dhe u burgosën, u torturuan, u kidnapuan, u vranë...BDI nuk e pa të arsyeshme që komiteti të debatojë në lidhje më këtë terror dhe dhunë’, tha Orhan Ibrahimi, deputet i PDSH-së. ‘Ajo që është shqetësuese është se ky Komitet bojkotohet nga deputetët e BDI-së dhe VMRO-se më të vetmin fakt që të vlerësojë Komiteti se ky ligj a duhet të sillet me zgjedhje të dyfishtë apo jo...Ky ligj i përdorimit të gjuhës shqipe posaçërisht neni 2 nuk jep mundësi që edhe në shëndetësi të përdoret gjuha të cilën e flasin të paktën 20 përqind e qytetarëve’, tha Izet Zeqiri deputet i RDK-së. Për Zeqirin, kërkesa e deputetëve të BDI-së që të zbatohet neni 2 i gjuhës shqipe është jo normale, pasi ky nen nuk zgjidhë problemin e përdorimit të saj në të gjitha fushat. Deputeti i RDK-së këmbëngul se ndryshimi i ligjit për përdorimin e gjuhës shqipe duhet të garantojë që ajo të zbatohet në çdo segment. Nga BDI-ja nuk pranuan të prononcoheshin për bojkotin e sotëm ndonëse seanca e Komitetit për Marrëdhënie ndëretnike ishte thirrur me kërkesë të koordinatorit të kësaj partie Talat Xhaferi.

Alsat

[RaPSouL]

Askush s’i lë shqiptarët t’i afrohen financës

Nga Partia e Prosperitet Demokratik e deri tek Bashkimi Demokratik për Integrim, gjatë gjithë harkut kohor të njëzet viteve të fundit, numërohet vetëm një shqiptar që është ngjitur në hierarkinë më të lartë drejtuese të financave.

Gjatë dy dekadave dhe një sërë koalicionesh bashkëqeverisëse mes subjekteve të ndryshme politike shqiptare dhe maqedonase, në asnjë prej tyre nuk është arritur dot që të kapërcehen barrierat, dhe për të emëruar një shqiptar në postin e ministrit të Financave, të Drejtorisë së Doganave, Policisë Financiare, si guvernator i Bankës Popullore, në krye të Drejtorisë së të Hyrave Publike e në organe të tjera. Madje, edhe subjektet politike shqiptare në vite sikur janë “mësuar” me këtë fakt dhe vazhdojnë t’i nënshtrohen fatit, pa pretenduar shumë dhe duke marrë ato ministri dhe drejtori që nuk kanë lidhje të drejtpërdrejtë me sektorin financiar.
Ekspertë të kësaj fushe janë skeptikë dhe besojnë se situata do të vazhdojë të jetë e tillë edhe për vite të tjera. Xhevdet Hajredini konsiderohet shqiptari i vetëm që është emëruar si ministër i Financave në përbërjen e dytë qeveritare të Maqedonisë pluraliste.
Sipas tij, deri tani jo vetëm në këtë ministri, por edhe në organet e tjera në varësi nuk ka pasur asnjë shqiptar që sipas Hajredinit, nuk bëhet fjalë për mungesë kuadrosh, por për një strategji që zbatohet me vite nga subjektet politike maqedonase kur vijnë në pushtet, me qëllim që asnjë shqiptar të mos ketë qasje në pozicionin ku mund të menaxhohen mjetet e buxhetit. “Ky profesion është shumë delikat, prandaj edhe nuk lejohet kushdo që të ketë qasje në sektorin financiar. Nuk lejohet as ulja e dikujt në postin e guvernatorit dhe as në të zëvendësit të tij. Vendosin ndonjë përgjegjës për shërbimet e përgjithshme, për shoferë e të tjera. Kjo është sferë jashtëzakonisht delikate në pikëpamjen politike, pasi nuk mund të bëhen keqpërdorime financiare me dikë që nuk është përfshirë në skenar”, thotë ish ministri i Financave. Sipas Hajredinit, mungon besimi për t’ia dhënë një post të tillë një shqiptari, madje shton ai, më shumë kanë besim që Mbrojtjen t’ia japin një shqiptari, sesa Financat. “Nuk është punë aftësie, është punë mosbesimi. Madje, edhe posti i zëvendësministrit ku është i ulur një shqiptar, është jashtëzakonisht formal, pasi fushëveprimi i tij është i kufizuar, gjegjësisht aq sa i lejon edhe ministri që të jetë. Dhe të mos flasim për Doganat, ku keqpërdorimet dhe sekretet më të mëdha ndodhin pikërisht atje. Po ashtu, edhe në Drejtorinë e të Hyrave Publike. Menaxhim i të ardhurave nga Qeveria bëhet në një formë të atillë që të bëhet shantazh ndaj biznesit, selektim në politikën e inspektimit dhe prandaj kërkohet që në këto poste të ketë njerëz të besueshëm”, thotë Hajredini.
Mund të na japin shumë ministri e drejtori, por sektorët kryesorë të financave asnjëherë nuk i janë lënë shqiptarëve, për një fakt të thjeshtë - konsiderohen gjithmonë si të huaj dhe jo pjesë e shtetit dhe jo si pjesë përbërëse dhe bashkëmenaxhuese e tij, thotë profesor Hamit Aliu, që vite më parë ka ushtruar postin e zëvendësdrejtorit të Entit të Qarkullimit Pagesor. “’Gabimi’ i vetëm në këto 20 vjet ka qenë kur Hajredinin e emëruan ministër, gjë e cila nuk u përsërit më dhe tek-tuk janë bërë disa emërime gjoja si të një rangu pak më të lartë, por asnjëherë në postet kyçe”, shton Aliu. Ai beson se barazia ekonomike, është më e rëndësishme se ajo politike dhe se gjithçka ndodh dhe lidhet me financat.
“Ne kemi ekspertë të fuqishëm të fushës financiare, por mendoj se më e rëndësishmja është që partitë politike do të duhej ta kishin tejkaluar vetveten dhe të mos i kategorizojnë ekspertët e kësaj fushe nëse ka ose jo librezë partiake, por të kërkojnë që të jetë i aftë dhe të ketë përvojë dhe nëse ka zotësi për të drejtuar poste të tilla”, thotë Aliu.

Tetova1

[RaPSouL]

Ahmeti e pranon: “Për Aleksandrin në shesh vendosëm bashkë me LSDM-në


BDI-ja, ndryshe nga VMRO-ja, pati pritur që në Samitin e NATO-s në Çikago të kishte një lëvizje pozitive për Maqedoninë. Kështu u shpreh kryetari i BDI-së Ali Ahmeti në një intervistë për televizionin Kanal 5. Duke komentuar qëndrimet e kryeministrit Nikolla Gruevski i cili pati akuzuar NATO-n dhe disa vende anëtare të Aleancës për standarde të dyfishta, Ahmeti tha se e kupton plotësisht revoltën e Gruevskit. “Unë e kuptoj edhe revoltën e z. Nikolla Gruevski sepse ka përgjegjësinë më të madhe dhe sulmet – shigjetat shkojnë drejt z. Nikolla Gruevski për dështimin që është bërë në samitin e Çikagos. Mirëpo përsëri unë mendoj që me forca të përbashkëta ne do të arrijmë të kalojmë situatën’, tha Ali Ahmeti, kryetar i BDI-së. Ahmeti garantoi se partia e tij përpiqet të ndihmojë në mënyrën më konstruktive në gjetjen e zgjidhjes së çështjes së emrit dhe anëtarësimin e vendit në NATO dhe BE. Pavarësisht epilogut të samitit të NATO-s Ahmeti tha se BDI nuk do ta braktisë Qeverinë.“Nëse BDI braktis Qeverinë, a do të ketë krizë? Sigurisht se do të ketë krize dhe unë nuk mendoj se ka ndonjë njeri që nuk beson që tërheqja e BDI-së nuk shkakton krizë në vend. Po i dëgjoj që të gjithë, shumë analistë, BDI duhet të braktisë Qeverinë. Ku do të shkojë BDI? Të bëhet pjesë e instalimit të krizës, pjesë e varfërisë edhe më shumë të njerëzve?”, tha Ali Ahmeti, kryetar i BDI-së.Kreu i BDI-së tha duhet pritur formimi i Qeverisë së re në Greqi, pas zgjedhjeve të 17 majit atje, dhe të fillojnë komunikimet e drejtpërdrejta, pasi në syrin e Ahmetit, Emri nuk është një çështje e pazgjidhshme. “Nuk është problem aq i thellë që nuk ka zgjidhje, problemi i çështjes së emrit. Brenda rajonit të Ballkanit Perëndimor ka pasur probleme edhe më të mëdha, që janë shtruar për zgjidhje dhe kanë gjet zgjidhje, shembull është Kosova, është Bosnja”, tha Ali Ahmeti, kryetar i BDI-së. Duke folur për projektin Shkupi 2014, Ahmeti tha se shumë objekte në kuadër të këtij projekti janë në interes për gjithë qytetarët e Maqedonisë, ndërsa shtoi se vendimi për vendosjen e Aleksandrit të Madh është marrë në kohën e qeverisjes së LSDM-së me BDI-në. “Për vendosjen e Aleksandrit, ne duhet të jemi të sinqertë, është vendosur në kohën kur në koalicion kanë qenë LSDM-BDI, BDI-LSDM. Është marrë vendim në qytetin e Shkupit dhe është votuar në Këshillin e Shkupit. Vendimi është marrë në kohën kur kanë Qeverisë BDI-LSDM vendimi është marrë në qytetin e Shkupit për vendosjen e Skënderbeut dhe vendosjen e Aleksandrit të Madh. Unë nuk mendoj se Aleksandri i Madh në qytetin e Shkupit paraqet ndonjë pengesë serioze për të arrit deri tek kompromisi për çështjen e emrit”, tha Ali Ahmeti, kryetar i BDI-së. Kryetari i BDI-së Ali Ahmeti tha i bindur se shqiptarët, duke folur këtu edhe në emër të PDSH-së, do të pranojnë çdo zgjidhje për çështjen e emrit, që do ta pranonin subjektet politike maqedonase.

/Alsat-m/

[RaPSouL]

Marrëveshja e Ohrit: Ku janë paratë që u donuan nga ndërkombëtarët?


Për implementimin e Marrëveshjes së Ohrit (MO), qeveria e Maqedonisë, çdo vit ndanë një pjesë nga buxheti i qeverisë për implementinin e MO. Përveç parave të qeverisë, ka pasur dhe ka donacione që vin nga fondacione të huaja të cilët kanë donuar shuma të mëdha që të ndihmojn në implementimin e sa më të shpejt të Marveshjes së Ohirt. Ajo cka është e dyshimt apo jo e sqaruar mirë në këtë cështje, është që Sekretariati për Implementinim e Marrëshjes së Ohirt (SIOFA), e cila është krijyuar si një institute i pavarur për të implementuar MO, nuk ka asnjë të dhënë publike , në atë se sa para jane donuar ndër vitë nga donator të huaj dhe ku janë përdorur/donuar ata mjete për të ndihmuar implementimin e MO?

Nëse bëhët një kërkim gjeneral për këtë çështje, të vetmet informacione që mund të gjehen janë lajmet investigative të cilat janë botuar tek Televizoi “A1”, që në fakt ata tani më janë burime të pa kapshme për publikun pasi qeveria e Maqedonisë urdhëroi mbylljen e TVs një vitë më pare, duke çaktivizuar njëkohësisht dhe ueb faqen e tyre: http://www.time.mk/read/c93fa5ac0f/0...346/index.html , http://www.time.mk/cluster/c93fa5ac0f/index.html

Historkiu i SIOFA:

SIOFA ëashë krijuar në vitin 2007 nga qeveria e Maqedonisë. Gjithmonë është udhëhequr nga nja zv. Kryeministër i qeverisë. Imer Aliu, i cili në ka mbajtur postin e zv.Kryeministrit në krye të SIOFA (aktualisht deputet në Parlamentin e Maqedonisë nga rradhët e PDSH-së), ka folur për I-SCOOP që SIOFA është themeluar nga partia e tij, Partia Demokratike Shqiptatare PDSH, e cila erdhi në qeveri në 2007-në. Sipas Aliut, deri atëhere, qeveria e më parshme e udhëhequr nga LSDM-BDI nuk arritën të krijojnë asnjë institut të pavarur i cili do të udhëheqte me implementimin e MO, dhe këtë e kanë bërë sepse ka qenë në interesin e tyre, që buxheti i MO mos të jetë në duar të drejta dhe mos të përdoret sic duhet.

Ai më tej shton “Si fillim, besoj që duhet të ju tregoj historin se si është krijuar SIOFA. Sekretariati u themelua në Shtator të vitit 2007, në kohën kur PDSH ishte në qeveri. Deri atëherë implementimi i MO funksiononte si sektorë në kornizën e Sekretariatit Gjeneral të Qeverisë. Kjo dmth që zv.kryeministri , që ishtë në krye për të zbatuar MO, ishtë pjesë e një sektori udhëheqës ndër kornizën e një institutit tjetër e cila gjithmon udhëhiqej nga dikush tjetër, respektivisht nga dikush me përkatësi maqedonase. Përderisa kjo metodë e funksionimit dukej jo logjike, krijimi i Sekretariatit si një institut i vecantë me buxhet dhe sistematizim individual, u bë prioritet për partin tonë PDSH, dhe në kohën kur unë isha zv.kryeministër, SIOFA u themelua” ka thënë Aliu.

Është më rëndësi të ceket që gjatë hulumtimit të kësaj teme, politikani i vetëm që ka qenë i kyçur drejt për së drejti në implementimin e MO, dhe ka pranuar të flas publikisht për këtë temë, ka qene pikërisht Imer Aliu. Imer Selmani, i cili po ashtu ka qenë në krye të SIOFA, ishte e pamundur të kontaktohet sepse është larguar nga sekna politike dhe nuk jep asnjë deklaratë publike. Zv.Kryeministri aktual në krye te SIOFA, Musa Xhaferri, nuk është përgjigjur në asnjë pyetjte të parashtruar në lidhje me temën, gjegjësisht në pyetjet: sa para mblidhen për MO? Ku shpenzohen ato dhe me çfar plan strategjie? Përse nuk ka të dhëna publike, përsë nuk janë vështjet transparente? z.Xhaferri ka qenë i kontaktuar disa herë me rradhë i cili nuk ka kthyer asnjë përgjigje.

Pyetjeve në fjalë i u është pëegjigjur Imer Aliu, i cili në pyetjen e ardhshme, se si ka qenë procesi i donaacioneve dhe si janë shpenzuar ata , ka thënë:

“Donacionet që kanë ardhUR në ndihmën tonë pas konfliktit të 2001, duhet të them që asnjëherë nuk ka pas donjë institute specific që ka kordinuar apo menaxhuar ato donacione, dhe SIOFA definitivhst ska qene një nga ata. Donacionet që kanë qenë të donuara janë menaxhuar nga disa institute si psh. Ministri të ndryshme: Ministra e Shëndetësis, Ministria e Transportit dhe Komunikimit, Ministria e Arsimit, Minisgria e Qeverisjes Lokale etj, gjithmon duke qenë të varura nga destinacioni ku ata ishin të drejtuara. Por sigurisht, një numër i madh i projekteve nga organizatat dhe institutet ndërkombëtarë janë implementuar nga OJQ-të lokale në Maqedoni.

Si rezultat i kësaj, mund të konkludojm që donacionet dhe grantet që janë dhënë, përvec faktit që nuk kanë qenë të mjaftushme, ato po ashtu kanë qenë shumë të abuzuara, për shkak të keqmenaxhimit të tyre. Po ashtu duhet të potencohet që pas konfliktit të 2001, një konferencë donatorësh u mbajt në Maqedoni, ku Maqedonis ju premtuan miliona euro për rikonstruktim të shtëpijëve dhe gjërave tjera të dëmtuara nga pasojat e konfliktit. Shumë pak projekte u implementuan, dhe në vendet ku banojnë shqiptarë ne mund ti vërejm edhe sot e kësaj ditë pasojat e (në aspektin material) nga konfilkti i 2001” është shprehur Aliu.

Imer Aliu ka theksuar që asnjëherë nuk ka pasur donjë të dhënë publike se ku dhe si janë shpenzuar parat për MO dhe as sot e kësaj dite, dmth pas 10 viteve, nuk egziston asnjë e dhënë publike që të tregoj qart se ku, si, sa, dhe për çfarë qëllimi janë shpenzuar ato para.

“Për fund, do thoja që SIOFA nuk ka qenë një institut i pavarur në qeverisjen e LSDM-BDI, nuk ka qenë aspak e rastësishme, sepse ajo është lënë jashtë menaxhimit të fondeve të cilat erdhën në Maqedoni pas konfliktit të 2001. Normal që nuk ka asnjë të dhënë publike, as në SIOFA e as diku tjetër dhe nuk besoj të ketë donjëherë normalisht. Kur është puna të transparenca e mjeteve për MO, është “normale” most ë ketë asnjë akses public të asnjë llojit” ka përfunduar Aliu.

Shqipmedia

[RaPSouL]

Në Maqedoni pritet vapa afrikane


Në Maqedoni prej nesër pritet i nxehti afrikan pasi që vendi do të jetë nën ndikimin e një mase ajrore të nxehtë dhe të thatë nga Afrika veriore.

Instituti Hidrometeorologjik në Shkup paralajmëron për rritjen e temperaturave, të cilat nga mesi i javës së ardhshme do të shkojnë deri në 39 gradë celsius. Ndërsa, shkalla e Indeksit UV do të jetë e lartë deri në 9.

Meteorologët për sot bëjnë të ditur për mot të nxehtë me temperaturat që do të shkojnë deri në 34 gradë celsius.

Në Shkup dhe rrethinë do të jetë mot i njëjtë, me temperaturë deri në 32 gradë celsius.

Ministria e Shëndetësisë ka paralajmëruar që qytetarët të respektojnë masat e përgjithshme për prevenim për t`iu shmangur valës së nxehtit dhe për të mbrojtur shëndetin, duke i`u shmangur diellit në hapësirat e hapura sidomos nga periudha kohore 11 – 16. Qytetarët rekomandohen që të konsumojnë ushqime të lehta dhe lëngje, të mbajnë rroba me ngjyra të hapura dhe të bardha.

Kujdes i veçantë kërkohet nga të sëmurit, që duhet të ndjekin rekomandimet e mjekëve dhe ti shmangen diellit.

(INA)

[RaPSouL]

Rritet numri i pushuesve në Strugë e Ohër


Hotelierët në Ohër dhe Strugë janë parapërgatitur për një valë të tillë të mysafirëve gjatë vikendit, parashikim që shpresojnë se do të realizohet. informon agjencia e lajmeve INA.

Mehmet Latifi/Strugë

Tradicionalisht, që disi është bërë zakon, ditët e vikendit sjellin në bregun e Liqenit të Ohrit, vale të pushuesve, e kjo plotësisht po bëhet realitet, sepse mbushen plazhet në bregun ë Liqenit të Ohrit. Situata sinoptike u shkon për shtati pushuesve dhe turizmit në Strugë e Ohër.

Parashikimet se vikendi do të sjellë në bregun e Liqenit të Ohrit, numër të madh të mysafirëve pushuesve, ka gjasa të bëhet realitet, mbase edhe do ti tejkalojë parashikimet. Situata sinoptike që po mbretëron ndihmon verën turistike në Strugë e Ohër.

Hotelierët janë parapërgatitur për një valë të tillë të mysafirëve gjatë vikendit, parashikim që shpresojnë se do të realizohet. Vala e re e mysafirëve që pritet gjatë ditëve të vikendit dhe të fillimit të javës, ka të ngjarë që do të tejkalojë edhe parashikimet.

Në Strugë, ka disa vite që evidencë të saktë ose të përafërt të numrit të mysafirëve nuk ka, por, ajo që vërehet është se, plazhet janë gjithnjë e më shumë të vizituara me pushues kryesisht nga qytetet e Maqedonisë, ku numri më i madh janë nga Tetova, Gostivari, Dibra, por nuk janë të paktë edhe ata nga Shkupi, Kumanova e qytete tjera të Maqedonisë.

Pritet që gjysma e dytë e muajit qershor të jetë edhe më e theksuar në aspektin e numrit të pushuesve, por edhe atyre që do të sistemohen për kohë të caktuar, sepse pushuesit aktual, në masë të madhe janë pushues ditor, të cilët në mbrëmje kthehen nëpër shtëpitë e tyre.

Megjithatë, vërehen është mysafir nga vendet europerëndimore, që tashmë janë bërë të përhershëm në Strugë e Ohër si dhe grupe të mysafirëve nga Turqia, krahas atyre individualisht që vijnë nga Kosova e Shqipëria.

(INA)

[RaPSouL]

Hisen Musliu: Direktiva për likuidim vjen drejtëpërsëdrejti nga rrethi i Ali Ahmetit!

E përjavshmja “Fokus”, me mbititull “direktiva për likudimin tim vjen drejtëpërsëdrejti nga rrethi i Ali Ahmetit!”, ka botuar intervistë të Hisen Musliut, i cili është i akuzuar se është kreatori i dosjeve të famshme për kryesuesit e UÇK-ës.

Ai kaloi dy muaj në paraburgim, tani po gjykohet për falsifikim. Para disa ditëve ai u sulmua nga disa njerëz, sipas tij të udhëheqeur nga Billall Ceka, ky një njeri me ndikim në BDI.

Nga ana tjetër Bilall Ceka, iu kundërpërgjigj deputetit nga rradhët e PDSH-së Zijadin Sela, i cili poashtu akuzoi Cekën për rrahjen e Musliut. Ceka në kundërpërgjigjen e tij tha “Ai shpif për veprimet e mia, sepse ai s’di asgjë për mua, vetëm nëse ende s’kanë heqë dorë dhe shërbehen me të ashtuquajturin ‘Bozhidar Spasiq’.

Almakos