Tekste të këngëve polifonike

[Bel ami]

A mundet dikush te me gjeje kengen "Vajza ne sarejet"
Une e di pak a shume si tekst,se e kendojme me disa miq te mi thuajse cdo te shtune ( ne nje mejhane shqipesh ),por e di se nuk e kendojme si origjinali,por sipas shijes tone.Thjesht jam kurioz te degjoja edhe njehere origjinalin.

Ndersa po ju citoj me poshte nje kenge:

Thashe njeze do them dhe njeze
zuri korbi nje thelleze
ce do korb ate thelleze
ta mar e te loz me teze
mir e mer,po ku e shpie
n'ato maja n'ato hije
as diell dhe as hene s'bie
po nje vese nje trendeleze
te vesoje dhenderine

[-BATO-]

Qenka tekst i bukur Belami, por mendoj se fjala trëndelëzë në rreshtin e parafundit është gabim, se nuk rimon me dhëndërinë. Besoj se teksti i saktë duhet të jetë kështu:

Thashë një, do them dhe njëzë
Zuri korbi një thëllëzë
Ç'e do korb atë thëllëzë
Ta marr e të loz me tëzë
Mirë e merr, po ku e shpie
N'ato maja, n'ato hije
As diell, as hënë s'bie
po një vesë, një trëndelinë
të vesojë dhëndërinë

.

[-BATO-]

Hape derën – Labe (Smokthinë, Vlorë)

Shtëpia, shkallët për dheu
Hape, hape, derën'o (përsëritet pas çdo vargu)
Hape, se mua më preu
Këjo natë Shën'ë Ndreu
Hape, se më griu era
Tumanleku qeleshverdha
Ik o djalë, se ke të tjera

[MI CORAZON]

Po degjoja pak me pare nje kenge polifonike. S'e mbaj mend as melodine dhe as vargjet e saj,por me kujtohen vetem: .......me morri malli.......me fute ne dhe te gjalle.........pika e veses ma zgjoi syrin e fjetur .......prej teje prisha shtepine.......dicka te tille kendonin. Me pelqeu kenga. Kush ta dije,le ta postoje. Faleminderit!

[MI CORAZON]

E gjeta!



E bukur qenka kjo vajza, por video jo.

Te prita sa hena shkoi
sa nata me turbulloi
vetem vesa kur pikoi
syrin nga gjumi ma zgjoi.
Pritem o pritem o
pritem yll e pritem hene
vetull shkruar .......
pritem yll se kam shume malle
me ke fut ne dhe te gjalle.
Kur degjova ate kenge
sec u qasa rende rende
por gjumi te kishte zene
nuk te fola mos te trembe.
Te mbulova lehte lehte
zura vend atje ne shtege
te me qash mua te zine
se per ty prisha shtepine.

Shume kenge e bukur!

[-BATO-]

pritem yll e pritem hene
vetull shkruar .......

Fjala që të mungon është grykëzënë. Këtë fjalë e gjejmë shpesh nëpër këngët labe dhe ka kuptimin: e urtë, që nuk flet shumë.

Korazon, teksti dhe melodia qenkan të bukura, por në këtë temë kemi vendosur të sjellim këngë origjinale me iso, domethënë pa vegla muzikore. Kjo që solle është elektronike turbofolk. Herën tjetër pres një këngë me iso nga ty.

Të përshëndes me këtë:

Bie për gjumë e s'më zë - Këngë labe
Teksti: Zaho Balili
Marrëse: Vitori Balili
_____________

Bie për gjumë e s'më zë
qerpiku s'më mbyllet'ë

Vjen një djalë i bukur'ë
desha të lozja me të
(përsëritet pas çdo strofe)

Bie për gjumë e s'më zë
qerpiku s'më mbyllet më

Ngrihem, hap dritaren'ë
si sorkadhja natën'ë

Fryn erë e mëngjesit'ë
vetëm me ëndrrën më lë

[-BATO-]

Përpara se të vazhdoj me këngë të tjera, dua të bëj disa korrigjime. Këto janë këngë të nxjerra me vesh, dhe veshi ndonjëherë të gënjen, por duke i dëgjuar shpesh, arrin t'i kuptosh. Disa gabime që kam gjetur unë janë këto:

Si do bëjmë unë dhe ti'në
se shqipëtarët e rrijnë

Postimi 142 http://www.forumishqiptar.com/showth...?t=2064&page=8

errinë (arrinë, arritën)

Himarë rrushi i krahinës
e Komenit të Kaninës

Postimi 187 http://www.forumishqiptar.com/showth...t=2064&page=10

Hirushe e krahinës

këtu i pari çlirimi
ku pi foshnja qumësht gjiri

Postimi194 http://www.forumishqiptar.com/showth...t=2064&page=10

trimi

Ku përgjon karvan bedena
Ku shkëlqen pushka dhe pena

Postimi 230 http://www.forumishqiptar.com/showth...t=2064&page=12

kalanë

diell'o, beharit'o
ngjitem në të tokë të shoh

Postimi 231 http://www.forumishqiptar.com/showth...t=2064&page=12

këtë

nën'ë brez bereta
s'mund të asharitej

Postimi 258 http://www.forumishqiptar.com/showth...t=2064&page=13

zu të hasharitej

amani, shokë, amani
aty më gjen dregje xhani

Labëri, zonja qesqile
shkrepat fole gjeraqine

Postimi 281 http://www.forumishqiptar.com/showth...t=2064&page=15

prehje
qesqine

dhe ti qengjurinë ndër krahë
moj Vasillo

Postimi 368 http://www.forumishqiptar.com/showth...t=2064&page=19

ka

[-BATO-]

Aman trëndafil, aman borzilok - Labe (Gjirokastër)
Marrës: Arjan Shehu
__________

Unë të mbolla radhë
ti më dole sot

Aman trëndafil
aman borzilok
(përsëritet pas çdo strofe)

Ç'më ra havale
një i shkretë zog

Nuk më la farë
ç'do të mbjellë mot

Unë e prisja dje
ai erdhi sot

[Xhenet.M.S.]

Mua kjo kenge me pelqen edhe pse nuk e kuptoj te teren!Ka dikush qe ma perkthen?

[-BATO-]

Mua kjo kenge me pelqen edhe pse nuk e kuptoj te teren!Ka dikush qe ma perkthen?

Udhë e largët më kish marrë
gji e zemër më kish tharë
Nënë, moj e mira nënë
Det i thellë e i pamatur dhëmbshurie
sa më prite atë natë, ti e dije
Era vjen, më thotë dy fjalë
ulërinte si e marrë
Erdha, të gjeta të gjallë
u ula, të putha ballë
Të putha gjirin e tharë
po dot nuk ta nxora mallë

[Xhenet.M.S.]

Falenderit Bato,qenka e dhembshme.

[thirsty]

Falenderit Bato,qenka e dhembshme.

sigurisht

nje nga kenget me te bukura

[Xhenet.M.S.]

Edhe kjo qenka e bukur

[thirsty]

e shume te tjera

[-BATO-]

Muzika e kënduar me zëra, pa vegla muzikore, është e lashtë, por sa e lashtë mund të jetë ajo? Një provë për lashtësinë e këngës polifonike është cyla dyjare, e cila është një vegël polifonike. Ajo përbëhet nga dy fyej të bashkuar në majë, të cilëve u bihet njëkohësisht.

Njëri fyell ka pesë vrima dhe në të luhet melodia, ndërsa fyelli tjetër ka tri vrima dhe në të luhet kontramelodia. Kjo strukturë është e ngjashme më atë të këngës polifonike, e cila ka marrësin (melodinë), dhe kthyesin, hedhësin dhe ison (kontramelodinë).

Nga zbulimet arkeologjike në Ilirinë e Jugut dhe Epir, janë gjetur cyla dyjare që i përkasin shekullit V-VI para erës sonë. Cyla dyjare është një vegël që përdoret edhe sot e kësaj dite dhe ajo përmendet pothuajse në çdo tekst kënge. Me të luhen pjesë të thjeshta polifonike, ose përdoret për shoqërimin e këngëve.

Pra ekzistenca 2.500-vjeçare e cylës dyjare, dëshmon për lashtësinë e këngës polifonike, por sigurisht që kënga është më e vjetër se vegla, sepse njeriu (zëri) është më i vjetër se vegla. Njeriu e ka krijuar veglën, dhe jo vegla njeriun. Gjithashtu dhe ekzistenca e polifonisë tek arbëreshët e Italisë, që shkuan atje rreth shekullit XIII-XIV, tregon për vjetërsinë e saj.

Thonë s'jeshilon më bari – Labe

Thonë s'jeshilon më bari
u zezua
në kasolle s'ndizet zjarri
seç u shua

Blegërin bejka manare
kërkon nënën
heshti dhe cula dyjare
pushoi këngën

Ç'i përçon dhëntë milori
për në shtrungë
mbeti furka tek oborri
pa shtëllungë

Ku jemi nisur ne të vemë - Toske (Prespë)

Ra vesa, vesoi Tivenë
ku jemi nisur ne të vemë

Jemi nisur për në krojë
të gostisim Fikiri venë

T'ia marrim të bijën'ë
atë më të mirën'ë

Atë rrallëkartën'ë
atë gojëmjaltën'ë

[-BATO-]

Me shëndet ato stoli - Labe humoristike (Vlorë)
Marrës: Vasil Sera
Kthyes: Viron Laçi
________

Hopa-hopa këngën'o
Këngën'o, vallen'o
shkojnë dhe vijnë zonjat'o
vallë kë martojën'o
breshkën e ugarit'o
xhindurinë e malit'o
Shkoni moj zonja, shkoni
qeshni dhe këndoni
siç e do zakoni

Bërr, bërr, bërr, gjinde! - tha
Po do vish ti moj bejkëza!
Fjeta mbrapa malit
gjetçë frërin e kalit
ia vara gomarit
Gërr, gërr, gërr, zonja dhi
me shëndet ato stoli!

Hajd' t'ia marrim këngës'o
Këngës'o, valles'o
shkojnë dhe vijnë zonjat'o
vallë kë martojën'o
breshkën e ugarit'o
xhindurinë e malit'o
Shkoni moj zonja, shkoni
qeshni dhe këndoni
siç e do zakoni

S'vij, s'vij, s'vij! - ftuja tha
Po do vish ti moj zonjëza!
Fjeta mbrapa malit
gjetçë zilen e kalit
ia vara gomarit
Gërr, gërr, gërr, zonja dhi
me shëndet ato stoli!

Hopa-hopa krushkës'o
Po ku e gjete moj mushkën'o?
E gjeta mbrapa malit'o!
Fjeta po nuk fjeta
ç'kërkova dhe gjeta
shalën e pashait
ia fala vëllait
Gërr, gërr, gërr, zonja dhi
me shëndet ato stoli!

[Brari]

kush e gjen kush e ka kenduar kengen..

peshk me hala un do behem..
lumin moj ta kalooooj lumin moj ta kaloj..

eshte myzeqare jo labe..po meqe nestori i ndjek me kohe kto traditat..

[-BATO-]

Zogë e Gjirokastrës - Labe (Gjirokastër)
Marrës: Arjan Shehu
____________

E thëllëza zallit'o
me nishan mes ballit'o
si hëna buzë malit'o
Do bi era blirin'o
t'i shtesi gërshetat'o
zogë e Gjirokastrës'o
zëri i kanerinës'o
tufë e trëndelinës'o
lastonja lozonjare
pjergulla përmbi dritare

Moj molla mbi krojet'o
nëm ujë e mos më vështro
me pëllëmbë të dorës'o
Do bi era blirin'o
t'i shtesi gërshetat'o
zogë e Gjirokastrës'o
zëri i kanerinës'o
tufë e trëndelinës'o
lastonja lozonjare
pjergulla përmbi dritare

Te porta të shkova mbrëmë
jeshë me shoqe në Jarë
bota thanë se jeshë zënë
Jo, jo, se s'na e dinë
zjarrin që ndez dashurinë
shegë e kuqe flakërimë
Bëj të flë e s'e mbyll synë
për t'u folë me trëndelinë
lastonja lozonjare
pjergulla përmbi dritare

[Bel ami]

mua me pelqeu jashte mase tradita e kenges Labe qe u zhvillua tel Top Channel.Kenget ishin fantastike te gjitha.

[G.S.Vangjeli]

Pak ndryshim....
____________

Do bi era blirin'o
t'i shtesi gërshetat'o


Te porta të shkova mbrëmë
jeshë me shoqe në Jarë
bota thanë se jeshë zënë
Jo, jo, se s'na e dinë
zjarrin që ndez dashurinë
shegë e kuqe flakërimë
Bëj të flë e s'e mbyll synë
për t'u folë me trëndelinë
lastonja lozonjare
pjergulla përmbi dritare[/INDENT]




Tundi era blirin'o,
kish(te)deg(ë) si gërshetat'o

jeshë me shok(ë) e ndënja rëëëndë,
bota thanë se jeshëm zëëënë..
Jo, jo se s'ndahesh tinë,
zjarri që ndez dashurinë,
sheg(ë) e kuqe flakërimë,
bëj të flë e se mbyll synë,
për tufën me trëndelinë,..

Bato, mund të më bësh pak më të qartë këtë këngën më poshtë?? Flmhttp://youtu.be/1E8nxyB-5xY