Kronikë e Zezë (Tmerri i çdo dite)

[daniel00]

Edhe pse vritet bankierja, për Nishanin krimi është statistikë !




Edhe pse nje arketare u vra ne mes te dites dhe ne mes te Tiranes brenda nje banke, kurse roja i saj u plagos rende, per ministrin Bujar Nishani kjo mbetet vetem nje statistike, ashtu sikurse vrasjet e deputetit socialist Fatmir Xhindi, gjyqtarit Skerdilajd Konomi dhe oficerit te SHISH, Isa Çopa. Per Nishanin ka rendesi rroga qe merr ne Ministrine e Brendshme, aferat qe ben me vartesit e tij, trafiku i suksesshem i te suksesshmit Agron Kuliçaj me avione nga Lindja dhe se si te pergjoje opozitaret nga kafenete nepermjet aparaturave moderne te kushtuara 5 milione euro dhe qe mbahen fshehurazi ne bodrumet e dikasterit prej dy vitesh. Nuk i nxihet apo skuqet fytyra, sepse suportin e ka te kryeministri, pavaresisht se c’ndodh me shifrat e krimit qe po ben baterdine, apo me vetevrasjet e te varferve qe konsiderohen “votues armiq”.

Një grua ka vdekur, ndërsa një roje sigurimi ka mbetur i plagosur, gjatë një grabitje që ka ndodhur në një bankë gjatë mesditës së sotme në Tiranë. Ngjarja e rëndë ka ndodhur në sheshin “Shtraus”, tek zona e njohur me emrin ‘Xhamlliku’.

Sipas burimeve të policisë, një person i maskuar dhe i armatosur ka hyrë në filialin e bankës “NGB”, duke kërkuar të marrë paratë. Arkëtarja, Leonora Kaloçi, ka kundërshtuar të dorëzojë paratë dhe për këtë arsye, grabitësi ka qëlluar në drejtim të saj, duke e plagosur rëndë. Gjatë kësaj kohe ai ka qëlluar dhe në drejtim të rojes së sigurisë.

Si pasojë e të shtënave, arkëtarja ka ndërruar jetë në spital, ndërsa roja është jashtë rrezikut për jetën.

Krimi i rëndë ndodhi vetëm pak orë pasi ministri i Brendshëm, Bujar Nishani, raportonte në Komisionin e Sigurisë, duke thënë se siguria në vend, është në kushte optimale dhe se krimi është luftuar në masën më të madhe.

Por, siç e tregoi edhe kjo ngjarje, krimi është bërë më i frikshëm se kurrë. Grabitjet e bankave janë bërë të përjavshme dhe punonjësit e tyre, kanë qenë më me shumë fat se arkëtarja e sotme, që nuk janë vrarë. Vrasjet ndërkohë janë bërë të përditshme. Por, pavarësisht situatës së rëndë të krimit, Nishani na përplas në fytyrë ca shifra, duke na thënë se nuk ka krim.

http://www.ama-news.al

[PLAKU]

Tiranë, grabitësi vret arkëtaren e bankës, plagoset roja
MAPO

Arkëtarja e një banke në kryeqytet mbeti e vrarë gjatë një tentative grabitje, ndërsa roja u plagos rëndë. Ngjarja ndodhi sot në zonën e quajtur “Xhamlliku” në Tiranë, kur grabitësi qëlloi me armë ndaj dy punonjësve të bankës pasi hasi në rezistencën e tyre për marrjen e parave. Si pasojë e plagëve të marra ndërroi jetë në spital arkëtarja e bankës Leonora Kaloçi, 44 vjeçe, nënë e dy fëmijëve, ndërsa ndodhet në spital i plagosur roja, Skënder Elmazi, 53 vjeç. Sipas policisë 53-vjeçari Elmazi ka tentuar të ndalojë grabitësin i cili nuk ka hezituar të qëllojë mbi të dhe më pas ndaj arkëtares, e cila refuzoi dhënien e parave. Grabitësi mbetet ende i pa identifikuar nga policia, pasi menjëherë pas ngjarjes arrit të largohet me shpejtësi duke shfrytëzuar një tunel mes pallateve. Pavarësisht pranisë së policisë dhe drejtuesve të saj në vendin e ngjarjes deri rreth orës 18:00 policia nuk kishte asnjë informacion mbi identitetin e grabitësit.

Policia dyshon se grabitesi është një mashkull në moshë të re, i veshur me xhup të zi, bluzë me vija me cantë shpine, që fillimisht ka qëlluar mbi rojen e bankës dhe më pas ka mësyre ne ambientet e brendshme dhe ka qëlluar arkëtaren. Policia ka shoqëruar një person të dyshuar si autor të ngjarjes. Shoqërimi u bë pas përshkrimit të dëshmitarëve për grabitësin, por hetimet sërish vijojnë. Policia dyshon se autori është një person, përdorues i lëndëve narkotike. Ngjarja që ndodhi sot është një episod në përsëritje. Para një viti një ngjarje e ngjashme ndodhi në ambientet e këtij filiali ku u tentua grabitja e parave. Por ndryshe nga ngjarja sot, para një viti fatmirësisht askush nuk mbeti i lënduar.

[benseven11]

Autori i krimit te banka,klik zoom ne imazh.
Kane qene 2 veta.
http://www.zeri.info/fotot/50110/grabitje.jpg
Arketarja eshte treguar shume budallaqe.
Kurre mos hyj ne argument me nje te armatosur.
Bej cfare te kerkon,jepi leket.Ta kapin dhe direkt ne rruge aty
t'ja fusin me plumb ballit,asnje meshire, jo gjyq.

[Dito]

Dikush mendoi se e hapa kete teme per show, por vendosni ju vete se cfare eshte bere ky vend. Krimi nuk ka dite diele.

[Dito]

Gjirokastër, sekuestrohen 160 kg drogë
28/03/2012


Tre persona ranë në prangat e policisë së Gjirokastrës në orët e para të mëngjesit pas operacionit antidrogë ‘Gllava’.

Gjate ketij operacioni policia sekuestroi 160 kilogramë lëndë narkotike e dyshuar si kanabis sativa dhe arrestoi shtetasit Edmir Maca, Algert Naci dhe Vizion Katirai i cili drejtonte mjetin tip Audi me te cilin transportohej lenda narkotike.

Te tre jeta shtetas ne banshkepunim me nje te person tjeter qe eshte shpallur ne kerkim e kishin blere lenden narkotike ne fshatin Lazarat dhe po e transportonin drejt qytetit te Fierit. Policia po punon per zbardhjen e plote te ngjarjes dhe per kapjen e Dorian Shehut nga Memaliaj.


Top channel

[Dito]

Itali, pranga dy shqiptarëve për kokainë
28/03/2012 04:01


Dy shqiptarë kanë rënë nën pranga në Modena të Italisë, pasi janë kapur në flagrancë me 1 kg e 170 gr, kokainë.

Dy shqiptarët reizdentë në Rimini të vendit fqinj, udhëtonin me një makinë të tipit Audi A3, ku u gjet edhe lënda narkotike.

Shqiptarët e arrestuar janë Eduard Haberi, 33 vjec dhe Uran Cucaj, 27 vjeç.

Sipas zyrtarëve të policisë italiane, droga e sekuestruar në Modena kap vlerën e rreth 210 mijë eurove.


Top channel

[Dito]

Itali, gjendet e masakruar shqiptarja 47-vjeçare


Një emigrante shqiptare me banim në Itali u gjet e vdekur në rrugët e qytezës se Noales në Venezia dhe dyshohet se autor i krimit është ish-bashkëshorti i saj.

Sipas mediave italiane viktima 47-vjeçare Hane Gjelaj u gjet nga karabinieret e masakruar dhe e mbytur ne gjak.

Ndërkohë forcat policore kanë ndaluar 54-vjeçarin Pashko Gjelaj, i cili ishte ndarë prej viktimës prej tre vitesh. Nuk bëhen të ditura shkaqet e kësaj ngjarjeje të rëndë, ndërkohë që hetimet për të krimin vijojnë.


Top channel

[[PaRTiZoNi]]

Autori i krimit te banka,klik zoom ne imazh.
Kane qene 2 veta.
http://www.zeri.info/fotot/50110/grabitje.jpg
Arketarja eshte treguar shume budallaqe.
Kurre mos hyj ne argument me nje te armatosur.
Bej cfare te kerkon,jepi leket.Ta kapin dhe direkt ne rruge aty
t'ja fusin me plumb ballit,asnje meshire, jo gjyq.

Nuk është kjo foto e ngjarjes.
Kjo foto që ke sjell ti ka nja 1 vit që lëviz nëpër internet.
Dhe arkëtarja s'ka kundërshtuar fare.
Lexo:

Vrasja e arkëtares, dëshmitarja: Grabitësi i bankës nuk kërkoi para

TIRANE- Njëra prej punonjësve të bankës, e cila ka qenë prezente në momentin e ngjarjes, rrëfen sekondat e tmerrit dhe atë çfarë ndodhi brenda ambienteve të bankës. “Ka qenë ora rreth 15:00 dhe papritur dëgjuam një krismë dhe vetëm pak sekonda më pas, një person me armë në dorë hyri brenda bankës dhe iu drejtua arkës.

Banka kishte klientë brenda, të cilët nisën të bërtisnin të terrorizuar. Personi me armë nuk kërkoi para dhe asgjë. Ai filloi menjëherë të qëllonte në drejtim të arkëtares. Qëlloi 2 a 3 herë, nuk më kujtohet mirë, dhe pastaj doli me vrap nga banka.”, – rrëfen ajo. Ndërkaq, e pyetur nëse 44-vjeçarja kishte bërë rezistencë, ajo deklaron se autori nuk kërkoi asgjë, vetëm nisi të qëllonte, duke shtuar se ai mund të jetë frikësuar nga njerëzit dhe ka humbur qetësinë.

Më tej ajo shton, se në çdo rregullore të bankës është e përcaktuar qartë, se nëse punonjësit ndodhen përpara një situate të tillë, ata nuk duhet të kundërshtojnë, por duhet të japin pa bërë asnjë reagim paratë që janë në arkë.
(ma.ar/BalkanWeb)

[[PaRTiZoNi]]

Vrasja në bankë, policia: 10 mijë euro për informatorët

Drejtoria e Policisë së Qarkut Tiranë ka vendosur të shpërblejë me 10 mijë euro personin që do të japë informacione të vlefshme, që do të çojnë në identifikimin dhe kapjen e autorëve të vrasjes së arkëtares Leonora Kaloçi dhe plagosjen e rojes Elmaz Skënderi, gjatë tentativës së grabitjes së filialit të një banke në zonën e Xhamllikut.

Në njoftimin zyrtar të policisë kryeqytetase thuhet se: “Lidhur me informacionet tuaja, mund të telefononi ose dërgoni mesazh në numrat celular të drejtuesve të policisë së kryeqytetit : 069 41 10 364; 069 41 00 751; 069 41 02 018”.

Ngjarja e rëndë ka ndodhur të martën rreth orës 15:00. Dy persona të armatosur dhe maska hynë fillimisht në bankë pasi ndeshën edhe rezistencën e rojës së sigurisë të cilin e neutralizuan duke e qëlluar pa paralajmërim.

Grabitësit, pasi kanë parë rojen e gjakosur kanë humbur gjakftohtësinë, kanë kërcënuar arkëtaren Eleonora Kaloçi që t’u jepte paratë.

Lëvizjet e arkëtares u janë dukur si një sinjal që e lidh bankën me shërbimin policor dhe duke qenë se janë trembur e kane qëlluar dy herë në trup, pa bërë asnjë tentativë për të grabitur të hollat.

Në këto kushte të dy janë larguar nga banka me vrap. Duke qenë se zona është e mbipopulluar dhe është shokuar e gjitha nga krismat ata kanë patur mundësinë të largohen nga prapa bankës dhe për t’i shpëtuar mbulimit të policisë, e cila ka mbërritur në vendin e ngjarjes pak pasi kishte ndodhur tentativa e grabitjes.

Të dy të plagosurit janë transportuar menjëherë në spitalin 'Nënë Tereza' që ndodhet në afërsi të filialit të bankes, por 42 vjeçarja, nënë e dy fëmijëve nuk ka mundur dot t’i mbijetojë plagevë të renda të marra në trup.

Ndërkohë që në gjendje të rëndë për jeten ndodhet edhe roja e sigurise Skënder Elmazi. Policia ka shoqëruar të gjithë stafin e bankës për ta marrë në pyetje, por asnjë prej tyre nuk ka mundur dot ta shquajë fytyrën e vrasësit.

Të dhënat për gjatësinë dhe trupin e dy grabitësve i ka dhënë mundësine policisë të ndërtojë një identikit të paplotë të dy grabitësve.

Edhe kamerat e bankës i kanë xhiruar lëvizjet e tyre, por asnjë rezultat për ndonjë identifikim të plote. Ndërkohë që nga vendi i ngjarjes janë shoqëruar edhe të gjithë dëshmitarët, të cilët konsiderohen edhe ata dëshmitarë pamorë për shkak se kanë pikasur të dy grabitesit kur janë larguar nga banka me vrap.

Ngjarja e rëndë në një zonë të mbipopulluar si ajo e Xhamllikut dhe në mes të dites, ndodhi vetëm pak orë pasi Ministri i Brendshëm, Bujar Nishani, i thirrur për gjendjen e rëndë kriminale në vend në Komisionin Parlamentar të sigurisë dha deklarata të një kontrolli total të policisë ndaj krimit në vend.

Nishani referoi për rritje të efiçencës së zbulueshmërisë dhe të goditjes më së shumti gjatë vitit 2012 mbi krimin e vjedhjeve dhe grabitjeve me dhunë.

Edhe pse statistika tregon se çdo 10 ditësh i këtij viti është shoqëruar me grabitjen e një subjekti bankar, ku për fat të keq u regjistrua edhe një viktimë.

Top Channel

[Brari]

Grabitësi vret me dy plumba arkëtaren e bankës në Tiranë, nënë e dy fëmijëve
Argumente Mërkurë, Mars 28th, 2012






Filiali i bankes ku ndodhi ngjarja



Grabitësi vret arkëtaren dhe plagos rojen e bankës.

Tiranë, vrasësi i Leonora Kaloçit u fiksua nga kamerat, nuk mori para.

Arkëtarja e filialit të bankës NBG, shtetasja Leonora Kaloçi, u vra dje gjatë një tentative grabitjeje në filialin që ndodhet në zonën e Xhamllikut në Tiranë. Gruaja 43-vjeçare u qëllua me dy plumba në trup dhe gjeti vdekjen rrugës për në spital. Sulmi brenda filialit të bankës besohet se ka ndodhur pasi veprimet e arkëtares ngjallën dyshime te grabitësi se ajo po lajmëronte policinë. Ngjarja ndodhi në orën 15:30, kur duhej edhe gjysmë ore që banka të mbyllte aktivitetin. Personi i armatosur dhe me një rrobe të vendosur si maskë në kokë, ka dalë nga thellësia e zonës me anë të një tuneli duke përfunduar në oborrin para bankës. Me një armë në dorë ai është drejtuar për te porta, por aty ka ndeshur në rezistencën e rojës së bankës, shtetasit Skënder Elmazi, 53 vjeç. Në përleshje me autorin, roja është qëlluar dy herë me pistoletë duke marrë një plumb në bark dhe një tjetër në këmbë. Duke lënë pas rojën të shtrirë përtokë e të mbuluar në gjak, grabitësi ka hyrë brenda bankës. Sipas dëshmitarëve, në këtë kohë autori i krimit ka bërtitur disa herë duke kërkuar paratë dhe është afruar te sporteli ku ndodhej viktima, Leonora Kaloçi. Duke i drejtuar armën asaj, grabitësi ka përsëritur kërkesën për paratë, por ndërsa ia afronte armën 43-vjeçares në kokë, ka dyshuar në lëvizjet e saj. Vrasësi ka qëlluar dy herë me armë në distancë të afërt duke e goditur arkëtaren në qafë dhe në trup. Leonora Kaloçi gjeti vdekjen teksa po transportohej me një makinë të kolegëve të saj drejt spitalin “Nënë Tereza”.
Tentativa e grabitjes
Sipas hetimeve të policisë, një person i maskuar, i veshur me një bluze të zezë me vija të kuqe, pasi ka dalë nga një tunel i pallatit ku ndodhej banka, është drejtuar fillimisht te roja i filialit, Skënder Elmazi. Pa shkëmbyer asnjë fjalë me rojën, grabitësi ka qëlluar dy herë me pistoletë në drejtim të 53-vjeçarit pasi ka parë se ai po i dilte para duke nxjerrë armën për rezistencë. Në momentin kur i dyshuari ka hyrë në ambientet e bankës për të kryer grabitjen, aty ndodheshin tre punonjës që po përgatiteshin për mbylljen e aktivitetit. Autori me nxitim është drejtuar te sporteli dhe i ka drejtuar pistoletën arkëtares Leonora Kaloçi duke i kërkuar paratë. Sipas kolegëve të 43-vjeçares, i dyshuari ka kuptuar se arkëtarja po aktivizonte alarmin, pasi ka parë një lëvizje të saj brenda sportelit dhe në këtë moment ka qëlluar dy herë në drejtim të saj. Arkëtarja është rrëzuar e gjakosur në tokë, ndërsa grabitësi është larguar menjëherë nga banka, pa arritur të vjedhë paratë. Sipas dëshmitarëve, edhe roja ka qëlluar në ajër me armën e tij të shërbimit, në mënyrë që autori të mos largohej, por i dyshuari ka arritur të “arratiset” nga vendi i ngjarjes.
HETIMI
Menjëherë pas njoftimit, drejt vendit të ngjarjes janë nisur drejtuesit më të lartë të Policisë së Tiranës, si dhe drejtues nga Drejtoria e Përgjithshme. Veprimet e para të grupit hetimor kanë qenë këqyrja e vendit të ngjarjes, fiksimi i gjurmëve e provave, si dhe pyetja e personave që kishin dijeni për ngjarjen. Gjithashtu janë sekuestruar edhe kamerat e sigurisë së bankës, të cilat janë verifikuar për të sqaruar dinamikën e ngjarjes, por edhe për identifikimin e autorit. Burimet thanë se nga kamerat e brendshme të bankës nuk është fokusuar fytyra e autorit, pasi ai ka qenë me maskë. Megjithatë, janë zbuluar disa karakteristika, veshja, mosha rreth 25-30 vjeç dhe i gjatë rreth 175 centimetra. Një tjetër kamera e vendosur në tunelin ngjitur me bankën ka arritur të fokusojë fytyrën e të dyshuarit, pasi duke mos qenë në dijeni për ekzistencën e një kamere tjetër, ai e ka hequr maskën. Nga pamjet është zbuluar se autori i grabitjes dyshohet të jetë banor i komunitetit rom. e.d


Hetimi, grabitje me pasojë vdekjen
Prokuroria e Tiranës, e cila u lajmërua nga salla operative e policisë për ngjarjen e rëndë të ditës së djeshme, dërgoi menjëherë në vendin e ngjarjes një grup hetimi. Ky grup ka kryer në vendin e ngjarjes mbikëqyrjen e veprimeve hetimore të shërbimeve të policisë në drejtim të mbledhjes dhe administrimit të provave materiale, pyetjes së dëshmitarëve të ngjarjes dhe marrjes së informacioneve të nevojshme për hetimin. Në vendngjarje veç provave materiale si gëzhojat, gjurmët e barutit, njollat e gjakut etj., janë marrë edhe pamjet filmike të kamerave të bankës. Akuza e ngritur për këtë ngjarje është grabitje me dhunë me pasojë vdekjen.

Policia: 10 mijë euro për kapjen e autorit
Drejtoria e Policisë së Tiranës ka vendosur një shumë prej 10 mijë eurosh shpërblim për personin që do të japë informacione të vlefshme në lidhje me autorin e ngjarjes së djeshme. “Drejtoria e Policisë së Tiranës vendos shumën prej 10 mijë eurosh për personin që do të japë informacione të vlefshme, që të çojnë në identifikimin dhe kapjen e autorit, në çdo rast duke ruajtur anonimatin tuaj. Lidhur me informacionet tuaja, mund të telefononi ose dërgoni mesazh në numrat celular të drejtuesve të Policisë së kryeqytetit: 0694110364; 0694100751; 0694102018”, thuhet në njoftimin e Policisë.

Deklarata e bankës
Në lidhje me ngjarjen e djeshme ka reaguar edhe NBG Bank. “NBG Bank shpreh dhimbjen më të thellë për ngjarjen tragjike që ndodhi dje. Shprehim ngushëllimet tona më të sinqerta për familjarët e koleges sonë të dashur, Leonorës”, thuhet në deklaratë. “Ne të gjithë lutemi dhe shpresojmë në shërimin e shpejtë të oficerit të sigurisë, Skënderit. NBG Bank ka besim të plotë se autoritetet do të zbulojnë dhe ndalojnë personin përgjegjës për këtë krim të shëmtuar. Banka është në gatishmëri të plotë për të përmbushur çdo kërkesë të autoriteteve përkatëse që mund të ndihmojë në zgjidhjen e çështjes”, thekson deklarata e bankës.

Dëshmitarët: Dëgjuam të shtënat
Zona ku ndodhi tentativa e grabitjes së bankës, që përfundoi me vrasjen e arkëtares e plagosjen e rojës, është mjaft e populluar në çdo orar të ditës. Në lulishten përpara bankës ku ndodhi ngjarja, e njohur ndryshe si sheshi “Shtraus”, ndodheshin dhjetëra banorë, kryesisht të moshuar, të cilët kanë qenë të ulur në stolat e lulishtes. Ata pohuan dje se kanë dëgjuar të shtënat dhe menjëherë kanë parë një djalë të maskuar që dilte me nxitim nga banka, por nuk kanë arritur ta njohin, pasi ishte i maskuar. Megjithatë, ata kanë deklaruar edhe në polici se i dyshuari është larguar nga vendi i ngjarjes nga tuneli i pallatit në krahun e majtë të bankës.

I plagosuri
Pa pritur mbërritjen e policisë apo të ambulancës, arkëtarja dhe roja i bankës janë transportuar drejt spitalit me makina të rastit. Kolegët e bankës kanë transportuar Leonora Kaloçin drejt spitalit “Nënë Tereza”, ndërsa roja, Skënder Elmazi, është transportuar me makinë nga një banor i zonës ku ndodhi ngjarja. “Sapo dëgjova krismat dhe pashë policin e gjakosur te dera e bankës, i thashë tim biri që ta çonte me makinë në spital. Kur djali hipi policin në makinë, pashë që nga banka po nxirrnin edhe një grua, të cilën e hipën në një makinë tjetër”, tregon një prej të moshuarve që ka parë ngjarjen. Roja fillimisht është dërguar në SQUT, por më pas me ambulancë është transportuar drejt Spitalit Ushtarak.

Kush ishte arkëtarja që la dy vajza jetime

Familjarët: Leonora Kaloçi dha jetën për të mbrojtur punën
Tiranë, të afërmit: I thoshim, grabitësit jepi çfarë kërkon, ndryshe të merr jetën


Leonora Kaloçi, arkëtarja e vrarë dje në Tiranë

“Grabitësit jepi çfarë kërkon ai, se ndryshe të merr jetën. E kishim diskutuar këtë me Leonorën disa herë kur dëgjonim për grabitjet e bankave. Por një Zot e di si kanë ndodhur gjërat…
” Këto janë fjalitë që këmbejnë me ne e njëri-tjetrin të afërmit e Leonora Kaloçit, teksa presin në korridoret e pallatit mbërritjen e makinës së funeralit, që do të sjellë arkivolin me trupin e pajetë të arkëtares 43-vjeçare, nënë e dy fëmijëve. Miq dhe të afërm të familjes Kaloçi presin e përcjellin për ngushëllim të njohurit e tyre, ndonëse ende nuk mund ta besojnë se ajo nuk jeton më. Arkëtarja e “NBG Bank”, 43-vjeçarja Leonora Kaloçi ishte nëna e dy vajzave adoleshente, Janës në vit të tretë në gjimnaz dhe Albinës në vit të parë. Kur ndodhi ngjarja, ajo kishte edhe 30 minuta që të largohej nga puna për të udhëtuar drejt shtëpisë e saj, tek rruga e teleferikut, në zonën e Freskut, në Tiranë. Por ende pa mbaruar orari zyrtar i punës, ndodhi ngjarja tragjike. Pikërisht kur stafi i bankës po përgatitej të mbyllte aktivitetin për ditën e martë, një grabitës i armatosur dhe i maskuar ka hyrë brenda, duke qëlluar dy herë ndaj 43-vjeçares dhe ndaj rojës së bankës.
Arkëtarja
“Ndoshta nuk e mendoi se njeriu i armatosur do ta qëllonte, por ndodhi e kundërta. Refuzimi për të dhënë paratë i kushtoi dy plumba në trup, ndërsa grabitësi që nuk mori asnjë qindarkë e humbi durimin dhe la jetime dy vajza në moshën më delikate”, shprehet një i afërm. Ndërsa tregon se nuk di çfarë ka ndodhur në të vërtetë aty. “I shoqi e mësoi i fundit ngjarjen. Duke qenë se punon në ndërtim, nuk ka pasur mundësi të shohë lajmet në televizor dhe ne nuk po gjenim guximin që t’i tregonim. Më pas i kanë treguar kolegët e Leonorës që ndodheshin te morgu”, tregon kushëriri i Albert Kaloçit, bashkëshortit të saj.
LEONORA KALOÇI
Arkëtarja Leonora Kaloçi, e cila mbeti e vrarë dje gjatë një tentative për grabitjen e bankës ku punonte, është nëna e dy vajzave adoleshente, 17 dhe 15-vjeçare, Jana dhe Albina. Ajo ishte diplomuar në Fakultetin Ekonomik të Tiranës 21 vjet më parë dhe që prej asaj kohe kishte punuar si ekonomiste. Ajo kishte kaluar eksperienca të ndryshme pune, herë si nëpunëse në bankë, herë si llogaritare e herë si arkëtare. Në këtë profesion viktima kishte filluar të punonte qëkur jetonte me familjen në Çorovodë të Skraparit, rreth 10 vite më parë. Ndërsa para disa vitesh, bashkë me bashkëshortin, Albertin dhe dy vajzat vendosën të transferoheshin për një jetë më të mirë në Tiranë. Aktualisht familja e saj jeton në një apartament tek rruga e teleferikut, në zonën e Freskut në Tiranë. I shoqi punon në ndërtim, ndërsa ajo vetë kishte arritur të ushtronte profesionin e saj si ekonomiste edhe në kryeqytet. Deri para pesë muajsh, 43-vjeçarja Kaloçi kishte punuar si arkëtare në filialin e “NBG Bank”, që ndodhej vetëm disa metra larg pallatit ku banonte. Por për shkak se agjencia e bankës në atë zonë u mbyll, edhe Leonorës iu desh të lëvizte nga aty. Së fundmi ajo ishte zhvendosur në filialin e po kësaj banke, tek zona e Xhamllikut, ku edhe mbeti e vrarë dje. Në momentin kur personi i armatosur ka hyrë në filialin e bankës, viktima ka qenë e vetme në sportel. Duke qenë se orari zyrtar po mbyllej, në bankë po kryheshin veprimet e fundit për mbylljen e aktivitetit të ditës.
NGUSHELLIMET
Në apartamentin e familjes Kaloçi, në katin e tretë të një pallati në rrugën e teleferikut prej pasdites së djeshme janë hapur dyert e mortit. Familjarë, të afërm, miq e fqinj, të ardhur edhe nga Skrapari, kanë pritur ngushëllime gjatë gjithë mbrëmjes së djeshme. Ndërsa trupi i pajetë i Leonora Kaloçit ka mbërritur rreth orës 20:00, e transportuar nga morgu me makinën e shërbimit funeral. Para se t’i dorëzohej familjes, trupi i pajetë i arkëtares iu nënshtrua procedurave të autopsisë për shkak të rregullave hetimore të ngjarjes. Vajzat e 43-vjeçares filluan ta besojnë se çfarë kishte ndodhur, vetëm kur të afërmit e tyre po mbanin mbi supe arkivolin. Deri atëherë, ato ende nuk arrinin ta kapërdinin lajmin se nëna e tyre nuk jetonte më. Edhe i shoqi, Alberti, shpërtheu në lot teksa përqafonte të bijat, të cilat tashmë do i rrisë i vetëm. Leonora Kaloçi do të përcillet sot për në banesën e fundit, gjatë një ceremonie mortore, që do të nisë nga shtëpia e do përfundojë në Varrezat e Sharrës.

Bashkëshortja e rojës: “Ja çfarë na tregoi Skënderi për vrasjen”


Vjollca Elmazi

Vjollca, bashkëshortja e Skënder Elmazit, rojës së sigurisë të plagosur dje gjatë tentativës për grabitje me armë në një nga filialet e bankës “NBG”, tregon rreth masakrës, ku gjeti vdekjen edhe arkëtarja Leonora Kaloçi. Në këtë intervistë për gazetën “Panorama”, ajo nuk vjen si dëshmitare okulare nga vendngjarja, por tregon atë çfarë i ka rrëfyer bashkëshorti i saj me pak fjali, para se ai t’i nënshtrohej operacionit, ku qëndroi për 2 orë e gjysmë. Pas ndërhyrjes kirurgjikale në krah dhe shpatull, dy vendet ku Skënder Elmazi kishte marrë plumbat nga grabitësi, gjendja e tij paraqitet jashtë rrezikut për jetën, por gjithsesi do të qëndrojë edhe për 24 orë në reanimacion.
Si e morët vesh lajmin për plagosjen e bashkëshortit?
Nga një telefonatë e vajzës sime. Ajo kishte qenë e ulur në një lokal, duke pirë diçka me shoqet, ndërsa kishte parë me titra lajmin e grabitjes së filialit të bankës NGB. E trembur pa masë, vajza më telefonoi me urgjencë duke më treguar ngjarjen, me aq sa kishte lexuar.
Si vepruat pas telefonatës?
Ngaqë nuk kisha asnjë informacion tjetër veç vendit se ku kishte ndodhur ngjarja, u nisa përnjëherë te banka, ku im shoq punonte si roje sigurie. Nuk dija se ku të shkoja tjetër për të marrë vesh më shumë mbi gjendjen shëndetësore të tim shoqi dhe mendova se duke shkuar pranë filialit, do të informohesha saktë për plagët e tij, si dhe spitalin ku mund të ishte çuar me urgjencë. Ashtu ndodhi. Unë shkova atje dhe u takova me vajzën, ku na thanë se Skënderi ishte sjellë këtu te Spitali Ushtarak.
Në çfarë gjendje shëndetësore e gjetët bashkëshortin kur erdhët pranë spitalit?
Kishte shumë gjakderdhje për shkak të plagëve. Doktorët menjëherë e bënë gati për në sallë të operacionit, por ishte i vetëdijshëm.
Aq i vetëdijshëm, sa mund t’ju ketë treguar ndonjë detaj nga ngjarja?
Vetëm pak fjali të shkëputura na ka treguar mua dhe të afërmve të tjerë, sidomos vajzës.
Nga sa keni biseduar, a e ka parë bashkëshorti juaj grabitësin, vrasësin e arkëtares Leonora Kaloçi, njëkohësisht autori i plagosjes së tij?
Jo. Skënderi tha që nuk e ka parë fytyrën e vrasësit, pasi ka qenë komplet i mbuluar me maskë. Nuk e ka idenë se kush mund të jetë.
Sërish nga bashkëbisedimi me të, a ju ka treguar bashkëshorti se si ka ndodhur ngjarja?
Me aq pak sa ka rrëfyer Skënderi, thotë se vrasësi ka hyrë papritmas brenda dhe e ka qëlluar menjëherë atë të parin. Prej plumbave, nga të cilët njëri e ka kapur në krah dhe tjetri në shpatull, Skënderi është rrëzuar në tokë, duke u mbuluar përnjëherë me gjak. Duke kujtuar se Skënderi ka vdekur, vrasësi ka shkuar drejt arkës së bankës dhe i ka kërkuar arkëtares lekët. Ajo i ka thënë: “Merri, ja ku i ke të gjitha…”. Por ende pa përfunduar të plotë fjalinë, vrasësi e ka qëlluar. Vetëm këtë fjali kujton si nëpër mjegull Skënderi dhe thotë që më vonë nuk mban mend më se çfarë ka ndodhur. Mbase kur të shërohet, ai do të jetë në gjendje vetë që t’i tregojë gjërat. Por deri tani, kaq na ka thënë neve të familjes.
Prej sa kohësh punonte bashkëshorti juaj si roje te kjo bankë?
Ai ka “një jetë” që punon si roje, por te ky filial kishte vetëm dy javë. Edhe më parë ka punuar për bankën NBG, por transferimi në këtë degë ndodhi së fundmi.
Për çfarë arsye u transferua?
Nuk di ta them këtë dhe as im shoq besoj nuk e di arsyen. Thjesht vendime nga administrata e bankës, që i çojnë rojet nëpër filiale të ndryshme, sipas nevojës. Pra, nuk ka pasur probleme me bankën, por është transferuar për nevoja të brendshme të saj në zhvendosjen e personelit. e.i


Operacioni për kapjen e autorit, policia kontrolle te Bregu i Lumit
Tiranë, policia: I dyshuari nga komuniteti rom
TIRANE – Policia e kryeqytetit, menjëherë pas ngjarjes së rëndë të ndodhur në zonën e Xhamllikut, ka nisur një aksion të gjerë për identifikimin dhe arrestimin e autorit. Burime nga grupi hetimor thanë se janë ndihmuar nga kamerat e sigurisë për të zbuluar karakteristikat, si dhe të dhëna të tjera mjaft të rëndësishme në lidhje me autorin e ngjarjes. Sipas të njëjtave burime, është zbuluar se autori i ngjarjes dyshohet të jetë i komunitetit rom dhe, nisur nga karakteristikat e tij, policia ka disa emra të dyshuar, të cilët po verifikohen. Ndërsa nga informacionet e marra në rrugë operative, duket se është zbuluar edhe vendndodhja e familjes së autorit, që sipas Policisë dyshohet të jetë tek zona e Bregut të Lumit, në Tiranë. Për këtë arsye, veç postblloqeve të ngritura në disa pika kyçe të kryeqytetit, policia ka kryer një aksion në zonën e Bregut të Lumit, ku ka shoqëruar disa persona, që mund të njohin autorin, por edhe si të dyshuar të ngjarjes. Menjëherë pas grabitjes së ndodhur ditën e djeshme tek filiali i bankës në zonën e Xhamllikut, shërbime të përforcuara të policisë kanë krehur zonën. Agjentë civilë dhe me uniformë kanë patrulluar gjithë zonën me automjete dhe në këmbë, me qëllim që të gjurmonin ndonjë lëvizje të mundshme të autorit të krimit. Në rrugë janë ngritur postblloqe për kontrollin e automjeteve dhe personave që lëvizin me motor, por deri mbrëmë pas mesnate nuk ishte bërë e mundur të gjendej ndonjë gjurmë e vrasësit të arkëtares, i cili pasi dështoi në grabitjen e bankës, qëlloi më pas edhe rojën.

ETLEVA DELIA

panorama

-

[Brari]

balkanweb

-

Autori që vrau arkëtaren e bankës, dyshohet dhe për vrasjen e argjendarit




TIRANE-Policia e Tiranës deklaroi sot se autori i vrasjes së arkëtares së filialit të bankës ‘NBG’ të martën në Tiranë mund të jetë implikuar në një vrasje tjetër, po me motiv grabitjen.

Arma që qëlloi mbi arkëtaren Leonora Kaloci, nënë e 2 fëmijëve dhe rojes së bankës Skënder Elmazi ka qenë tepër e njohur për hetuesit. Sipas tyre, e njëjta armë është përdorur në vrasjen e argjendarit, Rrapo Sinanaj, më 21 tetor të vitit 2011 në në argjendarinë që ndodhej mes rrugës "Siri Kodra" e “Ferid Xhajko”, të kryeqytetit.
61-vjeçari i vrarë në tetor 2011, ndodhej në argjendarinë në pronësi të tij në rrugën “Ferit Xhajko” në Unazë, kur një person i maskuar hyri në dyqan, kërkoi paratë dhe pasi argjendari kundërshtoi e qëlloi atë dy herë me armë dhe e la të vdekur në vend.

Policia tha se nuk mund të aludojë në lidhje me çështjen, por shtoi se ekspertiza tregon se e njëjta armë është përdorur në vrasjen e argjendarit, por edhe të arkëtares së filialit të NBG, fakte qe tregojne se vrasësi bredh i lirë ende.
Për vrasjen e argjendarit Rrapo Sinanaj, u arrestua dhe u mbajt në burg për 2 muaj një i ri nga Kosova, i dyshuar nga përshkrimet e dëshmitarëve, por ndaj tij nuk u gjetën prova të mjaftueshme ndaj ai u la i lirë për mungesë të fakteve.

Nderkohe dhjetra persona janë shoqëruar në policinë e Tiranës në lidhje me ngjarjen e ndodhur ditën e djeshme në filialin e bankës NBG në zonën e Xhamllikut në Tiranë. Policia ka shoqeruar çdo person që ka ngjashmëri fizike me autorin e dyshuar të ngjarjes.

Shtetasja Leonora Kaloçi, 43 vjeçe gjeti vdekjen dhe roja i bankës, shtetasi Skënder Elmazi, 50 vjeç, mbeti i plagosur nga të shtënat me armë në bankë nga persona ende te paidentifikuar qe ksihin si qellim grabitjen e filialit bankar.

(d.b/BalkanWeb)
Lidhje te tjera
Vrasja e arkëtarës së bankës pa autor, policia 10 mijë euro për kapjen e tij
Vrasja e arkëtares, dëshmitarja: Grabitësi i bankës nuk kërkoi para
Grabitja e bankës, vritet arkëtarja, nënë e 2 fëmijëve, plagoset roja
VIDEO: Autori që vrau arkëtaren e bankës, dyshohet dhe për vrasjen e argjendarit


-


A e ka shpallur policia foton e ketij ne TV-era ta shikoj poplli e te japi informacione?

ky kanibal duhet kapus sa me shpejt se qenka vrases i rrezikshem..

[Brari]

panorama

I zihet pritë pas ndeshjes, 4 plumba 33-vjeçarit Koka

Kronikee Shtunë, Mars 31st, 2012


Vendi i ngjarjes

Vritet 33-vjeçari disa minuta pasi kishte dalë nga lokali ku po shikonte një ndeshje të Europa League. Gentian Koka, nga fshati Sallmone në Xhafzotaj, u gjend i vrarë në një kanal në lagjen “Baromet” nga një banor i zonës vetëm disa minuta pasi kishte dalë nga lokali. Sipas Policisë, fillimisht është dyshuar për vdekje e shkaktuar nga një atak kardiak, pasi si në vendin e ngjarjes, ashtu dhe në trupin e 33-vjeçarit nuk janë vërejtur shenja gjaku. Vetëm kur trupi i pajetë i të riut ka mbërritur në Morgun e Durrësit, mjekët konstatuan se vdekja kishte ardhur si pasojë e plagës së plumbit që e kishte marrë në gjoks. Policia tha se 33-vjeçari ishte person me precedentë dhe se disa vite më parë kishte vuajtur dënimin me 4 vite burg për “armëmbajtje pa leje”. Viktima ishte personazh i njohur për policinë, sidomos për atë të Shijakut. Dyshohet se pas daljes nga burgu ai ka kryer të tjera vepra penale si vjedhje, prishje të rendit e qetësisë dhe përdorim e shitje të lëndëve narkotike. Në vendin ku u gjet i vdekur 33-vjeçari mbërritën nga Shijaku e Durrësi dhjetëra policë e oficerë të krimeve, të cilët nisën menjëherë hetimet për zbardhjen e krimit. Duke marrë shkas nga e kaluara e viktimës, policia po heton në tri pista si më të mundshmet. Burime nga grupi i hetimit bënë të ditur se ka dyshime se 33-vjeçari mund të jetë ekzekutuar për larje hesapesh, për ndonjë konflikt që mund të ketë pasur me ndonjë person si dhe pista e tretë, dhe më e rëndësishmja, së cilës policia i ka kushtuar më shumë vëmendje, është ajo e ndonjë sherri që Koka mund të ketë zhvilluar në kohën që ka qëndruar në lokal apo edhe para se të shkonte aty. Rreth 20 persona që dyshohet të kenë dijeni mbi ngjarjen janë shoqëruar, por ende nuk ka një autor të arrestuar. Ndër të shoqëruarit janë edhe persona që kanë qenë me viktimën duke parë ndeshjen. Ndërkohë, policia po kreh të gjithë zonën, pasi ka dyshime të forta se autori mund të jetë ndonjë bashkëfshatar i tij. Sipas ekspertëve, viktima mendohet se është qëlluar nga një distancë e afërt, rreth 30 metra. Plumbat kanë ardhur nga një banesë që është në ndërtim e sipër në anë të rrugës. Dyshohet se autori e ka pritur viktimën derisa të afrohej në një distancë të afërt dhe më pas ka qëlluar 4 herë në drejtim të tij me automatik. Agjentët e Policisë, të cilët kanë këqyrur vendin e ngjarjes, thanë se në banesën njëkatëshe nga ku viktima ka shkrehur automatikun u gjetën 4 gëzhoja, ndërkohë që në trupin e tij është konstatuar vetëm një plagë. Krimi ndodhi pak metra larg banesës së tij, por familjarët kanë pohuar se nuk kishin dëgjuar të shtëna. “Na thërritën dhe na thanë se Genti ishte i shtrirë në rrugë. Menduam se ishte në gjendje të fikëti dhe e dërguam për në spitalin e Durrësit. Aty mësuam se djali ishte qëlluar më armë zjarri dhe kishte vdekur”, pohuan të afërm të 33-vjeçarit. Ata kanë mohuar të kishin dijeni për ndonjë konflikt.

SHIJAK/ LEONIDHA MUSAJ


“Syakulli” u kap nga italianët që e arrestuan në Romë
Kronikee Shtunë, Mars 31st, 2012




Altin Hoxha

VLORE/ Altin Hoxha: Paskeni ardhur deri këtu? Ju njoh


Arrestimi i “syakullit” bën jehonë në Itali. Kapja pas 3 muajsh e Altin Hoxhës (Ali Islamajt), një prej grabitësve më të dhunshëm në shtetin fqinj, i dyshuar dhe për vrasje, është transmetuar nga mediat italiane. “Burri me sytë e akullt”, për shkak të ngjyrës së syve dhe gjakftohtësisë me të cilën kryente grabitjet nëpër vila, bashkë me persona të tjerë, ka qenë në epiqendër të kronikës së zezë në Itali dhe Shqipëri. Kjo dhe për faktin se ai mbahet mend për grabitjen në vilën e trajnerit të Palermos, Serse Cosmi, në janar të vitit 2011. Ai u arrestua në qytetin e Vlorës falë një operacioni të përbashkët mes policisë së qytetit bregdetar dhe një skuadre të ardhur nga Italia, e njëjta që bëri dhe arrestimin e tij në qershor të vitit 2011, rreth 7 muaj para arratisjes spektakolare nga një burg i Romës. “Paskeni ardhur deri këtu? Unë ju njoh”, ka thënë me një shprehje kërcënuese ndaj grupit italian që mori pjesë në operacionin e përbashkët, koduar “I shumëkërkuari”. I akuzuar për rreth 50 grabitje dhe i dyshuar për përdhunim dhe një vrasje, 29-vjeçari ndodhet në qelitë e paraburgimit të Vlorës. Ai pritet të dalë në gjyq, ku do t’i komunikohet masa e sigurisë dhe arrestimi i tij me qëllim ekstradimin drejt Italisë. Sipas procedurës, brenda 40 ditësh pritet të mbërrijë dokumentacioni mbi veprat penale që rëndojnë mbi të nëpërmjet zyrës së Interpolit. Në të kundërt, ai do të lihet i lirë, pasi nuk ka asnjë procedim penal nga pala shqiptare. Prej momentit të arrestimit, i riu nuk ka dhënë asnjë dëshmi mbi akuzat që rëndojnë ndaj tij. Veç fjalëve “bravo ju qoftë, më kapët”, nuk ka pasur asnjë reagim ndaj punonjësve të policisë sonë. Sipas Policisë së Vlorës, ai nuk do të merret në pyetje pasi arrestimi i tij ka qenë me qëllim


Altin Hoxha gjatë arrestimit

ekstradimi. Nga ana e Policisë së Vlorës bëhet e ditur se prej tri javësh ishte marrë sinjali që i shumëkërkuari nga pala italiane kishte hyrë në Shqipëri duke u kthyer pikërisht në fshatin e origjinës, në Drashovicë. Ai ishte arratisur që prej 14 janarit të këtij viti nga burgu i Romës, “Regina Coeli”, duke shfrytëzuar disa çarçafë si litar, pasi kishte sharruar hekurat e dritares bashkë me një të burgosur rumun. Altin Hoxha (Ali Islamaj) është cituar nga mediat italiane konkretisht mbi grabitjen e trajnerit Cosmi, në afërsi të Peruxhias. Në bashkëpunim me të tjerë, i riu kishte hyrë forcërisht, rreth mesnatës, kur trajneri bashkë me gruan dhe të bijën ishin në gjumë. Ata u zgjuan nga zhurmat, duke hasur përballë fytyrat e maskuara të grabitësve, njëri prej të cilëve me armë. Arma i është mbështetur pas koke trajnerit, duke e detyruar që t’u dorëzonte një shumë të konsiderueshme parash e objektesh me vlerë, e më pas i lidhën të tre në një dhomë.

VLORE/ QEMAL BIRAKU

panorama




-------------------------


RD


Vlorë, burg pa afat për "Syakullin", grabiti 50 vila në Itali


Gjykata e Vlorës dha dje masën e sigurisë "burg pa afat", për të shumëkërkuarin Ali Islamaj, 29-vjeçarin e njohur me nofkën "Syakulli", i cili u arrestua dy ditë më parë në fshatin Drashovicë falë bashkëpunimit mes policisë italiane me atë shqiptare. Seanca u drejtua nga gjyqtarja Vjola Canaj, prokurorja e çështjes ishte Vojsava Starova, ndërsa i pandehuri mbrohej nga Delo Mecani. 29-vjeçari do të ekstradohet në Itali, pasi në ngarkim të këtij shtetasi, Gjykata e Penale e Romës ka lëshuar një urdhër arresti ndërkombëtar, pasi dyshohet se në bashkëpunim me 8 shqiptarë të tjerë ka kryer më shumë se 50 "grabitje me dhunë" të vilave luksose në Itali si dhe veprat penale "mbajtje sendesh të vjedhura", "kërcënim", "arratisje" etj. Në 14 janar 2012, ai ka mundur të arratiset nga Burgu i Sigurisë së Lartë "Regina Celi" në Romë, ku ndodhej në masë sigurie dhe hetohej për akuzat e ngritura ndaj tij. Policia bëri të ditur se, para se të arrestohej në qershor 2011 nga Policia italiane në datë 14 janar 2012, ka mundur të arratiset nga Burgu i Sigurisë së Lartë "Regina Celi" Romë, ku ndodhej në masë sigurie dhe hetohej për disa vepra penale të kryera në shtetin italian. Dyshohet të ketë kryer edhe vepra të tjera shumë të rënda penale në rajone të ndryshme të Italisë dhe është duke u hetuar nga 4 Prokuroritë e qyteteve të ndryshme italiane. Prej 3 javësh, ky shtetas ishte vënë në vëzhgim nga Shërbimet e Drejtorisë së Policisë Qarkut Vlorë dhe arrestimi i tij është bërë i mundur ditën e djeshme në fshatin Drashovicë.





Ekstradohet nga Italia një i dënuar për vrasje

Nga Zyra Qendrore Kombëtare Interpol Tirana u krye ekstradimi nga Roma, Itali, drejt vendit tonë, i shtetasit shqiptar të shpallur në kërkim ndërkombëtar, Edmond Mark Hasani, 27 vjeç, lindur në Mirditë. Gjykata e Rrethit Gjyqësor Mirditë, me vendimin Nr. 4, datë 20.01.2010, ka lëshuar masën e sigurisë arrest me burg për shtetasin Edmond Hasani, për kryerjen e veprës penale të "Vrasjes me paramendim" dhe "Armëmbajtjes pa leje", parashikuar nga nenet 78/1 dhe 278/2 të Kodit Penal. Shtetasi Edmond Hasani, më datë 08.01.2010, në Rubik, ka qëlluar me armë zjarri tip pistoletë në drejtim të shtetasit Anduel Marku, duke i shkaktuar vdekjen. Si rezultat i bashkëpunimit të Interpol Tirana me Interpol Romën, më datë 10.11.2011, në Romë, u bë i mundur arrestimi i këtij shtetasi, me qëllim ekstradimi drejt vendit tonë. Në Aeroportin "Nënë Tereza" në Rinas shtetasi i mësipërm i është dorëzuar përfaqësuesve të Drejtorisë së Përgjithshme të Burgjeve.





Grupi hetimor ka dalë në konkluzionin se vrasja mund të ketë lidhje me të shkuarën e viktimës

Vrasja për hakmarrje në Shijak, Policia shoqëron tetë persona

Policia ka shoqëruar tetë persona për gjetjen e autorit të vrasjes së 33-vjeçarit, Gentian Koka, në Salmone të Shijakut, vrasje që dyshohet se ka ndodhur për hakmarrje. Një ditë pas ngjarjes, Policia e Qarkut të Durrësit bëri të ditur se ka urdhëruar shoqërimin e 8 personave, që kanë dijeni për ngjarjen me qëllim dhënien e detajeve për zbardhjen e këtij krimi, ndërsa ka ngritur dhe pistat mbi motivin e saj. Vrasja e 33-vjeçarit, sipas grupit hetimor mund të ketë lidhje me të shkuarën e tij, për shkak se viktima ishte person i njohur në botën e krimit. Kjo është edhe një nga pistat e grupit hetimor, i cili dyshon se ngjarja e rëndë mund të ketë ardhur si pasojë e ndonjë hakmarrjeje të mundshme. Të paktën katër episode në dosjen e Prokurorisë së rrethit Durrës, ku emri i Gentian Kokës lidhet me akuzat e armëbajtjes pa leje, konflikteve, prishje të rendit e qetësisë publike dhe trafikimit të lëndëve narkotike, vepra për të cilat ai ka kryer katër vjet burg.
Pikërisht, duke hetuar mbi këtë të shkuar, policia ka mundur të përcaktojë edhe një pistë konkrete që lidh 33-vjeçarin me aktivitetin e tij, atë të vrasjes për hakmarrje nga persona ende të paidentifikuar. Hetimin tek kjo pistë grupi hetimor e mbështet edhe në mënyrën e ekzekutimit, orën dhe vendin në të cilën ka ndodhur ngjarja. Ndërkaq, policia dyshon se pjesëmarrës në krim kanë qenë më shumë se dy persona, të cilët mendohet t'i kenë ngritur pritë viktimës gjatë kohës që ky i fundit ka dalë nga një lokal, për të shkuar në drejtim të banesës së tij. Sipas policisë, viktima është qëlluar nga një distancë e afërt prej rreth 50 metrash, në një kohë që autorët e ngjarjes ishin strehuar në një banesë në ndërtim e sipër. Ngjarja e rëndë u regjistrua pak minuta para mesnatës të së premtes në lagjen "Baromet" në Sallmone, Komuna Xhafzotaj, Durrës. Në vendin e ngjarjes policia shprehet se ka gjetur dhe sekuestruar në cilësinë e provës materiale 5 gëzhoja model 56, kalibër 7,62 mm. Menjëherë u ngrit një grup i posaçëm hetimor për zbardhjen e krimit dhe vënien në pranga të autorëve.
Ndërkohë, forcat e Policisë së Shijakut kanë ndaluar mbrëmjen e kaluar një 70-vjeçar, në banesën e të cilit u gjetën armë zjarri si dhe dy shpata metalike. Burime zyrtare nga Drejtoria e Policisë së Qarkut, bënë të ditur për ATSH-në se gjatë kontrolleve të ushtruara në lagjen Baromet të fshatit Sallmone, pranë Shijakut, forcat e policisë kanë gjetur në banesën e 70-vjeçarit Kros Meta, një pushkë prodhim italian si dhe dy shpata metalike me gjatësi përkatësisht 52 dhe 90 cm. Kontrollet që po kryheshin pas një vrasjeje që ndodhi natën e së enjtes në të njëjtën lagje çuan edhe në sekuestrimin e armëve në banesën e 70-vjeçarit, i cili do të përballet me akuzën e prodhimit dhe mbajtjes pa leje të armëve luftarake dhe armëve të ftohta.






Rd

[Brari]

Lac, plagoset me armë zjarri 30-vjecarja, në kërkim autori




LAÇ- Një 30-vjecare është plagosur me armë zjarri mesditën e sotme në qytetin e vogël të Lacit.

Mësohet se e plagosura është shtetësja Blerta Islami, ndërsa policia e mbërritur në vendngjarje ka mundur të identifikojë autorin e plagosjes dhe ta shpallë atë në kërkim.

Sipas burimeve të policië nuk dihen ende motivet e plagosjes dhe lidhja që autori mund të ketë pasur me 30-vjecaren. Në momentin e të shtënave, mësohet se 30-vjecarja ka qënë duke udhëtuar me një automjet bashkë me dy shoqet e saj në drejtim të kishës së Lacit. Nga dëshmia në vendngjarje thuhet se të shtënat erdhën nga një makinë tjetër ku kishte më shumë se dy persona.

Prej asaj makine kanë qëlluar në drejtim të mjetit ku udhëtonin vajzat, duke shpuar gomën, ndërsa plumbat kanë kapur dhe 30-vjecaren Blerta Islami.

Pas plagosjes me armë zjarri, Blerta Islami është transportuar menjëherë në Spitalin Ushtarak në Tiranë, ku edhe në ndodhet në gjendje të rëndë shëndetësore. Policia po vazhdon hetimet, ndërsa nuk përjashton mundësinë e një grabitje apo një konflikti mes palëve.

(ma.ar/BalkanWeb)

[Dito]

Sekuestrohen 58 kg kanabis, katër në pranga
02/04/2012



Në dy operacione të ndryshme sektori i antidroges ne policinë e Shkodrës ka sekuestruar 58 kilogramë lëndë narkotike kanabis sativa dhe janë vënë nën pranga 4 persona.

Në operacionin e koduar "Vrakë" janë arrestuar shtetasit Paulin Lulaj 18 vjec dhe Bardhok Kodra 35 vjeç, pasi ketyre shtetasve ne tregun e fruta-perimeve në lagjen Dobrac i janë gjetur dhe sekuetruar 34 kilogramë lende narkotike kanabis sativa.

Pak orë më vonë në një tjetër operacion të koduar "Buna" janë vënë nën pranga dy shtetas të tjerë Fran Nou 27 vjec nga Oblika dhe Petrit Bredhiti 28 vjec nga Gruemira. Ketyre shtetasve u është sekuestruar në afërsi të urës së Bunës dy thasë me 24 kilogramë kanabis sativa.


Top channel

[Dito]

Vlorë, digjet një automjet, kërkohen autorët
02/04/2012


Digjet në rrethana ende të pasqaruara një automjet në qytetin e Vlorës.

Ngjarja ka ndodhur gjatë natës në lagjen "11 janari", pranë banesës së pronarit me iniciale B.B.

Policia ka shkuar në vendngjarje për të zbardhur arsyet dhe autorët e këtij akti. Pronari i mjetit me targa VL 5939 C deklaruar për blutë e qytetit se nuk ka patur konflikt me ndonjë person.


Top channel

[Dito]

Tiranë, një i vdekur, 3 të plagosur
05/04/2012


Një person i vdekur dhe tre të plagosur janë regjistruar në orët e para të mëngjesit të së enjtes në Tiranë, si pasojë e dy ngjarjeve të ndryshme.

Si pasoje e nje aksidenti te ndodhur ne rrugen e Dajtit ka mbetur i vdekur Ilir Gjoni, ndersa jane plagosur Hysni Elezi dhe Blerim Dajti. Viktima i cili ishte edhe drejtuesi i mjetit ishte kuzhinier ne nje prej lokaleve ne zonen e Dajtit, ndersa te plagosurit punonin si kamariere ne te njëjtin lokal.

Sakaq ne nje tjeter ngjarje ka mbetur i plagosur 35-vjeçari Eduart Borici. Ky i fundit u plagos pasi persona ende te paidentifikuar nga policia i kane qelluar me arme automatike ne orët e para te se enjtes. 35-vjeçari është dërguar per ndihme mjekesore ne spital, ndersa policia ka nisur hetimet per identifikimin e autorëve dhe zbardhjen e motiveve të këtij krimi.


top channel

[B.C.B]

ndodhin aksidente se vozitesit ne shqiperi jane vozitesa te 20 viteve te fundit,ndoshta te 10 viteve te fundit me saktsisht.normal qe ndodhin aksidente kur nuk e din per qka perdoret vetura,i hip si mushkes.
zoti ju pruft mend,se jeni familjarizu me krimin e budallakine.

[Brari]

ore si shum po kercet koburja ne rreshtat e bandave qe dikur kishin si ambasador edvinin e rucit..

--

si shpjegonet mo..

-


Grupet rivale atentat mikut tjetër të Emiljano Shullazit
» Dërguar më: 07/04/2012 - 09:05





Pas vrasjes së Arjan Selimit e Arlind Fugës dhe pas plagosjes së Gilmando Danit, një tjetër mik i Emiljano Shullazit është bërë objektiv i një atentati, por që fatmirësisht nuk i ka kushtuar shtrenjtë. Bëhet fjalë për Pajtim Serjanin, një emër jo i panjohur për Policinë e Tiranës, pasi disa vite më parë ai është arrestuar së bashku me Alban Rexhën, Enea Gegën dhe Samet Mejdanin pas një konflikti të ndodhur mes tyre dhe forcave të policisë.
Burime nga blutë e kryeqytetit bëjnë të ditur se ngjarja në fjalë është regjistruar rreth orës 21:00 të së enjtes, ku persona ende të paidentifikuar, në afërsi të rrugës “Tre Dëshmorët” pranë Yzberishtit kanë qëlluar 5 herë në drejtim të Pajtim Serjanit, i cili ishte duke udhëtuar me makinën e tij. Fatmirësisht, asnjë prej plumbave nuk ka arritur të prekë 30-vjeçarin, por dy prej tyre kanë dëmtuar makinën me të cilën ai udhëtonte. Ka qenë një qytetar, i cili ka njoftuar se ka dëgjuar krisma në afërsi të “Misto Mames” dhe menjëherë forcat e Komisariatit nr.6 kanë shkuar në vendngjarje, ku kanë konstatuar gëzhojat në tokë, të cilat janë marrë në cilësinë e provave. Ndërkaq forca të shumta policie, të cilat kanë mbërritur në vendngjarje kanë nisur mbledhjen e dëshmive për të identifikuar autorët e kësaj ngjarje. Nga ana tjetër, gëzhojat e gjetura në vendngjarje janë dërguar pranë Laboratorit të Policisë së Shtetit, ku do t’i nënshtrohen ekspertizës balistike, për të provuar nëse arma që i ka qëlluar ato është përdorur në tjetër ngjarje apo jo.
Atentatet
Me atentatin kundër Pajtim Serjanit shkon në 4 numri miqve të Emiljano Shullazit, të cilët kanë rënë pre e sulmeve të armatosura. Shkëndija e parë është dhënë më datë 25 qershor 2011, kur persona ende të paidentifikuar kanë plagosur Gilmando Danin, i njohur për miqësinë e tij me Emiljano Shullazin. Danit i kanë bërë pritë vetëm pak metra larg banesës së tij dhe kanë qëlluar me automatik disa herë në drejtim të tij, por fatmirësisht ka arritur të shpëtojë vetëm me një plagosje në këmbë. Tre muaj më pas, më 26 shtator 2011, është vrarë në një atentat vetëm pak metra larg shtëpisë, Arjan Selimi, një personazh i njohur i kronikave të zeza në vend, i cili gjithashtu kishte lidhje miqësie me Emiljano Shullazin. Por nuk mbaron me kaq, pasi më 20 mars 2012, një tjetër mik i Shullazit, Arlind Fuga, ka humbur jetën si pasojnë e një atentati të mirëorganizuar, kur edhe në këtë rast, persona ende të paidentifikuar kanë qëlluar 6 herë në drejtim të tij, duke i shkaktuar vdekjen e menjëhershme. Ndërkaq, Emiljano Shullazi vijon të mbetet në qelitë e paraburgimit qysh prej datës 8 nëntor 2011, ku së bashku me Gilmando Danin u kapën nga forcat e policisë me një pistoletë në makinë.

gsh
-

[benseven11]

Tiranë, një i vdekur, 3 të plagosur
05/04/2012


Një person i vdekur dhe tre të plagosur janë regjistruar në orët e para të mëngjesit të së enjtes në Tiranë, si pasojë e dy ngjarjeve të ndryshme.

Si pasoje e nje aksidenti te ndodhur ne rrugen e Dajtit ka mbetur i vdekur Ilir Gjoni, ndersa jane plagosur Hysni Elezi dhe Blerim Dajti. Viktima i cili ishte edhe drejtuesi i mjetit ishte kuzhinier ne nje prej lokaleve ne zonen e Dajtit, ndersa te plagosurit punonin si kamariere ne te njëjtin lokal.

Sakaq ne nje tjeter ngjarje ka mbetur i plagosur 35-vjeçari Eduart Borici. Ky i fundit u plagos pasi persona ende te paidentifikuar nga policia i kane qelluar me arme automatike ne orët e para te se enjtes. 35-vjeçari është dërguar per ndihme mjekesore ne spital, ndersa policia ka nisur hetimet per identifikimin e autorëve dhe zbardhjen e motiveve të këtij krimi.
top channel

Aksidenti mund te kete ndodhur per shkak se shoferi(guzhinjeri) ka qene duke bere muhabet me dy kamarieret dhe e ka hequr vemendjen nga rruga ka folur duke pas koken te kthyer nga shoket e tij kur ka folur.
Ose ka qene duke ecur shume shume shpejt,pasi kane qene vone per ne pune dhe
donin te ishin ne kohe ne lokal.Ka te ngjare qe guzhinjeri ka shkuar te shtepite e kamariereve dhe pritur jashte me makine per ti marre kamarieret ne pune.Kamarieret jane vonuar,kane dale me vonese nga shtepiat,kane humbur kohe dhe per te kompesuar humbjen e kohes guzhinjeri ka ecur me shpejtesi shume te madhe.Nqs aksidenti ka ndodhur pas ndonje kthese direkt
dhe makna eshte perplasur diku jashte rruges, kjo tregon qe ai ka qene me shpejtesi te madhe,nuk ka ulur shpejtesine e makines kur i eshte afruar ktheses,ato kane qene vone per ne pune.Ka shume mundesi te jete aksident nga shpejtesia e larte.Ne ate ore te mengjezit trafiku eshte shume shume i rralle,rruget jane bosh as njerez jashte nuk shef dhe kjo e ka nxitur shoferin ta coje pedalin e gazit posht"derrase"..

[Brari]

Eksplozivi tek Dorian Muça, dyshime te miku i Shullazit




TIRANE- Klajdi Gjeçi, një prej djemve që ditën e zgjedhjeve vendore të 8 majit 2011, u ndalua me Emiljano Shullazin, është një ndër të dyshuarit për vënien e eksplozivit në shtëpinë e ish-zv.drejtorit të Policisë së Tiranës, Dorian Muça. Një fakt i tillë konfirmohet referuar një vendimi të Gjykatës së Lartë, e cila ka vendosur që Gjeçi të hetohet në gjendje të lirë vetëm për akuzën e “Mbajtjes pa leje e armëve luftarake”, pasi prokuroria nuk ka ngritur ndonjë akuzë tjetër pavarësisht dyshimeve të forta. “Sipas organit të akuzës vepra penale dyshohet të jete kryer në këto rrethana: Në datën 08.12.2011, në orët e para të mëngjesit është vendosur eksploziv në banesën e Dorian Muçës, zv/Drejtor në Drejtorinë e Policisë së Qarkut Tiranë. Në lidhje me këtë ngjarje janë ushtruar kontrolle nëpër banesat e disa shtetasve. Midis të tjerëve, është ushtruar kontroll edhe në banesën e shtetasit të dyshuar Klajdi Gjeçi, banesë e cila ndodhet në Rrugën “3 Vëllezërit Kondi”, Tiranë. Gjatë kontrollit të ushtruar në dhomën e gjumit të personit nën hetim Klajdi Gjeçi, në dollapin e rrobave në një xhaketë është gjetur një armë zjarri, pistoletë me mulli, me numër KA 57344 me katër fishekë. Gjithashtu, është gjetur dhe sekuestruar edhe një sasi e vogël pluhuri i bardhë i mbështjellë në një copë gazetë, i cili është dërguar në laborator për kryerjen e ekspertimit kimik”, - thuhet në vendimin e Gjykatës Supreme.
AKUZA
Prokuroria ka ngritur ndaj Gjeçit akuzën e mbajtjes pa leje të armëve luftarake. Më 10 dhjetor 2011, Gjykata e Tiranës me kërkesë të organit të akuzës ka caktuar ndaj të dyshuarit masën e sigurisë “arrest me burg”. Personi nën hetim Klajdi Gjeçi e ka ankimuar vendimin e Gjykatës së Tiranës duke kërkuar lirinë në shkallën e dytë të gjyqësorit. Kështu, me vendimin nr. 649, datë 21.12.2011, Gjykata e Apelit vendosi ta lërë në fuqi vendimin në fjalë duke e lënë Gjeçin prapa hekurave. Në rekursin e bërë në Gjykatën e Lartë, ai ka kërkuar prishjen e të dy vendimeve dhe caktimin e një mase sigurimi më të butë atë të “Detyrimit për t’u paraqitur në policinë gjyqësore”. Në rekurs ndër të tjera shprehet se, vendimi i Gjykatës së Apelit dhe i Gjykatës së Shkallës së Parë Tiranë janë të padrejtë, të pambështetur në ligj e në prova dhe për shkak të zbatimit të gabuar të ligjit penal ato duhet të prishen. Këto vendime janë marrë si rezultat i një gjykimi të padrejtë. Sa i përket kontrollit të shtëpisë së tij, Gjeçi ka pretenduar se është bërë në kundërshtim me ligjit, pasi duke mos qenë në rastin e flagrancës, një veprim i tillë është kryer pa pasur një vendim nga gjykata që urdhëronte kryerjen e kontrollit. Ai ka pretenduar gjithashtu se procesverbali i kontrollit të banesës është bërë në polici dhe jo në banesë dhe nuk është firmosur nga asnjë prej familjarëve, por vetëm nga i akuzuari si dhe është bërë një orar të paparashikueshëm nga ligji, konkretisht në orën 04.00 të mëngjesit. ARMA Sa i përket armës së gjetur, Klajdi Gjeçi ka pretenduar se kjo armë i përket A.C, mik shtëpie i babait të të dyshuarit, i cili kishte ardhur prej disa ditësh nga Greqia dhe kishte qëndruar në shtëpinë e tyre në Tiranë. “A.C sa mori vesh që ishte bllokuar arma, ka shkuar në komisariat dhe ka njoftuar në lidhje me armën duke thënë se arma është e tij. Gjykata, edhe pse ka pranuar deklaratën noteriale ku A.C deklaron se arma është e tij, nuk ka pranuar që ta dëgjojë këtë person si dëshmitar për të administruar si provë dëshminë e tij”, - sqarohet në vendimin e Gjykatës së Tiranës. Duke arsyetuar edhe më tej, Gjykata Supreme shprehet se gjykatat më të ulëta kanë gabuar kur kanë vendosur masën e sigurisë “arrest me burg” ndaj Klajdi Gjeçit. Kolegji Penal shprehet se shkaqet e parashtruara në rekurs janë të bazuara në ligj dhe si të tilla duhet të pranohen. Në përfundim, Gjykata Supreme vendosi të ndryshojë vendimet e dy shkallëve të gjyqësorit dhe caktoi ndaj personit nën hetim, Klajdi Gjeçit, masën e sigurisë atë të “Detyrimit për t’u paraqitur në policinë gjyqësore”, pavarësisht faktit se prokuroria e kishte të dyshuar për një nga krimet më të rënda të ndodhura në Tiranë, tentativa për të goditur një zyrtar të lartë të Policisë. Gjeci ka qenë vetëm i dyshuar dhe deri më tani nuk ka një akuzë konkrete se është pikërisht ai personi që ka vënë eksplozivin në shtëpinë e ish-numrit dy të policisë së Tiranës. Në fakt, lista e të dyshuarve për këtë ngjarje është e gjatë, por ende nuk ka ndonjë të arrestuar.


(ma.ar/Gazeta Shqiptare/BalkanWeb)