Xhenneti (Parajsa) dhe Xhehennemi (Ferri).

[ramazan_it]

Prekja e Sekar

Hulumtim i Call To Islam1

Vërtet, Sekar [Djegësi] është Zjarri i xhehenemit. Ai është “Pusi pa fund” [xhehenemi], “Zjarri flakërues” [el-Xhehijm], “Burgu” [Sixhxhin], “Shtypësi” [el-Hutame] dhe “Vendbanimi i shkatërrimit” [Darul-beuaar] 2

Allahu, më i Larti, thotë:

« Do ta gjuaj atë në Sekar. Dhe çka të bëri të kuptosh se çështë Sekar? Ai nuk kursen aspak [asnjë mëkatar] e as nuk lë pa djegur lëkurat » [el-Mudethir, 26-29]
Nga të gjitha krijesat e Allahut që njohim, xhehenemi është më i tmerrshmi. Ai është i shëmtuar, i ndyrë, i zymtë, i tërbuar, i dhimbshëm, i dëmshëm, i pafund dhe i pamëshirshëm. Edhe gjëja më e tmerrshme që mund të imagjinojmë apo ëndërrojmë, nuk mund të krahasohet me një moment të vetëm në xhehenem.


Xhehenemi është i përjetshëm, i gjithmonshëm3. Torturës së tij apo banorëve të tij kurrë s’do t’u vjen fundi. Ai është një humnerë tmerrësisht e thellë, saqë, po të hidhej një gur në të, do bënte shtatëdhjetë vjet për të mbërri fundin e tij4. Ai sheh5 dhe flet6. Ai do të tërbohet ethshëm, kur t’i shohë mosbesimtarët7. Ai do të sillet sikurse grabitqari kur vëren prenë e tij. Ai është shtatëdhjetë herë më i fortë sesa zjarri i kësaj bote8 dhe shfrytëzon njerëzit dhe gurët si lëndë djegëse9



Banorët e xhehenemit dallojnë sipas përmasave të dënimit. Personi me dënimin më të lehtë në xhehenem10, do të ketë një qymyrgur të ndezur nën këmbë, çka do të bëjë që atij t’i vlojë truri11. Rojet e xhehenemit janë të ashpra dhe të vrazhda, dhe s’kanë kurrfarë konsideratë apo keqardhje ndaj banorëve të tij. Ato e mbajnë të nxehur e të flaktë për të ligat e njerëzve të tij12.

Banorëve të xhehenemit nuk do t’ju lejohet të vdesin apo të pushojnë, sepse vdekja tashmë do t’u jetë therë përpara syve të tyre13. Kështu, ata do të jetojnë përjetësisht në mjerim dhe poshtërim – një jetë më e tmerrshme se vdekja14.

Njerëzit e xhehenemit do të jenë të përmasave gjigande. Sasia tepër e madhe e lëkurës që do t’i mbështjellë trupat e mëdhenj të tyre si dhe trashësia e lëkurave të tyre do ta bëjë të mundshme një prani më të gjatë në Zjarr dhe, si pasojë, më shumë dhimbje. Në xhehenem, mosbesimtarët do t’i kenë supet e gjëra aq sa është gjatësia të cilën e përshkon një kalorës i shpejtë për tri ditë15, kurse dhëmballët e tyre do të jenë të mëdha sa kodra Uhud16. Dhe lëkura e tyre do të jetë e trashë sa gjatësia e udhëtimit tre netësh17 apo dyzetedy kut e matur nga një dorë gjigande18. Ndenjësja e tij në xhehenem do të ketë madhësinë sa largësia mes Mekës dhe Medinës19. Pavarësisht trashësisë së tyre, lëkurat e mosbesimtarëve do të digjen krejtësisht. Ato lëkura të mëdha e të trasha vazhdimisht do të ripërtërihen, në mënyrë që mosbesimtarët të shijojnë dhimbjen pandërprerë20. Nëse lëkura e tyre do të digjej krejtësisht dhe të mos zëvendësohej, ata s’do të ndjenin më dhimbjen. Por, një favor i tillë s’do t’u bëhet atyre.


Njerëzit e xhehenemit do të hanë një bimë helmuese e gjembaçe dhe frytin e tmerrshëm nga druri Zekum, i cili mbin nga fundi i xhehenemit. Ai do të vlojë në barqet e tyre si plumbi i shkrirë. Pija e tyre është një përzierje e bërë nga lëngjet e valuara. Ai do të jetë aq i nxehtë, saqë do t’i djegë dhe do t’i shqyejë barqet dhe zorrët e tyre e t’i bëjë copash. Ushqimi dhe pija e tyre s’do ta heqë urinë e tyre e as s’do ta shuajë etjen e tyre21. Madje, ato vetëm së do t’ua shtojnë dhimbjen dhe vuajtjet. Veç nxehtësisë së madhe, ushqimi i tyre do të jetë tmerrësisht i ndyrë22. Kur ata të lypin diçka për të ftohur trupat e tyre të pjekur, do të pranojnë vetëm më shumë lëng të ndyrë e të valë në kokat e fytyrat e tyre, çka do t’i shtojë agonisë së tyre23.

Ata do të mbyllen brenda teshave nga zjarri24 dhe prangave të hekurta në qafët e tyre25 dhe të futen në një zinxhirë, gjatësia e të cilit është shtatëdhjetë kut26. Ata do të kenë shtrojë të zjarrtë27 dhe vazhdimisht do të vajtojnë për vuajtjet e thella e të pafundme. Rënkimet dhe ofshamat e tyre do të mund të dëgjohen nga kushdo që mund të dëgjojë28. Ata do të qajnë pandërprerë, por, në vend të lotëve, do t’u dalë gjak në sasi aq të mëdha, sa anijet mund do të mund të lundronin në lotët e tyre29.


Ata do të trajtohen me poshtërimin më të madh, të prangosur, të lënë pas dore dhe të torturuar. Fytyrat e tyre do të fërkohen për pisllëkun dhe nxehtësinë e xhehenemit, dhe do t’u thuhet:

« Shijoni prekjen e Sekar [Djegësit] » [el-Kamer, 48]

Ata do të përballen me torturë pas torture, si fizike, ashtu edhe emocionale. Vuajtja e tyre emocionale do të ndodhë në mënyra të ndryshme:

Ata do të pendohen për mosbindjen ndaj Allahut të lartësuar dhe të Dërguarit të Tij. Ata do t’i urrejnë udhëheqësit e tyre, të cilët i devijuan nga shtegu i drejtë30. Ata do t’i urrejnë paraardhësit dhe anëtarët e tyre të familjes, duke dëshiruar që fëmijët e tyre, gratë e vëllezërit si dhe të afërmit që i ofronin strehim në dunja të jenë haraç për lirim nga dënimi31. Ata do të hahen dhe diskutojnë ashpërsisht me mosbesimtarët e tjerë, të cilëve do t’u mund të afrohen, duke e lutur Allahun t’u japë atyre dënim shtesë32.

Ata do të lypin lehtësime nga agonitë e tyre. Lypjes së tyre ndaj engjëjve rojtarë do t’i përgjigjet duke derdhur ujë të valë mbi kokat e tyre. Lutja e tyre ndaj Malikut, kujdestarit të xhehenemit, për t’u dhënë fund jetëve të tyre do të injorohet plotësisht33.

Në një çast, ata do të kenë mundësinë të shohin besimtarët, çka do t’ua shtojë edhe më shumë mjerimin, dhe do t’i lusin besimtarët për ujë apo çfarëdo që Allahu u ka dhënë atyre. Ata [besimtarët] do të përgjigjen:

« ... Vërtet, Allahu i ka bërë këto haram për mosbesimtarët – ata që morën fenë si humbje kohe e zbavitje, dhe që u mashtruan nga jeta e dunjasë”. Pra, sot, Ne do t’i harrojmë ata mu siç ata harruan takimin e kësaj Dite të tyre dhe ngaqë refuzuan porositë Tona » [el-A’raf, 50-51]

Xhehenemi është vendi më i tutshëm. Tortura e tij është më e tmerrshme se çfarëdo që mund të imagjinojmë. Ai është i shëmtuar dhe i neveritshëm përtej çdo përshkrimi, por shtegu për tek ai është i rrethuar nga dëshirat dhe joshjet mashtruese34. Megjithëkëtë, ata që seriozisht angazhohen për t’iu shmangur atij, me siguri, do të jenë të shpëtuar prej tij.

Pa dyshim, xhehenemi është një vend ku ne s’duam të jemi. Ne, bile, s’duam ta shijojmë aspak atë. Duam të jemi nga ata që do ta kalojnë shpejtë Siratin [Urën e varur mbi xhehenem, të cilën do të duhet ta kalojnë të gjithë ata që pohojnë të jenë besimtarë të vërtetë]. Pra, le të përpiqemi me të gjithë fuqitë që kemi për t’iu shmangur atij dhe t’i bëjmë du’a të sinqertë Allahut të na mbrojë prej tij. Enes [radi Allahu anhu] ka transmetuar se pejgamberi [salallahu alejhi ue selam] ka thënë:


“Kur një person e lut Allahun tri herë për ta pranuar në xhenet, xheneti thotë: ’O Allah, pranoje atë në xhenet’. Dhe, kur një person e lut Allahun tri herë për ta mbrojtur atë nga xhehenemi, xhehenemi thotë:’ O Allah, mbroje atë nga Zjarri’”35.

__________________________________________________ ______________

1 Ky punim është përpiluar duke u mbështetur me bollëk në librin e Ebu Abdilah el-Xhibeli Ma’rifetul-Jeumi Akhir [Njohja e Ditës së Fundit].
2 Këto janë disa nga emrat e ferrit, të cilët gjenden në Kur’an. Ata janë përshkrues për aspekte të ndryshme të torturës në xhehenem.
3 « Ata do të banojnë aty për aq sa të jenë qiejt e toka, përveç çka do Zoti yt … » [Hud, 107] Vëreni përjashtimin që bën ky ajet. Sipas disa dijetarëve, kjo u referohet atyre besimtarëve që kanë bërë gjynahe të mëdha, për të cilat duhet të dënohen para se të hyjnë në xhenet.
4 Kjo përmendet në hadithin e transmetuar nga Ebu Musa el-Esh’erij [radi Allahu anhu], shënuar nga Ebu Ja’la, Ibn Hibban dhe të tjerët. Është cilësuar si i vërtetë nga el-Albani [es-Sahiha, nr.2165].
5 « Kur ai [xhehenemi] t’i shohë ata nga larg … » [el-Furkan, 12].
6 « Ditën kur Ne t’i themi xhehenemit:”A u mbushe?” Ai do të thotë:”A ka më?” » [el-Kaf, 30].
7 « Kur ai [xhehenemi] t’i shohë ata nga larg, ata do ta dëgjojnë tërbimin dhe gjëmimin e tij » [el-Furkan, 12].
8 Siç përmendet në hadithin e transmetuar nga Ebu Hurejre [radi Allahu anhu], shënuar nga el-Buhari, Muslim dhe të tjerët.
9 « Ruajeni veten dhe familjet tua nga një Zjarr, lëndë djegëse e të cilit janë njerëzit dhe gurët » [et-Tahrim, 6].
10 Është transmetuar nga el-Buhari dhe Muslim nga Ebu Seid el-Khudrij [radi Allahu anhu] se ky person është Ebu Talib, xhaxhai i pejgamberit [salallahu alejhi ue selam].
11 Siç përmendet në hadithin e transmetuar nga en-Nu’man bin Beshir [radi Allahu anhu], shënuar nga el-Buhari.
12 « … të cilin e ruajnë engjëj të ashpër, të cilët nuk i lënë pa kryer urdhrat e pranuar nga Allahu, por e bëjnë atë për çka urdhërohen » [et-Tahrim, 6].
13 Siç dëshmohet në hadithin e transmetuar nga Abdullah ibn Umer [radi Allahu anhu] se pejgamberi [salallahu alejhi ue selam] ka thënë:”Kur njerëzit e xhenetit të hyjnë në të dhe njerëzit e xhehenemit të hyjnë në Zjarr, do të sillet vdekja [në formë të një dashi me brirë] dhe do të vendoset mes xhenetit dhe xhehenemit dhe do të theret. Pastaj do të bëhet njoftimi:’O njerëzit e xhenetit, ju do të jetoni përgjithmonë, pa vdekje; o njerëzit e xhehenemit, ju do të jetoni përgjithmonë, pa vdekje…” [Buhari, Muslim dhe Ahmed].
14 « Por për ata që mohojnë, do të jetë Zjarri i xhehenemit, i cili as nuk do t’i vrasë ata e as nuk do t’ju lehtësohet atyre … » [Faatir, 36] « Por, ai atij do t’i shmangen fatkëqijtë, të cilët do të hyjnë në Zjarrin e madh dhe do të shijojnë djegien e tij, ku as nuk do të vdesin, as nuk do të jetojnë » [el-A’la, 11-13]
15 Siç përmendet në hadithin e transmetuar nga Ebu Hurejre [radi Allahu anhu], shënuar nga Muslim.
16 Siç përmendet në hadithin e transmetuar nga Ebu Hurejre [radi Allahu anhu], shënuar nga Muslim, et-Tirmidhi dhe të tjerët.
17 Ibid.
18 Siç përmendet në hadithin e transmetuar nga Ebu Hurejre [radi Allahu anhu], shënuar nga Ahmed, et-Tirmidhi dhe të tjerët. Është cilësuar si i vërtetë nga shejh Albani [es-Sahiha, nr.1105].
19 Ibid.
20 « Ne do t’i djegim në Zjarr. Sa herë që lëkurat e tyre digjen krejtësisht, Ne do t’i ndërrojmë ato me lëkura tjera, në mënyrë që ata të shijojnë dënimin » [en-Nisa, 56].
21 « Për ta s’do të ketë ushqim, përveç një bime gjembaçe e helmuese, e cila as nuk do t’i ushqejë ata, as nuk do t’ua heqë urinë » [el-Gashije, 6-7] « A është më mirë xheneti, apo druri i Zekumit? Vërtet, Ne e bëmë atë sprovë për ata që bëjnë punë të këqija. Vërtet, ai është një dru që gufon nga fundi i xhehenemit. Degët e trungut të tij janë si koka dreqërish. Vërtet, ata do të hanë prej tij dhe do t’i mbushin barqet e tyre me të. Pas gjithë kësaj, atyre do t’u jepet ujë i valë për të pirë, kështu që kjo bëhet një përzierje [e ujit të valë dhe Zekumit në barqet e tyre] » [es-Safat, 62-67] « Vërtet, druri i Zekumit do të jetë ushqim për mosbesimtarët, i cili është si vaj i vluar, që do të vlojë në barqe, si vlimi i ujit përvëlues. [Do të thuhet] “Kapeni dhe hidheni në mes të Zjarrit flakërues. Pastaj derdhni ujë mbi kokën e tij ujin e valuar. Shijo këtë! Vërtet, ti shtireshe si i fuqishëm, bujar! » [ed-Dukhan, 43-49]. « A janë këta si ata që do të banojnë përgjithmonë në Zjarr, të cilëve do t’u jepet të pinë nga uji i valuar, ashtu që i shqyen zorrët e tyre? » [Muhamed, 15].
22 «Në atë Ditë, ai s’do të ketë as shok e as ushqim, përveç ndyrësirës që del nga plagët » [el-Hakkah, 36-36].
23 « Ne kemi përgatitur për ata që bëjnë punë të këqija një Zjarr, muret e të cilit do t’i rrethojnë ata. Dhe, nëse ata kërkojnë ndihmë, do t’u jepet ujë i valuar, i cili do t’i përvëlojë fytyrat e tyre. Sa pije e keqe dhe sa vendbanim i tmerrshëm! » [el-Kehf, 29].
24 « ... Atëherë, sa për ata që mohojnë, atyre do t’u qepen tesha nga zjarrit... » [el-Haxh, 19].
25 « ... Këta janë ata që mohojnë Zotin e tyre! Janë ata që do të kenë pranga në qafët e tyre ... » [er-Ra’d, 5].
26 « [Do të thuhet]:”Kapeni dhe prangoseni, pastaj hidheni ne Zjarrin flakërues, pastaj lidheni me një zinxhir të gjatë shtatëdhjetë kut!” Vërtet, Ai mohonte Allahun, më të madhin ... » [el-Hakkah, 30-33].
27 « Atyre do t’u takojë shtroja e xhehenemit dhe mbi ta do të ketë mbulojë [nga Zjarri]. Kështu Ne i paguajmë të këqijtë » [el-A’raf, 41].
28 « Sa për fatkëqijtë, ata do të jenë në Zjarr, duke rënkuar zëshëm e në vetvete ...» [Hud, 106-107].
29 Siç përmendet në hadithin e transmetuar nga Abdullah bin Kajs [radi Allahu anhu], shënuar nga el-Hakim dhe verifikuar të jetë hasen [i mirë] nga shejh Albani [es-Sahiha, nr.1679].
30 « Në atë ditë, fytyrat e tyre do të përmbysen në Zjarr. Ata do të thonë:”Ah!, sikur t’i bindeshim Allahut dhe të Dërguarit!” Dhe do të thonë:”Zoti ynë, vërtet, ne i dëgjuam prijësit dhe të mëdhenjtë tanë, dhe ata na devijuan nga rruga e drejtë. Zoti ynë, jepu atyre dënim të dyfishtë dhe mallkoj ata me një mallkim të madh!” » [el-Ahzab, 66-68].
31 « Ndonëse atyre do t’u mundësohet ta shohin njëri-tjetrin [në Ditën e Ringjalljes. Gjithkush do të shohë babanë, fëmijët dhe të afërmit, por s’do t’u flasë e as s’do t’u kërkojë ndihmë], krimineli do të dëshirojë të paguajë me fëmijët e tij për lirimin nga dënimi i asaj Dite, po ashtu edhe me gruan e vëllain e tij, dhe të afërmit e tij që i ofronin strehë, si dhe me tërë atë që gjendet në tokë, në mënyrë që të shpëtojë » [el-Me’arixh, 11-14].
32 « Kush është më i padrejtë sesa ai që shpik kundër Allahut apo i mohon ajetet e Tij? Të tillët do t’i mbërrijë hisja e tyre e caktuar [nga gjërat e mira e dunjasë], deri atëherë kur të dërguarit [engjëjt] Tanë t’u vijnë për t’ua marrë shpirtrat dhe t’u thonë:”Ku janë ata që i lutnit dhe i adhuronit në vend të Allahut?” Ata do të përgjigjen:”Ata na lanë e u zhdukën”. Dhe ata do të dëshmojnë kundër vetvetes se janë mosbesimtarë. Allahu do të thotë:”Hyni në Zjarr, në shoqërinë e popujve që kaluan para jush, nga njerëzit e xhinët!” Sa herë që hynë një popull i ri, e mallkon popullin paraprak, derisa të gjithë të grumbullohen në xhehenem. I pari prej tyre do t’i thotë të fundit prej tyre:”Zoti ynë, këta na devijuan, pra, jepu atyre dënim të dyfishtë”. Ai do të thotë:”Për secilin prej jush ka dënim të dyfishtë, por nuk e dini”. I pari prej tyre do t’i thotë të fundit prej tyre:”Ju s’ishit më të mirë se ne, kështu që shijoni dënimin e asaj që fituat » [el-A’raf, 37-39].
33 « Dhe ata do të klithin:”O Malik [kujdestari i xhehenemit]! Le ta kryejë me ne Zoti yt!” Ai do të thotë:”Vërtet, ju do të banoni aty përgjithmonë » [ez-Zuhruf, 77-78].
34 Shiko hadithin e transmetuar nga Ebu Hurejreh [radi Allahu anhu] rreth krijimit të xhehenemit:”... Allahu e rrethoi xhehenemin me dëshira e pastaj i tha Xhibrilit ...” [Ebu Daud, et-Tirmidhi dhe të tjerët. I cilësuar si i vërtetë nga shejh Albani [el-Mishkat, nr.5625].
35 Et-Tirmidhi, en-Nesa’i dhe të tjerët. I cilësuar si i vërtetë nga shejh Albani [el-Mishkat, nr.2412]. « O Zoti ynë, na jep të mira në këtë botë dhe në ahiret, dhe na mbroj nga dënimi me Zjarr » [el-Bekare, 201]

[ramazan_it]

Xhehenemi i frikësuar

E dini, apo? Xhehenemi e ka vetëm një frikë, një frikë që mos të shuhet.
Një frikë që gjithmonë e mban të këndellur e të ngritur flakë përpjetë, një frikë që sa herë që merr flakë të reja dhe nuk ka frikë nga ujërat e lumenjtë që mund ta shuajnë, se aty apo nuk ka lumë, ai megjithatë e ka vetëm një frikë.

Është frika nga një pikë loti që derdhet në errësirën e natës, në agun e mëngjesit ose në pikë të drekës, një pikë loti të cilin nuk e sheh as lotuesi, ngase ajo pikë aq shpejt tretet, edhe pse në zemër vazhdon ta ruajë freskinë e lotit.

Është ajo pikë loti që kur ty të kap malli për Atë, të vjen të qash, por duke mos dashur ta tradhtosh zemrën tënde, i ul sytë e i shtrëngon dhëmbët, që askush mos ta shohë atë lot. Prej atij loti frikohet xhehenemi.

Është ajo pikë loti që edhe kur ndeshet me Qaben e shenjtë, derdhet brenda syve tu, e nuk del dot jashtë, nga frika se mos ta shohin të tjerët, është pikë loti që ti ia fal vetëm Atij...

Është ajo pikë loti që ty ta zbeh fytyrën kur qëndron pranë Hirasë dhe të vjen të dergjesh në vaj, e ti e mban veten, ndonëse sytë desh të plasin nga vaji, ndërsa ti i ngulfat ato thellë në zemrën tënde, që atë e bën të vuajë e të lëngojë edhe më, por edhe që i japin asaj freskinë që e ka zili edhe zjarri i xhehenemit...

Është ajo pikë loti që edhe kur je fillikat vetëm në errësirën e plotë të natës, nën dritën e hënës e në shoqërinë e yjeve, ti e adhuron Atë në heshtje e mallëngjim dhe, ndonëse e di se askush nuk të sheh, se askush atë çast vetmie nuk t'i sheh lotët, ti edhe në atë çast nuk lejon që ajo pikë loti të dalë prej syve tu.

Jo që e ke dertin se po e shuan zjarrin e xhehenemit, por ngase pikërisht atë çast të kap frika se a je ti i denjë të derdhësh lot për atë dashuri, a je ti më meritori të qash për Atë...

Është lot që dashnori nuk arrin ta derdhë kurrë për Dashurinë, është lot që ngrihet pikërisht nga dehja me dashurinë e Tij...

Nga loti i nënës për të birin, nga loti i atij që i bëhet padrejtësi, nga loti i atij të varfëri që kurrë nuk e shtrin dorën, nga loti i talebes që natën falet e ditën studion, nga loti i atij muxhahidi që natën lutet e ditën lufton, nga loti i atij që ditën agjëron e natën falet, nga loti i atij që po dergjet nga malli për Atë, prej atij loti ka frikë xhehenemi...

Nga ajo pikë loti, që në botën tonë është vetëm çast në kohë dhe një grimë sasie e papërfillshme në peshore, nga ai lot ka frikë xhehenemi...

Nga ai lot që as lotuesi nuk e sheh, nga ai lot i nxehtë valë, që më shumë djeg se shuan, nga ai lot ka frikë xhehenemi...

Nga ai lot me shije të ëmbël, nga ai lot me ngjyrë fildishi, nga ai lot me erë trëndafili, nga ai lot si kokërr tespihu, nga ai lot që kur nuk bëhet shtrat lumi, nga ai lot ka frikë xhehenemi...

Është ky loti që askush nuk e ka parë, ndërsa e ka ndjerë vetëm zemra e lotuesit dhe xhehenemi i këndellur flakë..

Është ky loti i lotuesit që kur të vijë mbi Sirat, xhehenemi do t'i bërtasë: "O ti lotues, o ti që kurrë matanë nuk t'u pa loti, por që këndej ma shove ymrin, o ti që më bëre të vuaj, të lutem kalo më shpejt se ma shove zjarrin...."

Loti u ngri në sy, ndërsa xhehenemi u shtang prej frike.

Shkruan:Zekerija Ibrahimi

[ramazan_it]

1

Banorët e Xhehenemit do të banojnë në të përgjithmonë

Mexhmu’ Fetaua ibn Uthejmin 2/55-56

Pyetje: A është Xhehenemi i përjetshëm, apo do të përfundojë?


Përgjigje: Ajo që përfundimisht dihet është se ai (Xhehenemi) është i përjetshëm, dhe nuk dihet për ndonjë mendim tjetër nga selefët. Dijetarët e bënë këtë një ndër parimet e besimit, kështu që besojmë se Xhehenemi është i përjetshëm dhe s’do të mbarojë kurrë. Rreth kësaj çështjeje s’ka dyshim, sepse Allahu ka përmendur natyrën e përjetshme të Xhehenemit në tri vende në Kuran:

1. Në suren en-Nisa:

“Vërtet, ata që mohuan dhe bënë keq (duke fshehur të vërtetën rreth pejgamberit Muhamed dhe porosisë e tij), Allahu s’do t’i falë ata dhe s’do t’i udhëzojë në ndonjë rrugë tjetër përveç rrugës për në Xhehenem, që aty të banojnë përgjithmonë”. (en-Nisa, 168-169)

2. Në suren el-Ahzab:

“Vërtet, Allahu i ka mallkuar mosbesimtarët dhe ka përgatitur për ta një Zjarr flakërues, ku do të banojnë përgjithmonë”. (el-Ahzab, 64)

3. Në suren el-Xhin:

“Kushdo që kundërshton Allahun dhe të Dërguarin e Tij, atëherë, vërtet, për të është Xhehenemi; ai do të banojë aty përgjithmonë”. (el-Xhin, 23)

Sikur Allahu të përmendte natyrën e përgjithmonshme të Xhehenemit në një vend, kjo do të mjaftonte, e lëre më nëse e përmend këtë në tri vende? Është e habitshme që një grup dijetarësh janë të mendimit se Xhehenemi do të pushojë së ekzistuari, bazuar në argumentime të pasakta të cilat kundërshtojnë atë çfarë tregon Kurani dhe Suneti, dhe e keqinterpretojnë domethëniet e Kuranit dhe të Sunetit dhe thanë që fjalët “banojnë aty përgjithmonë” do të thonë për sa kohë që ai të ekzistojë.

Si mund të jetë kjo e saktë?

Nëse ata do të banojnë në të përgjithmonë, kjo do të thotë se vetë Xhehenemi duhet të zgjasë përgjithmonë, meqë ata do të jenë aty. Nëse një person do të banojë në një vend përgjithmonë, atëherë vendi ku ai do të jetë, po ashtu, do të zgjasë përgjithmonë. Ajeti është mjaft i qartë, kurse argumentet që shkojnë kundër Tekstit, duhet refuzuar.

Këtë dallim mendimesh, të transmetuar nga një pakicë dijetarësh, duhet refuzuar, sepse kundërshtojnë tekstin e qartë, në të cilin duhet të besojë çdo besimtar.

Kushdo që studion tekstin e Kuranit dhe të Sunetit, do të kuptojë që qëndrimi se Xhehenemi do të zgjasë përgjithmonë, është e vërteta e cila s’mund të injorohet.

[ramazan_it]

60 Hadithet që flasin për të fituar Xhennetit

Me emrin e All-llahut, Mëshiruesit, Mëshirëplotit

Tërë falënderimi i takon vetëm All-llahut, Zotit të botëve, dhe bekimi e shpëtimi qofshin mbi më të ndershmin e profetëve dhe të dërguarve... Pastaj...kjo është një shkresë drejtuar çdo muslimani që adhuron All-llahun dhe nuk i bënë shok Atij asgjë, përderisa qëllimi kryesor për çdo musliman është që të dal nga kjo botë kur All-llahu veçse ia ka falur të gjitha mëkatet, e as që e pyet All-llahu për to në Ditën e Kijametit, dhe ta fus atë në Xhennetet e begatshme përgjithmonë duke mos dalë prej tyre kurrë...në këtë shkresë të shkurtër do t'i përmendim disa vepra të cilat shlyejnë mëkatet dhe në të cilat ka shpërblimtë madh të nxjerra nga hadithe të vërteta të të Dërguarit . Lusim All-llahun, të Gjallin, të Përjetshmin, i Cili është Ai që nuk ka zot tjetër përveç Tij që t'i pranoj veprat tona, padyshim Ai është Dëgjuesi, I Gjithëdijshmi!

1. Pendimi

'Kush pendohet para se të lind Dielli nga perëndimi i tij, All-llahu ka pranuar pendimin e tij (ia ka falur mëkatet)' Muslimi (2703)

'Vërtet All-llahu azze we xhel-le ia pranon pendimin e robit derisa mos të gargaris (gulfat vdekja - t'i vij vdekja në fyt).'

2. Dalja për të kërkuar diturinë

'Kush merr ndonjë rrugë për të kërkuar dije, All-llahu do t'ia lehtësoj atij rrugën për në Xhennet' - Muslimi (2699)

3. Të përmendurit e All-llahut të Madhërishëm

'A t'ju tregoj për veprën tuajmë të mirë, më e pastra tek Sunduesi i juaj, dhe më e larta në shkallët e shpërblimeve tuaja; më e mirë për ju sesa dhënia e arit dhe argjendit, dhe më e mirë për ju sesa ta takoni armikun tuaj e t'ua rrihni qafat e tyre (t'i luftoni ata) dhe t'ua rrahin qafat tuaja (t'ju luftojnë juve)? Thanë: Po. Tha: të përmendurit e All-llahut të Madhërishëm' - Tirmidhij (3347)

4. Shëmbëlltyra në vepra të mira dhe udhëzimi për në të mirë:

'Çdo vepër e mirë është sadak (lëmoshbamirësi), dhe udhëzuesi në të mirë është si vepruesi i saj' Buhariu(374/10) dheMuslimi (1005)

5. Vlera e thirrjes tek All-llahu:

'Kush thërret në udhëzim do të ketë shpërblim sikurse shpërblimet e atyre që e pasojnë atë duke mos i pakësuar kjo asgjë prej shpërblimeve të tyre.' - Muslimi (2674)

6. Urdhërimi për në veprat e mira dhe ndalimi nga veprat e këqija:

'Kush sheh prej jush një vepër të keqe le ta ndaloj (ndryshoj) atëme dorën e tij, nëse nuk mund le ta bëj këtë me gjuhën e tij, e nëse nuk mund le ta bëj këtë me zemrën e tij, e ky është imani më i dobët' - Muslimi (49)

7. Leximi i Kur'anit Fisnik dhe këndimi i tij:

'Lexoni Kur'anin se vërtet ai vjen Ditën e Gjykimit ndërmjetësues për lexuesit e tij.' - Muslimi(804)

8. Studimi i Kur'anit dhe mësimi i tij të tjerëve:

'Më i miri prej jush është ai që mëson Kur'anin dhe ua mëson atë të tjerëve.' - Buhari (66/9)

9. Selami(përshëndetja me selam):

'Nuk do të hyni në Xhennet derisa të besoni, dhe nuk do të besoni derisa ta doni njëritjetrin, a t'ju tregoj për diçka nëse e bëni atë do ta doni njëri-tjetrin, përhapeni selamin mes jush.' - Muslimi (54)

10. Dashuria për hir të All-llahut:

'Vërtet All-llahu i Madhërishëmthotë në Ditën e Gjykimit: 'Ku janë ata që donin njëri tjetrin për hir të madhërisë sime, sot do t'i fus ata në hijen Time, ditën kur nuk ka hije tjetër përveç hijes Sime.' - Muslimi (2566)

11. Vizita e të sëmurit:

'Nuk ka asnjë musliman që viziton një musliman të sëmur herët në mëngjes përveçse të lutën për të shtatëdhjetëmijë melek (melaqe, engjëj) deri në mbrëmje, e nëse e viziton atë në mbrëmje lutën për të shtatëdhjetëmijë engjëj deri në agim, dhe do ta ketë një kopsht në Xhennet.' - Tirmidhij (969)

12. Ndihma e njerëzve në fe:

'Kush ia lehtëson vështirësitë atij që është në vështirësi, All-llahu do t'ia lehtësoj atij në këtë botë dhe në botën tjetër (Ahiret).' - Muslimi (2699)

13. Mbulimi i veprave të këqija të njerëzve:

'Nuk ia mbulon robi ndonjë të keqe robit tjetër në këtë botë, përveçse ia ka mbuluar atij Allahu në Ditën e Gjykimit.' - Muslimi (2590)

14. Mbajtja e lidhjeve farefisnore:

'Farefisi është i lidhur për Arshin(Fronin) e All-llahut dhe thotë: 'Kush më lidh mua e ka lidhur atë All-llahu, dhe kush më shkëput mua e ka shkëputur atë All-llahu.'- Buhari (350/10) - Muslimi (2555)

15. Morali i mirë:

'Është pyetur i Dërguari i All-llahut (Paqja dhe bekimi i All-llahut qofshin mbi të!) për atë se çka do t'i fus njerëzit më së shumti në Xhennet. Ka thënë: 'Frikërespekti ndaj Allahut dhe morali i mirë.' - Tirmidhij (2003)

16. Sinqeriteti:

'(Ju porosis) T'ju përmbaheni gjithnjë sinqeritetit se vërtet sinqeriteti shpie në mirësi, dhe vërtet mirësia shpie në Xhennet.' - Buhari (423/10) - Muslimi (2607)

17. Përmbajtja e hidhërimit:

'Kush përmbahet në hidhërim duke pasur mundësi të shfryhet nga ai, All-llahu do ta thërras atë në krye të krijesave Ditën e Gjykimit duke i dhënë mundësi të zgjedh prej huriave (bukurosheve të Xhennetit) çka të dojë.' - Tirmidhij (2022)

18. Shpagimi i ndejës:

'Kush ulet në ndonjë ndej dhe e tepronme fjalë, pastaj para se të ngitet nga ajo ndej thotë: 'I lartësuar je Ti o All-llah dhe falënderimi të takon Ty, dëshmoj se nuk ka zot tjetër përveç Teje, kërkoj falje dhe pendohemtek Ti.' Veçse i është falur atij çka ka bërë në atë ndej(tubim).' - Tirmidhij (153/3)

19. Durimi:

'Nuk e godet muslimanin asnjë lodhje, asnjë sëmundje, asnjë shqetësim, asnjë trishtim, asnjë vuajtje, dhe asnjëmjerim, bile asnjë therë që therët prej saj përveçse t'i fal All-llahu me të prej mëkateve të tij.' - Buhari(91/10)

20. Mirësia ndaj prindërve:

'I nënçmuar qoftë, i nënçmuar qoftë, dhe i nënçmuar qoftë! Është thënë: kush o i Dërguar i All-llahut? Tha: Kushdo që ka zënë prindërit e tij në pleqëri njërin prej tyre ose dytë pastaj nuk hyn në Xhennet.' - (d.m.th. nuk e shfrytëzon këtë rast për të hyrë në Xhennet duke u kujdesur, respektuar dhe ndihmuar prindërit. Sh.p.) Muslimi (2551)


Vazhdon....

[ramazan_it]

21. Përkujdesja ndaj vejushës dhe skamnorit:

'Kujdestari ndaj vejushës dhe skamnorit është si muxhahidi (luftëtari) në rrugën e All-llahut' dhe mendoj se ka thënë: 'dhe si falësi i namazit që nuk pushon, dhe si agjëruesi që nuk han.'- Buhari (366/10)

22. Mbikëqyrja e jetimit:

'Unë dhe mbikëqyrësi i jetimit do të jemi në Xhennet kështu dhe i bashkoj dy gishtat e tij, gishtin tregues dhe të mesmin.' - Buhari (365/10)

23. Abdesi:

'Kush merr abdes duke e zbukuruar atë I dalin mëkatet e tij nga trupi i tij, derisa të dalin prej nën thonjve të tij.' - Muslimi (245)

24. Shehadeti (dëshmia) pas abdesit:

'Kush merr abdes duke e zbukuruar atë pastaj thotë: 'Dëshmoj se nuk ka zot tjetër përveç All-llahut, Njërit, të Pashoq, dhe dëshmoj se Muhammedi është rob dhe i Dërguar i Tij, o All-llah më bëj mua prej të penduarve dhe prej të pastërve' iu hapën atij dyert e Xhennetit hyn prej cilës dëshiron.' - Muslimi (234)

25. Përsëritja pas muezinit (thirrësit të ezanit):

'Kush thotë kur e dëgjon thirrjen: 'O Allah, Zot i kësaj thirrje të përsosur dhe i këtij namazi të ngritur, jepiMuhammedit vesilen (ngritje në shkallë ose pozitë të lartë) dhe mirësinë, dhe ringjalle atë në vendin mahmud (të lëvdueshëm) të cilin ia ke premtuar atij, do ta kaplojë atë ndërmjetësimi im Ditën e Gjykimit.' - Buhari (77/2)

26. Ndërtimi i xhamive:

'Kush ndërton një xhami e dëshiron me të kënaqësinë e All-llahut, do t'i ndërtohet atij një e njëjtë me të në Xhennet.'- Buhari (450)

27. Misvaku (Furça e dhëmbëve):

'Sikur të mos frikësohesha se do t'ua vështirësoja ummetit (besimtarëve) tim, do t'i urdhëroja ata me misvak për çdo namaz.' - Buhari (331/2) Muslimi (252)

28. Shkuarja në xhami:

'Kush shkon në xhami herët ose në kohë tjera, All-llahu ia përgatit atij një shtëpi në Xhennet sa herë që shkon herët apo në kohë tjera.' - Buhari (124/2) Muslimi (669)

29. Pesë kohët e namazit:

'Nuk ka njeri musliman që e zë kohën e ndonjë namazi të obligueshëmdhe e zbukuron abdesin e asaj kohe, përqendrimin në të dhe përkuljen (ruku) në të, përveçse do të jetë kjo për të shpagim i mëkateve të bëra më herët duke mos bërë mëkate të mëdha, dhe kjo është për të tërë jetën (kohën).' - Muslimi (228)

30. Namazi i sabahut dhe i ikindisë:

'Kush fal namazin e sabahut dhe ikindisë do të hyj në Xhennet.' - Buhari (43/2)

31. Namazi i xhumasë:

'Kush merr abdes dhe e zbukuron atë, pastaj vjen në xhuma dhe dëgjon e përmbahet nga të folurit, iu falen mëkatet në mes kësaj xhumaje dhe xhumasë tjetër, dhe i ka të shtuara tri ditë.' - Muslimi (857)

32. Koha e përgjigjes në ditën e xhuma:

'Në të (ditën e xhuma) gjendet një kohë që nuk ndodh të përputhet me të robi musliman duke qenë në namaz dhe e lut All-llahun për diçka, përveçse t'ia ketë dhuruar atë All-llahu.' - Buhari (344/2) Muslimi (852)

33. Namazet sunnet bashkë me namazet farz:

'Nuk ka rob musliman që fal për Allahun e Madhërishëm çdo ditë dymbëdhjetë rekate vullnetare (nafile) jashtë namazëve të obliguara, përveçse t'ia ndërtoj Allahu atij një shtëpi në Xhennet.' - Muslimi (728)

34. Falja e dy rekateve pas bërjes së ndonjë mëkati:

'Nuk ka rob që bënë ndonjë mëkat, pastaj zbukuron pastrimin (abdesin), i fal dy rekate, dhe pastaj i kërkon All-llahut falje, përveçse t'ia ketë falur All-llahu.' - Ebu Dawud (1521)

35. Namazi i natës:

'Namazi më i mirë pas namazëve të obliguara është namazi i natës.' - Muslimi (1163)

36. Namazi i paradites:

'Për çdo asht të gishtërinjve tuaj ka sadaka, çdo tesbih (thënia: SubhanAllah) është sadaka, çdo tahmin (thënia: Elhamdu lilah) është sadaka, çdo tehlil (thënia: La ilahe illAllah) është sadaka, çdo tekbir (thënia: All-llahu Ekber) është sadaka, urdhri për të mirë është sadaka, dhe ndalimi nga e keqja është sadaka, dhe shpërblimin e të gjitha këtyre e kanë dy rekate që falën në paradite.' - Muslimi (720)

37. Bërja salavat (lutje) për të Dërguarin ( alejhi we selem ):

'Kush bën salavat për mua një herë, All-llahu për të ka bërë dhjetë herë. - ' Muslimi (384)

38. Agjërimi:

'Nuk ka asnjë rob që agjëron një ditë për hir të All-llahut të Madhërishëm, përveçse ta ketë larguar All-llahu atë për shkak të asaj dite nga Zjarri shtatëdhjetë pranvera.' - Buhari (35/6) Muslimi (1153)

39. Agjërimi i tri ditëve nga çdo muaj:

'Agjërimi i tri ditëve nga çdo muaj është (sikur) agjërimi i tërë kohës.' - Buhari (192/4) Muslimi (1159)

40. Agjërimi i muajit Ramazan:

'Kush agjëron muajin e Ramazanit me iman të plotë dhe me vullnet e përmbajtje iu është falur atij çka ka bërë prej mëkateve.' - Buhari (221/4) Muslimi (760)


Vazhdon...

[ramazan_it]

41. Agjërimi i gjashtë ditëve nga muaji Shewwal:

'Kush agjëron Ramazanin dhe e pason atë me gjashtë ditë nga muaji Shewwal, është sikur ta ketë agjëruar tërë kohën.' - Muslimi (1164)

42. Agjërimi i ditës së Arefatit:

'Agjërimi i ditës së Arefatit i shlyen mëkatet e vitit të kaluar dhe vitit që pason.' - Muslimi (1162)

43. Agjërimi i ditës 'Ashura':

'dhe agjërimi i ditës 'Ashura', mbështetëm tek Allahu, t'i shpaguaj mëkatet e vitit para tij.' - Muslimi (1162)

44. Dhënia iftar agjëruesit:

'Kush i jep iftar një agjëruesi, do të këtë shpërblimin e njëjtë si të tij (agjëruesit), duke mos i pakësuar shpërblimin e agjëruesit asgjë.' - Tirmidhij (807)

45. Falja namaz në Natën e Kadrit:

'Kush fal namaz nëNatën e Kadrit me iman dhe me vullnet e përmbajtje iu është falur atij çka ka bërë prej mëkateve.' - Buhari (221/4) Muslimi (1165)

46. Sadaka-ja (lëmosha):

'Sadaka shuan mëkatet ashtu siç shuan uji zjarrin.' - Tirmidhij (2612)

47. Haxhi dhe umre-ja:

'Umre-ja prej umre-së është shlyerës i mëkatevemes tyre, dhe haxhi i pranuar nuk ka shpërblimtjetër veçse Xhennetin.' - Muslimi (1349)

48. Veprat e mira në dhjetë ditët e Dhil Hixhxhes:

'Nuk ka ditë që vepra e mirë është më e dashur tek All-llahu sesa këto ditë, do të thotë sesa dhjetë ditët e Dhil Hixhxhes. Kanë thënë: 'As lufta në rrugën e All-llahut? Ka thënë: 'As lufta në rrugën e All-llahut, përveç njeriut që del me veten e tij dhe me pasurinë e tij pastaj nuk kthehet me asgjë prej kësaj.' - Buhari (381/6)

49. Lufta (Xhihadi) në rrugën e All-llahut:

'Një ditë luftë në rrugën e All-llahut është më e mirë sesa dynjaja dhe çka ka në të, dhe vendi i kamxhikut të njërit prej jush në Xhennet është më i mirë sesa dynjaja dhe çka ka në të.' - Buhari (11/2)

50. Dhënia në rrugën e All-llahut:

'Kush e përgatit një luftëtar veçse ka luftuar, dhe kush e zëvendëson një luftëtar në familjen e tij veçse ka luftuar.' - Buhari (37/2) Muslimi (1895)

51. Falja e namazit për të vdekurin dhe përcjellja e xhenazes:

'Kush përcjell xhenazen derisa ta fal namazin për të, do ketë shpërblim sa një kirat, dhe kush e përcjell atë derisa të varroset, do t'i ketë dy kirat. I është thënë: e çka janë dy kirat? Ka thënë: 'sa dy kodra të mëdha.' - Buhari (158/3) Muslimi (945)

52. Ruajtja e gjuhës dhe organit seksual:

'Kush mi siguron mua çka ka mes dy mjekrave (mjekrës dhe mustaqeve – gojën) dhe çka ka mes dy këmbëve, unë ia siguroj Xhennetin.' - Buhari (264/11) Muslimi (265)

53. Vlera e thënieve 'La ilahe il-laAllah' dhe 'SubhanAllahi we bi hamdihi':

'Kush thotë: 'La ilahe il-lAllahu wahdehu la sherike lehu, lehulMulku we lehulHamdu, we huwe ala kul-li shej'in Kadir.' njëqind herë në ditë, do të ketë shpërblimin e lirimit të dhjetë robërve, i shkruhen njëqind të mira dhe i shlyhen njëqind të këqija, dhe (kjo thënie) do t'i jetë atijmburojë nga shejtani në atë ditë deri në mbrëmje, dhe askush nuk do të vijmë diç më të mirë se me çka ka ardhur ai, përveç njeriu që ka bërë më shumë se ai.' Dhe ka thënë (i Dërguari alejhi we selem): 'Kush thotë: 'SubhanAllahi we bi hamdihi' njëqind herë në ditë, iu falen gjynahet edhe nëse janë sa shkuma e detit.' - Buhari (168/11) Muslimi (2691)

54. Largimi i pengesave nga rruga:

'E kamparë një njeri duke u shtrirë në shtratin e vet në Xhennet për shkak të një peme që e ka prerë nga rruga, e që i pengonte njerëzit.' - Muslimi

55. Edukimi dhe përkujdesja ndaj vajzave (bijave):

'Kush i ka tri vajza, i strehon ato (ua siguron vendbanimin), i mëshiron ato dhe përkujdeset për to, Xhenneti për të është bërë obligim përgjithmonë.' - Ahmedi me sened (zinxhir të transmetuesve) të mirë.

56. Mirësjellja ndaj kafshëve:

'Vërtet një njeri ka parë një qen duke ngrenë dheun nga etja, ka marrë njeriu opingën e tij (për të nxjerrë ujë nga pusi), dhe i ka dhënë ujë me të derisa është ngopur, All-llahu e ka falënderuar për këtë, dhe e ka futur atë (njeriun) në Xhennet.' - Buhari

57. Lënia e debateve (grindjeve):

'Unë jam garantues për një shtëpi nëmes të Xhennetit për atë që lë grindjen edhe nëse ka të drejtë.' - Ebu Dawudi

58. Vizita e vëllezërve për hir të All-llahut:

'A doni t'ju tregoj për njerëzit e juaj që janë në Xhennet? Kanë thënë: 'Po, o i Dërguar i All-llahut!' Ka thënë: 'Profeti është në Xhennet, Ebu Bekri është në Xhennet, dhe njeriu që viziton vëllain e tij në skaj të qytetit (shumë larg), nuk e viziton për tjetër veçse për hir të All-llahut, është në Xhennet.' - Taberani, hadithi është hasen (i mirë).

59. Dëgjueshmëria e gruas ndaj burrit të saj:

'Kur gruaja t'i fal pesë kohët e namazëve, ta agjëroj Ramazanin, ta ruaj nderin e saj, dhe ta dëgjoj burrin e saj, hyn prej cilës derë të Xhennetit që dëshiron.' - Ibn Hiban, hadithi është i vërtetë.

60. Të mos kërkohet nga njerëzit asgjë:

'Kush më siguron mua se nuk do t'i kërkoj njerëzve asgjë, ia siguroj atij Xhennetin.' - Hadithi është në Sunene, dhe është i vërtetë.

E lusim All-llahun Subhanehu Te'ala që të na e mundëson të jemi nga banorët e Xhennetit duke i praktikuar fjalët Pejgamberike, të shembëlltyrës tonë Muhammedit ( sal-lall-llahu alejhi ve sel-lem ). Amin.

[ramazan_it]

Si ta fitojmë Xhennetin?

1- I Dërguari i Allahut (alejhi selam) ka thënë:

“Janë dy vepra të cilët nuk do të ketë musliman që kujdeset për to e që të mos futet në Xhennet, ato janë të thjeshta por shum pak i zbatojnë ato. Pas çdo namazi të thuash:

“SUBHANALLA”(50 herë)
“ELHAMDULILAH” (50 herë)
“ALLAHU UEKBER” (50 herë)

nga 10 herë këto bëhen 150 herë me gjuhë por kunsiderohen 1500 në peshore (Ditën e Gjykimit).

Kur të shtriheni për të fjetur thoni:

“SUBHANALL-LLAH ”(33 herë)”, “ELHAMDULIL-LAH” (33 herë), ALL-LLAHU UEKBER” (34 herë) dhe këto bëhen 100 herë me gjuhë por llogariten 1000 herë në peshore Ditën e Gjykimit, e pyetën: O i Dërguar i All-llahut si ka mundësi që janë kaq të thjeshta dhe pak kush i vepron?

Ai (alejhi selam) tha:

“Shejtani i afrohet njeriut kur shkon për të fjetur dhe e vë ne gjumë përpara se ti thotë ato ose i vjen gjatë namazit dhe duke ja kujtuar ndonjë nevojë përpara se robi ti thotë ato (dhikrin pas namazit që thamë me lart).”

2- Resulullahi (alejhi selam) ka thënë: “Mbjellja e Xhenetit është: ” MASHALL-LLAH UE LA HAULA UE LA KUETE IL-LA BIL-LAH”

3- Të Dërguarin e All-llahut (alejhi selam) e pyetën se si ti fitonin 1000 sevape dhe ai i tha thuani:

“Thuaj 100 herë SUBHANALL-LLAH do të të regjistrohen 1000 sevape ose do të të fshihen 1000 gjynahe (të vogla). ” (Muslimi)

4- I Dërguari i All-llahut Muhamedi (alejhi selam) ka thënë:

“Kush thotë 7 herë ” SUBHANALL-LLAHI UE BI HAMDIHI UE SUBHANALL-LLAHIL-LKADHIM” do ti ndërtohet një kullë në Xhennet.”

5- Resulullahi (alejhi selam) ka thënë:

“Askush nuk do të vijë Ditën e Gjykimit me dicka më të mirë se ai i cili kur gdhin dhe kur ngryset thotë 100 herë “SUBHANALL-LLAHI UE BI HAMDIHI” përveë atij që ka bërë të njëjtën punë ose edhe më shum ” (Muslimi)

6- Dhikri “LA HAULA UE LA KUETE IL-LA BIL-LAH” sheron 99 sëmundje.

Shkëputur nga libri ”Shiu i rrëmbyer i fjalës së mirë”

Autor: Ibn Kajim el Xheuzi

[ramazan_it]

Autor: Ibn Kajjim el-Xheuzijjeh

Shkëputur nga libri i tij, “Hadiul-Eruah ila Biladil-Efrah”

(bot. Daarul-Hadijth, Kajro, 2001)

Xhenetet e Kënaqësisë

Thotë i Lartësuari:

“Me të vërtetë ata të cilët besuan dhe bën vepra të mira për ta ka Xhenetet e Kënaqësisë.” (Lukman, 8)


Xhennat – ky emër gjithashtu është gjithpërfshirës për të gjitha Xhenetet dhe për të gjitha llojet e mirësive që gjenden në to, siç janë ushqimet, pijet, veshjet, pejsazhet, parfumeve të mira, pamjet e kënaqshme, banesat e gjera, si dhe kënaqësi të tjera, qofshin të dukshme apo të padukshme.


[Marrë nga libri “Hadiul-Eruah Ila Biladil-Efrah” i Ibn Kajim el Xheuzije, fq.92]


Kuptimi i Fjalës së Allahut:

“Me të vërtetë të devotshmit janë në el Mekam el Emin (një vend të sigurtë).”


Ka thënë Allahu i Lartësuar: “Me të vërtetë të devotshmit janë në el Mekam el Emin (një vend të sigurtë).” [Dukhan, 51]


El Mekam: është vendi i qëndrimit, kurse El Emin: është siguria nga çdo gjë e keqe dhe e urryer ky vend ka përmbledhur të gjitha cilësitë e sigurisë. Ai është i siguruar nga zhdukja, prishja dhe nga çdo lloj shqetësimi. Kurse banorët e atij vendi janë të siguruar nga dalja prej tij, nga skamja dhe trishtimi. Këtë e vërteton dhe fjala e Allahut “Beledul Emin (qytet i sigurtë).” [Tin, 3]. Qytet, në të cilin janë të siguruar banorët e tij nga frika që kanë njerëzit e tjerë jashtë tij.


Medito si e ka përmendur i Përsosuri nga çdo e metë fjalën “siguri” në Fjalën e të Lartësuarit: “Me të vërtetë të devotshmit janë në el Mekam el Emin (një vend të sigurtë).” Dhe në Fjalën e të Lartësuarit: “Thirren në të për çdo frut të sigurtë.” (Dukhan, 55) - ka bashkuar mes sigurisë së vendit dhe sigurisë së ushqimit. Ata nuk frikësohen nga mbarimi i frutave dhe as se mos u sjellin ndonjë pasojë a dëm nga konsumimi i tyre dhe nga jashtqitja. Gjithashtu, ata janë të siguruar nga vdekja sepse ajo nuk u vjen kurrë.


[Marrë nga libri “Hadiul Eruah Ila Biladil Efrah” i Ibn Kajim El Xheuzijeh, fq.93]

Përkujtimi që bëjnë banorët e Xhenetit me njëri-tjetrin

për ato gjëra që kanë ndodhur në dunja

Ka thënë i Lartësuari:


“Ata drejtohen nga njëri-tjetri duke pyetur. Thotë njëri prej tyre: unë kam pasur një shok të ngushtë.” [Saffat, 50-51]


Dhe ka thënë: “Drejtohen nga njëri-tjetri duke pyetur. Thonë: Ne ishim më përpara në familjen tone të frikësuar dhe Allahu me Mirësinë e Tij ndaj nesh na ruajti nga dënimi i hidhur.” [Tur 25-27]


Ka përmendur ibn Ebi Dunja nga hadithi i Rabij’ ibn Subejh, nga Haseni, nga Enesi duke e ngritur (hadithin deri tek i Dërguari i Allahut sal-lAllahu ‘alejhi ue sel-lem):


“Kur të hyjnë banorët e Xhenetit në Xhenet, tha: “Atyre do t’u vijë mall për vëllezërit e tyre dhe kështu i afrojnë venduljet e tyre pranë njëri-tjetrit, vazhdojnë kështu me rradhë derisa të bashkohen të gjithë dhe do qëndrojnë të shtrirë në ijë dhe i thotë njëri prej tyre tjetrit: “A e di kur na fali Allahu neve.?I thotë shokut të tij: “Po në atë ditë, në atë vend (duke përshkruar), iu lutëm Allahut dhe Ai na fali.”


Kur i mbarojnë së përmenduri çka kishte ndodhur mes tyre, ata fillojnë të përmendin çështjet e diturisë në të cilat kanë patur keqkuptime mes tyre, si në kuptimin e Kur’anit dhe Sunetit, në saktësinë e haditheve, çfarë ishte me parësore dhe më e përshtatshme. Vërtet, përkujtimi i këtyre gjërave në dunja ishte më e kënaqshme sesa ngrënia dhe pirja dhe marrdhënia me gruan. Dhe përkujtimi i këtyre gjërave në Xhenet është akoma më e kënaqshme dhe me këtë kënaqësi veçohen Njerëzit e Dijes dhe dallohen me të nga njerëzit e tjerë.



[Marrë nga libri “Hadiul Eruah Ila Biladil Efrah” i Ibn Kajim El Xheuzijeh, fq.338]