Thaçi: Do ta fitojmë betejën kundër korrupsionit

[G-2]

SHKRUAN
Astrit Gashi
Dështimi ynë

Astrit Gashi

“Edhe Dogana, si institucioni i fundit i pavarur, ra nën kontroll të qeverisë dhe të Hashim Thaçit”, ishte komenti që ma bëri një gazetar kosovar, pasi dëgjoi lajmin se EULEX-i kishte ngritur aktakuzë ndaj drejtorit të Doganave të Kosovës, Naim Huruglica, dhe një zyrtari ligjor.

Aktakuza ndaj Huruglicës u bë e ditur të njëjtën ditë me atë për Shyqyri Haxhën dhe Rexhë Gjonbalajn të PTK-së dhe për drejtuesit e kompanisë Devolli. Aktakuza e ngarkon Huruglicën për dëmtimin ekonomik gjatë importimit të cigareve, ndërsa PTK-në dhe kompaninë Devolli për marrëveshjen e dëmshme të operatorit mobil virtual.

Ndonëse të dy aktakuzat janë bërë publike nga EULEX-i, të akuzuarit kanë pasur një trajtim medial nëpër vite shumë të ndryshme. Me gjasë, edhe EULEX-i kishte synime të dallueshme mes rasteve kur vendosi të njoftojë aktakuzën për të dy palët në të njëjtën ditë. Pa u thelluar shumë në motivet e misionit evropian të ligjshmërisë, jam i bindur se ato kanë qenë në të paktën politikisht balancuese.

Për dallim nga Haxha e Gjonbalaj të PTK-së, shefi i Doganave të Kosovës ka qenë një njeri, i cili për më shumë se dy vjet nuk është përmendur për asgjë të keqe nga mediat e Kosovës. Gazetarët kosovarë, përfshirë këtu edhe ata më të mirët që përcjellin sektorin e ekonomisë, Huruglicën e kanë pasur të përkëledhur e simpatik.

Sipas tyre, këtë përshtypje e kanë krijuar sepse Dogana dhe shefi i saj kanë qenë tërë kohën të hapur për ta, si dhe transparentë në punën e tyre. Ky arsyetim i gazetarëve edhe mund të jetë i vërtetë, dhe në të nuk po hedh asnjë dyshim të vetëm, ama motivi kryesor që i ka shtyrë gazetarët të mirëkuptojnë drejtorin, si dhe vetë Doganat e Kosovës, rrumbullakësohet te po ai komenti në hyrjen e këtij teksti. Thjesht, Naim Huruglica me shokë janë konsideruar si të vetmit njerëz të pavarur nga politika që udhëheqin një institucion shtetëror. Më shume se njerëz me përgjegjësi, ata janë konsideruar diçka si antipod të Hashim Thaçit.

Si njerëz, të cilët kryeministri i Kosovës po i lufton e kundërshton me të vetmin qëllim që t’i largojë nga posti dhe të marrë nën kontroll institucionin. Andaj, ata duhet kursyer, sipas mendjes së gazetarëve.

Vetëm e vetëm një motiv i tillë ka mundur të pengojë gazetarët kosovarë që të hulumtojnë më thellë e të mbikëqyrin në detaje punën e institucionit, i cili i sjell buxhetit të Kosovës deri në 700 milionë euro në vit e në të të mos gjendet as edhe një shibël e vetme, qoftë e keqmenaxhimit, gabimeve në punë apo edhe korrupsionit. Përvoja ka treguar se në të gjitha vendet e pazhvilluara dhe në transicion ekonomik, realisht keqpërdorimi, korrupsioni dhe ndërtimi i mafias fillon nga doganat.

Në Kosovë doganat kanë mundur të bëjnë çfarë të duan në këta dy vjetët e fundit dhe gazetarët kanë heshtur, vetëm e vetëm që ky institucion, në mendjen e tyre, të ruhej nga ndikimi i politikës dhe Hashim Thaçit. Është shumë e vërtetë se deri më sot ka qenë e pamundshme të gjesh një njeri më adekuat për të ndrequr imazhin publik të dikujt tjetër se vetë kryeministri Thaçi me veprimet arbitrare të tij.

Së paku në tre vjetët e kaluar ka qenë kështu. Ne luftën e tij kundër korrupsionit, të cilën e zhvilloi medialisht vetëm në muajt e parë të qeverisjes, por që faktikisht nuk e nisi kurrë, Thaçi tentoi që përmes një vendimi të pabazë dhe duke i ngjitur pas një afere të paqenë, të shkarkojë nga detyra drejtorin Huruglica.

Pas reagimeve të ndërkombëtarëve, ai u detyrua të kthejë mbrapa vendimin e lëshuar, ndërsa Huruglica riktheu postin, si dhe fitoi besimin e opinionit e të gazetarëve. Një besim ky, i cili asnjëherë më nuk u vendos në testim as nga opinioni e as nga mediat. Për ta ai ishte dhe mbeti viktima e Thaçit. Gabim.

Këtu fshihet dallimi media me Haxhën e Gjonbalajn e PTK-së dhe me drejtorë të tjerë të ndërmarrjeve publike. Ata u monitoruan afër nga opinioni dhe mediat, sepse konsideroheshin si të deleguar politikë. Si marioneta të Qeverisë dhe të Hashim Thaçit.

Përkundër motiveve të mundshme, gazetarët bënë mirë që monitoruan këta menaxherë dhe ndërmarrjet që udhëheqnin ata. Shumë të tjerë mbyllën sytë ndaj të gjithëve. Por, njëkohësisht ata bënë gabim që nuk monitoruan njëjtë edhe drejtorin dhe Doganat e Kosovës, dhe shumë e shumë drejtorë, ministra e zyrtarë, vetëm e vetëm se nuk i konsideronin njerëz të Thaçit. Në rastin e parë, gazetarët e mediat luajtën rolin e “watchdog”-ut të vërtetë, ndërsa në të dytin jo.

Sot, derisa gjykimi as që ka filluar dhe madje as aktakuzat nuk janë aprovuar, është herët të ndajmë drejtësi e të gjykojmë të fajshëm cilindo nga të akuzuarit. Ky nuk është synimi. Megjihatë, nëpër vite, dhe jo vetëm tani, derisa në rastin e PTK-së monitorimi dhe raportimi i gazetarëve ka qenë sukses, në rastin e Doganave ai ka qenë dështim. Të pranosh këtë gjë është sinqeritet dhe guxim.

Guximi dhe sinqeriteti i bënë gazetarët dhe mediat shumë më të përgjegjshëm dhe më të mirë se politikanët. Të dallueshëm nga ata, të cilët ditë pas dite po na çojnë drejt dështimit, por vetveten e paraqesin të pagabueshëm.

[PLAKU]

http://www.zeri.info/fotot/37535/mai...Slivova-04.jpg





Buja bën biznes me kontraktorin e komunës
Petrit Sherifi | 22-09-2011 08:31 CET zeri

Kryetari i komunës së Lypjanit, Shukri Buja, vazhdon të bëjë biznes me kontraktorin e kësaj komune. Derisa komuna që ai drejton e shpërblen me tenderë publikë kompaninë “Stublla”, kjo e fundit llogaritet t’i ketë borxh Bujës mbi 13 mijë euro, pasi që ai ka të deponuar grurin në mullirin e “Stubllës.

Buja këtë e ka deklaruar në deklarimin e pasurisë në Agjencionin Kundër Korrupsion (AKK) për vitin 2011. Buja, i kontaktuar nga gazeta, nuk ka dashur të komentojë rreth këtij rasti, e po ashtu as zyra për informim e kësaj komune nuk ka pranuar të flasë për “Zërin”, nëse kjo paraqet konflikt interesi.

Ai kishte zgjedhur mullirin e kompanisë “Stublla”, në mesin e shumë të tjerëve që merren me këtë lloj biznesi për të deponuar grurin. Kurse Ali Stublla, pronar i kompanisë “Stublla”, mohon të ketë ndonjë ndikim nga kryetari i kësaj komune, i cili ka të deponuar grurin në mullirin e tij.

“Jo nuk ka asnjë ndikim. Kryetari e ka më afër mullirin tonë edhe për këtë arsye edhe e ka deponuar këtu grurin”, ka thënë ai për “Zërin”.

Kompania private “Stublla”, që merret edhe me kryerjen e punëve ndërtimore kishte fituar të drejtën nga Komuna e Lypjanit për të ndërtuar me koncesion objektin për familjet e dëshmorëve, veteranët e luftës, familjet e martirëve dhe fëmijët bonjakë.

Kjo kompani ishte shpallur fituese më 16 prill të vitit 2008 ndërsa Komunës i kishte ofruar 39.64 për qind të objektit. Në një tender tjetër më 29 tetor 2010 kjo kompani ishte shpallur fituese për ndërtimin e objektit shkollor në fshatin Banullë të Lipjanit. Oferta e kësaj kompanie ishte 483 mijë e 684 euro.

E njëjta kompani kishte fituar në tenderin e datës 14 tetor të vitit 2009 në tenderin “Projektimi dhe zbatimi i rrjetit të kanalizimit –Livaxhe”. Në këtë tender ishte vetëm një ofertues ndërsa vlera e kontratës nuk ishte bërë publike në njoftimin për dhënie kontrate të publikuar në uebfaqen e Komisionit Rregullativ të Prokurimit Publik.

Po ashtu kjo kompani është përfituese e tenderit edhe për “Suvatimin e mureve” në vlerë prej mbi 437 mijë euro. Edhe për ndërtimin e një shkolle të mesme në Lypjan “Stubllës” i ishte dhënë tenderi më datën 15.01.2010, ku vlera e përgjithshme e kontratës ishte 1,682,533 euro, ku këtë tender e kishte marrë nga Ministria e Arsimit.

Ndërkaq sipas deklarimit të pasurisë së Bujës në Agjencinë Kundër Korrupsion del se 15 hektarë tokë bujqësore në Bujanë e Graskë të komunës së Lypjanit janë blerë përmes procesit të privatizimit. Sipas Bujës, shuma prej 48 mijë eurosh për të blerë këtë tokë ishte siguruar nga të ardhurat e tij përmes tregtisë me material ndërtimor si dhe marrja e një kredie në NLB.

Kjo pronë ishte përfituar, sipas Bujës, gjatë viteve 2006-2008. Ndërkaq gjatë viteve 2005-2007 Buja kishte blerë tokë bujqësore me sipërfaqe prej 95 ari në Suhodoll të Lypjanit. Vlera e kësaj prone ishte 67 mijë euro ndërsa mjetet ishin siguruar nga tregtia me material ndërtimor dhe përfitimi nga kafiteria në Ferizaj.

Prej përfitimeve nga tregtia dhe kafiteria, sipas Bujës, ishin siguruar mjetet për të blerë edhe një lokal afarist prej 34 metrash katrorë në vlerë prej 60 mijë eurosh. Po ashtu edhe për blerjen e banesës prej 134 metrash katrorë në Prishtinë tek Kroi i Bardhë në Lagjen Dardania që kishte kushtuar 104 mijë euro një pjesë e mjeteve ishin siguruar nga përfitimet nga tregtia me material ndërtimor.

Preteni do të merret me rastin

Hasan Preteni, kryetar i Agjencisë Kundër Korrupsion, ka thënë për “Zërin” se rastin në fjalë do ta trajtojnë. “Ju siguroj që këtë informacion do ta trajtomë. Ne do të punojmë në këtë drejtim konform legjislacionit në fuqi”, ka thënë Preteni.

Sipas tij, secili rast i ka specifikat e veta dhe është e padrejtë dhe joprofesionale që të nxirret ndonjë konkluzion i shpejtë.

Komentet zeri

Prokurori *KRPP (Prishtine): 22-09-2011 23:30
ja po jua jap edhe nje teme tjeter gazetareve e debatuesve ketu. Para nja tri jave asht hap nje tender i druve e i thengjillit ne lipjan per furnizim te shkollvae. qe tri jave ende nuk e ka shpall kush eshte fituesi. edhe pse kane dale me lire do firma tjera, ky kryetar me vllaznite e vet ia kane marre haraqin dikujt tjeter. dmth., nuk do ta marr punen ma i liri, ai per dru e ai tjetri per thengjill, por ai qe e ka pre pazarin me bujen. gazetare te zerit, rrini gati keti tenderi e ngrehne zerin. nashta ne javen tjeter ose neser (e premte) e qojne shpalljen ne gazeta zyra e prokur9imit. kqryni kujt po ia japin, qaty te vetve, pra jo ma te lirve dhe e kuptoni se nuk po ia ban pasunine biznesi me matrial ndertimor, por biznesi me tendera.

syla (gjermoni): 22-09-2011 22:50
ky asht patriot i madh, eshte kriminel i madh esht hajduk super super i madh. mendo se ka zot diku mendo per ket pasuri qe e ke be pa djers.por nje dit do ti paguash te gjitha.lypjani se ka meritu ket kryetar.

Ushtari juaj-Lipjan (Lipjan): 22-09-2011 22:11
Krejt pasunin qe e paska deklaruar z,Buja e paska si rezultat i tregtimit me material ndertimor. Po rrena i ka kembet e shkurta. Si quhet ajo kompani ejuaja qe paska vepruar me tregtim te materialit ndertimor,sa ka pague taksa komunale e sa tatime ne administraten tatimore, kjo mund te vertetohet.Hiq hiq nuk e paska zie, haha, PO more zotni menji rrog prej kryetari i ke ble 100 hek, tok, banes 110 M, ne Prishtin, Hotelin qe e ke marue sigurisht ke harrue a, Objektin ne Lipjan ne emer te Dinos te shkolla Fillore ,toka ne rrugen e atpadit ne Lipjan ,Gjipin djalit per Ditlindje,30 perqindshin e objektit te Fitim Selimit Dajes Tuaj tek tregu i xhelbert pa kurfar procedure e ne toke komunale,Objektin e Stublles, Objektin e Budakoves, Objektin e Besa Komercit, Objektin para shkolles Fillore, Objektin e Agron Gashit,Objektin e Mustaf Gashit,e Zeq Shamollit etj,etj, Token e komunes nuk ka lan pllam pa e shite etj,ska shtet as drejtsi per ket kauboj,,Roman del me shkru per hajnin e tij.

engjellushja (lipjan): 22-09-2011 15:51
hey o lipjanas o bashk qytetar mos e leni pa ja dhan voten edhe ket mandat se hala se ka privatizu krejt lipjanin e smundet me ket mandat i duhet edhe ni tjeter,me bo me nejt edhe ni mandat garant naj bon me pasaporta me hy ne Lipjan.prap votone se burr i mir esht pisi

Gimi (Lipjan): 22-09-2011 14:04
Nuk e di qysh jan qorru qytetart e lipjanit kur ja kan jap voten kti krimineli apo ndoshta kan kry pun 20 eurot

luli ***(Lipjan): 22-09-2011 14:02
Te nderuar lexues, Shuki eshte nje Bandit. krejt e dine,i ka shantazhu te gjithe. ne jemi ne dijeni edhe se cfare eshte tu planifiku me bo. ketu duhet me ju kajte nanen strukturave nderkombetare qe po e lejojne kete idiot me vepru.edhe ky tipi ka mbledhe mend dhe thote se une muj me bo qa te du,fundi i fundit fajtor del komuna. Ky nuk ka dhe nuk mban kurfare pergjegjesie morale ose individuale. po me shkojne nerva komentuesit qe thojne pse e keni votu. pak e kane votu,te tjerat i ka vjedh. raste e raste jane lajmeru ne Eulex, zyrtarish dhe ne menyre anonime. nje pergjegje te fundit. EULEX **** YOU***

U_C_K (arat e babes): 22-09-2011 13:42
O Jeton edhe ju tjere qe menoni qe ky llopov osht legjende e hero. Ne te kallxon qysh i kan lan ushtart e vet ne fusha te minume te shkijeve e vet e ka ik prapanices. Ka deshmitar qe kallxojne qysh i ka lan ne meshire te shkaut ky "patriot".

buja (rome-itali): 22-09-2011 12:29
ju pershendese me thashe e thame nuk folet se pari i baje koment ati qe tha te gjithe bujat jane hajdute kjo se ashte e vertete e dyta nuk mundet edhe shukrija me kane si po shkruhet se ma pase kane se kishet marre voetn per se dyti here se vota ashte kane e meshefte edhe se fundi na mirremi me do sende qe se na perkasine neve ka kushe i derjtone keto pune ashte derjtesija,se edhe shukrija e ka dhane kontributine e vet si para lufte si ne lufte e po ashte edhe si kyretar i komunese mbese me shperse se vjen dita e gjdo gje drejtohet......

luma (ferizaj): 22-09-2011 12:01
nuk du me u marre me ketea mafioze mekta huliganta kta pasekane luftue veqe per veti po jo qe kane luftue po i kane shti ushtaret e shkret edhe ju kane nejet mbrapa me butana naper shtepija ase qe kane dale ne lufte tashe ja kane nise po e shkelin gjakune deshmoreve po e vjedhin edhe ate pasuni qe e patume dikushe flen ne shatora dikushe se ka ku e qete kryt dikushe vdese nga urija dikujte i kane femija se di edhe zoti po durojka shume se kate duhet ti zhdukimi nga faqeja e dhutee mose ti lame hapesire te gjer.kure gja se po na bane serbi qka na banen tonet se di jame i lodhure me keta kriminela se di edhe atea qe votojne se kujte po ja japin voten se serbi e dina se e kna passe armike e kta po veprojn e me dy fetyraduhet te kemji kujdese se edhe keshtu ka ardhure fundi

jeton (lipjan): 22-09-2011 11:41
nuk eshte hajne z shukri buja aje kaqen nje luftetar i vertet nje legjend i gjall po ketu qa po flitet keto jen vetem spekulime te individve te pa ndergjegjshum z buja po punon shum ne komunen e lipjanit per ket arsye jakan inati

Komandant-Hajni (Gjermani): 22-09-2011 11:23
BUJAT jane super hajdute hajna te pa moralshem.Pasanike te pase luftes.

papillon (pirot): 22-09-2011 10:31
Njeriut normal mjafton qe te shikon kete face negative dhe te vrazhde te keti njeriu te paditur fshatar ....a budalla,familjari,hajnat dhe kriminelet ja qesin voton

Hasan (dobraj e madhe): 22-09-2011 10:24
o Shukri,pse nuk po tregon pse e vrave prof.Ismail Bërbatocvin? Ti dhe vëllau ytë si dhe daja ytë Fitim selimi jeni përgjegjës...pse e vratë?drejtësia ka em te zanë ose KANUNI//

Ajvazi (GRABOVC): 22-09-2011 10:19
Paj dihet se ky me vellain e kryeministrit Gani thesi,vjedhin sa te mujn e ky duhet me vjedh dy fish ma shume, se duhet me ja dhan tallin Gani Thaqit,se ati qe o si spec i musht nuk i dalin cka vjedh veq veq vet,po edhe tjeret duhet me i dhan talll,medet per neve.....Po vallai sju ka shku larg,se kurgju Lima cka ka me ndodhe me kta,kena mu kenaq po spo kem durim se....

Ajvazi (GRABOVC): 22-09-2011 10:16
Paj dihet se ky me vellain e kryeministrit Gani thesi,vjedhin sa te mujn e ky duhet me vjedh dy fish ma shume, se duhet me ja dhan tallin Gani Thaqit,se ati qe o si spec i musht nuk i dalin cka vjedh veq veq vet,po edhe tjeret duhet me i dhan talll,medet per neve.....Po vallai sju ka shku larg,se kurgju Lima cka ka me ndodhe me kta,kena mu kenaq po spo kem durim se....

Arben (ferizaj): 22-09-2011 09:32
Vetem ata qe kane pase pune me kete hajn e debil e dijn cfar personaliteti i pa cipe osht. Njeri pa fije kulture, edukimi, e edukate. E keto gjera pi flas prej pervoje personale me kete mangup!

sadiku (Gjermani): 22-09-2011 09:21
ATA NJEREZ QE E VJEDHIN POPULLIN E KOSOVES JAN KOPILA TURK E SERB NUK JAN SHQIPETAR,SA MA PARE DUHET TI LARGOJM SE KETA JANE SHUME MA TE RREZIKSHEM SE ATA SERBET KRIMINEL TE VERIUT QE KETA SE BASHKU PUNOJN

m.k. (peje): 22-09-2011 09:12
qfar hajni i pa par hani e paster.po dihet haptas per 10 vjet ne kosov ministrat e kryeministrat me kryetar te komunav depotet milonera . veq vjedhni sa te muni mos gaboni me lan naj sen me ju ikke se per tjeter sen nuk ju ka met ma se edhe ku far buja maskara ke per me nrru librat e historis me turqin. ram mos po don me ndrru edhe ti historin tane me than se jke kan i pasun po shihet hajni me serbi hajn

realisti (Prishtine): 22-09-2011 08:56
Buja eshte matrapaz dhe hajn qe po punon me vjedh sa ma shume deri sa eshte ne ate pozite!!

Shoki (Kosove): 22-09-2011 08:56
Per ata qe nuk e dine, Shukri Buja eshte kryemafiozi i Kosoves. Ky njeri, me rrjetin e tij kriminal, eshte i perhapur kudo ne Kosove, me saktesisht, ne secilin institucion qeverises.

[G-2]

Dino që Molisi ekonomine

nga Lavdim Hamidi Prishtinë Tetor
Njëriu që mbate timonin e zhvillimit ekonomik të Kosovës mund ta ketë atë iluzion vetëm brenda fshatit të tij ndërkombëtar. Ose, në fakt, fshatit qeveritar.

Supet prej ushtaraku, ndonëse pa një përgatitje përkatëse shkollore, do t’i duhej t’i hynin në punë për ta bartur barrën e lëvizjes së hovshme drejt zgjerimit e forcimit të kapitalizmit bë vend.

Mirëpo, pesha e rëndë e transformimit e të gjithë pronës shoqërore në atë private, ka detyruar Dino Asanajn që ta ngris flamurin e bardhë në drejtimin e Bordit të Agjencisë Kosovare të Privatizimit (AKP), një muaj para se t’i skadojë kontrata.

Kreu i agjencionit më të fuqishëm në vend ka paralajmëruar dorëheqjen - siç ka thënë - për arsye personale.

Ai thotë se kur është zgjedhur në këtë pozitë ka menduar se kërkohet një angazhim më i vogël. Vitet shkuan, privatizimi edhe më shpejt, e Dino i fuqishëm ndjehet i lodhur. Nëse është e vërtetë që kur elefantët luftojnë fushat gërmohen, atëherë atyre për të rikthyer qetësinë do t’ju duhet edhe pushim i gjatë. Kyçja e gjatë dimërore është krejt çka do elefanti i privatizimit në vend i cili, megjithatë, gërmoi pak.

Për diçka që shkon, vetëm fjalë të mira. Derisa tymos njëpasnjëshëm cigaret ‘Marlboro’ në restaurantin ‘Puro’ në lagjen ‘Veternik’ të Prishtinës, 54 vjeçari nga Peja, i cili për dy dekada ka jetuar dhe punuar në Shtetet e Bashkuara të Amerikës(SHBA), shprehet në superlativ për pavarësinë e Bordit që e ka drejtuar, edhe pse shumica e anëtarëve janë deleguar nga partitë politike.

“Pavarësisht se ka pasur përfaqësues politikë në bord, ky i fundit ka qenë 100 për qind i pavarur dhe i pandikuar politikisht”, shprehet ai për Gazeta Jeta në Kosovë.

Asanaj, megjithatë, pranon se disa gjëra nuk kanë shkuar si duhet me Bordin e vjetër të AKP’së, të cilin, sipas përshkrimit të tij, e ka karakterizuar një konflikt koncepti.

“Drejtori menaxhues i AKP’së ka qenë edhe anëtar Bordi me të drejtë vote. Ai ka përgatitur privatizimin e ndërmarrjeve shoqërore, ka menaxhuar procesin dhe ka mundur të votojë në Bord. Kjo në një farë mënyre ka qenë edhe konflikt koncepti”, shprehet Asanaj.

Në bord me akraba

Përvoja e gjatë në fushën e biznesit në Shtetet e Bashkuara të Amerikës nuk i ndihmoi. Qindra privatizime të ndërmarrjeve ndodhën deri sa Dino Asanaj ishte në krye të Bordit të AKP’së, mirëpo nuk erdhi asnjë investitor i rëndësishëm në vend, përpos disa turqsh e anglezësh - edhe ata me prejardhje të dyshimtë të pasurisë.

Të gjitha privatizimet ndodhën në komunat me shumicë shqiptare, mirëpo ndërmarrjet në vendbanimet serbe dolën të jenë një mision i pamundur për AKP’në.

Ai nuk arriti ta privatizojë as Banjën e Pejës, nga i cili rajon e ka prejardhjen, por shton se ka bërë shumë në shpërndarjen e 20 përqindëshit të punëtorëve.

Thotë se privatizimi si proces ka qenë i dhimbshëm dhe i disfavorshëm në momentin politik dhe diplomatik për Kosovën. “Ky proces ka ndodhur në kohën kur kemi shumë probleme politike me Serbinë dhe në aspektin diplomatik kur shumë shtete ende nuk e kanë njohur pavarësinë e Kosovës”, argumenton Asanaj.

Shumë kritika ia adreson Agjencisë paraardhëse të privatizimit, përkatësisht Agjencisë Kosovare të Mirëbesimit, duke i fajësuar drejtuesit e kësaj të fundit se nuk bënë një dorëzim të mirëfilltë të kompetencave tek AKP’ja.

Por, sipas tij, më të kënaqurit me këtë proces duhet të jenë punëtorët, pasi që ka ndodhur një përshpejtim i jashtëzakonshëm i mjeteve të 20 për qindëshit.

“Tash nuk ka protesta të punëtorëve para portës së AKP’së, ndërsa më herët punëtorët kanë vdekur duke i pritur mjetet e tyre”, nënvizon Asanaj.

Në shpërndarjen e këtyre mjeteve mohon të ketë ndikuar fakti se anëtarin e Bordit të AKP’së, përkatësisht kreun e Bashkimit të Sindikatave të Pavarura të Kosovës(BSPK), Haxhi Arifin, e ka familjar. Dy familjarë me të drejtë vote, madje, sipas tij, nuk përbëjnë nepotizëm.

“Kryetarin e BSPK’së e kam akraba, por kjo nuk është nepotizëm, sepse atë nuk e kam zgjedhur unë , por e kam gjetur në Bord. Kosova është një familje dhe ka shumë raste kur njerzit janë akraba në mes vete”, shprehet Asanaj.

Sipas tij, në Shtetet e Bashkuara të Amerikës, ku ka jetuar dhe punuar më shumë se dy dekada, në një kohë ka ndodhur që dy vëllezër të jenë guvernatorë, ndërsa babai i tyre ka qenë President i SHBA’së, përkatësisht George Bush.

Në SHBA, Asanaj kishte emigruar në vitin 1985, ku fillimisht thotë se ishte angazhuar si punëtor i thjesht në disa kompani ndërtimi, ndërsa në vitin 1990 e ka hapur kompaninë me emrin “DD Interiors” në New York.

Kjo kompani, sipas Asanajt, bën transformime të brendshme të ndërtesave dhe, vazhdon ai, në disa raste qarkullimi vjetor i saj ka tejkaluar shumën prej 15 milionë dollarësh amerikanë.

Pikërisht për shkak të punës që e ka bërë biznesi i tij, me zbukurime të brendshme të ndërtesave, ai kishte marrë nofkën “Dino Moleri”.

Miqësia me Thaçin

Në SHBA, Asanaj ka qenë edhe përfaqësues i Qeverisë së Përkohshme të Kosovës, ku kishte krijuar kontakte të rregullta me ish-drejtorin politik të UÇK-së dhe Kryeministrin aktual, Hashim Thaçi.

Me këtë të fundit thotë se ka pasur kontakte të vazhdueshme para dhe pas luftës së Kosovës, mirëpo, sipas tij, Thaçi nuk e ka zgjedhur kryetar Bordi.

“Qeveria më ka propozuar, ndërsa Kuvendi më ka zgjedhur kryetar Bordi. Megjithatë, nuk e mohoj se e kam mik të mirë Kryeministrin”, pohon Asanaj, duke shtuar se miqësi ka edhe me ish-Kryeministrin Agim Çeku, gjatë mandatit të të cilit në krye të Qeverisë ka qenë këshilltar për diasporë.

Ish-deputeti Naim Rrustemi thotë se Asanaj nuk është i sinqertë në deklaratat publike.
“Në AKP e ka sjellë Kryeministri, përndryshe një njeri si Dino Asanaj në asnjë mënyrë nuk do të mund të vinte në krye të AKP’së”, shprehet Rrustemi.

Sipas këtij të fundit, Asanaj nuk e ka pasur madje as shkollimin e nevojshëm për ta udhëhequr AKP’në e cila është përgjegjëse për privatizimin e të gjitha ndërmarrjeve shoqëore në vend.

“Në CV-në e tij që e kishte sjellur në Kuvend me rastin e përzgjedhjes në Bordin e AKP’së, kishte shkruar vetëm 3 rreshta. Aty shkruhej se se e ka kryer shkollën e mesme ushtarake e asgjë më shumë”, ka potencuar Rrustemi, duke shtuar se kjo CV ka qenë ofenduese për deputetët.

Mirëpo, Asanaj mohon deklaratat e ish-deputetit Rrustemi, duke sqaruar se në vitin 1983 e ka përfunduar Fakultetin e Mbrojtjes në Beograd.

Kjo përgjigje e Asanajt nuk ia mbushë mendjen Rrustemit.

“Në atë kohë kur është zgjedhur kryetar Bordi, Dino ka qenë vetëm me shkollë të mesme të këmbësorisë, tash nëse e ka blerë ndonjë fakultet është tjetër punë”, shton ish-deputeti Rrustemi.

Sipas Astrit Gashit, kryeredaktorit të ‘Zërit’, emërimi i Dino Asanajt për kryetar të Agjencisë së Privatizimit në vitin 2008, ishte një nga veprimet më të shëmtuara të Qeverisë Thaçi 1.

“Ky emërim, ndër të parët që bëhej nga qeveria që premtonte reforma, ishte krejtësisht i natyrës klienteliste dhe i orientimit korruptiv”, shkruajti Gashi, në një editorial.

Milionat ‘amerikanë’

Dino Asanaj ka bërë investime milionëshe në Kosovë, ku ka ndërtuar Fshatin Ndërkombëtar në Prishtinë, i cili njihet ndryshe edhe si “fshati amerikan”.

Ai jo vetëm që ka shitur dhjetëra ndërmarrje shoqërore në AKP, ka shitur edhe 110 shtëpitë e ndërtuara në këtë fshat, të cilët i kanë blerë zyrtarë të lartë institucionalë, biznesmenë të ndryshëm, artistë të njohur etj.

Ky projekt ka një kosto të përgjithshme prej 25 milionë eurosh, ku sipas tij, ideja ka qenë që nëpërmjet punës të tregohet përvoja e fituar në SHBA. “ Ideja ishte që të tregohet se edhe këtu mund të ndërtosh një Amerikë në miniaturë”, pohon Asanaj.

Mirëpo, ish-deputeti Rrustemi akuzon Asanajn se po manipulon me emrin Amerikë..

“Ky ka manipulu me fjalën Amerikë. Ata që e keqpërdorin fjalën amerikan, janë kundër Amerikës. Me qenë mbarë e mirë kishin fillu hetimet në lidhje me këtë investim”, shton Rrustemi.

Sipas Rrustemit, Asanaj i ka shpërblyer me nga një shtëpi në këtë fshat zyrtarët më të lartë të vendit, duke filluar nga kryeministri Hashim Thaçi, ish-ministri i Transportit Fatmir Limaj, ministri i Punëve të Brendshme, Bajram Rexhepi etj.

Këto deklarata të Rrustemit i mohon Asanaj, duke u shprehur se Kryeministrit dhe askujt tjetër nuk i ka falur shtëpi. “Miqve nuk u falet shtëpia, por u ndihmohet të ndërtojnë shtëpi”, shprehet Asanaj, duke garantuar se Thaçi nuk ka shtëpi në Fshatin Ndërkombëtar, mirëpo, se disa ministra të Qeverisë Thaçi janë bërë banorë të fshatit.

Besohej fillimisht se fshati i Dinos do të bëhej një qendër e përfaqësive diplomatike. Ajo u bë një qendër që graviton elitat e sotme përreth pushtetit. Brenda kornizës së kësaj lagje, këto elita jetojnë në një botë që krijon iluzion zhvillimi por që rrethohet me një ekonomi gjigande për nga fragjiliteti dhe varfëria.

Privatizimi është kritikuar për dështime të mëdha kryesisht pasi që shumë fabrika kthehen në toka që shiten si parcela dhe për korrupcion gjatë proceseve të shitblerjeve. Ky është padyshim ndër proceset më të shpejta dhe më të errëta të privatizimit në rajon.

Dino krahfuqishmi, përballë nevojës për transparencë, qasje fer dhe punës për rimëkëmbjen e ekonomisë, më shumë tregoi se kishtë lëkurën e trashë.

[Antiproanti]

Thaçi: Do ta fitojmë betejën kundër korrupsionit

Kurre.

Kurrupsioni eshte absolutisht i pamposhtshem.
Korrupsioni ndoshta do te zhduket vetem kur te zhduket njerzimi.

Korrupsioni vetem mund te zhvendoset resp. te zvogelohet numri i atyre qe "guxojne" te jene te korruptuar, te korruptojne dhe te perfitojne.

Pershendetje

[Korcar-L1]

Hajduti therret te kapen hajdutet lol

[Antiproanti]

KEK-u avancon kushëririn e kryeministrit

Pas katër vjet udhëheqjeje me tenderët e Korporatës Energjetike të Kosovës (KEK), të mërkurën ka hequr dorë nga pozita e shefit të prokurimit Nijazi Thaçi.

Ky i fundit, i cili njëherit është edhe familjarë i kryeministrit të Kosovës, Hashim Thaçi, e ka lënë këtë pozitë, pasi që është avancuar në pozitën e drejtorit operativ, i cili njëherit e luan rolin edhe të zëvendësdrejtorit menaxhues të Korporatës Energjetike të Kosovës.

Përderisa deri më tani në pozitën e drejtorit operativ të KEK-ut ka qenë Remzi Shahini, i cili tashmë është pensionuar.

Zëdhënësi i KEK-ut, Viktor Buzhala, konfirmon se deri të mërkurën pozitën e drejtorit operativ e ka mbajtur Remzi Shahini, i cili, sipas tij, është pensionuar në mënyrë të rregullt, pas arritjes së moshës së pensionimit dhe në bazë të ligjit nuk mund të vazhdojë ta ushtrojë këtë pozitë edhe më tutje.

Buzhala shton se KEK-u është kompani që u jep prioritet kuadrove të reja dhe me perspektivë. “Në kuadër të kësaj, të mërkurën është vendosur që në pozitën e drejtorit operativ të zgjidhet Nijazi Thaçi”, pohon Buzhala, duke shtuar se Thaçi nuk ka hequr dorë nga pozita e mëhershme, por është emëruar në detyrë të re.

Ndërsa Nijazi Thaçi ka thënë të mërkurën për “Zërin” se arsyeja e heqjes dorë nga pozita e shefi t të prokurimit në KEK është avancimi në një pozitë më të lartë në kuadër të kompanisë.

“Kam hequr dorë nga prokurimi i KEK-ut pasi që jam emëruar drejtor operativ në kompani. Vendimin për këtë emërim e ka marrë drejtori menaxhues i KEK-ut, Arben Gjukaj”, ka pohuar Thaçi.

Nijazi Thaçi është punësuar në KEK në vitin 2006, në kohën e koalicionit qeverisës LDK dhe AAK, kur ministër i Energjisë dhe Minierave dhe kryetar i Bordit të KEK-ut ka qenë Ethem Çeku nga AAK-ja.

Përndryshe, Korporata Energjetike e Kosovës është kompania që ka numrin më të madh të prokurimeve në vend dhe për këtë qëllim është kritikuar shpesh nga partitë opozitare dhe përfaqësuesit e shoqërisë civile.

Një raport i vitit 2010 i Iniciativës së të Rinjve për të Drejtat e Njeriut(YIHR) me titull: “Shtet i shtrëngimit, qeverisja dhe shprehja e lirë në Kosovë”, kritikonte prokurimin publik në kompaninë më të madhe publike në vend, Korporatën Energjetike të Kosovës.

Në këtë raport, ndër të tjera thuhej se prokurimi i KEK-ut udhëhiqet nga kushëriri i kryeministrit Hashim Thaçi.

Sipas raportit, dy kompani të porsakrijuara dhe të afërta me familjarët e kryeministrit Thaçi kanë fituar kontrata nga KEK-u, në vlerë prej 75 milionë euro gjatë viteve 2008 dhe 2009.

“Dy kompani të porsakrijuara, “Ecotrade” dhe “AC/DC”, pronë e vëllezërve Mehdi dhe Hilmi Zhugolli, të cilët janë të afërt me vëllezërit Thaçi, kanë fituar mbi 75 milionë euro kontrata nga KEK-u gjatë viteve 2008-2009.

Pothuajse të gjitha kontratat e dhëna këtyre dy kompanive ishin aranzhime njëburimore “të negociuara”, përfshirë një kontratë 50 milionë euro, e cila ishte për 14 milionë më e shtrenjtë se një ofertë tjetër”, thuhej ndër të tjera në këtë raport.

Sipas këtij raporti, pas disa viteve përmirësimi mesatar, integriteti i prokurimit publik ka rënë nga viti 2008, duke u bërë një shqetësim madhor në Komisionin Evropian.

Në anën tjetër, zyrtarët e KEK-ut në atë kohë kishin shprehur dyshime në saktësinë e këtij raporti, duke e quajtur kështu tendencioz.


Pasuria e Thaçit

Në deklarimin e pasurisë për vitin 2011 në Agjencinë Kosovare Kundër Korrupsionit, Nijazi Thaçi ka deklaruar se posedon një shtëpi banimi, trashëgimi nga vitit 2002, në vlerë prej 140 mijë euro, 10 ari tokë në vlerë prej 20 mijë euro, 2.5 hektarë tokë punuese në vlerë prej 75 mijë euro.

Ndërsa në fund të listës së deklarimit të pasurisë, përpos pagës vjetore në KEK prej 15 mijë e 600 euro, ai i ka deklaruar edhe 6000 euro fitime nga lokali me qira (Kaffe-Bar) në Klinë, të cilin nuk e ka përmendur në kuadër të pasurisë së paluajtshme.

Thaçi ka përmendur detyrime financiare në “Raiffeisen Bank” në vlerë prej 15 mijë euro për periudhën 2009-2012, të cilën kredi e ka marrë për blerje të pronës dhe më pak se 3000 euro të gatshme si kursime familjare në disa banka komerciale në vend.

Zeri.info

[Antiproanti]

Lajm i vitit 2010

Koha ditore: Kushëriri i kryeministrit dëmtoi buxhetin për 40 milionë euro

I afërmi i kryeministrit Hashim Thaçi, drejtori i prokurimit në KEK, Nijazi Thaçi, në raportin e këshilltarëve amerikan të USAID-it, vlerësohet se me vendimet e tij në tenderët për blerje të energjisë ka dëmtuar për miliona euro buxhetin e Kosovës, shkruan e përditshmja “Koha ditore”, e cituar nga “Kosovapress”.

Me asistencën e “PA Team”, pas disa muajsh lojërash nga shefi i prokurimit i KEK-ut dhe pasi MEF-ja siguroi se janë gjetur fonde të mjaftueshme për financimin e KEK-ut, një tender për energji është hapur në tetor të vitit 2008 deri në mars të vitit 2009”, thuhet në raportin e “PA consulting”, i dërguar USAID-it.

Sipas këshilltarëve amerikanë çmimet ishin 20 për qind më të larta se sa në tenderët e më parshme. Ndërkaq mbi 8 milionë Euro ishin shpenzuar pa nevojë, të cilat kanë shkuar nëpër kontratat e korporatave private.

“Me gjithë paralajmërimet e vazhdueshme të PA-së se KEK-u nuk duhet të blejë rrymë me këto çmime të larta me qellim të sigurimeve të shërbimeve 24-orësh për konsumatorët e kategorisë B dhe C, sipas udhëzimeve të MEM/Qeveria e Kosovës, KEK-u ka kontraktuar me një çmim prej 41 milionë eurosh furnizim energjie për këtë periudhë”, theksohet në raport.

Siç shkruan gazeta, grupi i këshilltarëve ka vlerësuar se në nëntor temperaturat ishin të ngrohta, ndërsa KEK-u kishte furnizim 24 orë të energjisë elektrike. “Bazuar në këto rrethana, KEK-u ka ndalur njësitë e saj gjeruese, ndërsa ishte detyruar të importojë energji elektrike në bazë të kontratave të saj, merr ose paguaj, të importuar të energjisë”, thuhet në raport.

Shuma që është shpenzuar deri në fillim të vitit 2010 ka qenë 40 milionë euro.

http://www.klankosova.tv/index.php/l...ione-euro.html

[G-2]

keta jane bashkpuntoret e hashim thacit njerin e ka pas minister zenun pajazitin e shermet ahmetin ish shefin e policise dhe nip i polarit!

ky eshte edhe nje rast tjeter i krimit te organizuar ne polici dhe mpb!

pra kuptohet fare qarte se hashim thaci ka instaluar korrupsionin dhe krimin ne institucionet ne te gjitha nivelet dhe strukturat e shtetit!

themeluesi organizatori hajduti qe e kriminalizoje shtetin dhe shoqerine eshte hashim thaci kryministri i votave te vjedhura ,fabrikuara!

kjo eshte nje porosi tjeter te cilen be-ja do ta konfirmon se kane te bejn me nje kriminel qe ka instaluar krimin ne shtetin e ri te kosoves !

ska liberalizim vizash per kosoven deri 2015-18 cdo gje qe premtojne per liberalizimin e vizave hashimi me banden e vet eshte mashtrim dhe genjeshter se me te tillet ne pushtet nuk ka liberalizim vizash po u dalin plloqkat ne ledine dite e per dite!


Arrestimet në MPB për një milion euro
06-10-2011 21:19 CET

Dalin në sipërfaqe detajet e kontratës për blerjen e armëve për policinë e Kosovës, mbi të cilën po heton policia evropiane e EULEX-it. Burime të afërta me zhvillimet bëjnë të ditur se vlera e kontratës për të cilën dyshohen se janë bërë keqpërdorime është rreth 1 milionë euro.

Ajo është nënshkruar në kohën kur Ministër i Brendshëm ishte Zenun Pajaziti dhe drejtor policie Sheremet Ahmeti. Procesi i tenderimit kishte filluar me datë 6 shkurt 2009, ndërsa kishte përfunduar në korrik 2009 për të filluar menjëherë me porosinë e mallit.

Bëhet fjalë për armëdhe municion për policinë, por në veçanti ai kontingjent armësh ishte për njësinë speciale dhe për policinë kufitare. Armët dhe municioni vinin nga kompania gjermane “Novar”, e cila kishte përfaqësinë e saj në Prishtinë dhe kompania “Friends”, pronar i së cilës është Armend Selimi, i cili edhe u arrestua një ditë më parë nga EULEX-i.

Mësohet se nxitës i këtyre hetimeve ka qenë vetë Ministria e Brendshme. Kjo për faktin se kompania “Friends” e Armend Selimit ishte kompania e vetme që fitonte tenderët për shit-blerjen e armëve që nga koha e UNMIK-ut. Ndërsa sipas burimeve, zyrtarë të Ministrisë së Brendshme kishin lidhjet e tyre me një kompani të ngjashme në Slloveni dhe për këtë janë ankuar në EULEX se kompania Friends ka krijuar situatë monopolin për sa i përket tenderëve për blerjen e armëve.

Përfshirja e politikës në fenomenin e tenderëve nxit reagimin e shoqërisë civile të cilët kritikojnë udhëheqësinë e shtetit se nuk janë në gjendje të krijojnë shtetin e mirëfilltë ligjor.

Avni Zogiani, përfaqësues i organizatës civile “Çohu”, u shpreh se: “figurat politike dhe policore, të cilët ishin në krye të Ministrisë apo policisë gjatë kohës për të cilën dyshohet se janë bërë keqpërdorime heqin përgjegjësinë nga vetja. Ish-Ministri Zenun Pajaziti shfajsohet duke thënë se policia e ka zyrën e saj të prokurimit të pavarur. Nga ana tjetër, EULEX-i ka njoftuar se dyshohet se prej vitit 2008, buxheti i Policisë së Kosovës është dëmtuar me miliona euro për shkak të veprimtarive të personave të arrestuar. Operacioni i djeshëm e kishte mbështetjen e plotë të Ministrit të Punëve të Brendshme dhe Policisë së Kosovës, bashkëpunimi i ngushtë i të cilëve ishte tejet i çmuar dhe mbetet pjesë qenësore e angazhimit për luftimin e këtyre veprave”.

Rexhepi: Hetimi nisi pas dyshimeve tona

Ministri i Brendshëm i Kosovës, Bajram Rexhepi, ishte në dijeni për hetimet e EULEX-it në Ministrinë e Brendshme dhe në Policinë e Kosovës.

Duke përkrahur fuqishëm hetimin e nisur, Ministrit Rexhepi thotë se, lidhur me këtë çështje më shumë është përgjegjës, UNMIK-u, pasi sipas tij, në atë kohë MPB-ja nuk ka pasur kompetencë importi të armatimit.

Rexhepi sqaron se hetimi ka nisur duke u bazuar në një tender që ka të bëjë me furnizimin e policisë me armatim dhe municion. Ndërsa tani me ligjin e ri, Ministria e bën vetë listën nacionale të armatimit.

“Ka patur fjalë më herët, dyshime dhe ne kemi kërkuar që kjo çështje të sqarohet. EULEX-i ka marrë veprimet e duhura, mua një natë më herët më kanë informuar dhe unë e kam përkrahur plotësisht. Hetimi i EULEX-it ka nisur nën dyshimin e bazuar për një tender i cili përfshinte furnizimin me armatim që nga viti 2009 dhe i cili ka përfunduar në 2010-n. Jo për të larguar përgjegjësinë, por ka ndodhur përpara se të merrja mandatin në këtë Ministri dhe në atë kohë importimi i armatimit është bërë me rregullore të UNMIK-ut. Licencimi ose autorizimi ka qenë nga UNMIK-u. Në atë kohë Ministria e Punëve të Brendshme nuk ka patur kompetencë për importim”, tha Rexhepi.

Më tej, Ministri Rexhepi foli edhe për arrestimin e gjashtë personave nga EULEX-i. Ai mohoi që ndonjëri nga ta është punonjës IMPS-së sipas tij, të arrestuarit janë punonjës të policisë dhe hetimet do të tregojnë nëse janë përgjegjës.

Pas bastisjes së Ministrisë së Brendshme dhe PK-së, gjashtë të arrestuarit u dërguan në gjykatën e qarkut në Prishtinë. Pas mbajtjes së seancës së pare, gjykata vendosi që ndaj Armend Selimit dhe Astrit Pirasit, furnizues të armatimit të caktohet një muaj paraburgim, ndërkohë Kadrush Koliqi, zyrtar i MPB-së iu caktua arrest shtëpiak. /tch/

[Lexuesi_]

Pa u ba keq mire kurr nuk bahet korrupsionin - te korruptuarit smunden me luftu kurr.

[G-2]

ja tash edhe nje antar i bandes qeveritare te polarve si abuzon me bugjetin e shtetit!


Mujota shpërblen vëllanë e gruas
Visar Duriqi & Petrit Sherifi | 06-10-2011 23:29 CET

Ministri Fehmi Mujota ia ka besuar vëllait të gruas shtypjen e testeve për patentë shofer pa asnjë procedurë të prokurimit. Që nga ndërprerja e kontratës me kompaninë “Europrinty”, në korrik të këtij viti, Ministria e Infrastrukturës (MI) ka shtypur këto teste te “Master Print”, pronë e Armend Ademit nga Fushë- Kosova, vëlla i gruas së ministrit Mujota.

Pikërisht për këtë punë tashmë është duke hetuar edhe Prokuroria e Qarkut në Prishtinë për veprën e shpërdorimit të detyrës zyrtare në MI, hetime këto që çuan deri në mbylljen e Qendrës së patentë- shoferëve në Prishtinë.

Kjo punë, mikut të Mujotës i është besuar pa procedura të prokurimit, por siç shpjegon vetë ministri, kjo është bërë me një vendim të sekretarit permanent, Skënder Gashi, me anë të një komisioni të krijuar nga ai.

Megjithëse personi ku u shtypën teste është mik i tij, Mujota thotë se nuk ka pasur ndikimin që kjo punë t’i besohet atij, pasi që zgjedhjen e ka bërë komisioni. Këtë veprim, besimin e punëve pa procedura të prokurimit, ministri Mujota e arsyeton me faktin se zvarritjet në prokurim dhe çështja e sigurisë ndikuan që kjo punë t’i besohet atij, që sipas Mujotës nuk ka konflikt interesi, pasi që ky i fundit nuk kishte tenderuar as një herë më parë në MI.

“Njësia e patentë shoferëve ka qenë pikë e zezë e kësaj ministrie. Ne që kur kemi ardhur në këtë ministri kemi kërkuar forma si ta rregullojmë këtë çështje, dhe kjo është njëra ndër format. Pra, forma që kemi aplikuar për shtypjen e testeve është bërë kështu për shkaqe të sigurisë”, ka thënë Mujota, duke arsyetuar se ka pasur rezultate, pasi që ka rënë niveli i kalueshmërisë së testit për shoferë.

Edhe miku i tij, Armend Ademi, mendon njësoj. “Policia ka qenë, ka hetuar dhe është tash punë e tyre se si vazhdojnë. Por, ajo çka mund të them sigurt është që nga kompania ime nuk kanë rrjedhur testet, dhe as që mund të bëhet këtu fjalë që unë të jem i përfshirë në falsifikime”, ka thënë Ademi, duke i ikur përgjigjes nëse ka ndikuar dhëndri i tij që t’i besohet kjo punë.

Sikurse ministri Mujota, po ashtu edhe miku i tij, Armend Ademi thonë se për këtë punë deri tash nuk është bërë asnjë pagesë, kurse shuma e punëve të kryera është e papërfillshme.

“Deri tash janë kryer punë në këtë shtypshkronjë rreth 400 euro”, ka thënë ministri Mujota.

Hetimet vazhdojnë

Derisa tash e disa ditë Qendra e Patentë Shoferëve në Prishtinë është e mbyllur dhe me shiritat kaltër e bardhë me mbishkrimin “Kosovo Police”, në Prokurori thonë se ende nuk ka të arrestuar.

“Lidhur me këtë rast ju njoftoj se tani janë duke u zhvilluar hetimet nga Prokuroria e Qarkut në Prishtinë. Momentalisht nuk ka të arrestuar”, ka thënë për “Zërin” Lirdona Kozmaqi, zëdhënëse e Prokurorisë, e cila ka arsyetuar se për shkak se rasti është në fazën e mbledhjes së provave nuk mund të japin më shumë detaje.

Ndryshe, Drejtoria për Hetimin e Krimeve Ekonomike dhe Korrupsionit ditë më parë ka pranuar një informacion për dyshim se në këtë qendër po ndodhin raste të “Shpërdorimit të detyrës zyrtare apo autorizimit”.

Me të marrë këtë informacion hetuesit policorë nga kjo drejtori kanë filluar analizimin e kësaj informate më 03.10.2011 rreth orës 12:30, me autorizimin e prokurorit të Prokurorisë Komunale të Prishtinës kanë bërë kontrollimin me ç’ rast kanë sekuestruar disa dokumente dhe prova të dyshuara për falsifikim në shtypshkronjën “Master Print”, pronë e mikut të ministrit Mujota, që e ka punishten në Fushë- Kosovë, kurse e regjistruar në lagjen Dardania në Prishtinë.

Pas ndërmarrjes së këtyre veprimeve hetuesit policorë kanë hasur në po të njëjtat dokumente të dyshuara ku edhe është bërë mbyllja e Qendrës së Patentë Shofereve në Prishtinë dhe vazhdon të jetë e mbyllur.

Punë për mikun, pa tender

Puna që i është besuar mikut të ministrit Mujota, pronarit të kompanisë “Master Print”, Armend Ademit, më herët është kryer nga shtypshkronja “Eroprinty” me tenderë. Edhe pse kishte një kontratë njëvjeçare që peshonte afro 15 mijë euro, me mundësi vazhdimi, kësaj kompanie iu ndërpre ajo nën arsyetimin se do të ndërrohen kodet e sigurisë.

Që nga ndërprerja e kontratës me “Europrinty”, në korrik të këtij viti, Ministria e Infrastrukturës, pa procedura të prokurimit ka shtypur teste te “Master Print”, kurse tenderi për këtë punë ka dështuar në fund të muajit të kaluar, ani pse në garë ishin 6 kompani.

[Antiproanti]

Pa u ba keq mire kurr nuk bahet ...

Pa u ba mire keq kurr nuk bahet.

[Guri i Kuq]

Tre policë të përfshirë në rrëmbimin e biznesmenit

"Zëri"

07-10-2011 10:08 CET

Rrëmbimi i një biznesmeni, në rajonin e Prizrenit, i ka qitur edhe një ‘hije’ të keqe Policisë së Kosovës. Të dyshuar për rrëmbim për përfitime materiale, janë arrestuar pesë veta, tre prej tyre policë të Kosovës. Agjencia e lajmeve Ekonomisti, thotë se për shkak të policëve rasti është mbajtur tepër sekret.

Policët në dy operacione të ndara kanë arrestuar pesë të dyshuar, ndër ta tre pjesëtarë të policisë. “Saktësisht dy policë, njëri nga ta me gradë rreshter dhe një police femër. Këto informata rreth policisë së përfshirë në këtë rast janë mbajtur të mbyllura”, ka potencuar burimi i agjencisë.

Ekonomisti shkon edhe më tej kur përmend emrat e policëve: Besim Paçarizi, Beqir Dangallaj dhe policja Fatmire Rexhbeqaj, me detyrë në rajonin e Prizrenit.

Sipas agjencisë, rrëmbimi ka ndodhur ndërmjet 10 e 14 shtatorit. I rrëmbyeri është mbajtur në një shtëpi në rrethinën e Prizrenit dhe rrëmbyesit kanë kërkuar nga ai rreth 100.000 euro në këmbim të lirimit.

I rrëmbyeri, dyshohet të ketë paguar një shumë të të hollave të kërkuara dhe me datën 14 shtator, rreth mesnatës, është lënë i lirë. Në vijim, më 23 shtator policia ka bërë arrestimin e të dyshuarve, si dhe kontrollimin e shtëpive dhe lokaleve përcjellëse të të dyshuarve në Prizren.

Si pjesë e procedurës hetimore, siç edhe është njoftuar nga policia në atë kohë, gjatë kontrollit policia ka konfiskuar dy armë automatike të llojit AK 47, 39 fishekë të kalibrit 7.62, 43 fishekë të kalibrit 9 mm dhe një kompjuter laptop, 3 telefona mobilë dhe sende të tjera, të cilat mund të përdoren si prova materiale në procedurë.

Personave të arrestuar u është caktuar masa e ndalimit policor për 48 orë. I kontaktuar përmes telefonit, zëdhënësi i Policisë së Kosovës, Baki Kelani, ka rekomanduar që lidhur me rastin të merren informacione nga zëdhënësi rajonal i Prizrenit, Hazir Berisha. Ky i fundit, sipas agjencisë, ishte e pamundur të kontaktohet, sepse e kishte telefonin të mbyllur.

[G-2]

shihne sesi eshte i implikuar kryeministri i votave te fabrikura ne pazarlleqe me arme!
ky hajdut duhet te jap doreheqje pas ketij skandali!




Prokuroria e implikon Thaçin në tregtinë e armëve


Publikuar: 08.10.2011 - 09:09

Prishtinë, 8 tetor – Interesimin për blerje armësh ish-udhëheqësi politik i UÇK-së, Hashim Thaçi, nuk po e fsheh as nga pozita e kryeministrit. Me autoritetin që ka ai, ka bërë që gjatë blerjes së armëve të mos respektohet fare Ligji për prokurim publik i Kosovës.

Me këso fajesh atë e ngarkon një prokuror i EULEX-it, i cili po e heton blerjen e armëve për nevoja të Policisë së Kosovës, që besohet të jetë bërë në kundërshtim me ligjin. Në shkresat e lëndës dhe në kërkesat e prokurorit për caktimin e paraburgimit për gjashtë të arrestuarit, përmendet ndërhyrja e kryeministrit Hashim Thaçi.

“Kryeministri kishte aprovuar kërkesën e Ministrisë së Punëve Brendshme për blerje të jashtëzakonshme, ndërsa ky autorizim nuk ishte në përputhje me Ligjin e prokurimit, i cili ishte i vetmi ligj në fuqi lidhur me procedurën për blerjen e armëve. Neni 3, paragrafi 1, i LPP-së thotë se megjithatë mund të përdoren masa të veçanta të sigurisë, por duhet të merren vesh PSSP-ja dhe kryeministri”... thuhet në dosje. Por shefi i Qeverisë nuk ishte konsultuar me PSSP-në, ani se blerja e armëve në atë kohë bëhej me rregullore të UNMIK-ut.

“Zyra e UNMIK-ut për çështje ligjore ka konfirmuar se nuk ishte dhënë asnjë aprovim nga ana e PSSP-së për cilëndo nga blerjet e kërkuara. Kështu, ishte shkelur ligji i aplikueshëm për prokurimin e armëve”, thuhet në këtë dosje.

Kërkesa për blerjen e një sasie armësh, që besohet të jetë implikuar kryeministri, ishte bërë më 23 janar 2009, kur ministër ishte Zenun Pajaziti. Kërkesa e këtij ish-ministri, e cila për prokurorinë konsiderohet e paligjshme, ishte aprovuar nga kryeministri më 25 mars 2009.

“Informatat e mbledhura nga dëshmitarët gjatë hetimit tregojnë se atij nuk i ishte siguruar dokumentacioni komplet, por vetëm kërkesat që tregonin shumat e caktuara të shpenzimeve dhe jo shumat e plota të paguara te kompania ndërmjetësuese e “NTP Friends”, si përfaqësuese e ‘Heckler & Koch’ në Kosovë”, thuhet në dosje.

Implikimet e zyrtarëve të lartë të Kosovës në këtë shitblerje përforcohen edhe nga dëshmitarë në këtë proces.

Dëshmitari i mbrojtur “A” i ka thënë prokurorit se... më gjerësisht lexonit sot në “Koha Ditore” .

[PLAKU]

http://www.botasot.info/mesme/thaci-15sh.jpg


Prokuroria e implikon Thaçin në tregtinë e armëve
Interesimin për blerje armësh ish-udhëheqësi politik i UÇK-së, Hashim Thaçi, nuk po e fsheh as nga pozita e kryeministrit. Me autoritetin që ka ai, ka bërë që gjatë blerjes së armëve të mos respektohet fare Ligji për prokurim publik i Kosovës.
Me këso fajesh atë e ngarkon një prokuror i EULEX-it, i cili po e heton blerjen e armëve për nevoja të Policisë së Kosovës, që besohet të jetë bërë në kundërshtim me ligjin,

Në shkresat e lëndës dhe në kërkesat e prokurorit për caktimin e paraburgimit për gjashtë të arrestuarit, përmendet ndërhyrja e kryeministrit Hashim Thaçi.
“Kryeministri kishte aprovuar kërkesën e Ministrisë së Punëve Brendshme për blerje të jashtëzakonshme, ndërsa ky autorizim nuk ishte në përputhje me Ligjin e prokurimit, i cili ishte i vetmi ligj në fuqi lidhur me procedurën për blerjen e armëve. Neni 3, paragrafi 1, i LPP-së thotë se megjithatë mund të përdoren masa të veçanta të sigurisë, por duhet të merren vesh PSSP-ja dhe kryeministri”... thuhet në dosje.
Por shefi i Qeverisë nuk ishte konsultuar me PSSP-në, ani se blerja e armëve në atë kohë bëhej me rregullore të UNMIK-ut. “Zyra e UNMIK-ut për çështje ligjore ka konfirmuar se nuk ishte dhënë asnjë aprovim nga ana e PSSP-së për cilëndo nga blerjet e kërkuara. Kështu, ishte shkelur ligji i aplikueshëm për prokurimin e armëve”, thuhet në këtë dosje.

Kërkesa për blerjen e një sasie armësh, që besohet të jetë implikuar kryeministri, ishte bërë më 23 janar 2009, kur ministër ishte Zenun Pajaziti. Kërkesa e këtij ish-ministri, e cila për prokurorinë konsiderohet e paligjshme, ishte aprovuar nga kryeministri më 25 mars 2009.

“Informatat e mbledhura nga dëshmitarët gjatë hetimit tregojnë se atij nuk i ishte siguruar dokumentacioni komplet, por vetëm kërkesat që tregonin shumat e caktuara të shpenzimeve dhe jo shumat e plota të paguara te kompania ndërmjetësuese e “NTP Friends”, si përfaqësuese e ‘Heckler & Koch’ në Kosovë”, thuhet në dosje.

Implikimet e zyrtarëve të lartë të Kosovës në këtë shitblerje përforcohen edhe nga dëshmitarë në këtë proces, raporton Koha.

KOHA Ditore

[merkuri]

Korrupcioni mund te mposhtet vetem ateher kur te mposhtet kjo Qeveri korruptuese deri ne fyt.

[PLAKU]

Arrestohen 13 të dyshuar për shpërdorim të pozitës zyrtare

Publikuar: 18.10.2011 - 16:55
Prishtinë, 18 tetor - Departamenti Special Anti Korrupsion,me urdhër të gjykatësit të procedurës paraprake,ka realizuar një operacion policor në qytetet Peje, Gjakovë, Klinë dhe Prishtinë, me ç’rast janë bastisur dhjet (10) lokacione, ku katër (4) prej tyre kanë qenë zyra pune.

Në këtë operacion,me autorizim të Prokurorit Special,i cili është pjesë e Departamentit Special Antikorrupsion, janë arrestuar 13 persona, në dyshimin e bazuar për kryerje të veprave penale shpërdorim i pozitës zyrtare, nxjerrje të kundërligjshme të vendimeve gjyqësore, mashtrim, legalizim i përmbajtjes së pavërtetë, lidhje e kontratës së dëmshme dhe krim të organizuar.

Nder të arrestuarit janë 1 ish gjyqtar, 2 avokatë, 5 përfaqësues ligjor nga kompanitë të sigurimit dhe shoqatës së kompanive të sigurimit, 2 persona nga kompania për vlerësimin e dëmit dhe 3 mjek.

Ky operacion policor është realizuar nen dyshimin e bazuar se personat e dyshuar kanë vepruar në bashkëveprim si strukturë e organizuar duke keqpërdorur pozitat e tyre dhe duke u sjelle vetës apo të tjerëve përfitim të kundërligjshëm në vlerë prej rreth një milion e dyqind mije euro.

Dyshohet se dëmi që u është shkaktuar kompanive të sigurimeve dhe dhjetëra qytetareve si viktima të aksidenteve të trafikut të cilët nuk janë zhdëmtuar fare, të dyshuarit kanë realizuar mjete në emrin e tyre pa dijeninë e viktimave dhe dyshohet se kanë imagjinuar aksidente të trafikut pa ekzistuar fare.

Gjatë këtij operacioni policore si prova material janë konfiskuar 7 kompjuter, prej tyre 2 lap top, 1 veturë e cila dyshohet të jetë blere nga pasuria e fituar në mënyrë të kundërligjshme si dhe disa dokumentacione të ndryshme.

Ky rast ka filluar se hetuari nga Departamenti Special Antikorrupsion në kohëzgjatje prej rreth një viti dhe realizimi i tij është mbështetur nga Njësitet Speciale Operative. Të arrestuarit me autorizim të prokurorit janë dërguar në qendrën e mbajtjes.
koha net

[trestenik]

Në Kosovë, korrupsioni na sjell vetem varfëria, padrejtësia sociale dhe zhvillimi i ulët ekonomik.
Korrupsioni ka traditë në Kosovë,Dëmet e tyre politike e morale janë shumë të mëdha.
Nuk i besoj Kryministrit:!!!!!

[PLAKU]

Oligarkia antievropiane
19.10.2011 - 19:20
Koha net


Publikuar: 19.10.2011 - 19:20
Si u shndërrua Kosova në Republikë të Opingave dhe shtet me demokraci të dirigjuar? Dhe cili është dallimi mes mendësisë oligarkike kosovare dhe Evropës iluministe, ku ligji është i shenjtë dhe interesat e shtetit mbi çdo interes meskin?
Nuk e kanë vetëm qeveritarët e Kosovës gojën plot Evropë. Integrime. Liberalizime. Ekonomi të tregut të lirë. Shanse të barabarta. Të drejta të njëjta për meshkuj e femra. Liri të shprehjes. Kësi grumbuj fjalësh, të mësuara përmendsh në “workshope e seminare”, i hidhen publikut jo vetëm nga oligarkët pseudodemokratikë të Kosovës, por edhe nga kamarilla e tyre mediale, e cila – nëse parafrazojmë një gazetë sllovene – prej opingave u katapultua në timonin e “Mercedesit” – gjithsesi jo me punë të ndershme, por me plaçkitje dhe me aktivitete të ndyra për grupe interesi. Fletorja nga Lubjana krahasimin mes opingave dhe veturës gjermane e kishte bërë për të përshkruar pjesën më të madhe të politikanëve të Kosovës, pra kastën sunduese, e cila tërë ditën flet për Evropën Perëndimore dhe vlerat e saj si cak madhor, por, në fakt, nuk sillet shumë më ndryshe se oligarkia e Vladimir Putinit. Krahasimi opingë -“Mercedes” i gazetës “Delo” gjithsesi vlen edhe për kamarillën mediale, atë shpurë që pas vetes lë përherë një fushë me fëlligështi. Bashkimi i interesave mes politikanëve dhe sahanlëpirësve medialë për plaçkitje e bën Kosovën një lloj “demokracie të dirigjuar” ose, siç thuhet në rusisht, “upravljajemaja demokratija”.




Galeria e plaçkitësve



Cilat janë veçoritë e demokracisë së dirigjuar? Tre shembuj: a) kur anëtarë të kabinetit të qeverisë ose vetë kryeministri merrem me redaktimin dhe renditjen e lajmeve në - me-nder-me-thanë - televizionin publik dhe kur përmes ortakëve të tyre të kriminalizuar themelojnë fletushka për denoncim dhe organizojnë fushata politike nëntokësore; b) kur pushteti edhe ashtu i fituar me vota të manipuluara shfrytëzohet për instalimin e një sistemi të nepotizmit dhe për zgjerim të rrjetit kriminal, i cili kontrollon gjithçka – prej vaksinave që i blihen për ethjen e lopëve deri te tenderët e mëdhenj dhe privatizimi arbitrar i ndërmarrjeve shoqërore; c) kur sistemi politik – e ashtuquajtura demokraci - shfrytëzohet për “parkimin” në parlament të figurave, të cilat shkathtësi pothuaj të vetme personale dhe profesionale e kanë vringëllimin me alltia, kërcënimet, vrasjet, “plagesat”! (Për këtë duhet të shikohet sidomos, por jo vetëm grupi parlamentar i Partisë Demokratike të Kosovës. Kështu Kuvendi i Kosovës, tempulli i demokracisë, shndërrohet në galeri edhe për banditë dhe urdhërdhënës vrasjesh).

Kjo mendësi politike dhe ky keqpërdorim i vullnetit të qytetarëve prodhon një shtet që formalisht i ka të gjitha institucionet e një demokracie, por përmbajtja e tyre është antidemokratike. Kjo është sikur kur e mbushni kanaçen e Coca-Colës me naftë të Ballshit të Mallakastrës dhe provoni ta hidhni në treg si pije tepër freskuese. Kjo mendësi u përshtatet shumë të gjithë atyre karkalecave ndërkombëtarë, të cilët mendojnë se kosovarëve të papërvojë me demokraci u duhet një dirigjent i përdorshëm dhe kërcënues, i cili kujdeset që gjendja të mbahet nën kontroll. Dirigjenti gjithnjë merret me korrigjimin e vullnetit popullor, i cili, sipas kësaj mendësie, buron nga një turmë e të paditurve, madje budallenjve. Për këtë arsye imponohet sistemi i demokracisë së dirigjuar. (Përndryshe nocioni karkalec në debatin politik është përdorur për herë të parë në vitin 2005 nga një politikan i njohur socialdemokrat gjerman, i cili me këtë metaforë insektesh i kishte përshkruar “investitorët anonimë”, që merren me privatizimin e ndërmarrjeve dhe shkatërrimin e tyre).




Helm dhe heshtje



Aspak më ndryshe nuk janë gjithë ata konsulentë ndërkombëtarë që sillen vërdallë nëpër Kosovë, me thikë në dorë dhe përherë të gatshëm për të bërë propozime se si duhet të privatizohet (lexo: shitet) gjithçka, madje edhe lugët e shtëpisë. Një shembull bizar është i ashtuquajturi privatizim i “Ferronikelit”; askush nuk flet kundër oligarkëve të huaj, të cilët e blenë “Ferronikelin” për pesë paré dhe tani po e helmojnë një pjesë të Kosovës (Drenicën), po shkelin të drejtat e punëtorëve dhe po e dëmtojnë rëndë ekonominë e Kosovës. Ishte një gazetë izraelite, e mirënjohura “Haaretz”, që në një reportazh të gjatë (të ribotuar në këtë gazetë që po e mbani në duar) e përshkroi krejt tmerrin rreth “Ferronikelit”.

Në çdo vend tjetër do të ishte ndezur një debat i ashpër për këtë skandal. Në Kosovë heshtin të gjithë, duke filluar nga Qeveria dhe Ministria e Ambientit deri te të ashtuquajturat organizata joqeveritare për mbrojtjen e mjedisit. Heshtja nuk duhet të na befasojë: prej një oligarkie që llomotit për vlera e standarde evropiane dhe sillet e vepron si grigjë antievropiane, as që mund të pritet më shumë. Heshtin, plaçkitin kudo ku munden dhe sundojnë sot për nesër, sepse nuk kanë ambicie fisnike. Do të duhen disa vjet, por dikur do të shohim përmasat e plaçkitjes së Kosovës në 12 vjetët e fundit – nga vendorët dhe të ashtuquajturit ndërkombëtarë, karkaleca që Kosovën e shohin vetëm si parajsë për karrierë dhe zhvatje. Në krahasim me Irakun dhe Afganistanin, ku bombat shpërthejnë orë e çast, Kosova vërtet është një parajsë, aq më tepër kur javën e kaloni në zyra komode në Prishtinë dhe fundjavën në Selanik, ku pini, dëfreheni dhe shfryheni kundër, ah, “shoqërisë ksenofobe” kosovare, siç bëri, ta zëmë, eurodiplomati Fernando Gentilini në një biçim-libër të tij. Oligarkia, kuptohet, ambicie tjetër nuk ka përveç zhvatjes. Motoja e oligarkisë është: “Pas meje kiameti, mynxyra, kërdia”.



Lypës pasaportash



Prandaj dallimi i Kosovës me Evropën iluministe, me atë Evropë ku sundon ligji, është aq i madh. Pafundësisht i madh. Edhe këtu oligarkia dhe kamarilla mediale kanë përgjigje: “Ne nuk mund të krahasohemi me gjermanë, zviceranë, britanikë etj”. Kjo domethënë: “ne krahasohemi” me demokracitë e dirigjuara, me “upravljajemaja demokratija”. Se ç’është Evropa treguan, këto ditë, dy raste ekzemplare: ministri i Mbrojtjes i Britanisë së Madhe, Liam Fox, dha dorëheqje pasi mediat zbuluan se ai e kishte marrë me vete në udhëtime zyrtare një mik të tij (ndoshta e kishte më shumë se mik), se ky miku i tij 18-herë e kishte vizituar në zyrë ministrin Fox, se ishte paraqitur ilegalisht si këshilltar i tij dhe se ishte marrë me lobim për interesa të industrisë së armëve. Kryeministri britanik, David Cameron, brenda një javë hoqi dorë nga kolegu i tij partiak, i cili ishte shtyllë e rëndësishme e kabinetit. Në Qeverinë aktuale të Kosovës ka ministra që shkojnë për vizitë në vende të tjera dhe gjunjëzohen para autoriteteve të atjeshme, duke kërkuar një pasaportë. Ministrat duan të bëhen shtetas të vendeve të tjera, sepse një ditë, pasi të kenë vjedhur e plaçkitur gjithçka, mund të ikin nga Kosova dhe të strehohen në “atdheun e dytë”, i cili nuk do t’i ekstradojë në Prishtinë, nëse dikur Kosova do të ketë prokurorë që vërtet do të ndjekin krimin dhe nuk do të përgjumen nën jorgan bashkë me kriminelë. Këta banditë të veshur me pushtet shpresojnë se dora e drejtësisë nuk do t’i prekë kurrë, prandaj tani për interesa private bëjnë edhe këso premtimesh: “Nëse më jepni pasaportën e vendit tuaj, unë do të mbështes investitorët tuaj në Kosovë”.

Rasti i dytë ekzemplar, i cili tregon dallimin mes Kosovës, Republikës së Opingave, dhe Evropës Perëndimore është ky: në fund të shtatorit Gjykata administrative federale në Zvicër suspendoi nga puna shefin e policisë kriminalistike federale për shkak se në një udhëtim në Shën Peterburg e kishte marrë me vete partneren e tij, e cila ishte ruse. Menjëherë reaguan mekanizmat e shtetit: zyra për kontrollin e sigurisë së personave filloi hetimet dhe erdhi në përfundim se zyrtari paraqiste rrezik për sistemin e sigurisë së Zvicrës. Shefi i policisë kriminalistike federale u ankua në Gjykatën administrative federale, e cila po ashtu erdhi në përfundim se zyrtari paraqiste rrezik për sigurinë e Zvicrës. Sipas gjykatës, pozita e shefit të policisë kriminalistike është “jashtëzakonisht e ndjeshme sa i përket sigurisë”, pasi që zyrtari ka qasje ndaj sekreteve të sigurisë së brendshme dhe të jashtme të Zvicrës. Po ashtu pozita e tij i nënshtrohet vëmendjes së madhe publike dhe mediale. Sjellja e tij profesionale dhe private perceptohet nga publiku dhe në rast të ngjarjeve negative disponon me potencial të madh dëmtimi.

Si është puna në Kosovë? Shef policie emërohet një person, i cili lëre që potencialisht është fajtor për dështimin kolosal të intervenimit të policisë në veri më 25 korrik, por edhe paraqet rrezik për sigurinë e Kosovës – për shkak të lidhjeve të tij familjare me njërën prej figurave më me peshë në nëntokën e krimit të organizuar dhe kontrabandës në Kosovë dhe rajon. E tmerrshme që për këtë emërim u desh të sakrifikohej një polic i Kosovës. Njëherë emërimi i Shpend Maxhunit në postin e shefit të Policisë së Kosovës kishte dështuar – për shkak të kundërshtimit të Ambasadës së Shteteve të Bashkuara të Amerikës. Kësaj radhe amerikanët heshtën. Fundja, ky nuk është shteti i tyre. Ata mund të ndihmojnë, por nëse oligarkia ka vendosur ta shndërrojë Kosovën në Republikë të Opingave, atëherë s’ka fuqi që ta ndalë. Çka ia bë vetes, s’ta bën as armiku i përbetuar. – Larg Republikës së Opingave, megjithatë, ekziston një Kosovë, një Republikë, e cila vazhdon të ushqejë ëndrrën për një të ardhme evropiane.



robelli@bluewin.ch

[hajla]

Pa u ba keq mire kurr nuk bahet korrupsionin - te korruptuarit smunden me luftu kurr.

Nje thenje shum me ven.

Pershendes ne kete raste,

Hajla.

[Antiproanti]

Thaçin s’e do Evropa

Kryeministrit të Kosovës, Hashim Thaçi, i janë refuzuar njëzeteshtatë kërkesa për vizita në vende të ndryshme dhe takime me burrështetas të ndryshëm. Kështu shkruan gazeta gjermane “Der Tagesspigel” në një artikull të gjatë për Kosovën, në të cilin shtetin më të ri në Ballkan e paraqet si vend me probleme të shumta dhe me qeveri të korruptuar.

Sipas kësaj gazete prestigjioze, vizitat nga shtetet e ndryshme janë refuzuar për shkak të dyshimeve se i pari i Qeverisë së Kosovës është i përlyer në krim të organizuar.

“Njëzeteshtatë kërkesa ka bërë Qeveria e Kosovës, por të gjitha janë hedhur poshtë”, thuhet në artikullin, të cilin gazetarët gjermanë e kanë realizuar pasi kanë qëndruar disa ditë në Kosovë.

Por, për qeveritarët e Kosovës duket i parëndësishëm ky artikull. Zv/kryeministri i Kosovës, Hajredin Kuçi, të mërkurën ka refuzuar ta komentojë artikullin në fjalë. “Nuk e kam lexuar. Meqenëse nuk e kam lexuar, nuk mundem as ta komentoj”, ka thënë shkurt ai.

Ndërkaq, për anëtarët e partive opozitare artikulli i gazetave gjermane paraqet anën e “padukshme” të Qeverisë së Kosovës, dhe izolimin ndërkombëtar në të cilin, sipas tyre, ndodhet vendi... (Shkrimin e plotë mund ta lexoni në numrin e sotëm të gazetës Zëri)
http://www.zeri.info/artikulli/1/1/3...s-e-do-evropa/