Arrestohet Pjerin Ndreu, ish-drejtori i policisë së Tiranës

**Qafir Arnaut** · 20-09-2004, 23:40

Postuar më parë nga Albo

Njerezit me mend nuk i marrin lajmet nga thashethemet e rruges, por nga gazetat dhe lajmet zyrtare te gjykatave shqiptare.

Albo

Lajmin e dha Vizon Plus pasi Pjerini u arrestua ne kete restorant qe eshte prone e tij. Kontrollo lajmet ne interet dhe do gjesh konfirmimin..ok rob me mend?

**Genti^Itali** · 21-09-2004, 05:56

Gjyqtari: Arrestimi i Ndreut, i pabazuar në ligj

A.Hysa

TIRANË – Gjyqtari Agim Bendo e ka quajtur të pabazuar në ligj, kërkesën e organit të akuzës për mbajtjen në burg të Pjerin Ndreut. “Akuzat e ngritura kundër të pandehurit janë kundravajtje penale. Masa e sigurimit me arrest në burg, jepet vetëm në rastin e krimeve dhe jo të kundravajtjeve penale, ndaj urdhëroj lirimin e menjëhershëm në sallën e gjyqit të Pjerin Ndreut”. Kjo ka qenë fjalia më e duartrokitur, e gjyqtarit nga familjarët e miqtë e të pandehurit, që kishin mbushur plot sallën e gjyqit të katit të dytë të Gjykatës së Tiranës. Gjithashtu, gjyqtari Bendo ka vlerësuar se: “detyrimi i të pandehurit për paraqitje para policisë gjyqësore, çdo të hënë në orën 10.00, nuk e pengon vazhdimin e hetimeve”. Aktet hetimore të paraqitura në zyrën e tij, së bashku me kërkesën e prokurorisë për caktimin e masës së sigurimit me burg, për shkak se Ndreu kishte kërcënuar një ish-koleg, ishin të paplota për gjyqtarin Bendo. Ndaj dhe urdhëroi rikthimin e kësaj dosjeje në prokurori, për hetime të mëtejshme. Sipas gjyqtarit, në prokurori nuk ishte depozituar asnjë kallëzim penal nga ana e të dëmtuarit Rasha, ku të thuhej se ai ishte kërcënuar nga Pjerin Ndreu. Gjyqtari u njoh që një ditë më parë me dosjen hetimore, që sipas organit të akuzës ishte e plotë. Madje, përfaqësuesi i prokurorisë kërkoi në gjykatë gjykimin e drejtpërdrejtë. Bendo vendosi që një gjykim i tillë të mos aplikohej, pasi nuk plotësohej kushti ligjor për dëshirën e të dyja palëve në gjykim.