Dioguardi: Për pavarësinë e Kosovës vendoset në Uashington

[Llapi]

“PËR PAVARËSINË E KOSOVËS VENDOSET NË UASHINGTON” - Intervistë me XHOZEF DIOGARDI dhe SHIRLI DIOGARDI - (Kosovapress)



“PËR PAVARËSINË E KOSOVËS VENDOSET NË UASHINGTON”



http://www.emperors-clothes.com/images/mccain.jpg
Intervistë me XHOZEF DIOGARDI dhe SHIRLI DIOGARDI

Në fund të majit të gjithë liderët kosovarë e dinin se i ashtuquajturi “Këshill për Kosovë dhe Metohi” ka nënshkruar kontratë me firmën e njohur për lobim në Uashington për lobim në vlerë 600.000 dollarë për 6 muaj... Në Uashington bëhet beteja për statusin e ardhshëm të Kosovës, jo në Prishtinë, por në qendrat vendimmarrëse botërore... Unë kam sjellë me veti rezolutën e vitit 1992 kur Tom Llantosh para Kongresit amerikan kërkoi pavarësi për Kosovën, atëbotë edhe Rugova ishte nervoz- nuk dëshironte ta përdorte fjalën pavarësi, parapëlqente fjalën “vetëvendosje” ngase nuk ishte i sigurt... thanë në një intervistë ekskluzive për Kosovapress Xhozef dhe Shirli Diogardi, udhëheqës të Lidhjes Shqiptaro-Amerikane.

Kosovapress:Kush është i ashtuquajturi Këshilli Amerikan për Kosovën?

SHIRLI DIOGARDI: Në fund të majit të gjithë liderët kosovarë e dinin se i ashtuquajturi Këshill për Kosovë dhe Metohi ka nënshkruar kontratë me firmën e njohur për lobim në Uashington për lobim në vlerë 600.000 dollarë për 6 muaj, për të ndikuar në qëndrimin e Qeverisë amerikane kundrejt çështjes së Kosovës. Por, ata nuk e dinin se kontratën e ka nënshkruar Xhejms Xheatris, i cili është amerikano-grek dhe së bashku me prindërit e tij janë anëtarë të Kongresit Serb të Unitetit, një lob serb dhe një ndër amerikanët e pakët të cilët dëshmuan në favor të Sllobodan Millosheviqit në Tribunalin e Hagës. Ai krijoi një organizatë të rrejshme të quajtur Këshilli Amerikan për Kosovën, dhe ai i ka punësuar njerëzit prej të cilëve ka kërkuar të shkruajnë letra dhe artikuj për shtypin duke u thirr në titujt e ekspertëve ndërsa ata nuk janë ekspertë. Ata kanë organizuar një kampanjë propagandistike vetëm 10 ditë më pas në gazetën e njohur të Uashingtonit “Rall Call”, e cila shpërndahet dhe lexohet nga secili anëtar i administratës së presidentit Xhorxh Bush, Kongresit dhe Shtëpisë së Bardhë në Uashington. Në faqen e saj të dytë kanë botuar artikullin me titullin “Thoni jo pavarësisë së Kosovës- dje talebanët sot Kosova, etj.” Si shtesë ata kanë filluar një reklamë të tmerrshme të keqinterpretimit duke thënë se nëpër Kosovë mund të blesh rrugëve mbajtëse të çelësave me fotografinë e Osama Bin Lladenit, që natyrisht nuk është rasti. Ata shkojnë aq larg saqë i akuzojnë shqiptarët e Kosovës për aktet terroriste të hedhjes së bombave në Londër dhe Madrid. Kjo është diçka me të cilën mund t’i hedhim ata njerëz në gjyq, kjo është absolutisht shpifje,” pohon ajo.

Kosovapress: Ku bëhet në të vërtetë beteja kryesore për statusin e ardhshëm të Kosovës?

XHOZEF DIOGARDI: Para vetëm një kohe të shkurtër liderët e institucioneve kosovare erdhën për një vizitë në Uashington. Ky do të duhej të ishte momenti i volitshëm të thonë se e tërë bashkësia ndërkombëtare dhe Shtetet e Bashkuara të Amerikës nuk duhet, nuk guxojnë që të pranojnë këtë ndërhyrje të tmerrshme në procesin për statusin përfundimtar të Kosovës, dhe këtë tendencë për t’i paraqitur shqiptarët myslimanë të Kosovës si terroristë në zemër të Evropës. Në Uashington bëhet beteja për statusin e ardhshëm të Kosovës, jo në Prishtinë, por në qendrat vendimmarrëse botërore.

Kosovapress: Sa jeni të kënaqur me koordinimin e institucioneve të Kosovës me SHBA-të?

SHIRLLI DIOGRADI: Unë dhe Xhozefi, si anëtar të Bordit të Lidhjes Shqiptaro-Amerikane ndjehemi të frustruar për mungesën e koordinimit të institucioneve kosovare me Uashingtonin dhe shtypin. Ne nuk dëshirojmë një pavarësi, e cila në të vërtetë nuk është pavarësi, por një shtet i dështuar. Shpresojmë se liderët kosovarë do të shikojnë se çfarë do të nënshkruajnë.

Kosovapress: Si e vlerësoni vizitën e kryetarit Sejdiu dhe kryeministrit Çeku në SHBA?

XHOZEF DIOGARDI: Kjo vizitë do të mund të ishte një mundësi e shkëlqyeshme për kryeministrin dhe kryetarin, të cilit ishin në Amerikë, që të bisedojnë me ne për çështjet që kanë ndikim në 2 milionë njerëz. Ju nuk mund të shkoni në Departamentin e Shtetit dhe Kongres. Ju duhet të kuptoni për informatat që i janë ofruar popullit amerikan dhe duhet të qëndroni aty dhe t’i mbroni pozicionet e juaja, duke thënë se këto janë gënjeshtra ky s’është populli shqiptar, sidomos tani kur e keni ish-kryeministrin të akuzuar nga Haga. Njerëzit nga KB-të në Uashington dhe njerëzit që flasin me njerëzit në Hagë janë duke i marrë këto informacione të gabuara, nëse atyre nuk ju tregohet se janë gabim, ata do të thonë nuk është çudi pse atëherë një ish-gjeneral i Ushtrisë Çlirimtare të Kosovës dhe ish- kryeministër qëndron tani në Hagë. Shiko se çfarë është duke bërë në Kosovë!?
Kjo për ne nuk ka kuptim, përveç një gjëje, se partitë këtu janë duke i kontrolluar gjërat dhe janë më të interesuar për të mbledhur para nga disa biznesmenë të caktuar, të cilët janë duke ndikuar në procesin këtu duke i futur të afërmit e tyre në listat e pagave në Kosovë. Ne i shohim të afërmit e disa personave të caktuar nga Nju Jorku në listën e pagave të kryeministrit, të cilët as që janë kompetent. Pastaj kur vijnë në Nju Jork në vend se të takohen me Lidhjen Shqiptaro- Amerikane e cila është e vetmja e regjistruar ata takohen me gjoja disa organizata tjera.
Ne në Lidhje jemi transparent, punojmë në baza vullnetare dhe nuk marrim paga. Pse atëherë kur ne e bëjmë gjithë këtë punë të mirë për Kosovën, kur liderët vijnë në Amerikë ata dëshirojnë të takohen me njerëzit të cilët nuk i kanë informatat e duhura dhe as lidhjet e duhura, që ne i kemi?
Ky është sinjal i qartë për popullin e Kosovës që edhe po që se do ta fitojë pavarësinë, a do t’i ketë liderët që do ta bëjnë Kosovën një shtet të suksesshëm nëse nuk merren me problemet siç e bëjmë në Uashington unë dhe Shirlli. Ne këtë jemi duke e bërë për popullin, ne jemi zë ri i pavarur i popullit shqiptar dhe jo vetëm atij të Kosovës. Ne jemi duke tentuar të ndihmojmë anëtarësimin e Shqipërisë në NATO, në bashkëpunim me komunitetin hebrenj, i cili po ashtu na ndihmoi për arritjen e përkrahjes amerikane për bombardimet e NATO-së. Ne e arritëm përkrahjen e komunitetit hebrenj duke i treguar për mbrojtjen që populli hebrenj e mori në Shqipëri gjatë Luftës së Dytë Botërore.

Kosovapress: Si e vlerësoni punën tuaj të deritanishme lidhur me çështjen e Kosovës?

XHOZEF DIOGARDI: Ne jemi shumë krenar për atë që kemi bërë për popullin shqiptar në Ballkan e për Kosovën posaçërisht, sepse unë isha ai që i pari prezantova para 20 vjetëve rezolutën e parë para Kongresit Amerikan, i cili mbante vetëm një nënshkrim, atë të Xhozef Diogardit. Pas një viti kësaj iniciative iu bashkëngjiten 57 nënshkrime tjera. Ishte kjo ajo kohë kur për Kosovën nuk dinte askush asgjë, përveç një njeriu, hebreut hungarez Tom Llantosh.
Ndihem posaçërisht i motivuar që sot pas 20 vjetësh jam këtu përsëri që të sigurohem se Kosova vazhdon të qëndrojë në binarët e duhur, sepse isha unë ai që e vura në binarë duke i shpjeguar popullit amerikan se çfarë ka vuajtur Kosova. Ata nuk dinin për demonstratat e ’81, Rankoviqin.
Unë kam sjellë me veti rezolutën e vitit 1992 kur Tom Llantosh para Kongresit amerikan kërkoi pavarësi për Kosovën, atëbotë edhe Rugova ishte nervoz- nuk dëshironte ta përdorte fjalën pavarësi, parapëlqente fjalën “vetëvendosje” ngase nuk ishte i sigurt. Më kujtohet kur vinin të unë njerëzit nga LDK-ja duke më thënë: “Xho, pse je duke ju dhënë njerëzve shpresa të rreme? E din që ne atë s’mund ta kemi?!”. Këtë ma thoshin këta njerëz në vitin 1992. Unë u përgjigja: “Pse? Ju jeni 2 milionë shqiptarë këtu, keni të drejtë në vetëvendosje sipas ligjeve ndërkombëtare, deklarohuni”. Tani njëri nga këta njerëz ka ndikim në Qeverinë e Kosovës.

Kosovapress: Cili është ky njeri?

XHOZEF DIOGARDI: Nuk mund ta komentoj, nuk mund ta them emrin.

SHIRLI DIOGARDI: Njerëzit në Kosovë kanë fituar ndjenjën se SHBA-të na kanë ndihmuar një herë gjatë luftës, do të ndihmojnë përsëri që të arrijmë pavarësinë.

Kosovapress: Sa është efikase strategjia juaj karshi çështjes së Kosovës?

XHOZEF DIOGARDI: Ne po që se nuk do ta sillnim një ekspert me kredibilitet ndërkombëtar si dëshmitar në rastin Limaj, i cili kishte lidhje me Ushtrinë Çlirimtare të Kosovës gjatë viteve ’98-’99 nuk besoj se Limaj tani do të gjendej në liri. Ne jemi aktivistë, e jo vetëm njerëz që flasin, ne në fakt flasim mirë por ne po ashtu dimë të bëjmë strategji të mira me të cilat gjërat bëhen realitet, dhe kjo është një përparësi për Kosovën nëse di ta përdorë, ose të bien në konfuzion duke thënë që ekziston edhe një lobi tjetër sepse ata kanë para apo sjellin para. Dhe tani papritmas disa njerëz të afërt me këta që mbledhin para janë në staf të Agim Çekut. Dhe tani më tregoni se cila këtu është një qeveri e mirë.
Unë mund t’i kritikoj të gjithë liderët këtu duke filluar që nga Rugova, por çështja nuk qëndron aty që unë të kritikoj personalitetet, por si ta bëjmë një qeveri këtu, e cila do të përmirësojë kualitetin e jetës së njerëzve të cilët kanë vuajtur aq shumë. Nuk kemi nevojë të kthehemi shumë mbrapa në histori. Ta kujtojmë vetëm atë vuajtje që Kosova kaloi që nga ’81 e këndej. Pas gjithë asaj vuajtje prej ’81-’99 kur serbët u futën nëpër shtëpitë tuaja për të vrarë, a do të pajtohemi me një qeveri jofunksionale e cila do të udhëhiqet nga bashkësia ndërkombëtare?!! Jo, kjo nuk është ajo për të cilën unë kam punuar që 20 vjet, dhe askush nuk do të ma thotë të kundërtën sepse unë do të vazhdoj të jem zë për popullin e babit tim. Babai më ka folur shqip dhe italisht kur erdhi në Amerikë në vitin 1929. Për më se 600 vjet njerëzit nga fshati i tij nuk kanë harruar ta flasin shqipen, gjëja e parë që fshatarët aty bëjnë kur u lind fëmija, ata e ngrehin lart dhe e kthejnë me fytyrë nga Shqipëria, duke shpresuar se do të kthehen, ata kurrë nuk kthyen, por as kurrë nuk e harruan. Në këtë mënyrë jam rritur edhe unë.
Unë jam këtu për të qenë aktivist, i drejtë dhe për të ndihmuar shqiptarët të marrin atë që e meritojnë.

Kosovapress: A mund të na thoni diç më shumë rreth idesë suaj për flamurin e shtetit të ardhshëm të Kosovës?

XHOZEF DIOGARDI: Kjo ishte një ide e imja qe prej 6 vjetësh dhe akoma askujt deri disa ditë më parë nuk ia kam treguar, sepse çështja e pavarësisë ishte shumë larg, ndërsa sot jemi shumë afër. Shqiptarët duhet ta kuptojnë se pavarësia vjen nga SHBA-të. Nëse njerëzit e kuptojnë se SHBA është baba i Kosovës, ata duhet ta tregojnë këtë. Ju e tregoni këtë duke shkruar artikuj dhe gjithë atë që liderë tuaj veç se janë duke e bërë, por mendoj se simbolet kanë një rëndësi të veçantë. Dhe kur populli amerikan e sheh se simboli juaj kombëtar ka ngjashmëri me atë të SHBA-ve dhe se ju jeni të lumtur me atë flamur, ju i konfirmoni popullit amerikan se jeni shoku i tyre më i mirë në Ballkan. Ne jemi të sigurt që ju e dini këtë, po ashtu edhe populli amerikan, ndërsa ky flamur do ta përmbyllte marrëveshjen. Ju nuk duhet të prisni që ta aprovoni flamurin tuaj pas pavarësisë, sepse ka pasur shtete edhe më të vogla shumë sesa Kosova që kishin flamurin e tyre para pavarësisë. Vijat në flamurin e propozuar nga unë nuk paraqesin 13 kolonitë britanike, paraqesin popullin shqiptar të ndarë në disa shtete që do të duhej të bëhen pjesë e bllokut ekonomik. Flamuri i Rugovës për shkak të kompleksitetit do të duhej të mbetej vulë e Presidencës së Kosovës.
(F.Bajraktari-N.Rama)

[Llapi]

Eliot Engel: Pavarësia e Kosovës u shërben interesave amerikane në rajonin e Ballkanit

Intervistoi Isabela Çoçoli

06-07-2006


Anëtari i Dhomës së Përfaqësuesve të Kongresit amerikan, Eliot Engel, demokrat nga New Yorku thotë se Kosova nuk do të qeveriset më kurrë nga Beogradi, dhe sa më shpejt që udhëheqësit serbë t'i tregojnë popullit të tyre të vërtetën, aq më shpejt Serbia do të bëhet pjesë e Bashkimit Evropian. Kosova thekson duhet të jetë shtet i pavarur dhe pavarësia e saj u shërben interesave amerikane pasi shqiptarët janë nga miqtë më besnikë të të Shteteve të Bashkuara.

Zëri i Amerikës: Kongresmen, kohët e fundit Kryeminsitri i Serbisë, Vojislav Koshtunica bëri një vizitë në Kosovë, pikërisht ditën e betejës së Kosovës, ku tha se Kosova ka qënë dhe do të mbetet e Serbisë. Deklarata të ngjashme bëri në të njejtën datë vite më parë Sllobodan Millosheviçi. Ai i vlerësoni ju deklarata të tilla?

Eliot Engel: Mendoj se Koshtunica dhe Tadiçi nuk po tregohen të sinqertë me popullin serb. Kosova nuk do të qeveriset më kurrë nga Beogradi, dhe sa më shpejt që udhëheqësit serbë t’i tregojnë popullit të tyre të vërtetën, aq më shpejt Serbia do të bëhet pjesë e Bashkimit Evropian dhe do të trajtohet si të gjitha vendet e tjera. Udhëheqësit serbë gjithmonë thonë, mos e dënoni vendin tonë për shkak të Millosheviçit. Millosheviçi nuk është më. Unë jam dakord me këtë, por udhëheqja serbe nuk duhet të veprojë si Millosheviçi. Ajo duhet të pranojë realitetin dhe realiteti është se Kosova duhet dhe do të jetë një vend i lirë dhe i pavarur. Nga ana e tyre kosovarët treguan se janë tolerantë, duke mos e ndaluar Koshtunicën të shkonte për vizitë në Kosovë.

Zëri i Amerikës: Administratori i Kosovës, Soren Jesen-Petersen, u largua sëandejmi në një periudhë kritike, kur pritet të përcaktohet statusi i saj përfundimtar. Si e përfytyroni ju Kosovën pas Petersenit?

Eliot Engel: Petersen ishte një njeri i jashtëzakonshëm dhe mendoj se është humbje që ai nuk do të jetë aty për arsye personale. Ai është mik i Kosovës, i lirisë dhe i drejtësisë. Dhe mendoj se ai e kuptonte se e vetmja zgjidhje për Kosovën ishte pavarësia. Dhe kushdo që do ta pasojë atë do ta kuptojë se ne kemi ecur drejt pavarësisë dhe nuk ka më kthim prapa. Puna që bëri zoti Jesen-Petersen dhe trashëgimia e tij do të jenë pavarësia e Kosovës. Ai, zoti Ahtisari dhe përfaqësuesi amerikan Frank Wisner kanë punuar shumë në këtë drejtim. Të gjithë e dinë se cila do të jetë e ardhmja e Kosovës. Të vetmit që nuk e dinë ose nuk duan ta dinë janë udhëheqësit serbë në Beograd. Pavarësia e Kosovës do të jetë diçka e mirë si për shumicën ashtu edhe për pakicën në Kosovë. Natyrisht vendet e shenjta duhet të mbrohen, feja e serbëve duhet të mbrohet, ashtu si për gjithë pakicat. Autoritetet në Kosovë e kuptojnë dhe e respektojnë këtë. Serbët duhet të shohin realitetin dhe jo të ëndërrojnë. Autonomia ishte një mundësi e para 15 vjetëve.

Zëri i Amerikës: Kohët e fundit ju keni patur takime me udhëheqësit e Kosovës, si në Prishtinë ashtu edhe në Uashington. Ata janë takuar gjithashtu edhe me udhëheqës të ndryshëm amerikanë. Çfarë peshe kanë këto takime në kudrin e përgjithshëm të zgjidhjes së çështjes së Kosovës?

Eliot Engel: Unë e takova presidentin dhe kryeministrin e Kosovës para disa muajsh në Kosovë. Në Uashington takova vetëm kryeministrin dhe jo presidentin, pasi ai po takohej me njerëz të tjerë. Dhe me sa kam parë nga takimet në Uashington ato kanë qenë shumë të mira. Unë u takova me zotin Çeku këtu në zyrë, dhe takimi ishte shumë i frytshëm. Ai u prit shumë mirë dhe zyrtarëve të lartë amerikanë u kishte lënë përshtypje shumë të mira. Mendoj se takimet në Shtetet e Bashkuara ishin shenjë shumë pozitive. Uashingtoni e ka të qartë se udhëheqja e Kosvës do të respektojë pakicat dhe kjo është e rëndësishme të përsëritet në mënyrë që komuniteti ndërkombëtar të mos shohë probleme tek pavarësia e Kosovës. Prandaj tani serbët duhet të fillojnë të angazhohen, sepse e shohin që komuniteti ndërkombëtar po arrin një farë konsensusi. Do të ishte mirë që kjo të arrihej nëpërmjet negociatave mes udhëheqjes shqiptare dhe asaj serbe, por nëse nuk arrihet dhe nëse serbët refuzojnë ta bëjnë këtë, atëherë vendimi do të imponohet nga jashtë e kjo do të jetë pavarësia e Kosovës dhe mbrojtja e pakicave. Prandaj unë do t’i bëja thirrje udhëheqjes serbe të negociojë në të mirë të njerëzve të saj. Kosova duhet të jetë plotësisht e pavarur dhe jo pjesërisht. Ajo duhet të ketë vendin në Kombet e Bashkuara, të trajtohet si çdo vend tjetër në botë, të ketë të drejtën të kërkojë kredi në Bankën Botërore, të ketë mundësinë për të marrë investme të huaja. Kjo mund të bëhet vetëm nëse Kosova është plotësisht e pavarur.

Zëri i Amerikës: Para largimit nga Kosova, zoti Petersen tha prerazi dhe qartë se statusi i Kosovës duhet të zgjidhet këtë vit dhe se vonesat nuk sjellin asgjë të mirë, por përkundrazi shtojnë tensionet dhe nuk i shërbejnë askujt? A duhet që Shtetet e Bashkuara të lujanë një rol më aktiv në përshpejtimin e zgjidhjes së statusit?

Eliot Engel: Zoti Jesen-Petersen ma tha edhe mua këtë, se donte që statusi të zgjidhej këtë vit. Një situatë që nuk zgjidhet për një kohë të gjatë krijon probleme. Ne e pamë këtë para pak vitesh kur ndodhën protesta dhe u vranë njerëz. Për ta parandaluar këtë, Kosova duhet të jetë e lirë dhe e pavarur. Shtetet e Bashkuara duhet të angazhohen aktivisht. Kosovarët i duan amerikanët dhe kanë besim tek ata. Prandaj ne duhet t’u themi kosovarëve se jemi me ju në çdo hap. Unë pres që kosvarët do të jenë ndër miqtë më të mirë të Shteteve të Bashkuara, aleatët më të mirë. Të gjitha anketat tregojnë se shqiptarët i duan amerikanët. Prandaj amerikanët duhet të sigurojnë që Kosova të bëhet e pavarur këtë vit. Është e rëndësishme që ne të angazhohemi. Mendoj se ishte gjë e mirë që kryeministri dhe presidenti i Kosovës erdhën në Uashington dhe u takuan me zyrtarët e lartë si zonja Rice, sepse zyrtarët amerikanë duhet të ndjehen të sigurt me idenë e Kosovës së pavarur. Dhe kur ata takohen me udhëheqjen e Kosovës ata e fitojnë këtë siguri, dhe prandaj mendoj se këto takime janë shumë të rëndësishme. Personalisht, mezi pres ditën që Kosova të jetë e pavarur dhe unë do të shkoj vetë në Prishtinë ditën që Kosova të marrë pavarësinë dhe do të festoj së bashku me të gjithë të tjerët

[King_Arthur]

gjithmone usa ka qene nje vend qe ka mbrojtur interesat e shqipetareve , usa eshte i vetmi shtet ne bote qe mbeshtet fuqishem shqipetaret . dhe pavaresine per kosoven ajo do ta venmdosi dhe besoj se kosova do marri nje pavaresi te plote dhe pa kushte.dhe kjo gje do harrihet me mbeshtetjen e madhe te amerikes



RROFTE KOSOVA E PAVARUR
RROFTE SHQIPERIA ETNIKE