Koshtunica vjen në Kosovë pa pyetur për autoritetet e vendit tonë

[Llapi]

Koshtunica vjen në Kosovë pa pyetur për autoritetet e vendit tonë

Kryeministri serb V. Koshtunica, vjen sot në Kosovë me qëllim për të marrë pjesë në manifestimin kishtar serb, në shenj përkujtimi për Betejën e Kosovës të vitit 1389. Edhe pse disa nga autoritetet qeveritare të Kosovës kanë refuzuar vizitën e Koshtunicës, për shkak të mos ndryshimit të qëndrimit të Serbisë lidhur me realitetin e ri që është krijuar në Kosovë në qershor të vitit 1999, Koshtunica megjithatë vjen në Kosovë, për të marrë pjesë në manifestimet kishtare në shënim të Betejës së humbur të Kosovës, ashtu sikurse ka ardhur dhe ka vajtuar papengueshëm sa e sa herë deri tani.

----------------------------------------------------------
Vetëvendosja organizon bllokimin e rrugëve për zyrtarët e Serbisë

Përfaqësuesit e Lëvizjes Vetëvendosje!, kanë thënë se nesër do të organizojnë

bllokimin e rrugëve prej nga do të vijnë delegacionet e shtetit të Serbisë në Kosovë, njëherit ata ju kanë bërë thirrje të gjithë qytetarëve që të bashkohen për të penguar ardhjen e zyrtarëve të Serbisë derisa ajo të mos pranojë vullnetin e popullit të Kosovës për shtet dhe sovranitet.

[Llapi]

Nëse e do Kosovën, ndaloje ardhjen e Serbisë në Kosovë. Derisa Serbia të mos e pranojë vullnetin e popullit të Kosovës për shtet dhe sovranitet.

Lëvizja VETËVENDOSJE!

ZIKPRESS

Lëvizja VETËVENDOSJE! do ta organizojë bllokimin e rrugës për Koshtunicën në pikën kufitare të Merdares. Pikërisht aty ku Serbia po nëpërkëmb mijëra familjarë të të pagjeturve duke i kthyer kufomat e personave të rrëmbyer atëherë kur ajo do. U bëjmë thirrje qytetarëve që të bashkohen në bllokimin e delegacionit të Koshtunicës në këtë pikë, në orën 11:00, pra, 1 orë para arritjes së tij. Kurse, banorët e fshatrave përreth rrugëve kah do të kalojnë delegacionet tjera të bllokojnë rrugët konform mundësive që i kanë.

Nëse e do Kosovën, ndaloje ardhjen e Serbisë në Kosovë. Derisa Serbia të mos e pranojë vullnetin e popullit të Kosovës për shtet dhe sovranitet.
LPK mbështetë aksionin e Lëvizjes Vetëvendosje! për të bllokuar hyrjen e Koshtunicës në Kosovë

Prishtinë, 27 qershor 2006

Kryesia e Lëvizjes Popullore të Kosovës, e konsideron provokim të rëndë paralajmërimin e vizitës së delegacionit serb në Kosovë, në krye me Vojisllav Koshtunicën.

LPK është kategoriskisht kundër kësaj vizite, prandaj u bënë thirrje anëtarëve dhe simpatizantëve të vetë që t’i përgjigjen pozitivisht aksionit të Lëvizjes VËTËVENDOSJE! për të penguar hyrjen e delegacionit serb në Kosovë.

U bëjmë thirrje anëtarëve dhe simpatizantëve tanë që, ashtu siç është planifikuar nga Lëvizja VETËVENDOSJE!, nesër, më 28 qershor 2006, në orën 11.00 në pikën kufitare të Merdares, të bashkohen në bllokimin e hyrjes së Koshtunicës në Kosovës.


marre nga www.lpk-kosova.com

[Llapi]

Përsëritja e Milosheviqit

Prishtinë, 27 qershor 2006

Nesër, më 28 qershor, vendit tonë i është përgatitur njëri prej skenarëve më provokativë këtyre shtatë viteve të fundit. UNMIK-u në Kosovë ka lejuar ardhjen e njëkohshme të kryeministrit të Serbisë, Vojislav Koshtunica me ekipin e tij, delegacionit të kryetarit të Serbisë, Boris Tadiq, përfaqësueses së Qendrës Koordinuese Serbe për Kosovën, Sanda Rashkoviq-Iviq me delegacionet e saj, si dhe dhjetëra përfaqësuesve nga Kisha Ortodokse Serbe. Jorastësisht nesër, jorastësisht më 28 qershor. Pikërisht më 28 qershor të vitit 1989, kasapi udhëheqës i shtetit vrasës, Slobodan Milosheviqi, pasi kishte ardhur në pushtet, zgjodhi datën e mitit serb për Betejën e Kosovës për të zbarkuar në atdheun tonë me suitën e tij. Ai përdori këtë datë për ta ndërtuar ‘legjitimitetin’ e strategjisë për shfarosjen e organizuar institucionalisht, dëbimin dhe persekutimin sistematik të shqiptarëve. Janë pasardhësit e tij ata që po e vazhdojnë traditën e babait të tyre politik.

Nesër në vendin tonë mund të ndodh dyndja institucionale e Serbisë. Delegacioni i Koshtunicës do t’i ketë 6 përfaqësues dhe 4 truproje. Ai i Tadiqit 26 përfaqësues. Nga Qendra Koordinuese Serbe për Kosovën delegacioni do t’i ketë 10 persona. Kurse, një autobus do të jetë përplot klerikë të Kishës Ortodokse Serbe.

Aspak të rastësishme as drejtimet e ardhjes së tyre. Qëllimisht ata kanë zgjedhur të zbarkojnë në Kosovë nga tri drejtime të ndryshme. Lëvizja VETËVENDOSJE! nëpërmjet një punëtori të UNMIK-ut ka siguruar kërkesën zyrtare të 4 delegacioneve drejtuar zyres së OKB-së në Beograd për drejtimet e ardhjes së delegacioneve si dhe itinerarin e tyre këtu. Delegacioni i prirë nga Koshtunica do të tentojë të hyjë në Kosovë nëpërmjet pikës kufitare në Merdare, në orën 12:00. 6 orë më herët, në po të njëjtën pikë do të mbërrijë autobusi përplot klerikë të Kishës Ordodokse Serbe. Ai i Tadiqit ka zgjedhur pikën e Mutivodës, në po të njëjtën orë. Kurse përfaqësuesit e Qendrës Koordinuese Serbe për Kosovën do të hyjnë në Kosovë nëpërmjet veriut të vendit dhe qytetit të Mitrovicës. I gjithë ky spektakël simbolik në funksion të paralajmërimit për futjen përmbajtësore të armikut tonë, Serbisë, në Kosovë. Këtë plan nuk e fshehin asnjëri prej zyrtarëve që po vijnë.

Institucionet e Kosovës këtë ngjarje dashakeqe po e kalojnë në heshtje. Kryeministri Çeku dhe zëvendësi i tij Haziri i thane po të nënkuptuar kësaj vizite. Ndërkaq Fatmir Sejdiu qëllimisht do ta vizitojë Shqipërinë gjatë dy ditëve të ardhshme. Vetëm e vetëm që të mos qëllojë në Kosovë gjatë këtij provokimi. Njëjtë pat vepruar edhe ish kryeministri Ramush Haradinaj kur vjet e pat vizituar Kosovën Boris Tadiqi, i cili atëherë e pat rikonfirmuar qëndrimin e Serbisë për trajtimin e Kosovës si ‘tokë serbe’.

Prandaj, të vetëdijshëm për krimet shekullore të ushtruara prej Serbisë mbi vendin tonë; të fyer e poshtëruar prej drejtësisë së munguar për gjenocidin, vrasjet, dhunimet, shkatërrimet dhe vjedhjet që shkaktoi Serbia në Kosovë; syçelë ndaj planeve të sotme të Serbisë për copëtimin e Kosovës nëpërmjet decentralizimit, uzurpimit të kulturës dhe historisë sonë nëpërmjet zonave të veçanta përreth objekteve të besimit ortodoks si dhe rikolonizimin e atdheut tonë duke i kthyer serbët jo aty ku ata kanë banuar, por aty ku e konsideron strategjikisht të nevojshme Beogradi; si dhe të mobilizuar e organizuar kundër planeve hegjemoniste të Serbisë për ta na e riokupuar Kosovën, ne u bëjmë thirrje qytetarëve të Kosovës, institucioneve, grupeve politike e shoqatave të dala nga lufta, që ta pengojnë ardhjen e përfaqësuesve të Serbisë në Kosovë me çfarëdo mjeti dhe pavarësisht mënyrave. Udhëheqësit e partive politike t’u bëjnë thirrje anëtarëve të tyre ta pengojnë ardhjen e delegacioneve serbe.

Lëvizja VETËVENDOSJE! do ta organizojë bllokimin e rrugës për Koshtunicën në pikën kufitare të Merdares. Pikërisht aty ku Serbia po nëpërkëmb mijëra familjarë të të pagjeturve duke i kthyer kufomat e personave të rrëmbyer atëherë kur ajo do. U bëjmë thirrje qytetarëve që të bashkohen në bllokimin e delegacionit të Koshtunicës në këtë pikë, në orën 11:00, pra, 1 orë para arritjes së tij. Kurse, banorët e fshatrave përreth rrugëve kah do të kalojnë delegacionet tjera të bllokojnë rrugët konform mundësive që i kanë.

Nëse e do Kosovën, ndaloje ardhjen e Serbisë në Kosovë. Derisa Serbia të mos e pranojë vullnetin e popullit të Kosovës për shtet dhe sovranitet.

[Llapi]

http://blueskylive.radio-kosova.com/lajmet/images/uploads/arrest_vetvendosj_150X108.jpg
Policia zhbllokon rrugën në Mitrovicë e në Merdare – arrestohen mbi 100 aktivistë të Lëvizjes Vetëvendosje!

arkiv Përmes një komunikate për media Lëvizja VETËVENDOSJE! ka njoftuar se në përpjekje për ta bllokuar ardhjen e delegacioneve nga Serbia në Kosovë, në Mitrovicë dhe në vendkalimin kufitar në Merdare janë arrestuar mbi 100 veta. Fillimisht, rreth orës 10:15 njësitet speciale të SHPK-së intervenuan kundër dhjetëra aktivistëve, të cilët ishin mbledhur në qytetin e Mitrovicës për ta bllokuar ardhjen e delegacionit serb, ndërkohë që, sipas Vetëvendosjes edhe 85 aktivistë e qytetarë tjerë u arrestuan në pikën kufitare në Merdare. Deri në momentet e shkrimit të këtij raporti, policia nuk ka dhënë kurrfarë informacionesh lidhur me këto ngjarje, e as lidhur me pohimet e Lëvizjes VETËVENDOSJE!

Sot /e mërkurë/, aty kah ora 10:15, njësitet speciale të SHPK-së intervenuan kundër dhjetëra aktivistëve të Lëvizjes VETËVENDOSJE!, të cilët ishin mbledhur në qytetin e Mitrovicës për ta bllokuar ardhjen e delegacionit të të ashtuquajturës Qendra Koordinuese Serbe për Kosovën, të udhëhequr prej Sanda Rashkoviq-Iviq, thuhet në një njoftim të kësaj lëvizjeje.
Ndërkohë, dy grupe tjera aktivistësh dhe qytetarësh, njëri në Anamoravë kurse tjetri në pikën kufitare në Merdare, vazhdojnë të jenë në gjendje gatishmërie për bllokimin e rrugëve kah kanë paralajmëruar ardhjen delegacionet serbe, thuhet në një njoftim për media të Lëvizjes Vetëvendosje!.


Lëvizja VETVENDOSJE ! Thotë se policia ka ndërhyrë edhe në Merdare, duke arrestuar edhe 85 aktivistë e qytetarë të tubuar. Intervenimi sipas Vetëvendosjes ka ndodhur pak minuta pas orës 11:00, kur njësitet speciale të SHPK-së kanë ndërthurë për zhbllokimin e rrugës nga aktivistët e qytetarët e mbledhur afër pikës kufitare në Merdare, ku duhej të kalonte delegacioni serb i prirë nga kryeministri Vojislav Koshtunica. Lëvizja VETVENDOSJE! Thotë se intervenimi i policisë qe i dhunshëm.

Po ashtu njoftohet se një grup tjetër i aktivistëve të Lëvizjes dhe qytetarëve është i pozicionuar edhe në rajonin e Anamoravës. Ardhjen prej andej e ka paralajmëruan një delegacion prej 26 vetave, i presidentit të Serbisë, Boris Tadiq.

Postuar më: sb blue sky & radio kosova staff me Jun 28, 06 | 1:38 pm

[Albo]

Lëvizja VETËVENDOSJE! do ta organizojë bllokimin e rrugës për Koshtunicën në pikën kufitare të Merdares.

Keta qe organizojne akte te tilla kryejne dy gabime te medha:

a) demtojne imazhin e autoriteve shqiptare legjitime ne Kosove dhe krijojne probleme per sigurine e vendit.

b) lene nje shije te hidhur tek te gjithe ata nderkombetare qe ndjekin nga afer zhvillimet ne Kosove per gjithe ne shqiptaret si nje popull ksenofob.

Nuk u takon organizatave jo-qeveritare qe te bllokojne rruge nacionale dhe nuk u takon atyre qe te vendosin se kush hyn e kush del ne Kosove. Kosova ka nje qeveri, ka edhe nje prani nderkombetare. E vetmia gje qe ata mund te bejne eshte protesta paqesore pa cenuar rendin dhe qetesine ne Kosove.

Arrestimi i tyre eshte i perligjur pasi nuk eshte hera e pare qe bejne dicka te tille.

Albo

[vrojtuesi]

Keta qe organizojne akte te tilla kryejne dy gabime te medha:

a) demtojne imazhin e autoriteve shqiptare legjitime ne Kosove dhe krijojne probleme per sigurine e vendit.

b) lene nje shije te hidhur tek te gjithe ata nderkombetare qe ndjekin nga afer zhvillimet ne Kosove per gjithe ne shqiptaret si nje popull ksenofob.

Nuk u takon organizatave jo-qeveritare qe te bllokojne rruge nacionale dhe nuk u takon atyre qe te vendosin se kush hyn e kush del ne Kosove. Kosova ka nje qeveri, ka edhe nje prani nderkombetare. E vetmia gje qe ata mund te bejne eshte protesta paqesore pa cenuar rendin dhe qetesine ne Kosove.

Arrestimi i tyre eshte i perligjur pasi nuk eshte hera e pare qe bejne dicka te tille.

Albo

Po më vie keq që më duhet të kundërshtoj edhe këtu por dije se e ke gabim me këto vlersimet tua në përgjithësi për shum tema në forum e sidomos për Kosovën. Ti si duket e njeh një Kosovë virtuale! Ne në Kosovë e dijmë vet më mirë se çka është mirë e çka jo për ne!

Neve nuk ia fusim fort se çka mendojnë ndërkombëtarët sepse i dijmë se kush dhe çfarë hajnash janë!

Përveç të mirave ata në Kosovë kanë sjellë edhe shum të këqia duke filluar nga abuzimet me mjete materiale, seksuale etj. Vetem dil te dera e ndonjë supermarketi të madh në Prishtinë e shiko se çka blejnë ata me ato pagat e veta dhjeta mija euro apo shko tek lokalet e natës e shikoi se me çfarë vajza të bukura të Kosovës rrijnë?

[Albo]

Fatmir Sejdiu
“Për vizitën, që mund të bëjë kryeministri serb mund të them se çdo njeri mund të vijë për një vizitë private, për një pelegrinazh në manastir, por vizita të karakterit politik dhe të ndonjë vokacioni tjetër që ai mund të shfrytëzojë janë absolutisht të papranueshme”.

Agim Çeku
“Kosova ruan dhe respekton liritë fetare dhe ardhja e Koshtunicës në Kosovë e dëshmon këtë. Vendimin e ka marrë UNMIK. Besojmë se nuk do të jetë asgjë më shumë se një shërbim fetar dhe në qoftë se Koshtunica me ardhjen e tij ka pas për qëllim që ta provokojë popullin e Kosovës, ne nuk do të biem pre e provokimeve”.

Hashim Thaçi
“Vendimi për ardhjen e Koshtunicës është marrë nga UNMIK-u. Kosova është e interesuar të ketë marrëdhënie të mira fqinjësore me Serbinë. Kosova është vend demokratik me shoqëri të civilizuar, që ka pritur dhe përcjellë shumë zyrtarë të lartë shtetërorë”.

UNMIK
“Koshtunica nuk duhet të keqpërdorë vizitën për qëllime politike. Kjo është një vizitë private, për qëllime fetare dhe ne presim që ajo të jetë në këtë linjë dhe të mos politizohet. Vizita nuk është zyrtare, UNMIK nuk ka planifikuar asnjë takim me kryeministrin serb”.

Pio Sabeta, KFOR
“Policia dhe trupat e KFOR-it kanë shtuar masat e sigurisë në mbarë Kosovën për të parandaluar çfarëdo incidenti në pikat kontrolluese të policisë. Situata e sigurisë nuk ka ndryshuar. UNMIK-u dhe policia janë përgjegjëse për këtë, ne vetëm po i ndihmojmë ata”.

[Albo]

Neve nuk ia fusim fort se çka mendojnë ndërkombëtarët sepse i dijmë se kush dhe çfarë hajnash janë!

Vrojtuesi, kur jep mendim ne forum, bej sic bej une, fol ne veten e pare njejes. Filloje fjaline me UNE e jo me NE se ne forum ka me mijera anetare nga Kosova te cilet dine te shkruajne vete mendimin e tyre.

Nese ty "nuk te behet vone per nderkombetaret", qe jane arsyeja se perse Kosova ka rigjetur me ne fund lirine, ty nuk te behet vone per asgje, as per qeverine shqiptare, as per demokracine e as per asgje. Ty te behet vone vetem per veten tende.

Përveç të mirave ata në Kosovë kanë sjellë edhe shum të këqia duke filluar nga abuzimet me mjete materiale, seksuale etj. Vetem dil te dera e ndonjë supermarketi të madh në Prishtinë e shiko se çka blejnë ata me ato pagat e veta dhjeta mija euro apo shko tek lokalet e natës e shikoi se me çfarë vajza të bukura të Kosovës rrijnë?

C'lidhje ka kjo me temen per diskutim?

Albo

[GjIlAnAsI_cSi]

LPK përmes një njoftimi për media ka bërë të ditur se është arrestuar kryetari i saj dhe e deputeti në Kuvendin e Kosovës, Emrush Xhemajli. Në njoftim nuk janë dhënë detaje të tjera të arrestimit.


Me këtë rast, LPK ka ftuar një konferencë të jashtëzakonshme për media.


RTK 28/06/2006 15:16:00

[Llapi]

Koshtunica në Graçanicë vazhdon me mesazhet e vjetra politike
Ndonëse e paralajmëruar si vizitë private për të kryer rite fetare, kryeministri serb, Vojisllav Koshtunica, gjatë qëndrimit të tij në Graçanicë, nuk e ka lënë pa e shfrytëzuar këtë rast për të përcjellë mesazhe politike për qytetarët serb të Kosovës. “Kosova gjithmonë ka qenë dhe gjithmonë do të jetë pjesë e Serbisë” tha Koshtunica.
Ndonëse qytetarët serb e kanë pritur që nga orët e paradites, kur është mbajtur liturgjia në Manistirin e Graçanicës, e më pas edhe në Gazimestan, kryeministri serb Vojisllav Koshtunica, ka ardhur në Graçanicë pasi janë kryer të gjitha ritet fetare në ditën e Vidovdanit serb. I nxitur nga kryepeshkopi Artemije i cili e ftoi Koshtunicën që t’i a trimërojë dhe t’ju përforcoj shpresën serbëve të Kosovës se edhe në të ardhmen Kosova do të mbetet “Jerusalemi serb”, kryeministri serb nuk u kursye që të mbajë një fjalim të zjarrtë politiko-patriotik. “Nuk ka vend më të mirë dhe më të rëndësishëm për ta ripërsëritur atë që çdo serb duhet ta dijë: Kosova gjithmonë ka qenë dhe gjithmonë do të jetë pjesë e Serbisë”. Më tej Koshtunica ka thënë se ky është një rast për t’i treguar botës se “Serbia dëshiron drejtësi dhe paqe”. Ajo dëshiron të bisedojë dhe të arrijë marrëveshje dhe kompromis tha Koshtunica kontradiktor, duke theksuar se megjithatë Serbia dëshiron zgjidhje bazuar në “të drejtën historike për Kosovën”.
Koshtunica i ka siguruar serbët e mbledhur në Graçanicë se askush deri më tash nuk ka pasur pozitë më të fortë se sa që ka Serbia nga aspekti i së të drejtës në diskutimet për të ardhmen e Kosovës.
RTK 28/06/2006 15:08:05

[Llapi]

Arrestohet kryetari dhe deputeti i LPK-së

http://www.lpk-kosova.com/images/photos/emrush.jpg
SHPK është dashur të arrestojë Koshtunicën e jo Emrush Xhemajlin

Prishtinë, 28 qershor 2006

Sot, në orën 11:45, në pikën kufitare në Merdare, njësitet speciale të SHPK-së i janë përgjigjur dhunshëm aksionit për të penguar hyrjen e delegacionit serb në Kosovë, në krye me Koshtunicën.

SHPK gjatë kësaj ndërhyrje ka arrestuar kryetarin dhe deputetin e LPK-së, Emrush Xhemajli, anëtarin e Kryesisë Naim Zhitia, anëtarët e Këshillit të Përgjithshëm Sylë Zhitia dhe Fehmi Hoti, veprimtarët Mifail Xhemajli, Hafiz Ahmeti, Fahri Ahmeti, udhëheqësit e Lëvizjes VETËVENDOSJE! Albin Kurti e Liburn Aliu, dhe rreth 100 të tjerë. SHPK ka ndërhyrë ngjashëm edhe në Mitrovicë, në vend që të arrestojë Koshtunicën.

Lëvizja Popullore e Kosovës dënon ndërhyrjet me forcë të policisë së SHPK-së, në pikën kufitare në Merdare dhe në Mitrovicë, kundër protestuesve që kishin dalur të pengonin hyrjen e delegacionit serb në Kosovë.

Ndërsa arrestimin e udhëheqësit të saj, Emrush Xhemajli, i cili gëzon imunitet si deputet i zgjedhur nga populli, sikundër edhe të udhëheqësit të Lëvizjes Vetëvendosje! Albin Kurti, e të tjerëve i konsideron si arrestime të bëra me vendime politike dhe për qëllime politike.

I bëjmë thirrje Kryesisë dhe Kryetarit të Kuvendit të Kosovës që të merr masa të menjëhershme për lirimin e deputetit të këtij Kuvendi z.Emrush Xhemajli.

Njëkohësisht kërkojmë që të gjithë të arrestuarit që iu përgjigjen aksionit të Lëvizjes VETËVENDOSJE!, të cilin e mbështeti LPK-ja të lirohen menjëherë.

[vrojtuesi]

Vrojtuesi, kur jep mendim ne forum, bej sic bej une, fol ne veten e pare njejes. Filloje fjaline me UNE e jo me NE se ne forum ka me mijera anetare nga Kosova te cilet dine te shkruajne vete mendimin e tyre.

Nese ty "nuk te behet vone per nderkombetaret", qe jane arsyeja se perse Kosova ka rigjetur me ne fund lirine, ty nuk te behet vone per asgje, as per qeverine shqiptare, as per demokracine e as per asgje. Ty te behet vone vetem per veten tende.



C'lidhje ka kjo me temen per diskutim?

Albo

Edhepse spjegimet plotësuese më duken të panevojshme(!) pasi po insiston dhe ke marrë mundin të më përgjigjesh, atëher po të përgjigjem edhe unë.

Sëpari ne të dy në asnjë aspekt nuk jemi të njëjtë, as përnga mendimet, as mosha dhe as profesioni, prandaj as që mund ti fillojmë fjalitë njëjtë ashtu si mendon ti me UNË dhe NE!

Unë më së largu dje, kam kaluar nëpër gjysmën e Kosovës e do të jem poashtu edhe nesër e ku në kontaktet direkte me "lloj lloj" njerëzish rreth punës zyrtare që bëj i fitoi edhe bindjet për problemet, duke ia shtuar këtu edhe përvojën time personale me pjesëmarrje aktive në aktivitete politike e shoqërore prej vitit 1983e sidomos 1990 - 1999.

Po ta tregoj atë që e thashë me një temë tjetër në forum se unë e MENAXHOI NJË ZYRË QË MERRET MES TJERASH EDHE ME HULUMTIMIN E OPINIONIT prandaj edhe i filloj ashtu fjalitë! Ndërsa sa kam mësur nga tekstet tua nëpër Forum: TI MË TEPËR KE KONTAKTE VIRTUALE ME OPINIONIN! Nëse gaboi më thuaj!

Ky pasusi i dytë për ndërkombëtarët ka lidhje direkte me temën për të treguar ty se NE I DIJMË KUSH JANË ATA E NUK I PËRKULEMI DHE TË IU PYTHIM B.... SI DO TË KISHIT BËRË NDOSHTA JU!

PËR TË MIRAT QË NA KANË SJELLË NE I FALENDEROJMË POR ATA "NË PAKETË" KANË SJELLË EDHE TJERAT.

Do të ishte mirë për ty që të kyqesh e dhe në debate tjera që organizohen në Kosovë nga institucionet apo OJQ-të e ndryshme apo në emisione TV të cilat shikohen edhe në Amerikë dhe të informohesh më tepër për situatën reale në Kosovë.

Normal se si PRONAR i FORUMIT apo çka je nuk e di mirë, mund të fshish sikur herat tjera ato çka nuk të përlqejnë por nëse hyn në dialog atëher sëpaku bëhu i barabartë me tjerët ose siç të thash vetëm VROJTO e mos thuaj asgjë!
Kjo do të ishte më mirë nga ana jote!:syze :syze


P.S. Këtë postim e pata gadi menjëherë pas reagimit tënd por siç më ka ndodhë edhe disa herë kur kam punë me ty edhe pas tri tentimeve nuk arrita ta dërgoi sepse shkëputej lidhja me forumin. Për fat, si zakonisht sipas përvojës e kisha rauajtur dhe po ta dërgoj tani.

Këtu vetëm mund të shtoi se pasi që n[ ndërkohë shikova në TV sëpaku nja katër palë lajme dhe arrestimin e vrazhdë të aktivistëve të VETËVENDOSJES e sidomos të nënave Gjakovare nga OJQ "Thirrjet e nënave" mund të them se kam qenë "i butë " me ty.

[deqanas]

e ku eshte skandali ketu??

[Homza]

Do kish qene shume mire nqs e gjith Kosova del ne nje demonstrate paqesore, me fotot e familjareve qe ende nuk dihet fati i tyre. ta marri vesh e gjith bota qe ne nuk flasim kot dhe se ne jemi popull qe e meriton pavarsine.

[GjIlAnAsI_cSi]

Ok..

Un mendoj kshu..!

Njeri thot te dalim ne protesta , tjeteri te dalim te bllokojm rruget.. tjeteri kshtu tjeteri ashtu..!

Cfar te keqe ka ai qe vjen dhe viziton popullin e vet?

Cfar te mire ka ata zagart qe po na marrin ne qaf e dalin neper rrug e bllokojn rruget?

Ti lejm te lire deri sa Kosova te pranohet si shtet ne vete, e ateher kemi cfar bejm..

Duhet me duru per ndryshe ska Pavarsi..

Ata Zagart Albini me kompani duhet me nejt urt , e mos me dal neper rrug , por me i mshel syt per deri sa Amerika dhe Europa te thot PO Pavarsis se Kosoves..! Pasi me keto plera qe ata po bejn , ne Mbledhje cohet serbia thot? Ja shiko.. sa eshte e lir kosova dhe cfar behet aty.. E ja leshojn Videon e Albinit tu gjujt me voe t'pules..!

Lexoni ata politikant qe jan ne krye aty te Albo cfar kan thene e ejani ju thuani dicka..!

Gjith te mirat.

[Kreshniku1985]

Koshtunica në Graçanicë vazhdon me mesazhet e vjetra politike

Ndonëse e paralajmëruar si vizitë private për të kryer rite fetare, kryeministri serb, Vojisllav Koshtunica, gjatë qëndrimit të tij në Graçanicë, nuk e ka lënë pa e shfrytëzuar këtë rast për të përcjellë mesazhe politike për qytetarët serb të Kosovës. “Kosova gjithmonë ka qenë dhe gjithmonë do të jetë pjesë e Serbisë” tha Koshtunica.


Ndonëse qytetarët serb e kanë pritur që nga orët e paradites, kur është mbajtur liturgjia në Manistirin e Graçanicës, e më pas edhe në Gazimestan, kryeministri serb Vojisllav Koshtunica, ka ardhur në Graçanicë pasi janë kryer të gjitha ritet fetare në ditën e Vidovdanit serb. I nxitur nga kryepeshkopi Artemije i cili e ftoi Koshtunicën që t’i a trimërojë dhe t’ju përforcoj shpresën serbëve të Kosovës se edhe në të ardhmen Kosova do të mbetet “Jerusalemi serb”, kryeministri serb nuk u kursye që të mbajë një fjalim të zjarrtë politiko-patriotik. “Nuk ka vend më të mirë dhe më të rëndësishëm për ta ripërsëritur atë që çdo serb duhet ta dijë: Kosova gjithmonë ka qenë dhe gjithmonë do të jetë pjesë e Serbisë”. Më tej Koshtunica ka thënë se ky është një rast për t’i treguar botës se “Serbia dëshiron drejtësi dhe paqe”. Ajo dëshiron të bisedojë dhe të arrijë marrëveshje dhe kompromis tha Koshtunica kontradiktor, duke theksuar se megjithatë Serbia dëshiron zgjidhje bazuar në “të drejtën historike për Kosovën”.
Koshtunica i ka siguruar serbët e mbledhur në Graçanicë se askush deri më tash nuk ka pasur pozitë më të fortë se sa që ka Serbia nga aspekti i së të drejtës në diskutimet për të ardhmen e Kosovës.

[Edvin83]

Ky ishte provokimi i rradhes, por fajin e kane shqiptaret qe rrine dhe i puthin kembet te huajve, nuk duhet t'i pyesim ata pisa se ke ftojme ne ne shtepine tone.

[Kandili 1]

Protestat e levizjes „Vetevendosje“ me duken me vend .Protestuesit kane provue ta
pamundesojne hyrjen ne Kosove, te perfaqsueseve te nji shteti armik.
Tash do te thot dikush : a duhet ta mbajme armiqesine ,me shekuj, me shtetin e shkaut?
Jo ore , pse me shekuj?!
Po pse keta qetniket nuk ja fillojne, se paku nji here ne jete, te sillen te civilizuar?
Tì pranojne veprat kriminele, masakrat e vrasjet qe i kane bere popullit tone,te japin sqarime konkrete per fatin e te zhdukurve ,ti paguajne demshperblimet materjale ( se ato shpirterore s`mund ti paguajne kurre) per gjithe
ato shkatrrime qe i kane bereKosoves , te kerkojne falje publikisht per ato qe i kane bere popullit tone e pastaj do te vinte ne rend te dites diskutimi per mundesine e nji vizite te tille.

Protestuesit, nuk kane si ta hijezojne autoritetin e qeveritareve Kosovare.Nuk mund te flitet
per autoritet te nji qeverie per nji ceshtje, kur ajo qeveri s`ka kompetenca per ate ceshtje!
Poashtu , nuk mund te thuhet se rrezikohet siguria e vendit,kur dihet se protestuesit
nuk kane perdore arme.
Nuk mund te dalin shqiptaret ksenofob ketu!Ne, historikisht nuk i kemi urrejte te huajte,
pos nese kane qene zaptuesit tone.Te perkujtojme numrin e madh ( me mijera ) te ushtareve italian ne luften e dyte boterore,te zene,si thuhet peng(pas kapitullimit te Italise) ne Shqiperine e cunguar,qe u kthye shendosh ne vendlindje te tyre.
Te perkujtojme numrin e madh te hebrejve, qe ne luften e dyte boterore gjeten shpetim
ne shtetin e cunguar te shqiptareve.
Ne gjenet e shqiptareve, kudo qe jetojne ata, nuk egziston prirje kolektive e urrejtjes
ndaj te huajve.Kjo mund te vertetohet me fakte.
Ne e dijme se nderkombetaret e cliruan Kosoven.Po, por shum po gabojne ketu!!
Kosoven e cliroi SHBA me ANGLINE dhe GJERMANINE .Gjermanet kane qene
te domosdoshem, ne menyre qe SHBA-te te mund ti bindin te tjeret e sidomos Francen.
Te tjeret qene vetem formalisht aty, me perjashtim te Frances e cila e ka demtua shume Kosoven.
Siq dihet,Franca nji kohe bukur te gjate i paralajmronte (disa ore para aksionit) shkijet saktsisht per caqet qe do te bombardohen nga NATO.

Prej Frances e patem edhe nji sherre tjeter,me te cilin do te merremi edhe nji kohe.
Gjeri sa vazhdonte fushata e bombardimeve te caqeve te qetnikve, u mblodhen anetaret
e NATO-s ne SHBA per te kremtuar 50 vjetorin e themelimit.Diten e neserme,
mjaft i hidheruar,kryetari francez Shirak deshi patjeter te kthehet ne France.Vetem me
mund te madh, arriti Klintoni ta binde te mos shkoj mbrapa.Kur hyri NATO ne Kosove
u kuptua kompromisi qe beri Klintoni me Shirakun,pranimi qe Franca ta ket zone ndikimi
pjesen veriore te kosoves bashke me Mitrovicen!

Ndersa tani kur flitet per nderkombetaret, aludohet ne clirimin qe ata i bene Kosoves.Gabim!
Ka shume veprime nga nderkombetaret qe behen e jane bere ne Kosove , qe patjeter te perkujtojne ata te njejtit qe i coptuan tokat shqiptare ne shekullin e kaluar.
Tanime nuk eshte fshehtesi se shprehja e tyre ” Standardet para Statusit “ ishte nji
loje e nderkombetareve per ta mbajte gjendjen e gjore!Kete e kane pranua disa perfaqesues
te shteteve qe jane pjese e administrates ne Kosove.

Eshte e kuptueshme, se duhet te mendojme e te jetojme me te gjithe fqinjet (kojshite)
ne paqe.Ne nuk kemi patur kurre plane ta cfarosim ndonji kojshi ( fqinj) e as qe do ti kemi
ne te ardhmen.
Por nuk mund te jet ne rregull qe 5% popullsi, pjesa me e madhe e te cileve i kane duart
e pergjakura me gjak shqiptari te trajtohen si te ishin 55%.
Pos shteteve qe permenda me larte, si te merituar per lirine qe kemi, tjeret nuk na nevojiten
Sepse vetem na pengojne.

[Llapi]

Redaksia e Kosovapress-it.
Ballkanoskopia: Gazimestani pret në vend të fantazmës së Car Llazarit, një De Gol serb

Dr. Milazim Krasniqi

Kërkesa e kryeministrit të Serbisë, Vojisllav Koshtunicës, që të vijë në Gazimestan, për të kremtuar Vidovdanin, në gjashtëqind e shtatëmbëdhjetë vjetorin e Betejës së Kosovës, është brenda shemës mentale të nacionalizmit serbomadh, i cili nuk ndryshon as formën as përmbajtjen e vet, edhe kur realiteti ka ndryshuar rrënjësisht. Ardhja e Koshtunicës në Gazimestan, paramendohet dhe përjetohet prej tij dhe njerëzve që ai i përfaqëson, si ardhje në vendin e lavdisë serbe, si ardhje triumfale dhe si konfirmim i serbizmit të Kosovës.

Strategët e nacionalizmit serbomadh, që në shekullin XIX e kanë farkuar një formulë ideologjike sipas të cilës Kosova është “djepi i shtetit serb” dhe “fjala më e shtrenjtë serbe”. Instrumentariumi i mitologemave dhe i përrallave për Betejën e Kosovës si betejë ndërmjet “forcave qiellore” dhe “forcave të errëta”, për saktrificën e car Llazarit si sakrificë të ngjashme me të Jezu Krishtit (thonë se e humbi mbretërinë tokësore dhe e fitoi bretërinë qiellore!!!), ka mbetur e pandryshuar në rrjedhë të kohëve. Ajo formulë vetëm sa është bërë më e e ndryshkur dhe më vrastare.


Mirëpo, ngurtësimi i mitit serb, nuk ka mundur të ndikojë mbi realitetin, i cili ka qenë i ndryshueshëm dhe shumë dinamik. Pas Betejës së Kosovës të vitit 1389, në Kosovë kanë ndodhur edhe shumë beteja dhe luftëra të tjera,
janë ndërruar disa pushtues dhe kanë ndryshuar raportet e forcave ndërmjet Fuqive të Mëdha. Është ndryshuar shumë rëndësia gjeopolitike e rajonit, po edhe relevanca demografie e politike e popujve që jetojnë në këtë rajon.
Por, nacionalizmi agresiv serbomadh nuk i ka parë këto ndryshime, nuk ka dashur t’i shohë.

Ai ka vazhduar ta përsërisë mitin për car Llazarin dhe mbretërinë e tij qielore, sipas indigos së fundamentalizmit ortodoks serb, i cili ka krijuar paralele ndërmjet një të dërguari të Zotit, sikundër ishte Jezui, (Isai, a.s.) dhe një feudali serb, që mbronte minierat e argjendit të Novo Bërdës, sepse i duhej xehja e çmuar për prodhimin e monedhave.


Me atë ngurtësi erdhi nacionalizmi serbomadh deri në viti 1989, në kremten e gjashtëqind vjetorit të Betejës së Kosovës, (që në fakt ishte një betejë e humbur prej serbëve.) Në mitingun e frikshëm të vitit 1989, kryetari i atëhershëm i Serbisë, Sllobodan Millosheviqi, shpalli luftërat e reja që do të bënte Serbia, nën komandën e tij dhe nën flamurin e serbizmit që e kishte shenjtëruar sakrifica e car Llazarit. Mirëpo, realiteti i ndryshuar rrënjësisht në Kosovë de në botën, iu përplas për fytyrë Millosheviqit dhe nacionalizmit serbomadh. Pas atij mitingu dhe mesazheve luftënxitëse që shpalosi Millosheviqi, komunitetit ndërkombëtar iu bënë të qarta synimet imperiale të Serbisë. Mospjesëmarrja në miting e përfaqësuesve të shteteve të Perëndimit, ishte distancimi i parë i qartë nga politika luftënxitëse e Millosheviqit. Në të vërtetë, që nga ajo kremte e madhe e Vidovdanit, që u mbajt nën flamujt e nacionalizmit agresiv serbomadh, komuniteti ndërkombëtar, e në rend të parë Shtetet e Bashkuara të Amerikës, filluan ta kuptojnë se historia e para gjashtëqind vjetëve, ishte instrumentalizuar për një luftë të re, e cila po synonte krijimin e Serbisë së Madhe në rrënojat e federatës jugosllave.


Kësisoj, ndodhi një paradoks, nga ata që di të përgatisë fshehtësia e Krijuesit të Botëve: në vend se të ndërkombëtarizohej çështja e Kosovës si “çështje serbe”, filloi të ndërkombëtarizohej si çështje shqiptare. Pra,
ndodhi që nëna shqiptare e mposhti shpatën serbe, mu ashtu si kishte parashikuar Vaso Çubrilloviqi, në elaboratin e tij famëkeq të vitit 1937, kur s të vetmen zgjidhje propozonte dëbimin e shqiptarëve nga Kosova dhe viset e tjera shqiptare nën Mbretërinë Serbo-Kroate Sllovene.


Vonesa aq e madhe e ndërkombëtarizimit të çështjes së Kosovës si çështje shqiptare, ishte pasojë e pajtimit të Fuqive të atëhershme për pacifikimin dhe madje zhdukjen e “problemit shqiptar” nga këto troje. Bile, marrëveshje si ajo e Sen Zhermenit, haptas i lente shqiptarët dhe turqit pa asnjë mbrojtje. Meqë Serbia u gjet në anën e fitimtarëve të Luftës së Parë Botërore, në Konferencën e Paqes të Versajit, (1919-1920), asaj vetëm sa iu konfirmua aneksimi i Kosovës dhe viseve tjera shqiptare, që i kishte pushtuar në luftërat ballkanike. Edhe në Luftën e Dytë Botërore, Jugosllavia e Titos u gjet sërish në anën e fitimtarëve.

Para se të përfundonte lufta, Konferenca e Jaltës e pranoi Mareshalin Tito si partner dhe de fakto i vulosi vendimet e AVNOJ-it. Pas prishjes së Titos e Stalinin, Tito i fuqizoi edhe më shumë pozitat e veta në partneritet me Perëndimin, ndërsa Shqiëpria mbeti satelite e Moskës, e pa gjasa që të kontribuojë për ndërkombëtarizimin e çështjes së Kosovës. Ndërsa, në vitin 1953, filloi zbatimi i Marrëveshjes Xhentëlmene Tito-Kyprli, për shpërnguljen e shqiptarëve për në Turqi.


Pas dështimit të kësaj marrëveshjeje, me rënien e Rankoviqit, filloi faza e integrimit të Kosovës në ish federatën jugosllave. Filluan kërkesat për krijimin e “Republikës së Kosovës” në kuadër të Jugosllavisë. Kushtetuta e vitit 1974, e avancoi integrimin e Kosovës, duke i dhënë edhe disa atribute shtetësie. Pas demonstratave masive të vitit 1981, filluan përpjekjet serbe për heqje e atyre atributeve, që gjë arrit me ndryshimet e Kushtetutës së Kosovës dhe të Serbisë në vitin 1989.


Millosheviqi erdhi të kremtojë Vidovdanin dhe rrënimin e autonomsië së Kosovës, duke dashur ta afirmojë si një çështje serbe, por pikërisht nga ajo kremte e frikshme e nacionalizmit serbomadh, filloi të riafirmohet Kosova si një çështje shqiptare. Shtatëmbëdhjetë vjet pas kremtes së frikshme të Millosheviqit në Gazimestan, e cila e ndezi fitilin e zjarrit që shkrumboi Bosnjën, Kroacinë dhe Kosovën, si zjarri që i vuri Neroni vetë Romës, pritet të vijë në Kosovë, trashëgimtari i Millosheviqit, kryeministri i Serbisë, Vojisllav Koshtunica.


Ende nuk dihet se me çfarë mesazhesh do të zbret ai në tokën e Kosovës. Por, nga angazhimet e tij të deritashme, është e qartë se as ai nuk e ka kuptuar ende realitetin e ndryshuar rrënjësisht në këtë vend. Ndoshta do ta sheh kur të arrijë në Kosovë. Së paku do ta ndjej se do të jetë i siguruar nga forcat e NATO-s.

Më së miri do të ishte nëse Vojisllav Koshtunica me të arritur në Kosovë, do të mbante një fjalim rasti bash në Gazimestan dhe të pranonte qartë se ai është vendi ku duhet të varroset nacionalizmi serbomadh. Dhe ta kuptonte se realiteti ka ndryshuar, dhe se Kosova si pjesë e këtij realiteti të ndryshuar, tash e tutje duhet të jetë një shtet fqinj i Serbisë. Por, njeriu që fotografohej me kallashnjikov në krahë, në kohën e gjenocidit serb ndaj shqiptarëve, zor se e ka atë kurajë dhe atë vision. Në të vërtetë, ai duket se vjen që të mbush bateritë e dobësuara të nacionalizmit të vet.


Por, është mirë që vjen, megjithatë. Më mirë është që ta sheh me sytë e vet Kosovën e ndryshuar, e cila këto shtat vjet jashtë saçit të shtetit serb, është zhvilluar dhe është emancipuar më shumë se për nëntëdhjetë vjet nën shtetin serb. Ndoshta kjo gjë i ndihmon vërtet që të bëhet një De Gol serb. Megjithatë, nuk i dihet.

[Llapi]

Kryekriminelit perpos qe ju lejue hyrja ne kosove ju lejue edhe te flas qfar te doi fjalime politike edhe pse ati kinse ju lejue te hy ne kosove per nji fest fetare te shkieve.

-------------------------------





KOSHTUNICA: KOSOVA KA QENË DHE DO TË MBETET PJESË E SERBISË



Rrahman Paçarizi, Prishtinë


Kryeministri i Serbisë Vojisllav Koshtunica ka thënë sot në Graçanicë se Kosova ka qenë dhe do të mbetet pjesë e Serbisë. Ai i ka bërë këto komente, duke iu drejtuar masës së njerëzve që po shënonin një festë fetare të serbëve, e cila lidhet me betejën e Kosovës të vitit 1389, ku forcat e bashkuara të Ballkanit pësuan një humbje nga ushtria e perandorisë osmane. Duke iu drejtuar njerëzve të mbledhur në oborrin e manastirit në Graçanicë, afër Prishtinës, kryeministri i Serbisë Koshtunica tha:
"është e vërtetë se sot nuk do të mund t'i luteshim Zotit dhe nuk do të mund t'u faleshim të parëve tanë, po të mos na ruante ushtria dhe kaq shumë tanke", tha Vojisllav Koshtunica, duke theksuar se nuk ka asnjë vend tjetër në Evropë ku ndodh kështu. Kryeministri i Serbisë Koshtunica tha se Graçanica është një rast ku botës mund t'i shpallet se Serbia dëshiron drejtësi dhe paqe.
"Nuk ka vend më të mirë dhe më të rëndësishëm për të përsëritur atë që duhet ta dijë çdo serb se Kosova gjithmonë ka qenë dhe gjithmonë do të jetë pjesë e Serbisë", tha kryeministri serb Koshtunica, sipas të cilit populli që do paqe, që do liri dhe drejtësi, kërkon që të bisedohet dhe të gjendet kompromisi për zgjidhje të drejtë për Kosovën.
"Do t'ua sjell porosinë se i gjithë kombi është me ju dhe dua t'ju them se kurrë askush nuk ka qenë në pozitë më të fortë juridike, sesa ndodhet Serbia sot në bisedat për të ardhmen e Kosovës," tha Vojisllav Koshtunica.
Ai ka ardhur në Kosovë pas kërkesa e tij qe miratuar nga UNMIK-u, duke e cilësuar atë një vizitë private, e cila nuk bën të politizohet, ndërkohë që kryeministri i Serbisë Koshtunica nuk ka patur asnjë takim me zyrtarë të Kosovës apo të pranisë ndërkombëtare. Kryeministri i Serbisë Vojisllav Koshtunica nuk ka marrë pjesë në liturgjinë e mbajtur në manastirin e Graçanicës, të cilin e ka udhëhequr patriku Pavle, së bashku me peshkopët Artemije dhe Teodosie. Pas liturgjisë është mbajtur një ceremoni fetare në Gazimestan të Prishtinës, ku kanë marrë pjesë disa qindra qytetarë serbë dhe udhëheqësja e Qendrës koordinuese të Serbisë për Kosovën, Sanda Rashkoviç- Iviç. Ajo tha se Serbia po e mbron Kosovën me mjete demokratike dhe ka shfaqur shpresën se Serbia do të ketë më shumë fat sesa në vitin 1389, kur u mund nga perandoria osmane. Zonja Rashkoviç-Iviç tha se shënimi i kësaj dite është kujtim i të shkuarës dhe nxitje për të ardhmen.
"Ajo që po e ndiej sot është se ne duhet të përcaktohemi për jetën dhe të negociojmë, Kosovën e mbrojmë me zemër dhe mendje, e mbrojmë me mjete demokratike," tha zonja Rashkoviç- Iviç, duke shfaqur shpresën se do të kenë më shumë fat se sa të parët për të mbrojtur Kosovën, siç u shpreh ajo.
Ajo tha se është e trimëruar nga vizita e kryeministrit Koshtunica në Londër, ku sipas saj, kryeministri Toni Bler nuk e ka përmendur fare pavarësinë e Kosovës.