Fatos Klosi: Roli i SHIK në luftën në Kosovë

[Llapi]

SUPEREKSKLUZIVE: Flet për “Epokën e re”, ish-shefi i SHIK-ut, FATOS KLOSI (1)


http://www.pasqyra.com/image/fotografi/klosi.gif



NJERIU I SEKRETEVE ZBULON SEKRETE



Klosi: Ja si e gjeta SHIK-un, dhe si i caktuam politikat dhe prioritetet e punës për luftën në Kosovë

-Kryeministri Fatos Nano, në ’97-tën më tha: “Dua nga ti që SHIK-ut t’ia ndërrosh imazhin negativ në popull, të ndërtosh një shërbim bashkëkohor, për një vend demokratik, perëndimor”
-SHIK-un e gjeta me një opinion shumë të keq në popull. SHIK-u ishte implikuar në shumë ngjarje të pakëndshme dhe ishte vënë për një kohë të gjatë në luftë kundër opozitës dhe kundër kundërshtarëve të Berishës në përgjithësi
-SHIK-u interesohet për situatën brenda vendit dhe për situatën në rajon, në rrugë legale dhe operative, në mënyrë që t’i parashikojë të gjitha ato dukuri, shtete, organizata apo njerëz që në një mënyrë ose në një tjetër, me dashje apo pa dashje, mund të cenojnë Sigurinë kombëtare të Shqipërisë
-E vërteta gjithmonë mbetet si një objektiv në tentativë, sepse metodat e Shërbimit nuk janë metoda që mbështeten në dokumente. Është fat po të kesh në ndonjë rast dokumente, prandaj baza e punës mbetet rrjeti informativ

Përgatitën : Burim Etemaj e Musli Krasniqi



Prishtinë, 4 qershor - Ish-shefi i Shërbimit Informativ Kombëtar (SHIK), Fatos Klosi, për herë të parë, në një intervistë ekskluzive për “Epokën e re”, zbulon shumë sekrete për luftën e UÇK-së, për raportet e drejtuesve të saj me shërbimet informative më të fuqishme të shteteve euro-amerikane, për ndihmën që ka dhënë shteti shqiptar në luftën e Kosovës, për FARK-un, Ahmet Krasniqin, Bujar Bukoshin, për Sali Berishën, prishjen e raporteve të tij me Fatos Nanon...

EPOKA E RE: Kush është Fatos Klosi?

Klosi: Jam një profesor i Fizikës në Universitetin e Tiranës, në të cilin kam punuar që nga viti ’68 pa ndërprerë, përveç gjashtë muajve (prill- gusht 97) kur kam qenë bashkëkryetar i Komisionit Qendror të Zgjedhjeve, dhe pesë viteve (gusht 97- gusht ‘02) që kam qenë në drejtim të SHIK-ut. Gjithë pjesën tjetër e kam kaluar në Fakultetin e Shkencave. Kam filluar të jap mësim duke qenë student në vitin e fundit. Pasi mora diplomën, u emërova asistent, pastaj si pedagog dhe dora-dorës doktor, docent dhe në fund profesor. Kam qenë për shumë vjet edhe përgjegjës i Katedrës së Fizikës dhe më vonë i Qendrës së Mikroskopisë Elektronike. Sot punoj në të njëjtin sektor ku kam punuar para se të shkoja në SHIK, jam përgjegjës i Sektorit të Materies së Kondensuar, në Departamentin e Fizikës, në Fakultetin e Shkencave Natyrore të Universitetit të Tiranës. Çdo ditë jam pranë studentëve dhe kolegëve të mi, një ambient i njohur dhe i dashur për mua dhe jam i kënaqur me punën që bëj.

EPOKA E RE: Sa ka qenë e vështirë kthimi nga detyra e shefit të SHIK-ut, në pedagog...?

Klosi: Në pedagog fare e lehtë. Ishte e vështirë për të kaluar nga puna e pedagogut në punën e kryetarit, e kundërta ishte fare e lehtë, sepse kthehesha në një ambient të njohur. Duhet të theksoj se të gjithë, kolegët dhe studentët, më pritën dashamirësisht. Megjithëse ishte një periudhë kur unë kisha marrëdhënie jo të mira me Kryeministrin (z. Nano), falë pavarësisë relativisht të mirë që kanë universitetet nga Qeveria, s’pati ndonjë problem që unë të filloj punën e pedagogut menjëherë.

KRYETARI I SHIK-UT EMËROHET ME DEKRET TË PRESIDENTIT

EPOKA E RE: Nga kush jeni propozuar e nga kush jeni emëruar shef i SHIK-ut?

Klosi: Normalisht, sipas ligjit, propozimin e bën Kryeministri, miratimi dhe dekretimi bëhet nga Presidenti. Pra, është një dekret i Presidentit që emëron kryetarin e SHIK-ut. Siç e shihni, unë vazhdoj të përdor emrin SHIK dhe jo SHISH, pasi ligjërisht cilësori i Shërbimit akoma është Kombëtar, edhe pse ka pasur një tentativë nga ish-kryeministri Majko dhe Gjykata Kushtetuese, për t’ia ndërruar emrin nga SHIK në SHISH, por Kuvendi nuk e pranoi.

E PRANOVA RELATIVISHT QETË DETYRËN E SHEFIT TË SHIK-UT

EPOKA E RE: A kishit dilema para se ta pranonit detyrën e shefit të SHIK-ut?
Klosi: Jo, e pranova relativisht qetë. Kur kryeministri i atëhershëm, Nano, ma propozoi, unë i kërkova se çka pretendonte ai nga unë në krye të SHIK-ut. Detyra që më dha m’u duk interesante. Ai më tha: “dua nga ti vetëm që t’ia ndërrosh imazhin negativ në popull, të ndërtosh një shërbim bashkëkohor, për një vend demokratik, perëndimor”. E pranova këtë detyrë, duke theksuar se hollësitë lidhur me detyrat e vërteta, konkrete të SHIK-ut, do t’i diskutonim rrugës, gjatë punës së përditshme.

SHIK-UN E GJETA ME NJË OPINION SHUMË TË KEQ NË POPULL

EPOKA E RE: Në çfarë gjendje e gjetët ju SHIK-un?

Klosi: SHIK-un e gjeta me një opinion shumë të keq në popull, dhe kuptohet, opinioni i popullit as nuk sajohet kot dhe as nuk ndreqet kollaj. SHIK-u ishte implikuar në shumë ngjarje të pakëndshme dhe ishte vënë për një kohë të gjatë në luftë kundër opozitës dhe kundër kundërshtarëve të Berishës në përgjithësi, prandaj dhe e gjithë furia e urrejtjes për regjimin e Berishës gjatë muajve të parë të vitit 97, kish rënë mbi të. Pothuaj të gjitha ndërtesat e tij, pa përjashtim, gjithandej Shqipërisë ishin të djegura. Një pjesë e efektivit, kuptohet, ata që e ndjenin veten më fajtorë për ç‘gjë kishte ndodhur, kishin ikur jashtë vendit; kishin mbetur vetëm ata që e quanin veten të paimplikuar në ngjarjet, kryesisht oficerë të niveleve të ulëta. Natyrisht, duhej filluar çdo gjë nga e para. Duheshin ndërruar pikësynimet dhe orientimet e Shërbimit, në përputhje me këto duhej ristrukturuar organogrami i Shërbimit, duheshin zgjedhur kuadro të rinj për të zëvendësuar ata që mungonin, duhej forcuar motivimi dhe profesionalizmi i punonjësve, duheshin përgatitur punonjës të rinj, me synime të reja, duheshin riparuar godinat, ringritur zyrat, siguruar mjetet e domosdoshme të punës e kapërcyer plot mangësi më të vogla. Për këto arsye, muajt e parë të punës kanë qenë muaj të vështirë. Të mos harrojmë edhe gjendjen shumë të vështirë që krijoi në vend opozita politike gjatë atyre muajve, ndodhën ngjarjet e Shkodrës, ngjarjet që pasuan vrasjen e Azem Hajdarit, e plot të tjera më pak të rëndësishme.

THEM SE IA KAM ARRITUR TA NDËRROJ IMAZHIN E SHIK-UT

EPOKA E RE: A mendoni se ia keni dalë që ta ndërroni imazhin e SHIK-ut?
Klosi: Megjithëse nuk më takon mua ta pohoj këtë, nga ajo që e kam ndier, nga opinioni i njerëzve, sidomos ai i mediave, them se ia kam arritur. Sigurisht, e mira nuk ka fund, ajo është gjithmonë një objektiv për të cilën duhet të punojnë breza të tërë.

NUK JAM NJERI I RREZIKSHËM

EPOKA E RE: Njerëz të caktuar ju kanë konsideruar si njeri të rrezikshëm, duke pasur parasysh vetë funksionin tuaj që e keni pasur në krye të shërbimit sekret shqiptar. A është kaq i rrezikshëm Fatos Klosi sa thuhet?

Klosi: Them me bindje që jo. Ata njerëz që përhapin falsifikime të tilla, mendoj se kanë qenë të paaftë për t’i bërë punët e tyre dhe kanë kërkuar dhe kërkojnë të justifikohen se gjoja i kanë penguar të tjerët, midis të cilëve edhe SHIK-u. Unë shpesh u kam kërkuar këtyre njerëzve, çdo shqiptari, le të dalë njëri dhe të thotë me argumente se si e ka rrezikuar SHIK-u. Jam i sigurt se këtë s’mund ta bëjë asnjë prej tyre. Të gjitha kanë qenë dhe janë shpifje. Unë i denoncoj ato me bindjen se nuk janë të vërteta dhe nuk i shërbejnë çështjes së Kombit.

POZICIONI IM NË SHIK KA QENË AI KLASIK, I DREJTUESIT KRYESOR

EPOKA E RE: A mund të na e cekni fushëveprimin dhe veprimtaritë e një shërbimi informativ, në këtë rast të Shërbimit Informativ të Shqipërisë? Me çfarë rastesh jeni marrë ju konkretisht? Si e identifikoni një rast të caktuar, një person apo një grup personash? Me kë bashkëpunonit? Cilat janë masat që i ndërmerrnit ndaj tij/tyre?

Klosi: Duhet të kemi parasysh se bota është shumë e madhe dhe shtetet e ndryshme, varësisht nga interesat e tyre, i caktojnë detyra të ndryshme shërbimeve informative. P.sh.: Shërbimi britanik përpiqet që t’i mbrojë interesat e Britanisë së madhe në gjithë botën, po kështu edhe shërbimi amerikan, ai francez etj., ndërkohë që Shqipëria është një vend i vogël, me interesa kryesisht rajonale. Kjo i përcakton edhe detyrat e SHIK-ut. Në ligjin për SHIK-un janë të përcaktuara shumë qartë detyrat e tij, që janë të informojë dy autoritetet më të larta të shtetit, Presidentin dhe Kryeministrin, për të gjitha ato dukuri që rrezikojnë apo mund të rrezikojnë Sigurinë Kombëtare, edhe pse në asnjë ligj të vendit nuk është përcaktuar se cili është kuptimi i saktë i Sigurisë kombëtare. Megjithatë, ka një opinion të përgjithshëm në botë për këtë koncept dhe ne jemi përpjekur që këtë ta zbërthejmë në konditat shqiptare. Pra, SHIK-u interesohet për situatën brenda vendit dhe për situatën në rajon, në rrugë legale dhe operative, në mënyrë që t’i parashikojë të gjitha ato dukuri, shtete, organizata apo njerëz që në një mënyrë ose në një tjetër, me dashje apo pa dashje, mund të cenojnë Sigurinë kombëtare të Shqipërisë. Së bashku me këtë, në bazë të opinioneve të krijuara nga informacioni i mbledhur, bashkëpunohet me ata që marrin vendime, për të vendosur se çfarë masash duhen marrë në rastet konkrete, për të parandaluar efektet negative. Por, duhet theksuar se detyrat tona kanë qenë thjesht informative dhe sugjeruese. SHIK-u nuk ka pasur dhe nuk ka të drejtë të marrë vendime apo të kryejë operacione ekzekutive. Pozicioni im në SHIK ka qenë ai klasik, i drejtuesit kryesor. Unë jam marrë kryesisht me politikat e Shërbimit, me prioritetet e punës së tij, me vendimet kryesore të marra, e më pak me informacionet konkrete.

VEPRONIM SIÇ VEPROJNË TË GJITHA SHËRBIMET TJERA TË BOTËS

EPOKA E RE: Si arrinit ju ta identifikonit apo ta zbulonit një person, ose një grup të caktuar që i cenonin interesat e Shqipërisë?

Klosi: Është një punë komplekse që varet dhe ndryshon nga rasti në rast... Megjithatë, në përgjithësi, ne vepronim siç veprojnë të gjitha shërbimet tjera të botës. Në këtë fushë ka një teori të tërë... se çfarë ndodh me informacionin e parë, si verifikohet, cilat janë pastaj detyrat për ta thelluar më tej, si zgjerohet ky informacion... Siç dihet, baza e punës së çdo shërbimi është një rrjet informativ që krijohet, i cili përbëhet nga njerëz që janë pranë dukurive apo subjekteve për të cilat Shërbimi është i interesuar. Këtyre njerëzve u jepen detyra të caktuara për mbledhjen e informatave, për vërtetimin e tyre, për krijimin e situatave që lehtësojnë mbledhjen e informacionit etj. Pastaj, ka metodika të caktuara se si krahasohen burimet e ndryshme, si analizohet dhe përpunohet informacioni, në mënyrë që “klientëve tanë”, presidentit dhe kryeministrit, informacionet t’iu shkojnë në mënyrë sa më të saktë dhe sa më bindëse. Natyrisht, e vërteta gjithmonë mbetet si një objektiv në tentativë, sepse metodat e Shërbimit nuk janë metoda që mbështeten në dokumente. Është fat po të kesh në ndonjë rast dokumente, prandaj baza e punës mbetet rrjeti informativ. Dhe për sa kohë që është një punë e mbështetur mbi thëniet e njerëzve, mbi deklaratat e njërit apo tjetrit, gjithmonë e mban brenda pasigurinë dhe asnjëherë nuk mund të jemi fare të sigurt se ajo çka dimë, është e vërteta e plotë.

SA MË TË VËSHTIRA TË JENË DETYRAT, AQ MË I ZOTI ËSHTË AI QË I ZGJIDHË ATO

EPOKA E RE: Çdo detyrë i ka anët pozitive e negative. Ju ka rastisur ndonjëherë të mallkoni veten pse i keni hyrë kësaj pune?

Klosi: Them se jo, nuk ka arritur puna deri aty... Natyrisht, kam pasur shumë momente të vështira. Kuptohet, ishte një detyrë e vështirë, sidomos në fazat e para, qoftë se ne ishim duke u riorganizuar, qoftë për situatat e vështira që kalonte vendi. Unë në përgjithësi jam optimist dhe kam konsideruar se sa më të vështira të jenë detyrat, aq më i zoti është ai që i zgjidhë ato. Me këtë filozofi i kam kapërcyer mjaft situata të vështira. Pastaj, t’ju them të drejtën, nuk kam qenë asnjëherë vetëm, kam pasur edhe shumë bashkëpunëtorë të mirë, kuadro të shërbimit me shumë eksperiencë, që më kanë ndihmuar duke i kapërcyer së bashku momentet e vështira.

EPOKA E RE: Gjatë kohës sa ju keni qenë në krye të SHIK-ut, është bërë edhe përgatitja, organizimi dhe është zhvilluar lufta çlirimtare në Kosovë. Me kënd nga njerëzit e UÇK-së keni kontaktuar për herë të parë?

(VIJON NESËR)


http://www.forumromanum.de/member/forum/images/17/user_264517/cms/Epokaere2.jpg

[Llapi]

SUPEREKSKLUZIVE: Flet për “Epokën e re”, ish-shefi i SHIK-ut, FATOS KLOSI ( 2 )



SUPEREKSKLUZIVE: Njeriu i sekreteve zbulon sekrete - Flet për “Epokën e re”, ish-shefi i SHIK-ut, Fatos Klosi ( 2 )

KLOSI: SHIK-U E BINDI PERËNDIMIN SE UÇK-JA NUK ISHTE TERRORISTE




Diskutimin e parë serioz për UÇK-në e kam bërë me Xhavit Halitin; Në atë kohë asnjëri nuk mund të besonte se ngjarjet do të rridhnin aq shpejt; Ka pasur përpjekje nga njerëz që donin të përfitonin nga meritat e UÇK-së, por SHIK-u i njihte të gjithë...; Kontributi i SHIK-ut ishte i papërfillshëm në krahasim me përpjekjet që kanë bërë djemtë e UÇK-së; Pas Prekazit e Reçakut..., shërbimet e mëdha filluan të interesohen për kontakte më direkte me njerëzit e UÇK-së

Përgatitën : Burim Etemaj e Musli Krasniqi



Prishtinë, 5 qershor - Ish-shefi i Shërbimit Informativ Kombëtar (SHIK), Fatos Klosi, për herë të parë, në një intervistë ekskluzive për “Epokën e re”, zbulon shumë sekrete për luftën e UÇK-së, për raportet e drejtuesve të saj me shërbimet informative më të fuqishme të shteteve euro-amerikane, për ndihmën që ka dhënë shteti shqiptar në luftën e Kosovës, për FARK-un, Ahmet Krasniqin, Bujar Bukoshin, për Sali Berishën, prishjen e raporteve të tij me Fatos Nanon...

EPOKA E RE: Gjatë kohës sa Ju keni qenë në krye të SHIK-ut është bërë edhe përgatitja, organizimi dhe është zhvilluar lufta çlirimtare në Kosovë. Me kënd nga njerëzit e UÇK-së keni kontaktuar për herë të parë?

Klosi: Kemi kontaktuar me shumë njerëz. Duhet thënë që në fillim se lufta çlirimtare në Kosovë ka qenë meritë e djemve të Kosovës, dhe ne si Shërbim jemi interesuar për të ditur se çka po ndodh, për t’i dalë përpara çdo të papriture. Gjithçka ka qenë thjesht meritë e atyre që patën kurajën, që patën trimërinë dhe vendosen për të mos e duruar atë situatë që ishte. Ndërkaq ne, duke qenë se ishim bij të të njëjtit komb, ishim të interesuar që në Kosovë të ndodhte ajo që donte populli i Kosovës, që punët të rridhnin drejt pavarësisë, dhe ky synim më ka krijuar nevojën e kontakteve me shumë e shumë kosovarë dhe jokosovarë.

DISKUTIMIN E PARË SERIOZ PËR UÇK-NË E KAM BËRË ME XHAVIT HALITIN

EPOKA E RE: Me kënd konkretisht jeni takuar për herë të parë?
Klosi: Me kënd kam diskutuar për herë të parë ndoshta nuk e mbaj mend, por mbaj mend që diskutimin e parë serioz e kam bërë me Xhavit Halitin, pas përpjekjeve shumë të mëdha për ta takuar, pasi siç mora vesh më vonë, ai kishte pak besim te strukturat e shtetit shqiptar.

EPOKA E RE: Ku jeni takuar?

Klosi: Në Tiranë.

EPOKA E RE: Kur?

Klosi: Diku nga fillimi i vitit ’98.

NË ATË KOHË ASNJËRI NUK MUND TË BESONTE SE NGJARJET DO TË RRIDHNIN AQ SHPEJT

EPOKA E RE: Çfarë përshtypjesh keni pasur pas atij takimi?
Klosi: Përshtypjet e mia, pas këtij dhe takimeve të tjera, ishin pozitive. Përveç dëshirës që gjithmonë kanë pasur shqiptarët për të luftuar për lirinë e tyre, në këtë rast ndihej edhe guximi për t’u organizuar e angazhuar konkretisht në luftë, dëshira për ta ndërkombëtarizuar problemin e shqiptarëve në Kosovë etj. Këto ishin përshtypjet e mia të para. Natyrisht, në atë kohë asnjëri nuk mund të shpresonte dhe të besonte se ngjarjet do të rridhnin aq shpejt sa që të arrinim në këtë situatë që jemi sot. Ishin kontaktet e mia të para me një realitet krejt ndryshe nga ai për të cilin kishim dëgjuar më parë. Këtë radhë po merreshin iniciativa më serioze dhe po kërkohej të krijoheshin struktura serioze, për të përballuar atë që ne e dinim se do të pasonte, një represion jashtëzakonisht të egër, qoftë të policisë serbe, e cila në përgjithësi mbante kontakt me të tilla aktivitete, por edhe të ushtrisë, ndërhyrja e së cilës në këtë radhë do të ishte më serioze se herëve tjera.

MË VONË, KONTAKTET ME UÇK-NË U ZYRTARIZUAN

EPOKA E RE: Dhe kontaktet në vazhdimësi i keni mbajtur...?

Klosi: Natyrisht, në fillim me Xhavitin. Ai ishte i caktuar nga ana e udhëheqjes së LPK-së dhe Shtabit të Përgjithshëm të UÇK-së, e më pas, me krijimin e Drejtorisë Politike të UÇK-së, si përfaqësues i saj për të mbajtur kontaktet me ne dhe struktura të tjera të shtetit shqiptar dhe për të organizuar punën për furnizimet. Më vonë edhe me kuadro të tjerë të LPK-së e të UÇK-së. Gjithsesi, sidomos pas masakrës së Drenicës, kontakte pothuaj të përditshme mbanim me Xhavitin, që atëherë e quanim Zeka. Më vonë, kontaktet u zyrtarizuan dhe UÇK-ja vendosi edhe të tjerë njerëz që, të drejtuar nga Xhaviti, do ta përfaqësonin në Tiranë, Durrës, Kukës, Tropojë e kudo që ishte e nevojshme, brenda e jashtë vendit.

KA PASUR PËRPJEKJE NGA NJERËZ QË DONIN TË PËRFITONIN NGA MERITAT E UÇK-SË, POR SHIK-U I NJIHTE TË GJITHË...

EPOKA E RE: Kush ishin ata të tjerët?

Klosi: Zyrtarisht në Tiranë ishte Xhaviti. Ndërkohë, ka pasur edhe përpjekje nga njerëz të tjerë, sidomos pas sukseseve të para të UÇK-së dhe imazhit të mirë që krijoi ajo si në popull ashtu edhe te faktori ndërkombëtar, që të paraqiteshin si të UÇK-së dhe të përfitonin nga meritat e saj. Por, ne natyrisht e kishim të qartë situatën, e dinim se kush ishte për luftë kundër serbëve, dhe kush vetëm hiqej se donte të luftonte dhe “priste kohën e përshtatshme”. Tanimë ne e dinim kush ishte njëri e kush ishte tjetri, kush pranonte të sakrifikonte për luftën dhe kush donte të përfitonte prej saj.

KONTRIBUTI I SHIK-UT ISHTE I PAPËRFILLSHËM NË KRAHASIM ME PËRPJEKJET QË KANË BËRË DJEMTË E UÇK-SË

EPOKA E RE: Sa ishte në dijeni shteti shqiptar për përgatitjen e luftës çlirimtare në Kosovë?

Klosi: Aq sa ishim në dijeni ne. Thashë, në fillim nuk dinim shumë, por pas kontakteve të para me grupime të ndryshme, dita-ditës krijuam ide gjithnjë e më të qarta se çka po ndodhte, se kush e shihte luftën si një mënyrë të pashmangshme për fitimin e lirisë dhe ishte gati ta fillonte, e kush vetëm fliste për të. E thashë edhe në fillim, peshën e luftës në terren dhe në prapavijë e mbajtën ata djem që guxuan e u ngritën kundër represionit serb, që guxuan të organizohen pa marrë parasysh vështirësitë e mëdha të krijuara nga policia dhe ushtria serbe në brendësi të Kosovës dhe sidomos në kufirin me Shqipërinë, si dhe nga policitë e gjithë Evropës, gjithkund ku kërkoheshin armë për luftën. Ne në fillim vetëm kemi konstatuar, kemi informuar Qeverinë shqiptare, më vonë edhe shërbimet partnerë, për atë që realisht po ndodhte në Kosovë, duke u përpjekur të zbulonim demagogjinë serbe e të demaskonim informacionet e tyre në Evropë dhe botë. Më vonë erdhi një fazë kur ne u përpoqëm të ndihmonim ndonjë gjë sidomos në prapavijë, por prapë po e përsëris, se kontributi ynë ishte i papërfillshëm në krahasim me përpjekjet që kanë bërë djemtë e UÇK-së në të gjitha fazat dhe aspektet e luftës.

PAS PREKAZIT E REÇAKUT..., SHËRBIMET E MËDHA FILLUAN TË INTERESOHEN PËR KONTAKTE MË DIREKTE ME NJERËZIT E UÇK-SË

EPOKA E RE: Çka ka bërë SHIK-u që t’i informojë shtetet perëndimore se UÇK-ja nuk ishte terroriste, siç akuzohej në fillim nga disa politikanë vendorë e të huaj?

Klosi: Është e vërtetë se në fillim qarkulloi nëpër botë një informacion i gabuar për UÇK-në, dhe kjo ishte e natyrshme. Serbia ishte një vend më i madh se Kosova dhe Shqipëria. Në Serbi vendet evropiane kishin interesa më të mëdha se në Shqipëri. Tradita dhe afërsia e kontakteve midis tyre ishte më e madhe se me Shqipërinë. Prandaj, ata në fillimet e luftës mbajtën anën e serbëve, duke pranuar tezën e tyre se UÇK-ja ishte një organizatë terroriste. Këtij kori evropian iu shtua edhe ndonjë zë i administratës amerikane. Në këto fillime, në të gjitha shërbimet e mëdha të botës perëndimore, pati zënë vend ideja se kjo luftë është një lojë e pak njerëzve, me parametra që ata i quanin edhe terroristë, një lloj prej përpjekjesh që ndodhin nëpër botë, më shumë për t’u evidentuar këta si persona sesa për të arritur objektivat që i deklarojnë. Duke i parë këto komente të gabuara, ne e quajtëm detyrë tonën profesionale dhe patriotike t’ua sqaronim të gjithë atyre që donin të na dëgjonin, të vërtetën për situatën në Kosovë, të vërtetën për UÇK-në dhe për drejtuesit e saj. Natyrisht, kjo nuk ka qenë një punë e lehtë. Kërkoi kohë dhe shumë argumente, megjithatë çdo ditë që kalonte bënim një hap përpara në këtë drejtim. Ndonjëherë, nga ndonjë deklaratë e pakujdesshme e ndonjë shqiptari jemi kthyer me javë prapa.

Ndërkohë, siç e kujtojmë të gjithë, pas asaj që ndodhi me familjen Jashari, gjërat rrodhën shumë shpejt dhe u pa se UÇK-ja nuk ishte një lëvizje e pak njerëzve ekstremistë. Më vonë, sidomos pas masakrës serbe në Reçak, ishte më e lehtë t’u sqarohej të gjitha shërbimeve të interesuara, se ky zemërim i serbëve nuk vinte nga një grup i vogël njerëzish terroristë, por vinte dhe ishte një paralajmërim ogurzi për të gjithë popullin kosovar që po e përkrahte UÇK-në. Ishte koha kur të gjitha shërbimet e mëdha filluan të interesoheshin për kontakte më direkte me njerëzit e UÇK-së.


NË NUMRIN E ARDHSHËM DO TË LEXONI: A ka qenë SHIK-u një urë e vendosjes së kontakteve të përfaqësuesve të UÇK-së me shërbimet informative perëndimore? Ku ishte vendtakimi i njerëzve të UÇK-së me shërbimet informative perëndimore? Kush e përfaqësonte UÇK-në në këto takime? Si ia doli SHIK-u, që së bashku me njerëzit e UÇK-së, ta bindin perëndimin se lufta në Kosovë nuk financohej nga shtetet islamike? A ndryshoi roli i SHIK-ut gjatë zhvillimit të luftës çlirimtare në Kosovë?...
(VIJON NESËR)

[Llapi]

SUPEREKSKLUZIVE: Flet për “Epokën e re”, ish-shefi i SHIK-ut, FATOS KLOSI ( 3 )




SUPEREKSKLUZIVE: Njeriu i sekreteve zbulon sekrete - Flet për “Epokën e re”, ish-shefi i SHIK-ut, Fatos Klosi ( 3 )

SHIK-U I VURI KONTAKTET MES UÇK-SË DHE PERËNDIMIT



- Të gjitha shërbimet perëndimore kërkonin kontakte me të ngarkuarin e SHP të UÇK-së, Xhavit Halitin
- Kontaktet me shërbimet perëndimore vlejtën për të paraqitur fytyrën e vërtetë të UÇK-së
- I bindëm shërbimet perëndimore për pastërtinë e luftës së UÇK-së
- Pas dhe gjatë luftës, në Kosovë u futën jo vetëm shërbimet, por edhe diplomatë amerikanë e të tjerë, të cilët kontaktuan me UÇK-në
- Drejtuesit e UÇK-së nuk lejuan që në Kosovë të përsëritej eksperienca e Bosnjës

Përgatitën : Burim Etemaj e Musli Krasniqi



Prishtinë, 6 qershor - Në vazhdimin e tretë të intervistës për “Epokën e re”, ish-shefi i SHIK-ut, Fatos Klosi, hedh dritë mbi zhvillimet fillestare të vënies së kontakteve direkte ndërmjet përfaqësuesve të Ushtrisë Çlirimtare të Kosovës (UÇK) dhe shteteve perëndimore, konkretisht shërbimet informative të atyre shteteve, të cilat ishin të interesuara për gjendjen në Kosovë. Para së gjithash, ato ishin të interesuara për strukturën e organizimit, përbërjen dhe misionin e ushtrisë më të re në Evropë. Klosi pranon se SHIK-u në fillim ka qenë një urë lidhëse ndërmjet shërbimeve të huaja dhe përfaqësuesve të UÇK-së, përderisa ndërmjetësimi thuajse u bë i panevojshëm, pasi që shërbimet i krijuan kontaktet e veta me UÇK-në. Ish-shefi i SHIK-ut rrëfen për njerëzit e UÇK-së me të cilët u vunë kontaktet, vendtakimet, për punën e madhe të SHIK-ut dhe përfaqësuesve të UÇK-së për ta bindur perëndimin se UÇK-ja nuk financohej nga vendet islamike etj.

TË GJITHA SHËRBIMET PERËNDIMORE KËRKONIN KONTAKTE ME TË NGARKUARIN E SHP TË UÇK-SË, XHAVIT HALITIN

EPOKA E RE: Z. Klosi, a ka qenë SHIK-u urë kaluese e vendosjes së kontakteve të përfaqësuesve të UÇK-së me shërbimet informative perëndimore?

Klosi: Në fillim po, ishte normale. Në kontaktet e para duheshin sqaruar pozicionet e palëve dhe duheshin vendosur urat e besimit reciprok dhe natyrisht na takonte neve të ishim ndërmjetësit, pasi, së pari, e dëshironim që të ndodhte kjo gjë, dhe, së dyti - i njihnim të dyja palët dhe mund të ndihmonim në afrimin e tyre.

KONTAKTET ME SHËRBIMET PERËNDIMORE VLEJTËN PËR TË PARAQITUR FYTYRËN E VËRTETË TË UÇK-SË

EPOKA E RE: Kush nga UÇK-ja i filloi kontaktet me shërbimet e huaja?

Klosi: Kryesia e LPK-së dhe Shtabi i Përgjithshëm i UÇK-së kishin ngarkuar Xhavit Halitin që të merrej me këtë punë, dhe e kishin autorizuar t’i përfaqësonte ato në këto kontakte, prandaj të gjitha shërbimet filluan të kërkojnë kontakte me të. Duhet të kemi parasysh se shërbimet në të tilla kontakte i përfaqësojnë shtetet e tyre, ato janë pjesë e institucioneve të shtetit përkatës, që për nga natyra e punës së tyre dalin në kohë para Ministrisë së Jashtme apo asaj të Mbrojtjes, sidomos kur është fjala për situata të paqarta dhe të sikletshme. Fatkeqësisht, një pjesë e publikut u jep këtyre kontakteve një sens pezhorativ. Sipas nesh, këto kontakte kanë qenë të domosdoshme dhe shumë pozitive për UÇK-në. Kështu që, qysh në kontaktet e para të përbashkëta me këto shërbime, ne e dinim mirë se “po kontaktonim” me Presidentin amerikan apo francez, me Kryeministrin anglez apo italian etj. Këto kontakte me shërbimet perëndimore vlejtën për të paraqitur fytyrën e vërtetë të UÇK-së, qëllimet e saj dhe planet e saj serioze tek qeveritë perëndimore. Mund të pohoj me plot gojën: këtë mision e detyrë të ngarkuar, Xhavit Haliti e kreu me nder dhe sukses, dhe të gjithë ne së bashku ia arritëm që ta paraqesim para ndërkombëtarëve UÇK-në ashtu siç ishte në të vërtetë; një lëvizje çlirimtare e popullit të Kosovës për çlirimin përfundimtar nga pushtimi serb. Realiteti i sotëm tregon se djemtë heroikë që mbushën radhët e Ushtrisë Çlirimtare të Kosovës, udhëheqësit e drejtuesit politikë e ushtarakë të saj, të gjithë ne, kemi pasur të drejtë që vepruam kështu, e për këtë nuk mund të mos ndjejmë një krenari të ligjshme.

I BINDËM SHËRBIMET PERËNDIMORE PËR PASTËRTINË E LUFTËS SË UÇK-SË

EPOKA E RE: Me cilat shërbime e keni pasur më problem për ta treguar tamam fytyrën e vërtetë të UÇK-së?

Klosi: Nuk mund të ankohemi për ndonjë prej tyre. Të mos i harrojmë dy faktorë: së pari, ne nuk ishim i vetmi burim i informacionit për ta, pra ata e njohën të vërtetën edhe nga kanale të tjera, dhe së dyti- shërbimet e mëdha të NATO-s kanë një bashkëpunim shumë të mirë me njëri-tjetrin, duke shkëmbyer informacione dhe analiza. Gjithë kjo vorbull informacionesh dhe analizash, me siguri ka konfirmuar se para së gjithash ne kemi qenë seriozë dhe të saktë në vlerësimet e analizat tona. Edhe partnerët tanë ishin seriozë. Kështu që unë them se u gjet gjuha e përbashkët, pothuaj njëkohësisht me të gjithë.

PROBLEMET TONA ISHIN ATO QË AKOMA NUK ISHIN BËRË ZYRTARE

EPOKA E RE: Para se të lidhnit kontakte me përfaqësuesit e UÇK-së, apo edhe pas, a keni pasur kontakte me politikanët e atëhershëm të Kosovës?

Klosi: Po, kemi pasur kontakte të rralla. Më shumë për t’u njohur dhe për të shkëmbyer opinione. Kontaktet me politikanët i kemi konsideruar detyra të Qeverisë apo të partive politike, ato mund të bëheshin legale dhe s’kishin nevojë për mobilizimin tonë. Problemet tona ishin ato që akoma nuk ishin bërë zyrtare. Ndërkaq, marrëdhëniet politike Shqipëri-Kosovë të asaj periudhe, unë do t’i quaja normale, ndoshta jo shumë të mira, por kjo ishte pjesë e politikës dhe ne nuk kishim asnjë detyrë në këtë drejtim.

PAS DHE GJATË LUFTËS, NË KOSOVË U FUTËN JO VETËM SHËRBIMET, POR EDHE DIPLOMATË AMERIKANË E TË TJERË, TË CILËT KONTAKTUAN ME UÇK-NË

EPOKA E RE: Të kthehemi papë te SHIK-u. Më vonë, gjatë zhvillimit më të hovshëm të luftës çlirimtare në Kosovë, a ndryshoi roli i SHIK-ut?

Klosi: Roli i SHIK-ut në parim mbeti ai i fillimit, por siç e thashë më parë, ngjarjet rrodhën aq shpejt saqë të gjitha fazat u ndërthurën dhe zëvendësuan shpejt njëra-tjetrën. Ju e dini se më pas, gjatë luftës, në Kosovë u futën jo vetëm shërbimet, por edhe diplomatë amerikanë e të tjerë, të cilët kontaktuan me UÇK-në dhe popullin e Kosovës, dhe në njëfarë mënyre roli ynë filloi të zbehej dita-ditës. Dua të theksoj një fakt, që sipas meje është shumë i rëndësishëm dhe nuk duhet harruar: situata kosovare, sidomos përgatitja dhe zhvillimi i luftës nga UÇK-ja u menaxhuan me seriozitet dhe maturi maksimale, duke na çuar në një fakt që ndoshta është unik në dhjetëvjeçarët e fundit: është rasti i vetëm në historinë bashkëkohore, që një lëvizje çlirimtare e arrin objektivin e vet me luftë të armatosur, i cili urojmë që të plotësohet përfundimisht sa më shpejt.

DREJTUESIT E UÇK-SË NUK LEJUAN QË NË KOSOVË TË PËRSËRITEJ EKSPERIENCA E BOSNJËS

EPOKA E RE: Më herët thatë se keni luajtur rolin e ndërmjetësimit në lidhjet ndërmjet përfaqësuesve të UÇK-së dhe të shërbimeve të huaja. Ku janë mbajtur takimet e para mes këtyre palëve?

Klosi: Nuk ka ndonjë rëndësi se ku janë takuar. Më shpesh në Tiranë... por, siç thashë edhe më herët, ne shërbimet i kemi konsideruar si pjesë të shteteve përkatëse dhe jemi përpjekur që në ato shtete të shkojnë informacione sa më korrekte për luftën e drejtë që po zhvillohej në Kosovë dhe organizimin korrekt e serioz të strukturave të saj. Dhe ata u bindën mbasi i kontaktuan edhe vetë përfaqësuesit dhe udhëheqësit e UÇK-së.
Së pari, ata u bindën se nuk bëhej fjalë për organizatë apo njerëz terroristë. UÇK-ja kurrë nuk ndërmori asnjë akt terrorist jashtë ose brenda Kosovës, akt ku të goditeshin civilë serbë. Për të bërë efekt në publik, mund të kishin vepruar edhe në Beograd ose në ndonjë qytet tjetër serb, me ndonjë bombë, siç bëjnë zakonisht terroristët. Jo, kjo nuk ndodhi asnjëherë, jo se s’kishin mundësi, por se aktet terroriste nuk bënin pjesë në filozofinë e tyre të aksionit.
Së dyti, shërbimet perëndimore u bindën se lufta e UÇK-së nuk mbështetej nga paratë e drogës, siç pretendonin serbët. Ato i morën të gjitha sigurimet e nevojshme se paratë për armatimet mblidheshin nga të gjithë shqiptarët e botës.
Së treti, ne dhe UÇK-ja arritëm të hedhim poshtë akuzën serbe, se lufta në Kosovë po financohej dhe drejtohej nga organizata dhe shtete islamike. Kjo tezë u kërkua të shitej nga serbët, duke u mbështetur te fakti se pjesa më e madhe e popullsisë kosovare është e besimit mysliman. Por, të gjithë u bindën se edhe ata pak islamikë që tentuan t’i bashkohen UÇK-së, u larguan shpejt pasi nuk gjetën terrenin e përshtatshëm që prisnin. Drejtuesit dhe përfaqësuesit e UÇK-së nuk lejuan që në Kosovë të përsëritej eksperienca e Bosnjës. Prandaj, falë kësaj politike të matur, UÇK-ja arriti që për një kohë relativisht të shkurtër të fitojë mbështetjen e të gjitha fuqive të mëdha. UÇK-ja kishte synim të vërtetë çlirimin e Kosovës, e jo ndërmarrjen e akteve terroriste që bënin efekte. Ajo e filloi luftën konkrete në fillim me aksione kundër policisë serbe, e më vonë e përballoi edhe ushtrinë serbe, që ishte një ndër ushtritë më të forta jo vetëm në Ballkan, por edhe në Evropë. Këto kanë qenë parametra shumë të rëndësishëm, që i bindën të gjitha shtetet e botës se këtu kemi të bëjmë me një organizatë shumë serioze, patriotike, e cila asgjë nuk e bën për bujë, për të rënë në sy, siç ndodh shpesh e shpesh. Jo, kjo është një ndërmarrje serioze. Kjo e pati efektin e vet. Natyrisht, edhe krimet e rënda të serbëve kundër civilëve shqiptarë e bënë efektin e tyre, e bindën opinionin publik ndërkombëtar, se ushtria dhe policia serbe duheshin dëbuar nga Kosova.

NË NUMRIN E ARDHSHËM:
Kush ishte drejtuesi kryesor i SHIK- ut në Kosovë, sipas Klosit? A e ka urdhëruar ndonjëherë SHIK-u i Shqipërisë SHIK-un e Kosovës? Cili ka qenë bashkëpunimi i SHIK-ut të Shqipërisë me SHIK-un e Kosovës gjatë dhe pas luftës? A e ka penguar në fillim shteti shqiptar veprimtarinë e UÇK-së në territorin e tij? A ka pasur presion shteti shqiptar nga Perëndimi për shkak se e ka lejuar veprimtarinë e UÇK-së në territorin e saj? A vinin linjat e armatimit për UÇK-në nga Shqipëria? A ka penguar shteti shqiptar që armë të ndryshme nga vendet perëndimore të futen në Kosovë?...

(VIJON NESËR)

[Llapi]

SUPEREKSKLUZIVE: Flet për “Epokën e re”, ish-shefi i SHIK-ut, FATOS KLOSI ( 4 )



SUPEREKSKLUZIVE: Njeriu i sekreteve zbulon sekrete - Flet për “Epokën e re”, ish-shefi i SHIK-ut, Fatos Klosi (4)

KLOSI: JA SI ARMATOSEJ UÇK-ja

Në kulmin e ofensivës serbe, Pandeli Majko e la UÇK-në disa javë pothuaj pa municione



- Në Shqipëri, në ’97-tën u hapën depot e armatimit dhe njerëzit i çuan armët nëpër shtëpi. Më vonë, ata që kishin nevojë për para, i shitën ato armë. Dolën në atë kohë edhe shumë njerëz që u morën me këtë aktivitet, ata blinin nga populli armë, municione dhe pajisje ushtarake dhe ua shisnin pastaj më shtrenjtë këto njerëzve të UÇK-së, për të përfituar ekonomikisht. Shteti shqiptar nuk ka kontribuar për armatimin e UÇK-së. Shpesh janë penguar të rinj kosovarë për t‘u futur në Kosovë
- Kur ende luftëtarët e UÇK-së konsideroheshin terroristë, ka pasur kërkesa nga vendet perëndimore për të penguar transportimin e armëve
- SHIK-u i Kosovës ishte i vetmi institucion i UÇK-së me të cilin mund të bashkëpunonim, por kurrë nuk e kemi urdhëruar
- Kur e gjithë bota, shtetet më të fuqishme, e pranuan si të drejtë lëvizjen e UÇK-së, gati-gati e dhanë edhe bekimin e tyre, shteti shqiptar akoma ishte shumë i kujdesshëm, duke shfaqur një servilizëm ekstrem, të panevojshëm



Përgatitën : Burim Etemaj e Musli Krasniqi



Prishtinë, 7 qershor – Në pjesën e katërt të intervistës për “Epokën e re”, ish-shefi i Shërbimit Informativ Kombëtar ka sqaruar pjesën më kryesore dhe të ndjeshme të organizimit dhe luftës në Kosovë, sigurimin e armatimit nga Ushtria Çlirimtare e Kosovës (UÇK). Klosi akuzon shtetin shqiptar se nuk ka bërë atë që duhej të bënte për UÇK-në, madje thotë se në disa raste ka penguar kalimin e armatimit nëpër Shqipëri e edhe futjen e të rinjve në Kosovë. Sigurimi i parave, sigurimi i armatimeve, municioneve dhe pajisjeve në përgjithësi, kanë qenë zgjidhje që ka bërë vetë UÇK-ja, thotë Klosi, ndërkaq sipas tij, Shqipëria nuk ka dhuruar gjë. Ai thotë se një pjesë e armatimeve janë siguruar nga njerëzit të cilët gjatë hapjes së depove kishin marrë numër të konsiderueshëm armësh, dhe tani ato ia shisnin UÇK-së. Ndërkaq, sa i përket bashkëpunimit me Shërbimin Informativ të Kosovës (SHIK), ai thotë se gjatë luftës kanë pasur bashkëpunim, veçanërisht në identifikimin e caqeve të forcave serbe, të cilat kërkoheshin nga NATO-ja, ndërkaq pas luftës është ndërprerë bashkëpunimi me të.

NË FILLIM TË LUFTËS, SHTETI SHQIPTAR ISHTE I KUJDESSHËM

EPOKA E RE: A janë mbledhur ndonjëherë krerët më të lartë të shtetit shqiptar, përfshirë edhe Ju, për të biseduar për gjendjen në Kosovë?

Klosi: Padyshim, shumë herë. Sa herë që kanë ndodhur ngjarje të rëndësishme.

EPOKA E RE: A ju kanë kërkuar informacione për atë se çfarë po ndodhte?

Klosi: Përditë shkonin informacionet në Qeveri lidhur me ngjarjet në Kosovë.

EPOKA E RE: A e ka penguar në fillim shteti shqiptar veprimtarinë e UÇK-së në territorin e tij?

Klosi: Jo. Them se në fillim shteti shqiptar ishte i kujdesshëm, siç i takonte të ishte. Edhe shteti shqiptar kërkoi një kohë për t’u bindur se kishim të bëjmë me një gjë serioze.

KUR LUFTËTARËT E UÇK-SË KONSIDEROHESHIN TERRORISTË, KA PASUR KËRKESA PËR TË PENGUAR TRANSPORTIMIN E ARMËVE

EPOKA E RE: A ka pasur presion shteti shqiptar ndonjëherë nga Perëndimi, për shkak se e ka lejuar veprimtarinë e UÇK-së në territorin e tij?

Klosi: Unë them se në fillimet e luftës, kur akoma luftëtarët e UÇK-së konsideroheshin terroristë, ka pasur kërkesa nga vendet perëndimore për të penguar transportimin e armëve, për të ndaluar kalimin e vullnetarëve për në Kosovë etj etj. Më vonë qëndrimet u zbutën, megjithatë shërbimet e tyre mbetën të vëmendshme, sidomos për të kuptuar se nga vinin armët dhe municionet.

SHTETI SHQIPTAR NUK KA KONTRIBUAR NË ARMATIMIN E UÇK-SË

EPOKA E RE: Thuhet se linjat e armatimit për UÇK-në vinin nga Shqipëria...

Klosi: Fatkeqësisht jo. Unë do të kisha dëshirë që shteti shqiptar të kishte kontribuar diçka me armatime, municione apo pajisje. Sigurisht mund të ishte gjetur një mënyrë për të dërguar qoftë dhe një sasi simbolike pajisjesh. Për sa i takon linjave të transportit, ato, ishte e detyrueshme të kalonin nga Shqipëria, sepse nuk mund të kalonin as nga Maqedonia, as nga Mali i Zi, dhe sigurisht as nga Serbia. Por sigurimi i parave, sigurimi i armatimeve, municioneve dhe pajisjeve në përgjithësi, kanë qenë zgjidhje që ka bërë vetë UÇK-ja. Shqipëria nuk ka dhuruar gjë.

EPOKA E RE: Pse Shqipëria nuk ka bërë më shumë për UÇK-në, p.sh nuk ka dhuruar armë?

Klosi: Për këtë duhen pyetur politikanët që vendosnin në atë kohë, se pse nuk e bënë këtë punë. Edhe ato armë që janë siguruar në Shqipëri, janë siguruar duke i blerë…

EPOKA E RE: Nga shteti…?

Klosi: Jo, nga njerëzit privatë. Ju e dini se në Shqipëri, në ’97-ën u hapën depot e armatimit dhe njerëzit i çuan armët nëpër shtëpi. Më vonë ata që kishin nevojë për para, i shitën ato armë. Dolën në atë kohë edhe shumë njerëz që u morën me këtë aktivitet, ata blinin nga populli armë, municione dhe pajisje ushtarake, dhe ua shisnin pastaj më shtrenjtë këto njerëzve të UÇK-së për të përfituar ekonomikisht.

EPOKA E RE: Kush ishin ata që i mblodhën armët?

Klosi: Shqiptarë të ndryshëm që e shfrytëzuan situatën për të fituar.

EPOKA E RE: Nuk ishin këta njerëz të organizuar nga shteti?

Klosi: Natyrisht jo, ata përkundrazi gjuheshin nga shteti, kjo është e vërtetë. Shteti është munduar që këtë lloj aktiviteti ta ndërpresë, por jo gjithmonë ia ka dalë, ky është realiteti. Janë arrestuar në atë kohë shumë nga këta sekserë armatimesh. Shteti shqiptar nuk ka kontribuar për armatimin e UÇK-së, këtë e them me bindje dhe do ta them gjithmonë. Shteti shqiptar duhet të bënte më shumë. Atëherë kur e gjithë bota, shtetet më të fuqishme, e pranuan si të drejtë këtë lëvizje, gati-gati e dhanë edhe bekimin e tyre, shteti shqiptar akoma ishte shumë i kujdesshëm, duke shfaqur një servilizëm ekstrem, të panevojshëm. Duhet ta them se fatkeqësisht edhe partitë politike apo faktori politik shqiptar nuk e kapën me kohë situatën dhe nuk arritën që të ishin me një qëndrim të vetëm, unik, lidhur me luftën në Kosovë. Shpeshherë opozita e atëhershme (PD), e ka konsideruar transportin e armëve apo të municionit drejt Kosovës si trafikim për qëllime përfitimi, si mjet për përfitime personale të drejtuesve të sektorëve të veçantë të shtetit, sidomos të SHIK-ut, e plot të tjera si këto, të gjitha në dëm të luftës që bëhej në Kosovë.

KADRI VESELI KA QENË PËR MUA DREJTUESI KRYESOR I SHIK-UT NË KOSOVË

EPOKA E RE: Të ndalemi edhe njëherë te SHIK-u. A e ka urdhëruar ndonjëherë SHIK-u i Shqipërisë SHIK-un e Kosovës (Shërbimi Informativ i Kosovës)...?

Klosi: Urdhëruar? Kurrë jo! As që e kishim si koncept të urdhëruarin, aq më tepër për një organizatë që nuk ishte në kompetencat e mia. Unë jam përpjekur që me SHIK-un e Kosovës të kishim kontakte sa më të shpeshta, në mënyrë që unë të isha sa më i informuar e të dija çka të informoja Qeverinë. Shumicën e kontakteve i kam mbajtur me Xhavit Halitin, por edhe ata na kanë ndihmuar dhe ne i kemi ndihmuar...

EPOKA E RE: Kush ishin ata?

Klosi: Po, ata që janë edhe sot.

EPOKA E RE: Ju nuk përmendni emra, por këtu Kadri Veseli ka dalë se është shef i SHIK-ut...

Klosi: Kadri Veseli ka dalë në publik?

EPOKA E RE: Po.

Klosi: Mirë atëherë. Kadri Veseli ka qenë për mua drejtuesi kryesor i SHIK ut në Kosovë.

SHIK-U I KOSOVËS ISHTE I VETMI INSTITUCION I UÇK-SË ME TË CILIN MUND TË BASHKËPUNONIM

EPOKA E RE: Me herët thatë se SHIK-u i Shqipërisë nuk e ka influencuar SHIK-un e Kosovës dhe po ashtu i përmendët disa kontakte. Cili ka qenë bashkëpunimi me SHIK-un e Kosovës gjatë dhe pas luftës?

Klosi: Unë thashë nuk e kemi urdhëruar. Gjatë luftës kemi pasur bashkëpunim të vazhdueshëm, veç njësive të furnizimit, SHIK-u ka qenë i vetmi institucion i UÇK-së me të cilin mund të bashkëpunonim konkretisht. Na kërkuan aleatët që të kishin njerëz në terren për të korrigjuar bombardimet, dhe ne këta i gjetëm nëpërmjet SHIK-ut kosovar.
Pas luftës, niveli i bashkëpunimit ra ndjeshëm, duke arritur deri në ndërprerjen e pothuaj të çdo lloj kontakti. Pas luftës, i vetmi interes i SHIK-ut dhe i shtetit shqiptar ishte që institucionet në Kosovë të ishin autonome dhe vetëvepruese. Unë në Kosovë kam ardhur vetëm njëherë, me presidentin Mejdani, gjatë një vizite të tij. Ne e kemi konsideruar ngatërresë futjen tonë pas lufte në Kosovë dhe po them me përgjegjësi se përveç dashakëqijve që na kanë akuzuar për ndërhyrje në Kosovë, askush tjetër nuk mund të japë qoftë dhe një argument të vetëm për të thënë: “Ja ku është dora e SHIK-ut në Kosovë”. Ka qenë e prerë. Nga ana ime bindja ishte se Kosova tashmë e ka zgjidhur problemin e vet themelor dhe në qoftë se ne do të ndërhynim, do të gabonim. Në Kosovë ka një pushtet, që është UNMIK-u, dhe ka një forcë ushtarake, që është KFOR-i, forcat kryesore të të cilit ishin aleatët tanë gjatë luftës dhe pas saj. Ne kishim kontakte shumë të mira me shërbimet përkatëse dhe nuk kishim nevojë të futeshim në Kosovë. Shumë gjëra për Kosovën e pasluftës ne i mësuam prej tyre, sepse ato ishin prezentë në Kosovë së bashku me ushtritë e tyre.

NË KULMIN E OFENSIVËS SERBE, PANDELI MAJKO E LA UÇK-NË DISA JAVË POTHUAJ PA MUNICIONE

EPOKA E RE: Pasi shteti shqiptar nuk ka dhuruar armë për UÇK-në, a ka penguar ai që armë të ndryshme nga vendet perëndimore të futen në Kosovë?

Klosi: Armët janë blerë në të gjithë Evropën, në Shqipëri thjesht kanë kaluar si tranzit. Ne u përpoqëm që të mos i pengojmë, por shpesh jemi përplasur me policinë, sepse policia nuk kishte marrë urdhër për ta lejuar këtë transport, pastaj u përdorën metoda më të stërholluara... gjithsesi shteti shqiptar zyrtarisht nuk mund të jepte miratim publik për atë që ndodhte. Më keq akoma, në kulmin e fushatës së dytë serbe në Kosovë, kryeministri Majko jep urdhër për ndërprerjen e çdo lloj furnizimi, duke e lënë UÇK-në disa javë pothuaj pa municione. Shpesh janë penguar të rinj kosovarë për t‘u futur në Kosovë. Periudha e luftës në Kosovë, deri në fillimin e bombardimeve të NATO-s, është një periudhë për të cilën Shqipëria zyrtare dhe klasa politike e saj në përgjithësi nuk duhet të mburret. Dhe le ta lëmë me kaq këtë problem.

NË NUMRIN E ARDHSHËM:

A është takuar ndonjëherë ish-shefi i SHIK-ut, Fatos Klosi, me Ramë Marajn? Si i komenton Klosi akuzat se Xhavit Haliti, SHIK-u i Shqipërisë, dhe SHIK-u i Kosovës, janë urdhërdhënësit e vrasjeve politike në Kosovë? Kush dyshohet për vrasjen e Remzi Hoxhës? Çka thotë Klosi për gjithë historinë e luftës së FARK-ut? Për çka i ishte ankuar Bujar Bukoshi Klosit? Çfarë ndihme kishte kërkuar Bukoshi, e çka i kishte afruar Klosi? Si u bënë oficerët e FARK-ut të bezdisshëm në Shqipëri? A është e vërtetë që SHIK-iu ia ka marrë armatimin FARK-ut dhe ia ka dhënë UÇK-së?...

[Llapi]

SUPEREKSKLUZIVE: Flet për “Epokën e re”, ish-shefi i SHIK-ut, FATOS KLOSI ( 5 )


http://www.forumromanum.de/member/forum/images/17/user_264517/cms/Klosi-2.jpg

SUPEREKSKLUZIVE: Njeriu i sekreteve zbulon sekrete - Flet për “Epokën e re”, ish-shefi i SHIK-ut, Fatos Klosi (5)

KLOSI: JA E VËRTETA PËR LUFTËN E FARK-UT DHE BUKOSHIN




Jemi përpjekur disa herë t’i nxisim që të futen në Kosovë. Nuk e bënë asnjëherë seriozisht. Pati një tentativë kur u luftua në Koshare, pati një dështim komplet të një brigade që i dorëzoi armët te serbët dhe pastaj morën edhe dekorata për atë punë, e që për mua ishte skandaloze. Kjo qe e gjithë historia e luftës së FARK-ut. Kishin vite që përgatiteshin, para kishin plot, por ndonjë aktivitet serioz që të merrnin përkrahje nga ana jonë nuk e bënë kurrë. Kanë qenë nga “turistët” më të armatosur në Shqipëri



Përgatitën : Burim Etemaj e Musli Krasniqi



Prishtinë, 8 qershor - Ata ishin njerëz që kishin ardhur nga jashtë dhe pretendonin të luftonin për një çështje të drejtë, por ne e pamë që s’po luftonin gjë, çështjen e kishin vetëm në llafe. Kemi pasur probleme me ta, na kanë hapur shumë telashe... Kështu e vlerëson aktivitetin e FARK-ut në Shqipëri, ish-shefi i SHIK-ut, Fatos Klosi, në pjesën e pestë të intervistës për “Epokën e re”. Ai thotë se SHIK-u kishte shprehur gjithë gatishmërinë për të ndihmuar çdo organizëm që donte të luftonte në Kosovë, në këtë rast edhe FARK-un, por, siç thotë Klosi, ata nuk kishin gatishmëri për këtë.
“’Duam të luftojmë!’ - mirë, nëse doni të luftoni në Kosovë, jeni të përkrahur! Na thoni në ç’vend të kufirit doni të kaloni, ku t’i çojmë armët! Na thoshin: Po ende nuk ka ardhur ajo kohë!”, rrëfen ish-njeriu i parë i sekreteve në Shqipëri, sipas të cilit, erdhi një kohë që oficerët e FARK-ut u bënë të bezdisshëm në Shqipëri.

E GJITHË HISTORIA E LUFTËS SË FARK-UT...

EPOKA E RE: Z. Klosi, të kthehemi edhe njëherë në periudhën e luftës. Dihet se në Shqipëri ka qenë e pranishme edhe një forcë tjetër, e ashtuquajtur FARK. Çka dini ju për të?

Klosi: Po, dimë disa gjëra...!

EPOKA E RE: Çka për shembull?

Klosi: Ishte një forcë e cila pretendonte të ishte forca ushtarake e Qeverisë së Kosovës në mërgim. Kishte një Ministri të Mbrojtjes, një ministër, një shtab të përgjithshëm, struktura plot, të mbushura me oficerë e bodiguardë që vinin nga radhët e ushtrisë jugosllave, e që “kishin vendosur të luftonin në Kosovë”, që pretendonin, por që ne s’arritëm kurrë t’i shohim.

EPOKA E RE: S’keni pasur kontakte me ta?

Klosi: Kontakte kemi pasur vazhdimisht me ta, por asnjëherë s’na bindën se donin të luftonin seriozisht në Kosovë. Madje na kanë kritikuar shpesh se ne paskemi mbajtur një qëndrim të ndryshëm ndaj UÇK-së dhe ndaj tyre. Këtë e lidhnin me faktin se qeveria ishte socialiste, e majtë, ndërsa këta ishin...! Absolutisht jo, qëndrimi ndaj tyre nuk ka të bëjë fare me ngjyrën e ndryshme politike të Qeverisë. Unë isha i ngarkuari nga shteti shqiptar për të komunikuar me ta, sepse një luftë e mundshme në Kosovë nuk do të mbështetej legalisht nga shteti shqiptar. Nuk ishte kjo një luftë frontale, nuk ishte një luftë zyrtare midis shteteve, por ishte një luftë e një populli që nuk e duronte dot një zgjedhë. Ishte një luftë që unë e quaj luftë patriotike, luftë çlirimtare, por zyrtarisht për shtetin nuk ishte një luftë gjithaq zyrtare. Unë kam pasur disa kontakte me ta.

EPOKA E RE: Me kënd?

Klosi: Me të gjithë.

EPOKA E RE: Për shembull, ndonjë emër konkret?

Klosi: Me Ministrin e Mbrojtjes, me shefin e shtabit të tyre etj...

ERDHI NJË KOHË QË OFICERËT E FARK-UT NA U BËNË TË BEZDISSHËM NË SHQIPËRI

EPOKA E RE: Po me Bujar Bukoshin a jeni takuar ndonjëherë?

Klosi: Me Bukoshin kam kontaktuar disa herë. Ka ardhur në zyrë, më është ankuar, ka kërkuar ndihmë... I kam thënë po, jam i gatshëm. I kam thënë se nuk kam marrë kurrfarë udhëzimi nga qeveria, por e quaj të domosdoshme të përkrah çdo tentativë për çlirimin e Kosovës, e quaj detyrë timen dhe do t’i përkrah të gjithë ata që duan të luftojnë.
“Duam të luftojmë!” - mirë, nëse doni të luftoni në Kosovë, jeni të përkrahur! Na thoni në ç’vend të kufirit doni të kaloni, ku t’i çojmë armët?! Na thoshin: Po ende nuk ka ardhur ajo kohë! Po mirë, kur të vijë atëherë. Unë kam plotësisht bindjen, e kam thënë edhe atëherë, e them prapë, se nuk kanë qenë absolutisht konsideratat politike, konsideratat e vetme kanë qenë do të luftohet apo jo! Erdhi një kohë që oficerët e FARK-ut na u bënë të bezdisshëm në Shqipëri. Nuk ishte normale, ndërsa ne përpiqeshim fshehurazi të ndihmonim luftën në Kosovë, sepse në Shqipëri kishte gazetarë, diplomatë dhe përfaqësues të shërbimeve të të gjithë botës, e kishim shumë të vështirë t’i fshihnim oficerët e Bukoshit para tyre. Qarkullonin me uniforma nëpër Tiranë, mbanin edhe stemat e UÇK-së. Ne e dinim se ata s’kishin asgjë të përbashkët me UÇK-në, ajo stemë ishte e tjetërkujt. Ata e mbanin stemën e UÇK-së sepse morën vesh që UÇK-ja po bënte emër... Ata kishin ambasadë të tyren në Shqipëri, kishin zyrat, kampe për stërvitje etj., dhe më shumë na krijuan shqetësime se sa kishim nevojë për ta. Kishin kampet ku stërviteshin në tre-katër vende të Shqipërisë, por s’kishin ushtarë. Nuk e di kush stërvitej, por ushtarët numëroheshin me kokrra. Ndërkohë, shumica ishin oficerë dhe oficerët vinin për atë rrogë të madhe që merrnin, sepse merrnin goxha rrogë. Unë uroj ta kem gabim që vetëm për rrogën, por rroga ishte faktor kryesor aty, ndërkohë që e dinim që djemtë që po luftonin në Kosovë nuk kishin lidhje me asnjëfarë rroge. Të them të drejtën, jemi përpjekur disa herë t’i nxisim që të futen në Kosovë. Nuk e bënë asnjëherë seriozisht. Pati një tentativë kur u luftua në Koshare, pati një dështim komplet të një brigade që i dorëzoi armët te serbët dhe pastaj morën edhe dekorata për atë punë, e që për mua ishte skandaloze. Kjo qe e gjithë historia e luftës së FARK-ut. Kishin vite që përgatiteshin, para kishin plot, por ndonjë aktivitet serioz që të merrnin përkrahje nga ana jonë nuk e bënë kurrë. Kanë qenë nga “turistët” më të armatosur në Shqipëri. Ata mund të thonë ç’të duan, por neve na kanë krijuar shqetësime. Nuk ishte normale për askënd, as për Qeverinë shqiptare e as për këdo që i shihte ata në Shqipëri që aq hapur gjoja stërviteshin.

FARK-U KA BREDHUR NËPËR SHQIPËRI, DUKE NA HAPUR SHUMË TELASHE... ATA KISHIN VETËM LLAFE

EPOKA E RE: Ka pasur thashetheme se SHIK-iu ia ka marrë armatimin FARK-ut dhe ia ka dhënë UÇK-së. A është e vërtetë kjo?

Klosi: Kurrë. Absolutisht asnjëherë, absolutisht asnjëherë! Ne e kuptonim që ishte e pakëndshme t’i kërkonim policisë shqiptare të merrte masa ndaj tyre, të mos i linte ata të shëtitshin me uniforma nëpër Tiranë, të mos i linte të stërviteshin aq hapur, qoftë në Mamurras, qoftë në Kavajë etj. Më shumë iu jemi lutur, “mosni, mosni se na krijoni probleme”, sesa i kemi detyruar për t’i zbatuar ato rregulla që i ka çdo shtet. Ata ishin njerëz që kishin ardhur nga jashtë dhe pretendonin të luftonin për një çështje të drejtë, por ne e pamë që s’po luftonin gjë, çështjen e kishin vetëm në llafe. Kemi pasur probleme me ta, na kanë hapur shumë telashe...

REMZI HOXHA GJATË TORTURAVE I KA MBETUR NË DORË SHIK-UT TË GAZIDEDËS

EPOKA E RE: Mediat kanë shkruar se Remzi Hoxhën e ka vrarë SHIK-u i Shqipërisë në kohën e Bashkim Gazidedës. Keni informata për këtë vrasje?

Klosi: Ka informata, i kemi çuar në Prokurori të gjitha informatat që i kemi pasur, u dënuan dy nënoficerë për këtë çështje, por për urdhëruesit nuk u arrit të bëhej gjë. Ne nuk arritëm ta gjejmë varrin e Remzi Hoxhës, megjithëse gërmuam mjaft në zonën që na e treguan si zonë të mundshme të varrimit. Për ne gjithë pjesa tjetër është shumë e qartë. SHIK-u i Gazidedës e ka marrë, e ka pyetur, ka tentuar t’ia nxjerrë me zor pohimin se ishte agjent i serbëve dhe gjatë torturave u ka mbetur në dorë... dhe e kanë varrosur. Të gjithë njerëzit që kanë qenë të implikuar në këtë ngjarje, janë ndihmuar nga Shërbimi për të ikur në Angli.

AS QË DUHET ÇUAR NËPËR MEND QË SHIK-U I SHQIPËRISË QËNDRON PRAPA VRASJEVE NË KOSOVË - KËTO JANË AKUZA FALSE

EPOKA E RE: Kur jemi te shërbimet e Kosovës, z. Klosi, a jeni takuar ndonjëherë me Ramë Marajn, i cili njihet si njeri i shërbimeve në Kosovë?

Klosi: Jo, jo. Dhe as që kam dëgjuar ndonjëherë për të.

EPOKA E RE: SHIK-u i Shqipërisë, SHIK-u i Kosovës dhe Xhavit Haliti, janë akuzuar nga një pjesë e mediave se janë urdhërdhënësit e vrasjeve politike në Kosovë...

Klosi: Sipas opinionit tim, pas luftës qeveria shqiptare ka qenë shumë pak aktive në atë çka po ndodh në Kosovë. Ajo nuk ka mundur të krijojë kurrë një ide të qartë se cilat duhet të jenë detyrat e qeverisë shqiptare në lidhje me Kosovën. Natyrisht, ne ishim shtet në vete, që nuk duhej zyrtarisht të ngatërroheshim, pasi në Kosovë ishte vendosur një autoritet ndërkombëtar. Megjithatë, unë gjithmonë kam menduar se pozita e Shqipërisë lidhur me Kosovën është shumë e veçantë dhe ne nuk duhet të ishim kurrë të painteresuar se çka po ndodhte atje. Ndërkohë, qeveria shqiptare, gjithmonë me një servilizëm karakteristik ndaj të mëdhenjve, ka qenë jashtëzakonisht e kujdesshme se mos ndonjë lëvizje e pamatur ose e keqkuptuar e saj mund të komentohej si ndërhyrje në Kosovë, në cenim të planeve dhe interesave të të mëdhenjve. Pra, edhe për këtë arsye, të gjitha akuzat që bëhen janë false, janë akuza absolutisht false. Neve na ka ardhur vërtetë keq, e kemi quajtur një defekt të politikës kosovare, të të gjithë atyre që në njëfarë mënyre mund të kontribuonin në politikën kosovare, që ato që ndodhën, të mos ndodhnin. Që ka pasur vrasje dhe ngjarje të pakëndshme, që në njëfarë mënyre dëmtonin vlerësimin ndërkombëtar lidhur me aftësitë e kosovarëve për vetëqeverisjen e Kosovës, kjo gjithmonë na ka krijuar shqetësim dhe keqardhje, dhe as duhet çuar nëpër mend që të ketë pasur ndonjë udhëzim të Qeverisë shqiptare ose timin për strukturat e SHIK-ut, për të influencuar qoftë edhe pak në jetën kosovare në përgjithësi, e jo pastaj për të influencuar nëpërmjet vrasjeve apo aktiviteteve tjera joligjore. Është absurde ta mendosh, janë vetëm justifikime të paarsyeshme të atyre që i kanë bërë këto vepra ose pohime të analistëve mjeranë, të cilët me shpresë për ta larguar interesin e drejtësisë ndaj tyre, thonë le t’ia veshim SHIK-ut, se ndoshta është më e besueshme. Histori të tilla kanë mbetur vetëm nëpër filma. Shërbimi ynë nuk ka për të dalë kurrë nëpër filma të tillë. Pse duhet të urdhëroja unë veprime të tilla? Pas ndryshimit të ligjit që ka ndodhur në vitin 1998, SHIK-u nuk ka asnjë detyrim ekzekutiv, ai ka vetëm detyrën e informimit dhe do të ishte gabim nga unë futja në siklete të panevojshme, në qoftë se unë do të bëja qoftë edhe shumë pak nga ato që akuzohem. Kur më kanë pyetur në Shqipëri lidhur me akuza të tilla, kam thënë: Pse të kem bërë gjëra të tilla? Në emër të kujt? Më quani budalla, që unë kam dëshirë të futem në telashe, që mos sot, nesër, pasnesër, pas dhjetë vitesh mund të zbardhet e vërteta dhe të dalë që Fatos Klosi i ka bërë këto punë. As kërkush nuk më ka dhënë përgjigje bindëse për këtë pyetje. Zakonisht Berisha akuzonte Nanon si urdhërues paranojak i këtyre veprave, më vonë, në periudhën e idilit të tyre, në gjysmën e dytë të viti 2002, akuzuan së bashku Meidanin si urdhërues i tyre, me akuzën se kështu do të përjetësonte të qenit president?!…

NË NUMRIN E ARDHSHËM:
A është e vërtetë që UÇK-ja nuk ka qenë e gatshme t’i pranojë oficerët e FARK-ut, të cilët kanë dashur të vijnë dhe të luftojnë në Kosovë? A ka ndërmjetësuar SHIK-u që Xhavit Haliti dhe Bujar Bukoshi të ulën bashkë e të bisedojnë për luftën? A e ka penguar UÇK-ja FARK-un për t‘u futur në Kosovë? Cila është e vërteta e rrethimit të Bujar Bukoshit në vitin 1999, në një rast gjatë rrugës për në Kukës? A kishte përgatitur dikush atentat kundër Bukoshit? Kush nga UÇK-ja kishte kërkuar helikopter për ta shpëtuar Bukoshin? A e ka çarmatosur SHIK-u Ahmet Krasniqin, ish-ministër i Mbrojtjes në Qeverinë e Bukoshit, para se të vritej? A është e vërtetë që SHIK-u ka pasur objektiv vrasjen e Ahmet Krasniqit?...

[Brari]

mos e vet se kallxon vet..

[DardanG]

E po kështu është kur bisedohet vetëm me njërin deshmitarë dhe me ato "dëshmi" të tija duan t´i fshijnë gjurmët e gjakut të derdhur të Ahmet Krasniqit dhe shumë të tjerëve, gjurmë që as "ujërat e deteve nuk i lajnë"! Të paktën sikur t´i brente ndërgjegjja! Apo pikërisht për shkak se" i bren ndërgjegjja" duan t´i fshehin gjurmët e krimit?!. Kushedi, ndoshta ata që u vranë nga dora "shqiptare", ne të "vërtetë" ata as që i vrau "kush", por ata e "vranë vetën", ose u vranë "njëri me tjetrin", sic ndodhi, sipas serbëve" me boshnjakët në Bosnje!
Sidoqë të jetë, dy betejat më të lavdishme kundër serbit në Kosovë ishin ajo e Kosharës dhe ajo Loxhës dhe ato dihet kush i bëri. Dhe lë të cojnë pluhur e mjegull sa të duan për të fshehur gjurmët e të vërtetës!

[Llapi]

Dardan po qka po pritni burr pasi qe ju i dini vrasesit si ne Shqiperi ashtu edhe ne Kosove jan ne pushtet sala qe ter kohen rrugve te tiranes sa ishte opozit pallte se i dim vrasesit e tani se burgos asnji gjithashtu edhe ne Kosove ldk-ucat nuk lenin vrasje pa ja lan krahut kundershtar politik tni qe vet qeverisin vet e kan gjygjin e policin dhe ministrin e mbrendshem nuk bejn za pasi qe dihet se vet pisat i kan ba do tu vie koha ketyre perqarsve ketyre vrasve ketyre kriminelve ketyre genjeshtarve qe nji dit vet do te futen ne biruc.

[DardanG]

Koha a do të vijë?! Eshtë dashur të vinte deri më tash, por... Unë nuk dijë kush i vrau, por e dijë kush i shante për të gjallë e kush i shan për të vdekur! Sigurisht këta janë dorasit! Besoj se pajtohesh me këtë edhe t´i "Llapi"! Ai që i shau pët të gjallë të tyre, i vrau, ai që i shan për të vdekur të tyre, nuk u pendua! Ndoshta vecse përpiqet të humbë gjurmë!

[Llapi]

SUPEREKSKLUZIVE: Flet për “Epokën e re”, ish-shefi i SHIK-ut, FATOS KLOSI ( 6 )




SUPEREKSKLUZIVE: Njeriu i sekreteve zbulon sekrete - Flet për “Epokën e re”, ish-shefi i SHIK-ut, Fatos Klosi (6)



KLOSI: JA E VËRTETA PËR “ÇARMATOSJEN” E AHMET KRASNIQIT
NXJERRJA E BUJAR BUKOSHIT NGA “RRETHIMI”

- Ata që ishin rrotull FARK-ut nuk kishin ardhur për të luftuar
- Xhavit Haliti dhe Bujar Bukoshi në disa raste kanë pasur kontakte e ndonjëherë e kanë ndihmuar njëri-tjetrin
- UÇK-ja vazhdimisht i ka bërë thirrje FARK-ut për bashkëpunim
- As UÇK-ja, as Xhavit Haliti, e as Qeveria shqiptare nuk kishte mundësi ta ndalonte FARK-un për të hyrë në Kosovë
- FARK-u kërkonte të futej në Kosovë me emrin dhe me emblema të UÇK-së, por që të ishin formacione në vete



Përgatitën : Burim Etemaj e Musli Krasniqi



Prishtinë, 9 qershor - Pjesa e gjashtë e intervistës me Fatos Klosin vijon me aktivitetin e FARK-ut në Shqipëri, të bërat dhe të pabërat e tij, kontaktet ndërmjet përfaqësuesve të UÇK-së dhe Qeverisë në ekzil, për “rrethimin” e Bujar Bukoshit në Kukës dhe kontrollin e shtëpisë së Ahmet Krasniqit nga policia shqiptare. “Unë e di se Xhavit Haliti dhe Bujar Bukoshi në disa raste kanë pasur kontakte e ndonjëherë e kanë ndihmuar njëri-tjetrin, por kjo nuk zgjati shumë”, thotë ish-shefi i SHIK-ut.

ATA QË ISHIN RROTULL FARK-ut NUK KISHIN ARDHUR PËR TË LUFTUAR

EPOKA E RE: Sipas jush, z. Klosi, a është e vërtetë që UÇK-ja nuk ka qenë e gatshme t’i pranojë oficerët e FARK-ut, të cilët kanë dashur të vijnë dhe të luftojnë në Kosovë?

Klosi: S’e kam dëgjuar ndonjëherë këtë, madje përkundrazi. Kur kemi diskutuar me përfaqësuesit e UÇK-së që ne njihnim, një nga problemet kryesore të tyre ishte mungesa e kualifikimit të drejtuesve. Kur vinin për të luftuar ata janë mirëpritur dhe ne iu kemi krijuar mundësi të kalimit “rrufe”, sa të mbërrinin në Shqipëri, të përfundonin në Kosovë, brenda ditës mundësisht. Ndërkaq, ata që ishin rrotull FARK-ut nuk kishin ardhur për të luftuar. Unë e shikoja si jetonin në Tiranë. Jetonin relativisht mirë, me rroga të mira, gjë që nuk mund ta bënin asnjëherë në Kosovë. Ndonjëherë edhe nga mosha e tyre... nuk ishin ata në gjendje të luftonin. Të luftohej me ushtrinë serbe duhej një trimëri shumë e madhe, të cilën e patën vetëm ata të cilët e bënë këtë punë vetëm nga bindja dhe botëkuptimi i tyre, dhe jo nga fakti se e bënin për një rrogë. E quanin veten “oficerë të ushtrisë”. S’është ajo që ta jep guximin për të luftuar, guximin për luftë ta jep bindja që ke se dikush duhet ta bëjë, ndryshe kjo punë s’bëhet.

EPOKA E RE: Nga ana tjetër, shpeshherë UÇK-ja, konkretisht Xhavit Haliti, është akuzuar që nuk ka treguar gatishmëri për të bashkëpunuar me qeverinë e Bukoshit. Dini ju diçka...?

Klosi: Përkundrazi, ai ka kërkuar edhe ndihmën tonë që ky bashkëpunim të realizohet, por gjithmonë në funksion të luftës në Kosovë dhe jo të hallakatjeve në Shqipëri.

XHAVIT HALITI DHE BUJAR BUKOSHI NË DISA RASTE KANË PASUR KONTAKTE

EPOKA E RE: Dhe a ndodhi ky bashkëpunim?

Klosi: Unë e di se Xhavit Haliti dhe Bujar Bukoshi në disa raste kanë pasur kontakte, e ndonjëherë e kanë ndihmuar njëri-tjetrin, por kjo nuk zgjati shumë.

EPOKA E RE: Po nëpërmjet SHIK-ut a ka ndodhur që ndonjëherë të ulen bashkë Haliti dhe Bukoshi dhe të bisedojnë për luftën?

Klosi: Po, i kemi ulur në një tavolinë të gjithë bashkë, ku kanë qenë përfaqësues të rëndësishëm të UÇK-së dhe përfaqësues të rëndësishëm të FARK-ut. Synimet e këtyre takimeve, sepse nuk ka qenë vetëm një, kanë qenë: “Jemi dakord të luftojmë? Kënd kemi armik? Dakord të luftojmë? Kënd kemi armik? Kemi Serbinë!”. Por, fatkeqësisht FARK-u ka bredhur nëpër Shqipëri dhe nuk ka shkuar në Kosovë, kjo është e vërteta të cilën ata nuk mund të mohojnë. Pas çlirimit të Kosovës ka pasur shumë me uniforma e stema të UÇK-së, i kam parë vetë, por jo të gjithë kanë qenë të UÇK-së që luftoi.

UÇK-JA VAZHDIMISHT I KA BËRË THIRRJE FARK-UT PËR BASHKËPUNIM

EPOKA E RE: Këto takime janë zhvilluar gjatë vitit ’98...?

Klosi: Gjatë vitit ’98 e më mbrapa, deri në përfundim të luftës. UÇK-ja vazhdimisht i ka bërë thirrje FARK-ut për bashkëpunim.

EPOKA E RE: Në këto takime kush e përfaqësonte UÇK-në e kush FARK-un?

Klosi: Fillimisht janë takuar Xhavit Haliti dhe Ahmet Krasniqi, pastaj më vonë unë, ministri i Punëve të Brendshme i Shqipërisë, ministri i Mbrojtjes i Shqipërisë, përfaqësuesi i Kryeministrit, Xhavit Haliti, Azem Syla, Halil Bicaj (i ngarkuar me detyrën e ministrit të Mbrojtjes së Qeverisë së Kosovës), dhe Agim Mehmetaj. Në zyrën e ministrit të Brendshëm të Shqipërisë është diskutuar dhe është kërkuar vetëm kjo gjë: Bashkim dhe luftë në Kosovë.

EPOKA E RE: Është arritur ndonjë pajtim në këto takime?

Klosi: Llafe të mira janë thënë, por pa asnjë rezultat.

AS UÇK-JA, AS XHAVIT HALITI, E AS QEVERIA SHQIPTARE NUK KISHTE MUNDËSI TA NDALONTE FARK-UN PËR TË HYRË NË KOSOVË

EPOKA E RE: A e ka penguar UÇK-ja FARK-un që të mos futet në Kosovë për të luftuar?

Klosi: As UÇK-ja, as Xhavit Haliti, e as Qeveria shqiptare nuk kishte mundësi ta ndalonte FARK-un për të hyrë në Kosovë. Arsyetimet e FARK-ut kanë qenë se “ne do të hymë në Kosovë, por si do të hymë, si ushtarë?”- kjo nuk u pëlqente. Mbaj mend që disave u ishte premtuar që të ishin edhe në poste drejtuese të UÇK-së, por për shumicën ishte menduar që të provoheshin për pak kohë në luftë dhe pastaj të merrnin poste drejtuesish. Më kujtohet se janë bërë edhe marrëveshje konkrete se kush edhe si mund të futeshin në Kosovë, por prapëseprapë ata refuzonin.

EPOKA E RE: Për çfarë marrëveshje konkrete e keni fjalën, ju kujtohet?

Klosi: Po, më kujtohet. Njerëzit e UÇK-së pyesnin: keni oficerë? - Po, thoshin FARK-u. Mirë, na duhen, çoni në këtë brigadë, thoshin njerëzit e UÇK-së.

FARK-U KËRKONTE TË FUTEJ NË KOSOVË ME EMRIN DHE ME EMBLEMA TË UÇK-SË, POR QË TË ISHIN FORMACIONE NË VETE

EPOKA E RE: E FARK-u çka kërkonte nga ju?

Klosi: Ata kërkonin që kur të vinte koha e përshtatshme sipas tyre, të futeshin në Kosovë, dhe ata kohën e përshtatshme e gjetën pasi u bombarduan serbët nga NATO dhe u tërhoqën nga lufta. Ata po ashtu kërkonin që të futeshin në Kosovë me emrin e UÇK-së, me emblema të UÇK-së, por që të ishin formacione në vete, të mos vareshin nga Shtabi i Përgjithshëm i UÇK-së, gjë që ishte e paarsyeshme, qoftë për arsye të mirëdrejtimit të luftës dhe qoftë për hatër të eksperiencave të hidhura që kishim jetuar në kësi rastesh. Sipas meje, këto kërkesa apo pretendime i bënin sa për t’u justifikuar për të mos u futur në Kosovë për të luftuar.

NXJERRJA E BUJAR BUKOSHIT NGA “RRETHIMI”

EPOKA E RE: Zoti Klosi, ka akuza dhe opinione që flasin se në vitin ’99, në një rast gjatë rrugës për në Kukës, ndaj Bujar Bukoshit SHIK-u ka përgatitur atentat, e në anën tjetër thuhet se ju keni kërkuar nga Xhavit Haliti që Bukoshit të mos i ndodhë diçka, dhe që Haliti në atë rast ka kërkuar helikopter për Bukoshin. Cila është e vërteta?

Klosi: U njoftuam nga ekipi i Kryeministrit Pandeli Majko që kishte marrë lajmin se ish-Kryeministri i Kosovës, Bujar Bukoshi, është rrethuar dikund në ato rrugët e Kukësit dhe duhej nxjerrë nga rrethimi, sepse do të ishte turp i madh për Shqipërinë në qoftë se do t’i ndodhte diçka e keqe.

EPOKA E RE: E kush e kishte rrethuar Bukoshin?

Klosi: S’ishte rrethuar fare, ishte një imagjinatë e Bukoshit, i cili e çoi këtë lajm në Tiranë.

EPOKA E RE: Dhe pastaj si ndodhi që e “shpëtuat” Bukoshin?

Klosi: Sapo erdhi ky lajm, e thirrëm Xhavit Halitin që të na ndihmojë me njerëzit e vet, që i kishte me shumicë në ato zona ku ishte Bukoshi, dhe ramë dakord që me helikopter të shkojmë e ta nxjerrim nga ai “rrethim” Bukoshin.
Më këtë rast, dua të kujtoj edhe diçka. Pas 14 shtatorit ’98…, nëpërmjet dikujt që ishte në diasporë, Bujari çon fjalë: “nëse vij në Shqipëri dhe takoj kryeministrin shqiptar, a është jeta ime e sigurt?”, dhe pasi ka marrë sigurinë se mund të vinte sa herë të donte në Shqipëri, se nuk do ta gjente asgjë, ai erdhi dhe ka takuar Kryeministrin e Shqipërisë. Edhe nëse do të ishte ndonjë i çmendur që do të bënte diçka kundër tij, ai i çmendur nuk do të ishte as SHIK-u, as UÇK-ja, e as Qeveria Shqiptare. E vërteta kjo është.

EPOKA E RE: Na mbetët borxh për të na treguar si rrodhi puna e helikopterit.

Klosi: Në atë kohë rrugët ishin në një gjendje shumë të keqe dhe ne donim ta kishim Bukoshin sa më shpejt në Tiranë.

E VËRTETA PËR “ÇARMATOSJEN” E AHMET KRASNIQIT

EPOKA E RE: Nga mediat jeni akuzuar se Ju dhe SHIK-u keni çarmatosur Ahmet Krasniqin, ish-ministër i Mbrojtjes në Qeverinë e Bukoshit, para se të vritej. A është e vërtetë që SHIK-u ka pasur objektiv vrasjen e Ahmet Krasniqit?

Klosi: Natyrisht, askush kësaj pyetjeje nuk do t’i përgjigjej “po”. Por, unë po them jo, jo pse kështu është më mirë, por se kështu është e vërteta, i sigurt se asnjëherë nuk do të ketë kurrfarë argumenti që do të dalë kundër kësaj përgjigjeje. Jam i bindur se s’kemi të bëjmë fare me këtë ngjarje. Ç’është e vërteta, ka ndodhur një rast dy ditë para vrasjes, kur policia shqiptare ka kontrolluar shtëpinë ku ishte me qira Ahmet Krasniqi. Unë kam pyetur atëherë në polici, dhe më siguruan se kontrolli nuk ishte bërë me kërkesën e ndonjërit nga SHIK-u. Në të gjitha shtëpitë e kosovarëve kishte armatim, dhe policia e dinte që ata po përpiqeshin të blinin armatim edhe të sofistikuar nga magazinierët e ushtrisë shqiptare. Edhe ka ndodhur, u kapën raketa, u kapën plot gjëra që ishin vjedhur në atë kohë nga magazinat e ushtrisë shqiptare. Dhe për këtë arsye bëheshin kontrolle rutinë në të gjitha shtëpitë që mendohej se gjendej armatim i sofistikuar. Kjo është lidhja që bëhet, asnjë çarmatosje s’ka ndodhur. Ai i kishte bodiguardët e vet..., e vetmja gjë që ka ndodhur ka qenë një kontroll rutinë që është bërë nga policia shqiptare. Shërbimi Informativ kurrë s’ka pasur kompetenca për të bërë veprime të tilla.

EPOKA E RE: Pra, sipas jush, SHIK-u nuk ka pasur kompetenca të futet dhe të bëjë kontrolle...?

Klosi: Nuk ka pasur asnjëherë. As nuk ka pasur dhe as kemi bërë ndonjëherë kontrolle të tilla. Të vetmet raste të kësaj natyre, kur kemi pasur të bëjmë me terrorizmin islamik, por jo me kosovarët, kurrë, i kemi kërkuar policisë që për interesat tona të bëjë një kontroll, policia e ka bërë dhe rezultatet pastaj i kemi marrë ne, për të vazhduar punën tonë. Por, për këtë rast absolutisht nuk ka ndodhur kjo gjë, dhe asnjëherë tjetër.

NË NUMRIN E ARDHSHËM:
A ka pasur informacione SHIK-u se kush e ka vrarë Ahmet Krasniqin? Cila është e vërteta e vrasjes së gazetarit Ali Ukaj? Cili është versioni i SHIK-ut, për vrasjen e Ilir Konushevcit? Kur dhe pse filluan ftohjet mes Fatos Nanos e Fatos Klosit? Kur doli në shesh ambicia e Nanos për t’u bërë president i vendit? A e ka përgjuar SHIK-u Nanon, madje edhe jetën private të tij, siç është përfolur në media? Si erdhi deri te shkarkimi i Fatos Klosit nga detyra e shefit të SHIK-ut?

[Llapi]

SUPEREKSKLUZIVE: Flet për “Epokën e re”, ish-shefi i SHIK-ut, FATOS KLOSI ( 7 )




SUPEREKSKLUZIVE: Njeriu i sekreteve zbulon sekrete - Flet për “Epokën e re”, ish-shefi i SHIK-ut, Fatos Klosi (7)



Klosi: Versioni më bindës i SHIK-ut për vrasjen e Ilir Konushevcit
Kemi dy pista të mundshme të vrasjes së Ahmet Krasniqit

- Një pistë kishte të bënte me sasinë e madhe të parave që qarkullonin në Ministrinë e Mbrojtjes, me çmimet shumë të larta që paguanin për blerjen e armatimit të FARK-ut dhe kazermimin e oficerëve etj. etj., dhe një pistë tjetër ishte ajo e lidhur me atë dorëzim fare të palezetshëm që bëri ajo brigadë kosovare, me gjithë armatimin e saj tek ushtria serbe, dorëzim i cili edhe brenda FARK-ut krijoi një situatë jo fort të këndshme
- Ftohja e tretë mes meje dhe Nanos: Ai kishte ambicie për t’u bërë president i Shqipërisë - unë nuk e mbështesja


Përgatitën : Burim Etemaj e Musli Krasniqi



Prishtinë, 11 qershor - Në dy versione ka arritur ta sjellë vrasjen e ish-ministrit të Mbrojtjes në Qeverinë e Bujar Bukoshit, Shërbimi Informativ Kombëtar. Sipas ish-shefit të tij, Fatos Klosit, një pistë kishte të bënte me sasinë e madhe të parave që qarkullonin në Ministrinë e Mbrojtjes, dhe tjetra ishte ajo e lidhur me dorëzimin e një brigade të FARK-ut përballë forcave serbe në Kosovë disa ditë para se të vritej ministri, dorëzim i cili, sipas Klosit “edhe brenda FARK-ut krijoi një situatë jo fort të këndshme”. I akuzuar për vrasjen e gazetarit Ali Ukaj, Klosi thotë se Ukaj është vrarë shumë kohë para se ai të vihej në krye të SHIK-ut dhe kur SHIK-un e udhëhiqte tjetërkush. Ndërkaq, për vrasjen e Ilir Konushevcit ai thotë që versioni më i pranuar për SHIK-un është vrasja e tij nga kriminelë, sekserë armësh, për t’ia marrë ato armë që Iliri bartte me vete për në Kosovë dhe rishitjen e tyre. Në pjesën e shtatë të intervistës, njeriu i parë i sekreteve në Shqipëri flet edhe për prishjen e tij me Fatos Nanon.

DY PISTAT E MUNDSHME TË VRASJES SË AHMET KRASNIQIT

EPOKA E RE: A ka pasur informacione SHIK-u se kush e ka vrarë Ahmet Krasniqin?

Klosi: Shiko, nuk është marrë SHIK-u me hetimin e këtij problemi. Me ligj i takon Prokurorisë, nuk është detyrë e SHIK-ut, megjithatë ne kemi qenë të interesuar, sepse për çdo gjë jonormale që ndodhte në Shqipëri, ishim të detyruar të jepnim informacione. Mirëpo, me sa di unë, nga Prokuroria asnjëherë nuk u arrit që të kapej qoftë edhe një provë materiale, sado e vogël, përveç pistoletës e cila ishte hedhur, diku pranë vendit të ngjarjes. Të gjitha informacionet që kemi bërë ne për këtë problem kanë qenë të mbështetura vetëm në analiza për arsyet e mundshme të kësaj vrasjeje, por pa arritur në përfundimin se kush mund ta ketë bërë. Në mungesë të fakteve konkrete jemi munduar të analizojmë të gjitha konfliktet që kishte ai si person, të gjitha konfliktet rrotull tij, e kështu me radhë. Ne kemi gjykuar që dy pista mund të ishin të mundshme. Një pistë kishte të bënte me sasinë e madhe të parave që qarkullonin në Ministrinë e Mbrojtjes, me çmimet shumë të larta që paguanin për blerjen e armatimit të FARK-ut dhe kazermimin e oficerëve etj. etj., dhe një pistë tjetër ishte ajo e lidhur me atë dorëzim fare të palezetshëm që bëri ajo brigadë kosovare, me gjithë armatimin e saj tek ushtria serbe, dorëzim i cili edhe brenda FARK-ut krijoi një situatë jo fort të këndshme, meqenëse ishte rasti i parë që FARK-u po provohej në luftë, dhe në atë rast të parë, ai formacion dështoi. Dhe jo të gjithë ishin dakord me këtë, pavarësisht se të gjithë ishin oficerë të FARK-ut. Pati pas kësaj edhe një gjest fare të palezetshëm, do ta quaja, u dekorua komandanti i asaj brigade të dorëzuar, veprim që ishte absolutisht i papranueshëm në ato kushte... u dorëzuan armët dhe dekorohesh...! Ne në konkluzionet tona këto dy pista i quajmë që kanë lidhje me të, asgjë tjetër s’kemi mundur të gjejmë.

EPOKA E RE: Pra, e keni fjalën për brigadën e Tahir Zemajt dhe dekorimin e tij?

Klosi: Po, për dekorimin e Tahir Zemajt pas dezertimit të brigadës.

EPOKA E RE: Në verën e ’98-ës...

Klosi: Po pra, disa ditë para se të vritej Ministri. Këto kanë qenë opinione, analiza që ne kemi bërë.

GAZETARI ALI UKAJ ËSHTË VRARË SHUMË KOHË PARA SE TË VIJA UNË NË KRYE TË SHIK-UT

EPOKA E RE: Do të flasim edhe për një vrasje tjetër. Në vitin 1997, gjatë ngjarjeve atje, është vrarë gazetari Ali Ukaj. Ju dhe SHIK-u akuzoheni për vrasjen e tij. Keni qenë Ju në atë kohë shef i SHIK-ut?

Klosi: Unë e kam marrë detyrën në fund të gushtit të 1997-ës, dhe nuk kam të bëj fare me atë ngjarje. Dihet kur ka ndodhur ajo vrasje, janë bërë diskutime të mëdha.

EPOKA E RE: Pra, ju s’keni qenë shef i SHIK-ut kur është vrarë Ali Ukaj?

Klosi: Jo, jo.

EPOKA E RE: Kush ka qenë në atë kohë?

Klosi: Ka qenë ajo faza ndërmjetëse. Gazidede ka ikur në fund të prillit... Nuk e di datën e saktë kur është vrarë ai, e di që shumë kohë para se të vija unë në shërbim sigurisht, dhe ishte një periudhë kur në krye të SHIK-ut janë ndërruar dy shefa, në fillim ishte Astrit Kodra e më pas Arben Karkini. Unë e kam marrë shërbimin më 22 gusht të ’97-ës dhe dua t’iu siguroj se para se ta merrja unë drejtimin e Shërbimit, në oborrin e tij në Tiranë për ditë të tëra janë djegur dokumente dhe materiale që sigurisht kanë qenë komprometuese për ata që e kishin drejtuar para meje.

NANO KISHTE AMBICIE PËR T’U BËRË PRESIDENT I SHQIPËRISË. UNË NUK E MBËSHTESJA

EPOKA E RE: Disa vite pas përfundimit të luftës në Kosovë pason edhe shkarkimi i juaj nga posti i shefit të SHIK-ut. Kur dhe pse filluan ftohjet mes jush dhe Fatos Nanos?

Klosi: Janë shumë të vjetra, të them të drejtën, është fjala për ndryshim pikëpamjesh mbi rolin e Kryetarit të Shërbimit. Unë e quaja se ishte detyrë e imja ta njoftoja kryeministrin “që shiko, në shtetin shqiptar po ndodhin gjëra të palezetshme”. Punonjës, edhe të lartë të shtetit po përpiqeshin të përfitonin nga detyra, në dogana, në tatime etj. Këto informacione Nano i quante të pambështetura në dokumente, e që rrjedhimisht ishin muhabete pazaresh, me qëllimin e keq, që unë ta ndaja nga shokët, ose si të thuash për të baltosur miqtë e tij. Kjo ka qenë ftohja e parë. Por edhe më e rëndë u bë situata midis nesh me rastin e 14 shtatorit, kur Nano pasi dha dorëheqjen si kryeministër, më kërkoi ta jepja edhe unë, në mënyrë që për atë që kishte ndodhur ta ndanim fajin bashkë. Natyrisht, nuk e pranova këtë gjë, meqenëse pretendimi i tij s’ishte i vërtetë. Ne e kishim paralajmëruar qeverinë se po përgatiteshin gjëra të tilla, jo për datën kur do të ndodhte, sepse është absurde të mendosh se ishte caktuar ndonjë datë, por që përpjekje nga opozita për të organizuar grupe të armatosura, për të rrëzuar qeverinë po bëheshin. E fundit ka qenë mosaprovimi im i dëshirës së tij për t’u bërë domosdo president i vendit. Unë isha me opinionin që ne e kishim një president, i cili për mua ishte shumë serioz, ishte përpjekur dhe e kishte bërë mirë detyrën. Nuk kishim pse të nguteshim për ta zëvendësuar atë president, për të realizuar një dëshirë personale të Fatosit. Ai e mori shumë seriozisht përgjigjen time...

EPOKA E RE: Kur doli në shesh kjo ambicie e Nanos për t’u bërë president i vendit?

Klosi: Pak javë para se të bëheshin zgjedhjet presidenciale, në verën e 2002-tës. Unë nuk e përkraha idenë për t’u bërë president, në atë moment.

SHIK-U NUK E KA PËRGJUAR JETËN PRIVATE AS TË NANOS E AS TË NDONJË POLITIKANI TJETËR

EPOKA E RE: A e ka përgjuar SHIK-u Nanon, madje edhe jetën private të tij, siç është përfolur në media?

Klosi: Absolutisht asnjëherë, absolutisht asnjëherë s’e kam bërë jo vetëm me Nanon, të cilin e kam quajtur një nga politikanët më të rëndësishëm të vendit, gjithmonë deputet. Edhe kur s’ka qenë kryeministër, pra ishte thjesht deputet. Unë e kisha të ndaluar me ligj, që pa marrë leje tek Kryetari i Kuvendit të merresha me cilindo deputet, as me më të parëndësishmin, jo me Nanon, kurrë. As që më ka shkuar mendja kurrë. Janë lodra të shtypit, apo deklarata të papërgjegjshme. Unë në përgjithësi nuk u jam përgjigjur akuzave asnjëherë, e kam quajtur pa interes t’i përgjigjem çdo lloj akuze absurde që bënte opozita politike apo iks-gazetari.
Por, e them i sigurt se nuk do të gjendet kurrë në SHIK qoftë edhe një rresht i shkruar që do të më përgënjeshtrojë në këtë përgjigje që po jap. Kurrë, asnjëherë nuk kam dhënë asnjë detyrë të tillë dhe jam i sigurt që kurrë, asnjëherë, asnjë nga vartësit e mi nuk e ka bërë me dijeninë time një gjë të tillë. Jo vetëm me Fatos Nanon, por me asnjë nga deputetët. Në vitin 1998 kam tentuar t’i kërkoj Kryetarit të Kuvendit, z. Gjinushi, lejen për dy deputetë, për të cilët kishim dyshimin se merreshin me organizimin e asaj kryengritjeje të armatosur që ndodhi në ’98-ën, me rastin e vrasjes së Azem Hajdarit, dhe Kryetari i Parlamentit nuk ma dha atë leje. “Jo, të lutem”, më tha, “mos na ngatërro, ti e kupton si është tani situata politike”.

VERSIONI MË BINDËS I SHIK-UT PËR VRASJEN E ILIR KONUSHEVCIT ËSHTË VRASJA NGA GRUPE KRIMINALE, PËR T’IA MARRË DHE RISHITUR ARMËT

EPOKA E RE: Po për vrasjen e Ilir Konushevcit, dini gjë?

Klosi: Edhe për këtë prokuroria shqiptare është përpjekur. Vrasja ka ndodhur në një zonë që në njëfarë mënyre ishte jashtë kontrollit të shtetit shqiptar. Në Tropojë, në gjithë atë zonë të Qafës së Malit, në atë kohë ne kemi pasur probleme të mëdha. Vetë si Shërbim kishim dy-tre vetë në Tropojë dhe nuk guxonim asnjëherë të ishim legalë, sepse situata ishte e tillë. U përpoqëm shumë të merrnim vesh se cila ishte e vërteta, në mënyrë që të dinim edhe ne të orientoheshim në ato situata. Edhe për këtë dëgjuam versione të ndryshme. Versioni më bindës, i mbështetur mbi një analizë tonën, është që e gjithë ajo është bërë nga grupe kriminale për t’ia marrë dhe për t’i rishitur ato armë, që ai transportonte gjatë asaj rruge që bënte. Ndërkohë, në Tropojë kishte shumë njerëz që i bënin këto veprime, pra merreshin me shitjen e armëve dhe nuk ishte e lehtë të lokalizonim ndokënd për këtë vrasje, dhe problemi mbeti i pazbardhur. Ishin kohë të vështira, jo që nuk donim ne, por mundësitë tona ishin shumë të kufizuara. Por, thashë, analizat tona ishin se vrasja lidhet me rrëmbimin e armëve që ai shoqëronte, në gjuhën e policisë këto quhen vrasje “për motive të dobëta”.

NË NUMRIN E ARDHSHËM:

Kush e kishte lajmëruar Azem Hajdarin, se po përgatitej vrasja e tij? A ka qenë i njoftuar Sali Berisha për vrasjen e Azem Hajdarit? Cili ka qenë roli i SHIK-ut në luftën në Maqedoni dhe në Luginë të Preshevës? Çfarë raportesh ka tani Fatos Klosi me Fatos Nanon dhe Sali Berishën? Pse Klosi mendon së një bashkim i shërbimeve informative në Kosovë do të ishte i gabuar? Pse Klosi rrezikun më të madh për shqiptarët në Ballkan e sheh nga mendjemadhësia dhe arroganca e politikanëve diletantë?

[DYDRINAS]

Klosi ose nuk do ose nuk e di te verteten e atyre viteve!
Kjo tregon se ai ka frike nga e verteta ose rasti i dyte se ai ka qene vetem nje kukull drejtuese. Kete te dyten e besoj me teper, sepse dikush tjeter i ka luajtur te gjitha rolet ne ate kohe.
Ai i kapercen ngjarjet ne menyre te percipte.
Ndersa Llapi pa dashur te hapi nje polemike personale me ty, desheroj te tregoj se ti dhe ata qe jane pas teje i dini ngjarjet me mire se Klosi.
Ai qe i ka percjelle nga afer ato kohe di shume gjera, por nuk eshte ne interesin e askujt qe te mirren shqiptaret me ato ngjarje ne kohen e sotme.
Me e ndershme do te ishte ti liheshin arkivave dhe historise.

[Era1]

Me sa di une sekretet nuk tregohen.
Ky Klosi paska qene gabimi me i madh ne drejtim te SHIK sepse ai nuk e dika vleren e sekretit qe me duket se eshte parimi kryesor i SHIK.

[Antimafia]

...

F.Nano: Mos u bëj merak se nuk do të zhgënjej, por për pak desh harrova. Kam dëgjuar se ato të Bukoshit janë lidhur me Saliun, kështu që mund të na prishin pazaret.
F.Abdiu: Për çfarë e ke fjalën?
Kamarierja: A do porosisni diçka tjetër?
F.Nano: Ik ore pirdhu ti. Na bëj llogarinë.
F.Abdiu: Do paguaj unë se kam sebep.
F.Nano: Unë e kam lajmin më të mirë se ti. Do fitojmë para.
Mbaji, mbaji ti kamariere. Për çfarë e kishe fjalën Fehmi?
F.Abdiu: Mendoj që do përzihen dhe ata në lojën e armëve dhe me siguri që do na prishin pazaret, ose akoma më keq mund të na bëjnë gjëmë të madhe.

F.Nano: Faktikisht në një farë mënyre t'i ke të drejtë. Por jo për atë kafshën. Dikush tjetër është përzier në këtë histori. Ai shkërdhatë më bën të mendohem pak. Klosi më ka thënë se kanë bërë një lidhje me një deputet të PD-së, por akoma nuk di gjë të saktë. Sipas tij, bëhet fjalë dhe për një lidhje për Ahmet Krasniqin. .
Por Klosi është kurvë e keqe, intrigë e gjallë. Sidoqoftë deri tani, çdo gjë është në kontroll, por nuk jam plotësisht i sigurtë. Prandaj ia kam lënë në dorë këtij pisi që edhe po ndodhi gjë, ta çoj në të s'ëmës. Nejse ku e lamë?
F.Abdiu: Mbaruam. Unë jam gati që në janar të paraqes në Kuvend, kërkesën për shfuqizimin e ligjit.

...

[Toni Malsori]

Dhashtë Zoti që ne të jemi gjall, e sigurishtë së qdo vrasje misteriozo do zbulohet më kohë, këtu nuk kam dyshim aspak, ashtu siq nuk kam dyshim së ata që vran janë duke i bërë përpjekjet e fundit për ti humbur gjurmët, qofshin të LDK-es, PDK-ës, AAK-ës apo...? Edhe Sala do e ketë fjalën por vetëm më kohë, ndaj durim Llapi, së më ardhjen e pavarësisë do sqarohën edhe gjëra të tjera e jo vetëm vrasjet...

Dardan po qka po pritni burr pasi qe ju i dini vrasesit si ne Shqiperi ashtu edhe ne Kosove jan ne pushtet sala qe ter kohen rrugve te tiranes sa ishte opozit pallte se i dim vrasesit e tani se burgos asnji gjithashtu edhe ne Kosove ldk-ucat nuk lenin vrasje pa ja lan krahut kundershtar politik tni qe vet qeverisin vet e kan gjygjin e policin dhe ministrin e mbrendshem nuk bejn za pasi qe dihet se vet pisat i kan ba do tu vie koha ketyre perqarsve ketyre vrasve ketyre kriminelve ketyre genjeshtarve qe nji dit vet do te futen ne biruc.

[Llapi]

SUPEREKSKLUZIVE: Flet për “Epokën e re”, ish-shefi i SHIK-ut, FATOS KLOSI ( 8 )



SUPEREKSKLUZIVE: Njeriu i sekreteve zbulon sekrete - Flet për “Epokën e re”, ish-shefi i SHIK-ut, Fatos Klosi (8)



KLOSI: KOSOVËS I DUHET SHËRBIM I RI INFORMATIV

Situata e sotme në Kosovë është shumë delikate

- Azem Hajdari e dinte se po përgatitej atentat ndaj tij
- U shkarkova, sepse nuk iu binda Fatos Nanos
- Me Nanon e Berishën, asnjë raport
- Luftën në Maqedoni nuk e ndihmuam sa në Kosovë


Përgatitën : Burim Etemaj e Musli Krasniqi



Prishtinë, 12 qershor - Në pjesën e tetë dhe të fundit të intervistës, Fatos Klosi ka rrëfyer për vrasjen e Azem Hajdarit, paralajmërimet e SHIK-ut për jetën në rrezik të tij, e madje bërjen me dije edhe Sali Berishës. Duke e bërë një krahasim ndërmjet rolit të SHIK-ut gjatë luftës në Kosovë dhe asaj në Maqedoni dhe Luginë të Preshevës, Klosi pranon rolin më të paktë të Shërbimit në dy luftërat e fundit. Ai flet prapë për prishjen e tij me Fatos Nanon, politikën e kryeministrit Sali Berisha, gjendjen në Kosovë dhe idenë e krijimit të shërbimit të ri informativ të Kosovës, jashtë shërbimeve aktuale që ekzistojnë.

AZEM HAJDARI E DINTE SE PO PËRGATITEJ ATENTAT NDAJ TIJ

EPOKA E RE: Përmendët vrasjen e Azem Hajdarit. Keni vërejtur në njëfarë mënyre përgatitjet për vrasjen e tij?

Klosi: Po, në Tropojë për këtë flitej pothuaj hapur dhe kemi rënë në kontakt me këto informacione tre-katër muaj para se të vritej.

EPOKA E RE: A ka ndërmarrë masa SHIK-u?

Klosi: Unë s’mund të merrja masa, unë kam lajmëruar ministrin e Brendshëm të asaj kohe, dhe e di që ministri e ka lajmëruar Azem Hajdarin: “Kujdes, se në Tropojë po përgatiten për të të vrarë”. Dhe Azemi e dinte këtë gjë, dhe, në përgjithësi, lëvizte i mbrojtur. Në Tropojë tentoi të shkonte njëherë, dhe ndodhi plagosja e atij gazetarit që e shoqëronte dhe e dikujt tjetër, dhe më nuk shkoi në Tropojë. Ne nuk dinim asgjë se kur do ta bënin, por ne po arrinim tek informacionet... sepse ata që po përgatiteshin nuk e bënë edhe aq fshehur këtë gjë. Motivi sipas tyre qe për hakmarrje, dhe në hakmarrje, ta bësh vrasjen pa e marrë vesh njeri, është njëlloj sikur nuk e ke bërë, duhet ta marrin vesh njerëzit që ti e bëre “detyrën”.

EPOKA E RE: Po Sali Berisha a ka qenë i njoftuar për vrasjen e Azem Hajdarit?

Klosi: Sigurisht që po.

U SHKARKOVA, SEPSE NUK IU BINDA FATOS NANOS

EPOKA E RE: Edhe njëherë kthehemi te largimi juaj nga detyra. A konsideroni se keni bërë ndonjë shkelje që jeni shkarkuar nga detyra e shefit të SHIK-ut?

Klosi: Absolutisht jo.

EPOKA E RE: Pse u shkarkuat atëherë?

Klosi: U shkarkova meqenëse nuk iu binda Fatos Nanos, meqenëse ai mendonte se kisha punuar kundër tij.

EPOKA E RE: Ka edhe ndonjë arsye tjetër?

Klosi: Asnjë arsye tjetër dhe Nano kishte të drejtë, plotësisht të drejtë, nuk mund të punonte me një shef të SHIIK-ut të cilit s’i besonte më, të cilin s’e konsideronte të vetin. Unë nuk e kam merak pse më hoqi Fatos Nano, por ajo çka ndodhi mbrapa më ka lënë shije shumë të hidhur, pra se jo pse më hoqi, nuk më do, normal, shefat nuk mund të punojnë me një Shef Shërbimi që s’e duan. Unë punova edhe me Majkon që nuk më donte, por më donte presidenti të paktën. Nga dy personat që kishin të bëjnë me punën time, njëri më përkrahte, kurse tjetri nuk më donte dhe u mbyll në favorin tim ajo punë. Kurse kur erdhi Nano kryeministër, ia mbushi mendjen edhe presidentit, ndoshta ishte një marrëveshje e bërë më parë sepse para se të bëhej president e pyetën ‘do ta heqësh filanin?’ dhe ai tha “po”.
Por ato që ndodhën prapa, akuzat që u bënë kundër meje për të demonstruar se kish qenë SHIK-u ai që i kishte prishur marrëdhëniet midis Nanos dhe Berishës për vite me radhë, është një absurditet që nuk e besoi asnjë prej shqiptarëve normalë. Unë paskam qenë ai që i kam prishur ata të dy? Po tani, po më vonë, kur u prishën prapë? Pas largimit tim nga Shërbimi, u hoqën pothuaj të gjithë drejtorët qendrorë dhe ata të bazës. Pyeti se përse i kanë hequr dhe përse janë ende pa punë, të gjithë drejtorët më të rëndësishëm të SHIK-ut? Cili është ai shqiptar që pranon të bashkëpunojë sot me SHIK-un, kur drejtorët më të rëndësishëm hiqen brenda natës me një urdhër të thjeshtë të një kryeministri, duke qenë i dehur. Kjo është fatkeqësia që ka ndodhur. SHIK-u e humbi çdo lloj besimi në sy të shqiptarëve dhe pa pasur shqiptarët besim ndaj Shërbimit, përveç horrave që për pare mund të afrohen e të bashkëpunojnë e që s’i duhen as dreqit, asnjë tjetër nuk do të pranojë të futet në rrjetin e shërbimit dhe, një shërbim pa një rrjet informativ është i mbaruar, s’është shërbim, mbetet vetëm institucion i cili ka ndërtesa që dihet ku janë, por që nuk bën dot asgjë.

ME NANON E BERISHËN, ASNJË RAPORT

EPOKA E RE: Çfarë raportesh keni tani me Nanon?

Klosi: Asnjë raport.

EPOKA E RE: Po me Berishën?

Klosi: Asnjë raport.

EPOKA E RE: Por, megjithatë, ishit ju ai që ia mundësuat Berishës një takim me Xhavit Halitin në Tiranë?

Klosi: ???

EPOKA E RE: Dhe a u takuan Berisha me Xhavit Halitin?
Klosi: ???

EPOKA E RE: Pse nuk ishte realizuar pas luftës vizita e Sali Berishës në Kosovë?

Klosi: Ato kanë qenë motive jo shqiptare, ishin probleme kosovare. Me sa më kujtohet, UNMIK-u i ka çuar fjalë Berishës se nuk ishte momenti i përshtatshëm për ta vizituar Kosovën. Kjo punë nuk kishte lidhje me SHIK-un. Ne nuk kishim asnjë kompetencë me i thënë qoftë dhe një shqiptari, shko ose mos në Kosovë.

EPOKA E RE: Si e vlerësoni qeverisjen e Sali Berishës?

Klosi: Është një qeverisje e dështuar që në muajt e parë.

SITUATA E SOTME NË KOSOVË ËSHTË SHUMË DELIKATE

EPOKA E RE: A keni kontakte me politikanë shqiptarë nga Kosova dhe viset e tjera shqiptare, cilët nga ta do t’i veçonit dhe vlerësonit aktualisht?

Klosi: Natyrisht kam kontakte, që janë më shumë miqësore. Do të ishte e gabuar që unë të bëj vlerësime publike të politikanëve, se “gojët e liga” do të bënin komente nga më absurdet.

EPOKA E RE: Sa i përcillni rrjedhat politike në Kosovë dhe a mund të na jepni gjykimin tuaj për pozitën aktuale të Kosovës?

Klosi: I përcjell me shumë vëmendje. Situata e sotme është shumë delikate dhe kërkon një përgjegjësi shumë të madhe nga klasa politike kosovare. Gjithçka duhet bërë në funksion të qëllimit final, çdo qëllim tjetër duhet konsideruar i parëndësishëm në krahasim me të parin.

EPOKA E RE: Kosova e pavarur në fillim të 2007-ës. Çka më tej? Drejt BE-së, Kosova si entitet i veçantë, apo bashkë me Shqipërinë dhe shqiptarët e tjerë?

Klosi: Evropa e bashkuar ka bërë vëllezër edhe armiqtë e vjetër (gjermanët me francezët apo anglezët), jo më shqiptarët e shteteve të ndryshëm ballkanikë, prandaj duke pasur parasysh se familja evropiane është më e madhe dhe më e sigurt; le të përpiqemi të pranohemi si vëllezër të tyre.

EPOKA E RE: Çka i kërcënon tani për tani shqiptarët në Ballkan, dhe shtetet ballkanike përgjithësisht?

Klosi: Mendoj se rreziku i më i madh janë mendjemadhësia dhe arroganca e politikanëve diletantë.

EPOKA E RE: Jeni zyrtar i LSI-së. Cili është roli juaj në këtë parti?

Klosi: Prej formimit të LSI-së militoj në radhët e saj. Jam Kryetar i LSI-së për një rajon të Tiranës dhe anëtar i Kryesisë së Lëvizjes.

EPOKA E RE: Keni ambicie për të ardhmen...?

Klosi: Nuk do t’i quaja ambicie, për të anashkaluar sensin pezhorativ të kësaj fjale. Unë mendoj dhe së bashku me shokët, po punojmë që LSI të bëhet një faktor i rëndësishëm në Shqipëri, i bindur se kjo do të kishte një impakt pozitiv në politikën, tashmë arkaike, të dy partive të mëdha. (FUND)


KOSOVËS I DUHET SHËRBIM I RI INFORMATIV, JO BASHKIM I ATYRE AKTUALË

EPOKA E RE: Z. Klosi, Kosova ende nuk e ka zyrtarisht shërbimin e saj informativ të njohur nga institucionet e vendi dhe ato ndërkombëtare. Bashkësia ndërkombëtare po bën përpjekje për krijimin e një shërbimi të ri. Këtu po bëhet një luftë politike ndërmjet shërbimeve të ndryshme vepruese (rivale) për të dominuar në këtë shërbim. Si i shihni ju rrjedhat në këtë drejtim, mund të ketë një bashkim të këtyre organizatave në një shërbim të vetëm; këto të lihen jashtë këtij shërbimi dhe ai të bartë me vete njerëz krejtësisht të rinj, mund të merren elementë nga të dyja palët, apo si?

Klosi: Një bashkim i atyre që ekzistojnë do të ishte i gabuar pasi ata që do të formojnë shërbimin e ri, do të vinin nga filozofi dhe eksperienca të ndryshme, nga synime të ndryshme, diferenca që do të krijonin probleme të brendshme për një kohë të gjatë në këtë shërbim. Këta njerëz, që sot militojnë në grupime të ndryshme politike, do ta mbanin peng të politikës shërbimin. Për mua, zgjidhja më e mirë, për të mirën e Kosovës, do të ishte ndërtimi i një shërbimi të ri, me njerëz të rinj. Dhe shërbimet aktualë, po që se duan ta ndihmojnë, le t’i kalojnë atij arkivat ose një pjesë të arkivave të tyre.

PËR LUFTËN NË MAQEDONI DHE NË LUGINË TË PRESHEVËS

EPOKA E RE: Kemi folur për rolin e SHIK-ut gjatë luftës në Kosovës. Cili ka qenë roli i tij në luftën në Maqedoni dhe në Luginë të Preshevës?

Klosi: Për Preshevën kontributi ka qenë i paktë, informacione i kemi dhënë qeverisë shqiptare, kurse për Maqedoninë jemi përpjekur që të ndërmjetësojmë për të ftohur gjakrat, t’i mbështesim ata shqiptarë që ishin racionalë me veprimet e tyre.

EPOKA E RE: A e keni ndihmuar luftën e shqiptarëve në Maqedoni?

Klosi: Jo sa në Kosovë. Atje situata ishte ndryshe nga Kosova. Në Maqedoni zgjidhja racionale ishte tjetërfare, prandaj edhe kontributi ynë ishte tjetërfare. Megjithatë, detyrat u kryen, sepse forcat çlirimtare edhe në Maqedoni u pranuan në tryezën e bisedimeve dhe ajo që u arrit është pozitive.

[Ozzy]

F.Nano: Mos u bëj merak se nuk do të zhgënjej, por për pak desh harrova. Kam dëgjuar se ato të Bukoshit janë lidhur me Saliun, kështu që mund të na prishin pazaret.
F.Abdiu: Për çfarë e ke fjalën?
Kamarierja: A do porosisni diçka tjetër?
F.Nano: Ik ore pirdhu ti. Na bëj llogarinë.
F.Abdiu: Do paguaj unë se kam sebep.
F.Nano: Unë e kam lajmin më të mirë se ti. Do fitojmë para.
Mbaji, mbaji ti kamariere. Për çfarë e kishe fjalën Fehmi?
F.Abdiu: Mendoj që do përzihen dhe ata në lojën e armëve dhe me siguri që do na prishin pazaret, ose akoma më keq mund të na bëjnë gjëmë të madhe.

F.Nano: Faktikisht në një farë mënyre t'i ke të drejtë. Por jo për atë kafshën. Dikush tjetër është përzier në këtë histori. Ai shkërdhatë më bën të mendohem pak. Klosi më ka thënë se kanë bërë një lidhje me një deputet të PD-së, por akoma nuk di gjë të saktë. Sipas tij, bëhet fjalë dhe për një lidhje për Ahmet Krasniqin. .
Por Klosi është kurvë e keqe, intrigë e gjallë. Sidoqoftë deri tani, çdo gjë është në kontroll, por nuk jam plotësisht i sigurtë. Prandaj ia kam lënë në dorë këtij pisi që edhe po ndodhi gjë, ta çoj në të s'ëmës. Nejse ku e lamë?
F.Abdiu: Mbaruam. Unë jam gati që në janar të paraqes në Kuvend, kërkesën për shfuqizimin e ligjit.


te shofim se cfare do te na beje sala me olldashin tani.....
kohe dhe shansi i dyte i erdhen ..........

[Llapi]

Flet ish-shefi i SHISH, Klosi: Celularët cënojnë sigurinë kombëtare. Absurde që

AMC çon në Greqi sekretet e telefonatave tona




TIRANE (6 Korrik) Për dy vite me radhë, kompania e telefonisë celulare AMC, e realizon llogaritjen e faturave të abonentëve me kontratë në Greqi. “Gazeta Shqiptare” publikoi një ditë më parë këtë fakt, sipas të cilit, për të bërë një përllogaritje të faturave, AMC-ja dërgon në mënyrë elektronike pranë selisë qendrore të “Cosmote”, në Greqi, “CDR” (Call data records) që përbëhet nga të gjitha detajet mbi telefonatat e kryera nga politikanët, biznesmenët dhe VIP-at shqiptarë, të cilët përdorin celularin AMC me kontratë. Një praktikë e tillë bën të vendoset në rrezik të gjitha sekretet e krerëve të institucioneve shtetërore shqiptare. Nëpërmjet “CDR”-së është e mundur të dihet se kush i ka telefonuar, në çfarë ore, për sa kohë ka folur dhe mund të dihet edhe ku ndodhej në momentin që ka kryer telefonatën ose numrat e telefonave të personave që i kanë telefonuar. Dhe të gjithë këto të dhëna mjaft të rezervuara përfundojnë jashtë vendit. Ish-kreu i Shërbimit Informativ Shtetëror, Fatos Klosi, e sheh me mjaft shqetësim këtë praktikë të ndjekur nga AMC. “Me këtë procedurë të kompanisë celulare është cënuar siguria kombëtare”, deklaroi Klosi në një intervistë në News 24, për emisionin “Vila 24”, për gazetarin Gerti Shella. Sipas tij, fakti që kompania nuk e kryen përllogaritjen e faturave brenda vendit duke vazhduar nxjerrjen e këtyre të dhënave në Greqi është mjaft i dyshimtë.

Z. Klosi, mendoni se nxjerrja e të dhënave të telefonatave të kryera në vendin tonë dhe dërgimi për përpunim në Greqi, përbën cënim të sigurisë kombëtare, duke pasur parasysh që përpunohen të dhënat si të çdo qytetari edhe të Kryeministrit, apo edhe Presidentit të vendit?
Para se t’i përgjigjem kësaj pyetjeje, unë do të thosha që është argument serioz fakti që të dhënat shkojnë në Greqi për t’u përpunuar dhe për të bërë faturat e pagesës. Eshtë një procedurë shumë e thjeshtë për të bërë një gjë të tillë, dhe këtë mund t’ua thonë edhe operatorët privatë të vegjël, të cilët me një central të thjeshtë arrijnë që ta bëjnë këtë përpunim. Do të thoni se AMC-ja është një central shumë i madh? Kjo nuk prish asnjë punë, pasi, cilësisht është i njëjti problem; si volum pune mund të jetë më shumë, prandaj më duket absurde që të përdoret argumenti se shkojnë në Greqi për t’u përpunuar. Nuk e di se çfarë pajisjeje paskan grekët më shumë, pasi unë mendoj se faturimi është proçes shumë i thjeshtë dhe bëhet nga një soft që të jep menjëherë të dhënat që do. Pas kësaj, fakti që përdorin një argument aspak serioz, më bën të dyshoj pse duhet të gënjejnë. Mesa duket, ka një gjë më të madhe nga mbrapa, si puna e ferrës së vogël që fsheh një lepur të madh. Mesa duket ky është argumenti më i thjeshtë dhe më i besueshëm nga qytetarët; se i çojmë për të bërë përpunimin e faturave. Unë nuk dua ta besoj këtë gjë.

Kjo e cënon sigurinë kombëtare apo jo?
Sigurisht që e cënon. Kjo, nëse do të kemi ndonjë koncept të sigurisë kombëtare.

Pse e thoni koncept të sigurisë kombëtare? Tek e fundit, jemi një shtet sovran me sekrete apo jo...?
Po, nuk e kam vënë në dyshim sovranitetin e shtetit tonë. Të gjitha shtetet sovrane kanë gjëra që duhet t’i ruajnë.

Pra një shtet pa sekrete...?
Duhet të ketë sekrete. Unë kam frikë se kemi shumë pak ose nuk kemi fare. Ne gjithmonë kemi pasur një farë servilizmi patologjik për të gjithë të huajt që i quajmë miq dhe ua tregojmë të tëra. Nuk e di se çfarë ka më në këtë shtet që nuk u është treguar të huajve.

Ju tani nuk jeni më kryetar i SHISH-it,....
Jo se nuk jam më shefi i shërbimit. Unë këtë koncept e kam pasur me kohë, nuk lidhet me faktin se kam ikur për të bërë deklarata të tilla. Duke qenë shef i shërbimit, unë shumë gjëra i kam mësuar nga të huajt fatkeqësisht. Ndonjëherë dinin ata më shumë sesa ne, ose kishin më shumë miq se ne. Dhe politikanët nuk na quanin miq dhe ndonjë të huaj që pretendonin se do ta kishin mik, i thoshin gjëra të tilla. Dhe duke kaluar informacionin nëpër kryeqytetet e Evropës, krijonin rreth të mbyllur dhe vinin sërish tek ne .

Duke qenë shef i shërbimit dhe realisht sot jeni një qytetar. A ndiheni të përgjuar në telefon?
Jo unë nuk e ndjej veten të përgjuar, por mendoj se po të duan, mund të më përgjojnë shumë kollaj.

Mendoni se në të njëjta pozita janë edhe Presidenti dhe kryetari i Kuvendit etj...?
Njëlloj fare. Unë nuk njoh ndonjë strukturë që mund të mbrojë komunikimet e Kryeministrit, në krahasim me ato të një qytetari, pasi janë të njëjtët operatorë. Madje do të thosha se është shumë më e lehtë, pasi numrat e tyre dihen, sepse janë me kontratë dhe është më e vështirë për të përgjuar një numër me parapagesë, se kërkon më shumë punë për të bërë identifikimin.

Ju keni qenë një profesionit i sekretit shtetëror. A i kompromentoni funksionet publike, nisur nga fakti që telefonatat e tyre janë të lexueshme diku?
Në gjykimin tim po. Çdo shtet ka disa gjëra të veta, të cilat duhet t’i mbrojë nga miqtë apo armiqtë.
Dikur na kanë dhënë një argument tjetër. Ne morëm vesh se pasi u privatizua shërbimi i telefonisë celulare, iu kërkua Albtelekomit nga AMC-ja, një kanal shumë i fuqishëm lidhjeje mes centralit këtu dhe Athinës. U kërkua një kanal shumë i fuqishëm. Pretendimi ishte që të përdorej centrali i Athinës; nëse ky këtu do të prishej, të mund të përdorej ai, në mënyrë që qytetarët shqiptarë të mos mbeteshin pa këtë shërbim.

A është dhënë ky kanal?
Po kanali është dhënë dhe është marrë me qira nga AMC-ja.

Çdo të thotë kanal shumë i fuqishëm?
Kanal nëpër të cilin mund të bredhë informacion shumë i madh, njëkohësisht 2 mijë telefonata dhe t’i dërgosh atje.

A ka në dorë instrumente shteti shqiptar, për t’i mbajtur nën kontroll të tilla gjëra?
Jo nuk ka asnjë lloj instrumenti.

Po nga vendet partnere, a ka pasur ndihma të tilla?
Shteti shqiptar, deri vonë ka qenë i paaftë për të marrë informacione për veten e vet dhe jo më të bënte kontrollin e këtyre kompanive. Madje, deri vonë ishim me një sistem të keq, me një sistem manual. Modernizimi u bë pas futjes së kompjuterëve, për të bërë përgjimin on-line. Kurse tani sistemi është në një sistem tërësisht dixhital dhe është shumë e thjeshtë për të bërë një përgjim. Mua më shumë më tremb abuzimi që mund të bëjnë ata që janë tërësisht jashtë kontrollit, kompanitë operatore, pasi ato janë jashtë kontrollit.

Kush e garanton shtetasin shqiptar, zyrtarin apo funksionarin e lartë shqiptar, që një sistem tjetër i pavarur nuk e përgjon atë?
Shtetasi shqiptar është tërësisht i pambrojtur nga përgjimet e operatorëve telefonikë, sepse për sa kohë që edhe ata të shprehen për mirëbesim, një gjë e tillë është e pakontrollueshme sërish.

Cila janë instrumentet që shteti shqiptar do të përdorë, për të mësuar nëse përgjohet apo jo telefoni i një Kryeministri p,sh.?
Ne nuk kemi asnjë lloj mjeti për të bërë verifikime të tilla. Ata janë shumë të lirë për të bërë përgjimet e kujtdo.

Mendon se ndoshta tani të gjithë duhet ta dëgjojnë se siguria kombëtare nuk është më e sigurt....?
Unë uroj që po, por mendoj se askush nuk e ka mendjen për këtë gjë... e kanë mendjen për të tjera gjëra.

(Gazeta Shqiptare/Balkanweb)