Fatmir Sejdiu propozon që aeroporti i Prishtinës të emërohet “Ibrahim Rugova”

[ideus]

Në një njoftim nga kryetari i Kosovës, Fatmir Sejdiu, thuhet në bazë të kompetencave kushtetuese dhe pas konsultimeve të zhvilluara me kryeadministratorin Soren Jesen-Petersenin, ka vendosur që t’i kërkojë Qeverisë së Kosovës që, në bashkëpunim me AKM-në, të fillojë procedurën e riemërtimit të Aeroportit Ndërkombëtar të Prishtinës në pajtim me dispozitat ligjore në fuqi.

“Propozoj që ky aeroport të emërtohet Aeroporti Ndërkombëtar i Prishtinës – Dr. Ibrahim Rugova”, thuhet në njoftimin Sejdiut.

“Ky propozim për riemërtimin e Aeroportit të Prishtinës është marrë mbi bazën e vlerësimeve më të larta që i bëhen figurës së jashtëzakonshme të ish-Presidentit të Kosovës, Dr. Ibrahim Rugova”, përfundon shkresa e Dr. Fatmir Sejdiut, President i Kosovës, dërguar Kryeministrit të Kosovës, Agim Çekut, kopje e së cilës u është dërguar edhe Kryetarit të Kuvendit të Kosovës, Kolë Berisha, udhëheqësit të Shtyllës IV të UNMIK-ut, Joachim Rucker, dhe Ministrit të Transportit dhe Postë-Telekomunikacionit të Kosovës, Qemajl Ahmeti.

[ARIANI_TB]

Kjo me shume me duket eshte nje loje politike e Sejdiut, se sa deshire per tu realizuar kjo gje!

Sepse tani dihet qe LDK-ja nuk i ka punet bash mire, sikurse qe i kishte para vdekjes se Rugoves!

Kjo eshte vetem e vetem per pika politike, per asgje ma shume!


Mirepo nese Aeroportit te Prishtines duhet vu ndonje emer, ateher duhet jete ai i Adem Jasharit, figures me te madhe te ketij shekulli per popullin e Kosoves!!!

[Llapi]

Me se miri kjo Anket qe ende vazhdon ne Kosovapress e deshmon se sa vota merr Adem Legjendari qe u propozue nga Shoqatat e dala nga Lufta apo ky qe eshte propozue per hajgare prej kryetarit fatmir sejdiut .

-----------------------------
Anketa

Çfarë emri duhet të këtë Aeroporti ndërkombëtar i Prishtinës?

* Adem JASHARI (342 Vota, 72 %)

* Ibrahim RUGOVA (97 Vota, 20 %)

* Nënë TEREZA (10 Vota, 2 %)

* Një emër tjetër (24 Vota, 5 %)

* Nuk e di (5 Vota, 1 %)

[rrezon]

Aeroporti i Prishtines - ADEM JASHARI

[Tal Aga]

Pse do të duhej t'i ngjitet ndonjë emër aeroportit të Prishtinës? E di ndokush që ai duhet të ketë ndonjë emër specifik apo .... apo ësshtë vetëm sa për t'u thënë dicka?

Së dyti cfarë lidhje kanë I. Rugova, A Jashari e G Bojaxhiu me aviacionin kosovar ose me historinë e aeroprtit të Prishtinës ?? A i nderon ata si personalitete historike emërimi i një aeroporti me emrin e ndonjërit prej tyre?

Mua nuk po më duket e nevojshme e as e arsyeshme që aeroportit, i cili ka funksionuar vite me radhë, tani t'i jipet ndonjë emër i ndonjë personaliteti. Ndoshta është në pyetje vetëm mentaliteti ballkanik për idhuj...e për simbole e për figura.....

..... po për bukë, ilaqe, libra, dritë, ujë a po mendon kush apo ...

Dhe, nëse i jipet një emër, a do të bëhet më funksional ky aeroport? Apo kjo edhe s'ka rëndësi fare ?!

[karaburuni]

Aeroportet nuk jane gjeja me e rendesishme e nje vendi, por duke patur parasysh se aeroportet jane ne nje fare menyre nje pike lidhje me boten e nje vendi dhe se ne bote Ibrahim Rugova ke qene personazhi me i njohur i Kosoves, mendoj se do te ishte me mire qe aeroporti i Prishtines te quhej "Ibrahim Rugova".
Emri i Adem Jasharit, si hero i Kosoves ne luften çlirimtare kunder Serbise, mendoj se mund te nderonte shume institucione te Kosoves sidomos ne fushen ushtarake.

[karaburuni]

Mua nuk po më duket e nevojshme e as e arsyeshme që aeroportit, i cili ka funksionuar vite me radhë, tani t'i jipet ndonjë emër i ndonjë personaliteti. Ndoshta është në pyetje vetëm mentaliteti ballkanik për idhuj...e për simbole e për figura.....


Jo, nuk besoj se eshte mentalitet ballkanik per idhuj.
Nje aeroport i Nju-Jorkut quhet "John F. Kennedy" kurse nje aeroporti i Parisit quhet "Charles de Gaulle" etj. siç shihet emra politikanesh qe kane lene gjurme.

[Llapi]

PSE AEROPORTI I PRISHTINËS NUK DUHET ASSESI TË QUHET ME EMRIN E IBRAHIM RUGOVËS?!

Propozimi për emërtimin e Aeroportit të Prishtinës me emrin e Ibrahim Rugovës, që është bërë nga nostalgjikët e historisë dhe politikës së tij të mjerë dhe antikombëtare, për NE kjo është poshtëruese dhe fyese në të njëjtën kohë.
Pse themi kështu ?
1. Rezistenca dhe lufta çlirimtare e popullit të Kosovës, nuk është meritë e politikës së Ibrahim Rugovës. Nuk është fryt i tij, i një lideri të madh popullor, i një strategu dhe luftëtari të pakompromis për Lirinë dhe Pavarësinë ende të pafituar të Kosovës, siç po mundohen ta paraqesin disa puthadorë dhe servilë të tij.
2. Ai bëri vetëm politikë nënshtruese, deri në pakufi.
3. Nuk deshi dhe nuk e përkrahu kurrë Luftën Çlirimtare të popullit të tij.
4. Kur digjej e masakrohej gjysma e Kosovës, ai mbante zgjedhje "të lira"!
5. Kur NATO bombardonte caqet e ushtrisë kriminale serbe në Kosovë, ai shkonte në Beograd puthej e zgërdhihej me xhelatin Millosheviq dhe jo vetëm nga Beogradi por, edhe nga Italia, bënte thirrje për ndërprerjen e bombardimeve.
6. E sabotoi dhe e pengoi me sa mundi Ushtrinë Çlirimtare të Kosovës e cila gjakosej e vritej heroikisht me ushtrinë çetnike serbe.
7. Edhe pas luftës, e nënçmoi dhe e ç'vlerësoi luftën dhe gjakun e saj.
8. Ishte i gatshëm deri në neveri, për t'u përkulur e për të nënshkruar çdo dokument a marrëveshje me të huajt në dëm të çështjes së Kosovës.
9. Shpiku Flamurin e Himnin e tij kontrabandë pa pyetur askënd, duke krijuar pasiguri dhe gjendje kaosi e përçarje e cila mund të kishte pasoja të paparashikuara për popullin tonë.
10. Bashkëpunoi ngusht me UNMIK-un pa asnjë kundërshtim në themelimin e organeve veç sa për të thënë, këto organe servile të cilat nuk kanë në dorë asgjë për të vendosur për fatin tonë.
11. Si rezultat i politikës së tij të dështuar ndodhën ngjarjet tragjike të marsit në vitin 2004.
12. Edhe sot, Kosova po vuan mjerueshëm nga pjella e politikës së tij të mjerë dhe nuk po gjenë forcë të dalë nga kjo katrahurë në të cilën e ka katandisur.

Ibrahim Rugova që prej kohës kur erdhi në pushtetin e tij fiktiv, në pushtetin pa shtet e derisa vdiq, kurrë nuk bëri politikë kombëtare por, vetëm kundër-kombëtare pra, kurdoherë bëri politikë gjumashi dhe i vuri aq sa mundi gjumashët e tij, në letargji të thellë!
Ibrahim Rugova, edhe ato pak vendime që i mori nuk i mbrojti kurrë dhe i harroi të nesërmen, bëri veç premtime të kota, sikur tallej me popullin, nuk e përfilli kurrë Kushtetutën e Kaçanikut, Shpalljen e Republikës etj.

Këto janë vetëm disa dëshmi nga sirtari i tij dhe të atyre që po e vijojnë rrugën e tij politike.
Pra , duke njohur këto dhe shumë dëshmi tjera kundër-kombëtare, e mohojmë kategorikisht ngritjen e pavlerave të tij në vlera të larta kombëtare që po mundohen ta bëjnë disa ish-servilë të tij.
Shoqatat e dala nga lufta, veç e kanë dhënë propozimin e padiskutueshëm që Aeroporti i Prishtinës të mbajë emrin e Komandantit Legjendar Adem Jashari.
T'i bëhet konkurencë atij emri madhështor me emrin e Ibrahim Rugovës, do të ishte ç'menduri, do të ishte baras me tradhëti!
Të emërtohet Aeroporti i Prishtinës, me emrin e i një "njeriu" që nuk bëri asgjë për këtë popull e për këtë tokë, duke e hedhur poshtë emrin e Komandantit Legjendar Adem Jashari që sakrifikoi deri në flijim me gjithë familjen e tij për këtë popull dhe u bë sinonim i rezistencës, i ekzistencës dhe krenarisë sonë kombëtare, kjo nuk do të kishte turp më të madh për institucionalistët e Kosovës, kjo s´do të kishte nevojë për koment!
Emërtimi i Aeroportit të Prishtinës me emrin e Adem Jasharit, do të ishte krenari kombëtare!
Prandaj, reagojmë me forcë kundër propozimit në fjalë dhe e përkrahim pa rezervë propozimin e Shoqatave të dala nga lufta.
Historia e popullit tonë gjatë shekujve, ka nxjerrë atdhetarë të mëdhenj por, fatkeqësisht si urithët nga nëntoka kanë dalë edhe tradhtarë të tipit Esat Toptani e Ibrahim Rugova, që nga nihilizmi dhe satanizmi i tyre e ka pësuar keq kombi shqiptar.
Prandaj, pse të nderohet i pandershmi, ciniku dhe zvarraniku politikë, I. Rugova?!!!
Ne, konsiderojmë se: çdo shtet i ri duhet të ndërtohet mbi kulturën që e kultivoi në shekuj e jo mbi një kulturë të krijuar artificiale. E themi këtë, se pavarësisht se nuk jemi dakord me disa “Shqipëriza” të vogla dhe nën mëshirën e të huajve, pavarësisht se pavarësinë e Kosovës nuk mund ta konceptojmë si fitore, nëpërmjet krijimit të një shteti të dytë shqiptar, si “shteti kosovar”, duke u shkelur si mos më keq si komb dhe duke e paguar këtë "arritje historike" me humbjen e qenies sonë.
Më në fund, Qeveria e Kosovës, nëse ia dëshiron të mirën popullit dhe atdheut, tani, nuk ka kohë të merret me emërtimin e Aeroportit!
Më mirë do të ishte që Kryetari Fatmir Sejdiu të angazhohet për gjërat elementare të popullit shqiptar: siç është liria e lëvizjes, ushqimi, rryma, uji, shëndeti, arsimi dhe shumë e shumë gjëra tjera të jetës dhe punës, se të merret me merita të kota që çojnë ujë në mulli të Beogradit.
Me emrin e trashëgimtarit të Gjergj Kastriotit - Skënderbeut - "ADEM JASHARI" nderohet mbarë Shqipëria Etnike, kurse me emrin e paqistit do të thotë që Kosova të jetë pa ushtri kombëtare. Prandaj, në vend se të nderohet legjendari i shekullit, Adem Jashari, i cili për Kosovë sakrifikoi familjen dhe vetveten, nderohet pacifisti që ia zgjati turpshëm robërinë Kosovës, që njëkohësisht bie në kundërshtim me imazhin e folklorit kombëtar dhe vullnetin e popullit shqiptar. Populli ynë, kurrë se harron këngën çlirimtare: "Ku m 'je nis, oj, lulja me erë, në Drenicë, te baca Adem"!

Prandaj, duke vlerësuar nga të gjitha këto elemente të pathyeshme kundërkombëtare, emrin e Ibrahim Rugovës nuk e konsiderojmë të merituar sepse, historia do ta akuzon se:
Ka qenë bishti i sëpatës së UNMIK-ut, në krijimin e "institucioneve vendore" servile, kali trojan në pranimin e detyrimit te realizimit të "negociatave" Prishtinë-Beograd.
Duke i njohur të gjitha këto veprime të tij kundër-shqiptare ne e mohojmë kategorisht që të bëhet kjo ngritje e pamerituar e tij...
Prandaj, po e ritheksojmë se njëzëri vendosëm të dalim në përkrahje të Shoqatave të dala nga lufta çlirimtare, që Aeroporti i Prishtinës, të quhet, me emrin e Komandantit legjendar, Adem Jashari!

Të nënshkruarit:

Veli Llaka, Ismet Sopi, Naser Hyseni, Xhemil Zeqiri, Ramadan Pllana, Bekim Avdiu, Azem Musliu, Avdi Sherifi, Liman Rustemi, Fadil Shyti, Faik Smajli, Gëzim Mekuli, Isa Murati, Xhelal Ferizi, Tahir Veliu, Nisret Ahmeti, Mona Agrigoroaiei, Faxhri Asipi, Ramadan Kurti, Elsa Muja, Mevlude Shyti, Murat Shyti, Ganimete Shyti, Ramush Krasniqi, Bedrije Krasniqi, Laura Hoxhaj, Valbona Hoxhaj, Hanumshahe Hoxhaj, Shake Hoxhaj, Filloreta Hoxhaj, Teureta Hoxhaj, Qëndresa Hoxhaj, Blerta Hoxhaj, Vjosa Hoxhaj, Luan Hoxhaj, Berat Nasufi, Ramadan Kurti, Sahit Xhemajli, Beqir Halili, Hamdi Krasniqi, Mahmut Xheladini, Bajram Kurti, Enver Hyseni, Andrim Zeqiri, Abdyl Hoxhaj, Riza Hoxhaj, Blerim Hoxhaj, Berat Nasufi, Agim Zeqiri, Ardi Serveti, Arbnora Sazivari, dhe Blerim Namani.

Evropë - Kanada, 26 maj 2006

[dodoni]

Une nuk jam i pajtimit qe aeroportit ti vihet as emri i Rugoves e as emri i Adem Jasharit.

Njeriu me i madh qe ka nxjerre Kosova dhe Prishtina ne vecanti (as Rugova e as Jashari nuk kane qene prishtinsa) ne keto 5-6 shekujt e fundit eshte Leke Dukagjini, keshtu qe une do i kisha vene kete emer aeroportit te Prishtines. Me emrin e Leke Dukagjinit do arrihej poashtu konsensusi i plote midis te gjitha forcave politike ne Kosove.

[DardanG]

Do të ishte një shënjë rrespekti ndaj dr. Ibrahim Rugovës dhe ai e meritonte për së gjalli dhe tash edhe për së vdekuri. Ndoshta më mirë do të ishte që Aeroporti i Prishtinës të quhej vetëm Rugova, pra në bazë të mbiemrit të Presidentit të ndjerë. Sidoqë të jetë, është një ide e qëlluar dhe unë sinqerisht do të deshiroja që Aeroporti i Prishtinës të quhet "Ibrahim Rugova", ose shkurtimisht "Rugova".

[Llapi]

Une nuk jam i pajtimit qe aeroportit ti vihet as emri i Rugoves e as emri i Adem Jasharit.

Njeriu me i madh qe ka nxjerre Kosova dhe Prishtina ne vecanti (as Rugova e as Jashari nuk kane qene prishtinsa) ne keto 5-6 shekujt e fundit eshte Leke Dukagjini, keshtu qe une do i kisha vene kete emer aeroportit te Prishtines. Me emrin e Leke Dukagjinit do arrihej poashtu konsensusi i plote midis te gjitha forcave politike ne Kosove.
dodoni po qe se kerkohet te jet njeri nga Prishtina vetem se tani e mban ket emer aeroporti ateher me siguri do te kerkoi edhe komuna qe te jet ndonji personalitet nga komuna ku shtrihet aeroporti e kjo siq dihet eshte Komuna e Lipijanit.

Per mendimin tim Emri i Adem Jasharit eshte i pazevendesueshem me aske ne trojet shqiptare.

[dodoni]

Llapi, Lypiani eshte vec nje lagje e Prishtines sikur Besiana, Fushe-Kosova, Kastrioti etj.

Ibrahim Rugova edhe pse ka dhene kontribut te madh ne ceshtjen e Kosoves dhe ne demokracine kosovare, prape eshte figure kontraverze sepse gati 40% e popullit nuk e duan. Adem Jashari eshte hero i gjithe shqiptareve por ai ka qene vetem luftetar, nuk ka qene ndonje intelektual dhe pothuaj askush nuk e ka njohur kurre para se te binte deshmor.

Leke Dukagjini ka qene prijesi me i madh qe ka lind Prishtina e Kosova, ka udhehequr me gjithe Kosoven, nje pjese shqiptare te Maqedonise e pothuaj gjithe veriun e Shqiperise se sotme, ky e ka arritur pavaresine dhe lirine e Kosoves pa ndihmen e askujt. Ka qene dijetar, perpilues i kanunit te famshem. Cdo studiues i huaj qe merret me albanologjine, gjeja e pare qe ben eshte leximi dhe studimi i Kanunit te tij. Poashtu, Leken e adhurojne te gjithe, si LDK-iste, ashtu edhe PDK-iste, ORA-iste, AAK-iste e te gjitha partite politike shqiptare.

[ideus]

Se shpejti kerkesa e kryetarit te Kosoves Fatmir Sejdiu nga Qeveria do te kaloj edhe ne Parlament, ku do te vendoset qe Aeroporti i Pishtines te quhet "Aeroporti Nderkombtar i Prishtines "Ibrahim Rugova" ".
Ne te ardhmen cdo i huaj qe shkon ne Prishtine me te pare emrin e aeroportit do ta kuptoj se popull i kujt jemi, popull i dr. Rugoves, politiken e te cilit e ndoqem deri ne fitore.
Mos harroni se emrimi i Aeroportit "Ibrahim Rugova" eshte ndere per veprat e dr. Rugoves dhe respekt qe i bejme edhe vetvetes para botes.

[faiksmajli]

Nuk eshte ketu puna se, Aeroporti i Prishtines, eshte mbet pa emer.Nuk do te prishte pune fare sikur te mbetej edhe me tutje me kete emer qe ka tani, apo mund te emrohej me ndonje emer tjeter.S'ka pase fare problem. Ne mund ta emertojme me cilindo emer te ndonje personaliteti kombetar e mbase edhe nderkombetar por, tani kur eshte bere propozim emrash, eshte fjala per emrin e Komandantit Legjendar, Adem Jashari.Po te mos behej ky propozim qe tani vec eshte bere,atehere puna do te ishte fare e lehte.Nuk do te kishte nevoje te behej kaq zhurme.Por, emri i Adem Jasharit, per mendimin tim,eshte i pakonkurence.
Eshte fjala per respektim,per nderim personaliteti, per meritat e tij qe ka.
E cili ka merita me shume se Adem Jashari...? Asnje.Cili shqiptar e meriton te respektohet e te duhet me shume se Adem Jashari? Asnje!
Ky eshte mendimi im.

[Toni Malsori]

Presidenti bëri mirë që dual më këtë propozim, poqëse nuk është ndonjë marketing politikë, thëmë kështu, sëpsë tashmë janë të njohura ndasit në LDK, andaj nese z. Fatmir Sejdiu t`vertet mëndon ashtu, unë përkrah mendimin e tij, bile edhe e përgëzoj, në të kundërten, koha nuk do ia falë...?
Mëgjithate mendoj së emërtimi i aeroportit të Prishtinës më emrin Rugova është pak sa më adekuat për momentin, duke i patur parasysh farkimet politike në Kosovë, andaj pa rezerva përkrahi propozimin e Dardanit.

[Tal Aga]

Karaburun, të falemnderit për shprehjen e mendimit tënd! e di që një aeroport në New York quhet John F. Kennedy edhe për ¨te Parisit edhe për të Stambollit (Ataturk) .... e kështu me radhë por shumica dërmuese e aeroporteve në botë janë pa emra të veçantë (njerëzish); mendoj se më shumë nderim do t'u bëhej personaliteteve në fjalë sikur p.sh. qendra spitalore universitare e Prishtinës të quhej "Nëna Terezë", të themelohej ndonjë fondacion ose institut paqësor - që do të mirrej me përkrahjen dhe përparimin e paqes në ballkan e më gjerë e i cili do të mbante emrin "Ibrahim Rugova", kurse për Adem Jasharin më shumë e udhës do të ishte dhe më shumë nderë do t'i sillte atij po të emërohej ndonjë institucion ose shkollë- akademi me përmbajtje ushtarake ose kombëtare ose diç tjetër e tillë se sa një aeroport ndërkombëtar në të cilin nesër do të aterrojnë edhe aeroplanë serb!

Aeroporti, sipas mendimit tim nuk ka lidhje fare me krenarinë kombëtare, sikur që nuk ka lidhje stacioni hekurudhor, i autobusave apo porti detar.

Nuk po e kuptoj se pse po i politizojnë të gjitha gjërat? A do të ulen çmimet e biletave të fluturimit nëse aeroportin e pagëzojmë Rugova, Jashari ose me ndonjë emër tjetër?
Pse biletat për Shkup janë më të lira se sa ato për Prishtinë? .... (nejse, më falni se duket që kjo është tejet e parëndësishme.....)

[Beni-usa]

Në Gusht do të shkoj në Kosovë dhe me kënaqësi dhe krenari
do të ateroja në aeroportin e çuajtur "Dr. Ibrahim Rugova".


Beni

[DardanG]

[QUOTE=dodoni]Llapi, Lypiani eshte vec nje lagje e Prishtines sikur Besiana, Fushe-Kosova, Kastrioti etj.

Ibrahim Rugova edhe pse ka dhene kontribut te madh ne ceshtjen e Kosoves dhe ne demokracine kosovare, prape eshte figure kontraverze sepse gati 40% e popullit nuk e duan.

Rrespektoj propozimin tënd Dodon dhe madje më pëlqeu shumë si ide. Më shkoj mendja se aeroporti mund të emërohej edhe Dardania...Sidoqë të jetë mendoj se emri Ibrahim Rugova është më i qëlluar. Hidhni sytë nga e kaluara e afërt, në këto dy decenjet e fundit dhe do të shihni se sa e sa delegacioni i jashtëm zyrtar e jozyrtar, aterroi në aeroportin e Prishtinës (kjo ska ndodhur asnjëherë në historinë shqiptare, madje as në historinë vendeve fqinje, që të arrijnë aq shumë delegacione të huaja) përf tu njohur me gjëndjen në Kosovë dhe për tu takuar me Dr. Rugovën. Dhe sa delegacioni shtetëror erdhi në mortin e Presidentit Rugova! Atë e njohu tërë borta dhe e nderoi tërë bota për së gjalli e së vdekuri. Kadare për Rugovën, në një rast tha, "ai i bëri shërbim Kosovës edhe për së vdekuri", sigurisht i mahnitur me numrin dhe rangun e delegacioneve të huaja që arritën në Kosovë, duke ateruar edhe me aeroplan special në Aeroportin e Prishtinës.
Ideja e juaj që emëri i Lekë Dukagjinit të ringjallet dhe të nderohet është shumë i arsyeshëm, sepse na përkujton se historia e jonë, fatkeqësisht janë shumë nga ata që mendojnë ndryshe) nuk ka filluar vetëm para pesë gjashtë vitësh, as para 70 vitësh, apo njëqind vitesh, porse ajo ka edhe një mesjetë(të nderuar) dhe një histori të hershme poashtu të nderuar. Përtrirja e emrit Lekë Dukagjini ( por edhe i princërve të tjerë të mesjetës) duhet të bëhet dhe ka mënyra si të bëhet. Eshtë Rrafshi i Dukagjinit që mbanë emërin e tij, por përse edhe një qytet, apo ndonjë institut shkencor të mos e mbaj emërin e tij...?!
Më la përshtypje një mendim i juaj kur thoni për Rugovën se..." ai ishte "kontraverz...."! Nuk e kuptoj se ku qendroi kontraverziteti i tij?! Qendrimet e tij gjatë gjithë kohës sa ishte në ballë të shqiptarëve të Kosovës ishte "Pavarsia e Kosovës"dhe madje qysh heret ka kërkuar dhe gjithmonë e ka ripërseritur, madje në cdo takim me përfaqësues ndërkombëtar dhe në konferenca shtypi këtë: intervenim të NATO në Kosovë dhe Prektorat ndërkombëtar apo të KB. Gjithëcka ndodhi ashtu sic kërkoj dhe parashikoj (profetizoj) Rugova.
Nëse ju duket dicka "kontraverze" gjatë aktivitetit politik të tij, atëherë duhet ta kemi parasysh se ai, deshi apo sdeshi, ishte edhe një diplomat, një politikan, ndërsa në politikë e diplomaci mendoj se ka vend edhe për kontraverzitet. Megjithatë Rugova ishte i qartë në veprimet dhe synimet e tij.

[Arb]

Me kete propozim, Presidenti Sejdiu, nuk ka kerkuar pelqimin nga Shkijet (te cilet nuk u lejuan te marrin pjese ne ceremonine mortore te Presidentit), nga sherbetoret/zagaret e Shkijeve - Rexhep Qosja, Adem Demaci, Jakup Krasniqi, Radio "Kosova e Lire," Radio Drenica, e as nga Llapi, e cetnike te tjere.

[dibrani2006]

Interesant me keto politikuajt e kosoves, ne vend te punojne per ardhjen e pavarsis por kane hallin e emrit te airoportit,shume thjeshte "airoporti i prishtines"e medet se çna ka gjet, ne shtetet europiane çdo airoport e mban emrin e qytetit te vete kurse te shqipetaret krejt e kunderta.